بــعد توضـــيب مكينــة الفــتــك ,, الضغــط ( RPM ) نــاااازل

[a.w.T]

بسم الله الرحمن الرحيم

تحية عطره لكل اعضاء هذا المنتدى المميز

اليوم الحمد لله طلعت موتري بعد ما وضبت المكينة وكلفت بصراحة حدود 23 الف , علما اني غيرت راس المكينة جديد وكالة و غيرت عمود الكرنك وكل قطع المكينة اصلية ,,

لكن واجهتني مشكلة بعد التوضيب وهي ان ضغط المكينة نازل بقوة والموتر ينفض

ويرتفع شوي ثم يرجع ينزل

طبعا راعي الورشة يقول من البلوف (valves) وانا غيرت البلوف كاملة جديدة 24 حبة مع الراس ووديته المخرطة ووزنوها

انا شخصيا ما اعتقد انه من البلوف

و عندي بعض الاحتمالات منها :-

1_ احتمال الديلكو مو موزون صح

2_ احتمال الحساس حق الاقزوز معكوسة يعني حساس 1 مركب مكان 2 والعكس

و اللي عنده حلول آخرى ارجوا انه يفيدني فيها واذا كانت احتمالاتي خاطئة ياليت يخبرني

واللي يعرف ورشة متخصصة بالشرقية ياليت يفيدني

ويعطيكم العافية وعذرا على الاطالة

[zzss]

لاوضبت المكينه وضبها عند ورشه متخصصين بكل الأعطال
عشان يحلون لك العطل لو كان كهربائي وسعر توضيبك
والله انه غالي مره لو اخذت مستعمل أفضل لك انصحك ترجع للورشه
وخلهم يشفون من وين المشكله اذا كان معك ضمان وبالتوفيق.

[ساهر حايل]

الله يعوضك ياغالي ويعطيك خير الموتر .. رايي لاتتعداء الورشة نفسه هم المسئولين لو يسلمونه الوكاله براحتهم انت لاتحاول تعبث به عند اي مكان لكي لايكون عذر لهم ...

الله يوفقك

[a.w.T]

وانا اخوك سعر مكينة الفتك 20 الف مديل 2006 !

ولا تدري وش اللي ببطنها !! ,, برايك وش الافضل تاخذ من التشليح ولا توضب مكينة وتغير كل القطع اللي فيها وكالة ,,
يعني المكينة الحين كل شي فيها جديد ماعدا اذرعة البساتم , الباقي كله جديييد

لكن اذا تخبرلي ورشة متخصصة بالشرقية ياليت تفيدني

[a.w.T]

الله يعوضك ياغالي ويعطيك خير الموتر .. رايي لاتتعداء الورشة نفسه هم المسئولين لو يسلمونه الوكاله براحتهم انت لاتحاول تعبث به عند اي مكان لكي لايكون عذر لهم ...

الله يوفقك

الله يجزاك خير

الموتر الحين عندهم وهو على كلامة يقول مررن الموتر 1000 كيلو بعدين تعال يمكن تروح المشكلة ويرجع طبيعي !

انا عرضت المشكلة عليكم لكي نستفيد من خبراتكم
وشكرا لكم على سرعة الاستجابة

[ls1.5700]

ممكن سؤل
فيه لمبه مولعه بالطبلون على شكل مكينه لونها برتقالي اولا

[Noz]

احتمال الحساس حق الاقزوز معكوسة يعني حساس 1 مركب مكان 2 والعكس هذا الاقرب للمشكلة او حساس الاهواء

[a.w.T]

ممكن سؤل
فيه لمبه مولعه بالطبلون على شكل مكينه لونها برتقالي اولا

لا والله يالغالي هذا اللي مستغرب منه كل شي طبيعي بالطبلون ولمبة المكينة طافية !

[a.w.T]

http://i550.photobucket.com/albums/ii426/ra3i-alvtc-999/914c5875-1.jpg?t=1295521433


مثل هذي الصورة

[وااضح]

مشكلتك من حساس الهوا الي فوق قربت الهوا
ممكن يحتاج تنظيف او تغيير

[ls1.5700]

اخوي احتمال كبير تكون المشكله من طرنبة البانزين ضعيفه
شيك عليها وافحص ضغطها
لازم يكون الضغط من 40 وفوق
اذا طلع الضغط زين
فـ المشكله مثل ماقال لك المهندس
من البلوف تحتاج وزن

ملاحظه لو المشكله من احد الحساسات تولع لمبة المكينه

[a.w.T]

اخوي احتمال كبير تكون المشكله من طرنبة البانزين ضعيفه
شيك عليها وافحص ضغطها
لازم يكون الضغط من 40 وفوق
اذا طلع الضغط زين
فـ المشكله مثل ماقال لك المهندس
من البلوف تحتاج وزن

ملاحظه لو المشكله من احد الحساسات تولع لمبة المكينه


الله يسستر

طيب هل تتوقع تكون المشكلة من الديلكو ؟؟ عندي احساس انه مو موزون صح

بالنسبة لطرمبة البنزين قبل لا يتوضب ماكانت فيه ذي المشكلة , ووقت التوضيب ماجوها ,, نقول ان شاء الله انه مو منها

[ابوسند9]

مشكلتك من حساس الهوا الي فوق قربت الهوا
ممكن يحتاج تنظيف او تغيير
تنظيف ممكن
لاكن تغيير مستحيل لانه سليم مليون بالميه

[ابوسند9]

المشكله مالها دخل بوزن البلوف وحتى لو كان صوت المكينه مثل صوت مكينة الديزل
وللعلم الفتك نادرا جدا يطلب وزن بلوف واذا احتاج وزن يتم وزن با الغالب بلف واحد فقط وطريقة وزنه تختلف عن باقي المكائن بحيث يتم تغيير الورده التي في راس البلف
لكن انا بعطيك الاحتمالات التاليه
خرطوش القربه اما انه ما ركب كويس او ان فيه خرم صغير ولو كان كبر خرم الابره يؤثر ذالك
اللهات ممكن تحتاج تنظيف
الفلتر اذا كان قديم
حساس الهواء ممكن يبغى تنظيف
مشكله في تركيب واير الابنص
ربما تحتاج برمجه
وممكن عندك ضغط طرمبة البنزين لذا سو لها قياس قبل التغيير وشيك على فلتر البنزين
وشيك على حساسات القزوز وعلى الافياش وتركيبها لاتكون معكوسه
واما با النسبه للديلكو ممكن يحتاج وزن لاكن انصحك بورشه متخصصه بالفتك فقط لان وزن الديلكو بالرقم يتم وزنه
وقبل كل شي افصل اصابع البطاريه وجرب ولا تستعجل بتبديل اي شي حتى تتاكد وللعلم المشكله بسيطه لاكن طول بالك عليها وممكن مع الوقت تختفي المكشله
والله ييسر امرك ان شاء الله

[المميـز]

:

افحصه كمبيوتر ويبين معك ان شاء الله

:

[zzss]

لو تقدر تمر الرياض أرسلتك لورشه ماراح تطلع من عندهم الا معطينك
سبب المشكله وحلها باذن الله خبره بتشخيص الأعطال وتوضيب المكاين وخصوصا النيسان
عندهم مهندس فاهم فيها وعندهم كهربائي شغله مضبوط من فتره واحد
جاب لهم سيارته من شراها جديده وهي فيها حراره ولاعرفو لها الوكاله
حتى الورش ماعرفولها المهم راعي الورشه جاب المهندسين اللي
عنده وفحصها معهم لقو غطى زيت المكينه يشفط هوا وعرف المشكله انها
عيب مصنعي وبعد مافك الراس لقى وجيه الراس مقلوبه واذا ماتقدر تجي الرياض
لاتستعجل يمكن يجي واحد في منطقتك ويدلك على ورشه جيده والله يسهل امرك.

[a.w.T]

:

افحصه كمبيوتر ويبين معك ان شاء الله

:


وانا اخوك ماراح يبين شي بالكمبيوتر لان لمبة المكينة طافية

[a.w.T]

المشكله مالها دخل بوزن البلوف وحتى لو كان صوت المكينه مثل صوت مكينة الديزل
وللعلم الفتك نادرا جدا يطلب وزن بلوف واذا احتاج وزن يتم وزن با الغالب بلف واحد فقط وطريقة وزنه تختلف عن باقي المكائن بحيث يتم تغيير الورده التي في راس البلف
لكن انا بعطيك الاحتمالات التاليه
خرطوش القربه اما انه ما ركب كويس او ان فيه خرم صغير ولو كان كبر خرم الابره يؤثر ذالك
اللهات ممكن تحتاج تنظيف
الفلتر اذا كان قديم
حساس الهواء ممكن يبغى تنظيف
مشكله في تركيب واير الابنص
ربما تحتاج برمجه
وممكن عندك ضغط طرمبة البنزين لذا سو لها قياس قبل التغيير وشيك على فلتر البنزين
وشيك على حساسات القزوز وعلى الافياش وتركيبها لاتكون معكوسه
واما با النسبه للديلكو ممكن يحتاج وزن لاكن انصحك بورشه متخصصه بالفتك فقط لان وزن الديلكو بالرقم يتم وزنه
وقبل كل شي افصل اصابع البطاريه وجرب ولا تستعجل بتبديل اي شي حتى تتاكد وللعلم المشكله بسيطه لاكن طول بالك عليها وممكن مع الوقت تختفي المكشله
والله ييسر امرك ان شاء الله


بيض الله وجهك يالنشمي عز الله انك ماقصرت

وباذن الله بسوي كل اللي قلتلي عليه واي شي بيصير معي بخبركم

[مشبعين الطير]

معوض خيرر ياخووي المشكلة اللي عندك تراها مافيها هاك الصعوبة انا وضبت الفتك اللي كان معي عند التركي واول ماشغلوهـ صارت نفس المشكلة على طول قام يشيك بالكمبيوتر على الهواء الداخل والخارج وشيك على منضم الدعسه وليات الهواء وضبطت الامور مع العلم ان لمبة التشيك ماكانت شغاله وشكرا

[المنيعي1]

وانا اخوك ماراح يبين شي بالكمبيوتر لان لمبة المكينة طافية

ماهي دليل المبة اناوضبت مكسيما قبل فترة وبعد التوضيب طلع الضغط نازل واحياناً تطفي
ورحت كهربائي فاشل وقعد يحوس باسيارة وكأنه تحسنة شوي يعني صارة ماتطفي بس به نفضه وفصل احد الحساسات وقال ﻻزم تغيره وحصلته غالي بالوكال رحت لتشليح واجيبله واحد ويركبه وﻻ يظبط شكيت انه ماعنده سالفه

رحت لكهربائي ثاني وشبك الحساس اﻻول وفحص كمبيوتر قال كلشي سليم وسوا برمجة وظبط الموتر ولله الحمد

[ابوسعد688]

اتوقع الفحص بالكمبيوتر بيعطيك اماكن الخلل في كهرباء وحساسات السياره
وإبدأ بالأسهل
والبرمجه بعد التوضيب أعتقد أنه لابد منها
والأخوان فيهم الخير والبركه يفيدونك إن شاء الله أفضل مني

[ابوخليل200]

حساااااااس الهواء.
وشكراً.

[RW7..ALBDAWA]

اخـوي امش على كلآم الموضب لآن هو دكتورهآ مآدآمـه قآلـك امش عليـه الـ1000 وجبـه فـ انت سو اللي يقولـه مسسسك الموتر خطوط على سرعه 120 وصصدقنـي بعدهآ بيسلـك ...

[مظلووم]

اخوي افصل البطاريه ١٠ دقايق واشبكها تاكد من وزن الديلكو صحيح بالمسدس تاكد من البواجي جديده تاكد من حساس الشكمان

[راع الباثفندر]

فيه ورشة بالدمام اسمها صبيا ما اعرف محلها بالظبط لاكن اسأل عنها وبتلقاها
فيها سوداني خبره وتقريبن هي من الورشات المعروفه بالدمام وان شاءالله اكون افدتك

[راع الباثفندر]

بالخضريه طبعا واسم السوداني ابو خالد ان شاءالله تلقاه انا جايه قبل كم شهر كان مسافر اتوقع رجع

[رسلان الوايلي]

اخوي المشكله مشكله برمجهه فقط
وانت تقول موتركك قبل لا يتوضب ماكان فيه شي