الكهربائي ابو نايف ولي جرالي معه

[ban444]

السلام عليكم ورحمة الله وبركاته
إخواني الكرام حبيت انقل لكم ما حصل معي ومع الكهربائي المدعو ابو نايف الي بمخرج 17 كان عندي مشكله في الكمبرسر وسئلة عن كهربائي في المنتدى ودلوني عليه علمآ ان في ناس حذرو منه جيت عنده وعطاني من قصص البطولات مع المكيفات الي اقنعني اوضب الكمبرسر والله ان خسرت اكثر من قيمة الجديد يخرب في موتري ونا اتحمل القيمه وعطاني ضمان سنه وطلبت منه فاتوره قال كلامي عن فواتير والله يشهد ما واصل معي المكيف شهر الى وهو اي كلام كل من ركب معي قال مكيف خايس رجعتله اكثر من مره انواع التصريف واروح لكهربائيه غيره وكلهم قال المشكله في الكمبرسر وارسله رساله اني مسافر خارج الرياض والمكيف مازال عطلان واكتب تاريخ الارسال وارسلها عليه واتصل علي وقال رح وقت ماتجي اسويه علي الضمان هذا كله السنه الي فاتت وارجعله اليوم واقسم بالله جحدني وقال انت جايني قبل سنتين وخلص ضمانك وقعد يراوغ لان عنده ناس يوم حشرته بالرساله جحدني وقال جب الفاتوره والله العظيم وربي يشهد على كلام هذا الي صار دفعت حدود 3000 الاف ريال واخرتها كمبرسر خربان لاكن الله لايسامحه لا حي و لا ميت

[خبايا انسان]

تبي الصراحه ,, الغلط منك !!

مخلي الموتر سنه كامله وترجع له ؟ ؟

حتى لو فرضا نقول ماكملت سنه ,, المفروض ترجع له خلال شهر شهرين او ثلاث مو تهمل الموتر كل هالشهور وترجع له

[ban444]

المكيف ما نستخدمه الي بالصيف ورحتله اكثر من مره يحوس في الموتر ويقول خلاص زينته واحيان يقول ماني فاضي بعدها سافرت خارج الرياض مارجعت الي علي البرد وبعدين انا ارسلتله ان المكيف ما صلح واذا رجعت لرياض برجعلك وقال خلاص في اي وقت تعال

[القصاص]

غلطتك اخوي المفروض ما تطلع الا بفاتورة ثاني شي طولت على الرجال وتطالب بحق

[ban444]

من ناحيت غلطان اني ماخذت الفاتوره هذا مافيه شك وبعدين هو معطيني سنه ضمان ولا خلصت السنه

[ban444]

انا من استلمت السياره ومكيفها تعبان بس الظالم يصرفني ويلخبط في الموتر والله قعدت معه حول شهرين رايح راجع الين سافرت
فيه احد مشاكله الي خسرني فيها مبلغ وقدره هو مروحة المكيف يقول لازم تشتغل مع الكمبرسر وكل من سئلة قال تشتغل بس اذا ارتفعت الحرارة طبعا موتري باثفندر

[ابوماجد-1]

الله يعوضك خير

[s3od_797]

أنا تعاملت مع ابو نايف للأسف شخص مخادع بمعني كلمه مخادع وراعي مماطلة راعي كلام وسواليف بطولية بالكهرباء وهي مره تصيب ومره تخيب أن جئته كافيه أزين من استقباله ون دفعت اقعد طارد ورآه

[ban444]

الله حسبي عليه بس

[ban444]

الحذر من التعامل معه لعدم المصداقية

[العتيبي 88]

المفروض ياغالي تنشب لمخه 24 ساعه عند بابه ... لاكن عليك بالتحسب ونسأل الله له الهدايه وثق تمام الثقه أن النوعيه هاذي ماتدوووووم

[كلاش الشمال]

الله يعوضك ان شاء الله وهذي مشكلة العماله عندنا يجي من دياره مايعرف ويتعلم في سياراتنا الله يعين عليهم بس

[ban444]

حسبي الله عليه
والحذر من التعامل معه او مع غيره والثقه الزايده هي الي دهورتنا

[Abbas2]

رأيي الكمبرسور ما لة الا التغيير كلمة توضيب توليف ما هو صحيح الورش لوعتنا جابت لنا الصمرقع انا ما ادري وين خريجين المعاهد ليش ما يمسكون الورش

[صياد جنوبي]

تبون نصيحه اللي يبها ياخذها واللي ما يبيها يتركها لغيره

روح اشتر لك ساعه امريكي حق قياس الفريون حوالي 150ريال

اشتر لك اسطوانة فريون 412 بي يعادل قوة الامريكي درجة اولى

اشتر لك زيت 3g او فور جي حق الفريون 35 ريال
جرب في سيارتك وعبها وانتبه لايزيد الضغط عن 35 في اللون الازرق اللي في الساعه
عبها وجرب البروده راح تكون افضل من شغل هذولي الكذابين اللي شبعنا من خداعهم للناس

راح تكون التكلفه اقل من نصب الكهربائي

على فكره ترا كل الفريون اللي عندهم صيني ومعبينه في اسطوانات امريكيه ههههههههههههههه

لو فيه حماية مستهلك كان تلاقون الامريكي موجود ورخيص ولكن صيني بميه ويعبيه لك بثلاثميه
خذو النصيحه وبراحتكم

معلومه
ترا نوعية الفريون له دوور كبير في التبريد ويختلف من سياره لسياره يمكن حاط لك 134اي صيني من ارخص نوع

تحياتي للجميع

[علومك غانمه]

وهذا احد المواضيع الي حذرت منه