المساعد الشخصي الرقمي

مشاهدة النسخة كاملة : كثير التواصيف


الذعذاع الحربي
25/09/2006, 12:10 AM
بسم الله الرحمن الرحيم
مساكم الله بالخير جميع
وكل عام وانتم بخير

هذه بويتات قلتها في احد المقانيص
وهي لها مناسبه حبيت اقولها لكم
والبدايه في ديرت نقنص لها انا وربع لي كل اسبوع تقريبا قبل حوالي سبع سنين والديره اللي نروح لها تبعد حوالي
200كم تقريبا عن المدينه المنورة ناخذ فيها ثلاث ايام انتونس فيها ونسج عن دوخ الارتباطات والرجه المهم مالكم باطوالها معنا جيب صالون تويوتا موديل 82 ومع الخط ماهو بالحيل وهيضني جيب ربع شفته وحنا قانصين يطوي البيدا طوي الله يعطي راعيه خيره ويكفيه شره وقلت هذه القصيده المتواضعه جدا
بس حبيت اشارك معكم وابي منكم تعطوني اي ملاحضات على القصيده وتفيدوني جزاكم الله خير


ياراكب جيب كثير التواصيف ****اشعل نضيف من الطراز الجديدي
ربع دروبه عاليات الشناضيف **** كنه قطار فوق سكة حديدي
من وارد اليابان صب وترصيف **** ما حافه التجميع من كل ميدي
في سرعته مثل الرياح العواصيف **** يطوي ديار طي لوهي بعيدي
وبلوف ماطوره تصافف تصافيف **** وحسابها عشرين واربع تزيدي
عزمه ليامنك نويت الشفاشيف **** عطه الدبل واحذر غياره تعيدي
خله مع السنده تجيله غطاريف **** يطرب لها قلبي وروحي تهيدي
نبا لنا درب عن الناس ماشيف **** في هضبتن فيها الوباره نصيدي
مع خوة رجال نشاما عواريف **** مافيهم اللي بالمخاوى نكيدي
نطاحة الواجب بيوم العواجيف **** عدوهم تصلاه نار الوقيدي
ويازين جلستنا على دلة الكيف **** وسوالفن معها نقول القصيدي
ايام نقضيها ولاهي حواسيف **** والعمر فاني والبشر للنفيدي
وصلاة ربي عد مابارقن شيف **** واعداد ماطير شدى بتغريدي
على رسول بين الحق والزيف **** شفيع الامه يوم وقت شديدي

وسلامتكم
عيون الغلا
25/09/2006, 01:20 AM
صح لسانك طال عمرك تسلم والله
وعسالله يبدل الــ82 بـــ2007
الذعذاع الحربي
25/09/2006, 11:51 PM
صح بدنك اخوي عيون الغلا

وابشرك تبدل بـ 91 صالون

وعساك سالم

اخوك المهلي مايولي
نقا هشال
26/09/2006, 02:29 AM
هلابك ياغالي

مرحبا ومسهلا

كل عام وانت بخير

يعطك الف عافيه

وصح لسانك مليون قصيده رائعه
ابوهديل 8
26/09/2006, 03:32 PM
بيض الله وجهك اخوي المهلي مايولي وصف يعكس مدى البراعه والدقه في التوصيف جزاك الله خير واقبل مني هذا الرد المتواضع :
ياللي وصفت الجيب وصف العواريف****** وصف الرجال الطيبين السديدي
وصفت وصفن مابه ايات تحريف ****** يالله عساك بكل يومن سعيدي
وتبغى مع الجيب اخوياً لك مراديف ****** انا خوين لك وابا ارفع لك ايدي
يالله تكافينا شرور الصواديف ****** وتجعل صعيب الامر لنا يهيدي
هذاك منوه للحضر واهل الريف ****** وفالبر مامثله وطيبه يزيدي
يضرب صحاصيح الوطا كنه السيف ****** انشهد ان بمواصفاته فريدي

وسلامتكم
الذعذاع الحربي
26/09/2006, 07:58 PM
الاخ العزيز ( نقا هشال ) بك المهلا وكل عام وانت بخير وصح بدنك
مرورك شرف لي طال عمرك

الاخ العزيز ابو هديل 8 صح السانك على الرد ووجهك ابيض
ومعرفتك مكسب

اخوكم المهلي مايولي
ريف النشاما
27/09/2006, 04:16 PM
تسلم يالمهلي مايويلي على هذه المنظومة الجميلة

كفيت وفيت وجعلك تسلم

وتقبل تحيتي
الذعذاع الحربي
03/10/2006, 07:04 PM
الله يسلمك مشرفنا العزيز وهذا من طيبك طال عمرك

وعساك تسلم والكدر ماتشوفه *** بجاه الذي نجا من الكرب يعقوب

المهلي مايولي
الجندي2005
04/10/2006, 03:33 AM
صح لسانك زلسان ابو هديل سلمتوا
الجندي2005
04/10/2006, 04:20 AM
الله على اللي بالمصانع ولا شيف
********************* حتى الوكالة ما درت به جديدي
كل المزايا فيه حتــــى العواريف
********************* تهـــــولت به وفي نظرها تعيدي
هو منوة اللي طلعهم بالمشاريف
*********************و ما غسلوه اهل القلوب البليدي
وما طــعـسوبه شله ما بها كيف
********************* اهل العـــقول المارجه ما تفيدي
هذا منــاي وكل ربعي ملاهيف
********************* على المغـــانم ودربهم ما يحيدي
رفيقــــهم مـا ردد القول ياحيف
********************* دايم ضـحوك وكل وقته سعيدي
كلامهم واقــع خليٍ من الزيف
********************* بالصــــيد ولا نبدة ٍ من قصيدي
الذعذاع الحربي
05/10/2006, 08:13 PM
عساك سالم اخوي (الجندي 2005)

وصح الله لسانك

اخوك المهلي مايولي