عندي مشكله امبير الزيت

[2008تاهو]

بسم الله الرحمن الرحيم
اخواني عندي امبير الزيت اذا شغلت السياره يطلع على الثلاث ارباع
وبعد ماتحمى السياره يستقر بين النص والثلاث ارباع
اذا شديت على السياره يوصل قبل الثلاث ارباع بشوي
ماشاء الله السياره مافيها شي لا طقطقه ولاصوت
صوت المكينه ممتاز
السياره تاهو2008 دبل

[خالد الحفر]

عادي اخوي طبيعي واذكر فيه موضوع بخصوص هالمشكله ولكن ترا طبيعي مره مره لما تصخن السيارة ينزل لفوق الربع شوي ولما تشغلها وهي بارده فوق النص قبل ثلاث ارباع اما بالنسبة لدوسة البنزين وارتفاعه فهذا عادي مره

[2008تاهو]

مشكر اخوي الله يبارك فيك

[R I V A L]

عادية جدا ولا توسوس اخوي
ترى كثر الوسوسة تجيب المشاكل

الله يبعدها عنا

وبالتوفيق

[ابو فاارس]

أول ما تشغل السيارة و هي بارده ( لاحظ مؤشر سرعة دوران المحرك مرتفعة ) فيه حساس درجة حرارة سائل تبريد المحرك مثبت في مكان ما في المحرك ( غالبا في الكوع الموصل للخرطوش المؤدي من المحرك الى اعلى الرديتر ) هذا الحساس يرتبط بصمام منظم البخاخ بحيث لو درجة الحرارة منخفضة يفتح البخاخ بنسبة زايده شوي ليحرق الوقود بكمية أكبر للوصول الى درجة الحرارة المطلوبة ,,, كلما ارتفعت درجة حراراة سائل تبريد المحرك كلما تدخل الحساس في تقليل كمية حرق الوقود و بالتالي تقل سرعة دوران المحرك


( كلما زادت سرعة دوران المحرك سواءا بتدخل بشري أو آلي كلما زادت قوة ضغط الزيت بسبب زيادة سرعة دوران مضخة الزيت لانها مرتبطة بعمود الكرنك سواءا ترس او سير )


معلومة اضافية خارجه عن الموضوع ...

بعض المحركات يوجد بها حساس ضغط الزيت و يرتبط بمؤشر في لوحة العدادات أمام السائق
و بعض المحركات ( محركات الديزل على وجه الخصوص ) يوجد بها مفتاح موصل بدائرة كهربائية و يعمل بفعل ضغط الزيت ) بحيث لو شغلت المحرك و الزيت ناقص عن الضغط المطلوب فانه لا يكمل عملية التشغيل و لو كانت كمية الزيت اكثر من اللازم و الضغط تعدى الحد المسموح به يتدخل المفتاح بايقاف تشغيل المحرك .


الوضع عندك طبيعي بل لو ما صار عندك زي كذا فاعلم ان هناك خلل يجب اصلاحه


الله يعطيك خيرها و يكفيك شرها