المساعد الشخصي الرقمي

مشاهدة النسخة كاملة : أستفسار عن ورشة بالرياض ( حادث جيب لاندكروزر )


مرير الشوق
12/05/2013, 09:38 AM
السلام عليكم ورحمة الله


اخواني قدر الله وصار حادث جيب جي اكس ار الشكل الجديد
والحمد لله جت سليمة بالارواح ..


الحادث طمر رصيف على سرعه


وبعد الفحص المبدئي تبين ان اللي تضرر

1/ الشاص يبي تعديل ..
2/ الكارتير مكسور ..
3/ الدودة الدركسون تحتاج تغير ..
4/ الدفرنش لم يحدد بعد ولكن لازم يفك بعدين ..
5/ الادرعه والمقصات كلها رايحة من جهة اليسار ..
6/ المكينة مدري تأثرت ولا لا .. لأن لازم يتصلح الحاجات اللي فوق بعدين نتأكد من المكينة



المطلوب ياخواني ورشة بالرياض شغل نظيف والسعر مقبول الى متوسط الله يجزاكم خير

واللي له خبره بالاشياء هدي يرشدني


وان شاء الله اطلع اليوم العصر اوديه للورش ..؟ وافيدكم بأسعار الورش .. بس عسى ماتكون غاليه :(



والله يستر علينا وعليكم من شر هالحوادث
hassan-55
12/05/2013, 11:37 AM
الحمد لله على سلامتكم
وعسى الله يعوضك خير
يفيدونك الشباب ان شاء الله

الله ييسر امرنا وامرك وامر كل مسلم..
ابو فارس66
12/05/2013, 11:43 AM
الحمد لله على سلامتكم

انا صار لي حادث بكامري موديل ٢٠٠٠ طمرت رصيف وانعدم عندي جهة يسار كلها مقصات واذرعه وكمر ودركسون ومساعدات. رحت بها لميزان اليرموك قال لي قطع غيار بس ٤٨٠٠ وشغل ايده ١٨٠٠ قلت خلني ادور ورش ثانيه . وكتبت الموضوع قلت خلني احط عنده خبر واغدي احد الاخوان يفيدك ويفيدنا
sgl2002
12/05/2013, 11:54 AM
والله ياخوك ان طعتني بعه على حاله يجيب لك سعر طيب


وبقيمة التصليح وزود شوي وخذ مثله


ترى الموتر ان انصدم ماعاد يسوى وكل يوم يطلع لك بعله خصوصا ان الشاص بيتعدل
مرير الشوق
12/05/2013, 12:16 PM
أشكركم أخواني جميعاً على المرور الكريم والمشاركه الطيبه


اليوم مريت ورشة بن مرضاح في الصناعية القديمة وقال شغل يدي بس 16 ألف :eek:

قلت العصر بجيك اسحب الموتر بسطحه


ادا ابن مرضاح بياخد 16 آلف .. وش خلا للوكالة اجل


واليرموك سمعتها طيبه بس مدري بيستقبلون موتري ولا لا ..؟

لان فيه حاجات اكبر شوي من ميزان مثل البدي يبي له سمكره والدوده والكرتير يبي لهم تغيير



وشرايكم
أطلال نجد
12/05/2013, 12:26 PM
الحمد لله على سلامتكم

عندك ميزان اليرموك و ميزان العضيب و ميزان المجد


السمكرة أتركها آخر شيء
مرير الشوق
12/05/2013, 02:25 PM
الحمد لله على سلامتكم

عندك ميزان اليرموك و ميزان العضيب و ميزان المجد


السمكرة أتركها آخر شيء


فكرة جيده اخوي واشكرك عليها

طيب السمكره وين اشتغلها
راعي الرود
12/05/2013, 02:54 PM
والله ياخوك ان طعتني بعه على حاله يجيب لك سعر طيب


وبقيمة التصليح وزود شوي وخذ مثله


ترى الموتر ان انصدم ماعاد يسوى وكل يوم يطلع لك بعله خصوصا ان الشاص بيتعدل

اذكر الله يارجال

اذا اشتغلت بالموتر عند ورشه مضبوطه صدقني ان شاء الله ما تواجهك اي مشاكل الا أن كان نفسك طابت الموتر فـ بهالحاله مالك الا بيعته

رح لليرموك ولا المجد صلح اللي يتصلح و غير اللي يتغير , انا توني جاي من ميزان المجد اشوف عندهم تاهو اسود و فورد فليكس منقلب قاعدين يصلحون بطنه

اما السمكره امرها هين .. اذا بـ ترخي الريال عندك ارناج و الوفاء لا تتعداهن و رح لـ اطلق شريطي خله يفحص

اما لو تبي شغل ممتاز لكن مهوب مثل جوده ارناج و الوفاء شف صناعيه العاصمه على الدائري و انت متجه غرب و جاك مخرج 28 شارع المدينه المنورة ادخل معه و ديور يصير وجهك شرق اول لفه ادخل معها يمين و ابتل سيده لين تجيك الورشه على يمينك هنقر عليه علم تركيا والله مدري وش اسم الورشه بالضبط لأني من زمان ماجيته بس اللي يشتغلون فيها اتراك و اسعارهم معقوله و صلحت عندهم 3 سيارات الالتيما رشيت رفرفها و ماشاء الله شغل لا يعلى عليه ما بآن انه مرشوش و مسمكر الرفرف مع انه من 4 سنوات و بعدها بآترول فضي سمكره جنب يمين بابين و رفرف خلفي وسمكه والقائم بين البابين الموتر لجارنا و هذا هو معه و دايم يلبقه بالشمس ماعنده كراج وماشاء الله إلى اليوم وبويته كأنها وكاله و جبت له كذا موتر من مواتر العيال و كلهم يمدحون شغله

اعذرني والله مدري وش اسم الورشه نسيتها وانا اخوك بس لا دخلت يمين انت و بتلت ترا ماهنا الا كم ورشه شف هو منهم اهم شيء لاحظ العمال لا صارو اتراك اسأل عن واحد اسمه (كارلوس) هذا حق السمكره ماشاء الله يده تقل ريشه
zzss
12/05/2013, 03:13 PM
الحمد لله على السلامه لكن اذا السياره متضرره بالمحركات وبتكلف سعر غالي الأفضل البيع واحسب الفرق الا اذا بتستخدم
واللي خلاني أعطيك الراي هذا لأني خابر الورش ومطلستهم نادر تلقى اللي يضبطها لك والله يسهل أمرك.
ابوتركي qaz
12/05/2013, 05:22 PM
الاخ مرير الشوق سلامت الابدان فية واحد بالتشليح يمكن يختصرلك المشوار ويصلح 70 بلمية من المشاكل الموجودة والباقي شفلك ورشة ارخصلك اذا حبيت ارسلي على الخاص وابشر بسعدك
مرير الشوق
13/05/2013, 07:39 AM
اذكر الله يارجال

اذا اشتغلت بالموتر عند ورشه مضبوطه صدقني ان شاء الله ما تواجهك اي مشاكل الا أن كان نفسك طابت الموتر فـ بهالحاله مالك الا بيعته

رح لليرموك ولا المجد صلح اللي يتصلح و غير اللي يتغير , انا توني جاي من ميزان المجد اشوف عندهم تاهو اسود و فورد فليكس منقلب قاعدين يصلحون بطنه

اما السمكره امرها هين .. اذا بـ ترخي الريال عندك ارناج و الوفاء لا تتعداهن و رح لـ اطلق شريطي خله يفحص

اما لو تبي شغل ممتاز لكن مهوب مثل جوده ارناج و الوفاء شف صناعيه العاصمه على الدائري و انت متجه غرب و جاك مخرج 28 شارع المدينه المنورة ادخل معه و ديور يصير وجهك شرق اول لفه ادخل معها يمين و ابتل سيده لين تجيك الورشه على يمينك هنقر عليه علم تركيا والله مدري وش اسم الورشه بالضبط لأني من زمان ماجيته بس اللي يشتغلون فيها اتراك و اسعارهم معقوله و صلحت عندهم 3 سيارات الالتيما رشيت رفرفها و ماشاء الله شغل لا يعلى عليه ما بآن انه مرشوش و مسمكر الرفرف مع انه من 4 سنوات و بعدها بآترول فضي سمكره جنب يمين بابين و رفرف خلفي وسمكه والقائم بين البابين الموتر لجارنا و هذا هو معه و دايم يلبقه بالشمس ماعنده كراج وماشاء الله إلى اليوم وبويته كأنها وكاله و جبت له كذا موتر من مواتر العيال و كلهم يمدحون شغله

اعذرني والله مدري وش اسم الورشه نسيتها وانا اخوك بس لا دخلت يمين انت و بتلت ترا ماهنا الا كم ورشه شف هو منهم اهم شيء لاحظ العمال لا صارو اتراك اسأل عن واحد اسمه (كارلوس) هذا حق السمكره ماشاء الله يده تقل ريشه


كلامك وافي الله يجزاك خير يالغالي

واشكرك على المداخلة الجميلة والوصف :good2:
مرير الشوق
13/05/2013, 07:40 AM
اشكركم على المرور اخواني وبوديه اليوم للعضيب وبشوف وش يقول عن السعر وان شاء الله اقول لكم الفرق عن بن مرضاح
عبار درب
13/05/2013, 12:13 PM
الحمد لله على السلامة والي ما جعلها اعظم
انصحك تروح لورشة العضيب لاند كروزر في الصناعية تشاورهم
الله يعوضك خير واياك و كل مسلم
يكفيني نظرة
13/05/2013, 12:50 PM
الحمدلله على السلامه ..
المشكله عندك الله يعينك على قيمة قطع الغيارمعي لاندكروزر 2004 اخذته مستعمل ولقطت به كلفني الى الان 9000 ريال من مقصات وصوف دبل وسحب دفرنس ومساعدات وفحمات وقماشات ورباطات ووزن اذرعه ..
ومن ناحية موترك واحد من الشباب معه 2010 صدم به مع الرفرف اليمين وغير قطع كلفه 12000 ريال لكن ممكن تشيك على القطع المستعمل بالصناعيه القديمه لان اسعارهم نص سعر الجديد او اقل مثل النور لقاه جديد ب 3300 واشتراه ب 700 ريال مستعمل..
مرير الشوق
13/05/2013, 02:03 PM
كلام طيب من رجال اطيب

وجزاكم الله خير على الاشوار الطيبه

بعد شوي بطلع للعضيب ان شاء الله
أطلال نجد
14/05/2013, 08:58 AM
بالنسبة للدهان و السمكرة فيه ورشة طيبة و شغلهم نظيف بالحيل في صناعية الشفا

اختصاصهم جيوب اللكزس و اللاند كروزر لكنهم غالين شوي إذا تبي عنوانها راسلني و أبشر بالخير
أبو هشام راشد
14/05/2013, 09:54 AM
الحمد لله على السلامة
والله ييسر أمرك
مرير الشوق
15/05/2013, 10:18 AM
اشكركم جميعاً على المرور الكريم

مبدئياً صلحت المقصات واصلاح الدوده الدركسون الين وقف الموتر على كفراته عند العضيب وكلف 5000 مع القطع


بس المشكله طلع بعد فيه الشاص يبي له تعديل وبيكلف 5000 عند العضيب

والكرتير الالمنيوم منشعر وبيكلف برضوا 4000 مع القطع عند العضيب

وش رايكم اشتغل عنده ولا تخبرون ميزان افضل لتعديل الشاص لان والله سعره شوي غالي


وبخصوص السمكره بخليها اخر شي الين يتعدل الموتر


ارجوا الرد مشكورين وجزاكم الله خير
مرير الشوق
15/05/2013, 10:30 AM
ياخوان استفسار بسيط وين مكان ورشة اليرموك ..؟
أطلال نجد
15/05/2013, 10:31 AM
ما شاء الله عليك أخوي

أهم حاجه كل شيء تسويه بالسيارة لا تنسى تأخذ عليه ورقة ضمان مختومة

كل شيء كرتير دودة مقصات أذرعة و ميزان و أهم شيء اللحام و تعديل الشاص

بالتوفيق
أطلال نجد
15/05/2013, 10:35 AM
شارع الجمعية قبل الكبري الثاني على يمينك أول تقاطع خذ يمين أطلع قدام يجيك T أطلع يسار يجيك اليرموك على يمينك و ترى لهم أكثر من فرع و عمالتهم المشهورة قديماً تغيرت و صار اليرموك الآن زيهم زي غيرهم
مرير الشوق
15/05/2013, 10:48 AM
أشكرك اخوي أطلال نجد على مجهوداتك معي والله يجعلها في موازين اعمالك


وان شاء الله باخد عليه ضمان

وبحاول امر اكثر من ورشة للتأكد من سلامة الشاص وامكانية تصليحه
راعي الرود
15/05/2013, 12:07 PM
العضيب غالي مر ميزان المجد او اليرموك او ميزان البلاد و كلهم على نهايه شارع الجمعيه باتجاه الغرب بتحصل ميزان البلاد على يسارك بعده رح يسار فيه المجد متقابلات و حولهم هناك فيه اليرموك
aaa3
15/05/2013, 06:03 PM
الحمد لله على السلامه
اخي انا انصحك انك تسوم القطع وتشوف شغل اليد وتقارنها ببيعه في التشليح او تعرضه عند المزيد على الدائري الجنوبي وتقارن ايهما افضل وتحدد اليبع او الاضلاح
اما بالنسبه للورش في تعديل الشاس انا مجرب بن مرضاح صراحه شغل افضل من الوكاله كلفني شغل اليد عند 15 الف وقطع الغيار 25 الف واستخدمت الموتر 5 سنوات ماشاء الله وبعته بعدها بسعر طيب السيارة لاند موديل 99