طلع لي شيء جديد بعد ماقالوا لي توظيب

[كومبو]

السلام عليكم ورحمة الله وبركاته

بعد هالموضوع وكل ورشة بالصناعية القديمة دخلتها قالوا لي توظيب
رحت لهم قالو توضيب قير ؟ (http://www.mekshat.com/vb/showthread.php?t=572890)

قال لي واحد خله على حالته لين يوقف مرة وحده ثم وظبه أو غيره , وهذااللي بسويه
الأسبوع الماضي ومع هالمطرة الزينة الله يبارك فيها

اضطريت أن أقطع منقع ماء كبير شوي مع التصاريف الحلوة اللي في شوارعنا
يوم وصلت للبيت وجيت بلبق دقيت الريوس ولاحظت اختفت الطقة تمامًا وصار التغيير سلس

لكن من بكره رجعت الطقة مثل الأول وش تتوقعون اللي صار وهل الماء له دخل ؟

[أَبوابراهيم]

ماعندي خلفية ياغالي

لكن اذكر قد صارت مشكلة مشابهة ليست في القير وطلعة السالفة تشحيم :)

[abo naser 1]

السلام عليكم

ممكن يوم جا القير مويه وبرد زان تعشيقة معناته حرارة زيت القير زايدة و يحتاج مبرد

كان معي موتر يعشك 2,1,4 طبيعي المشكله في الثالث مريت كل المراكز الكبيرة والصغيرة كلهم قالو توضيب البعض منهم وانت مقبل علية يقول توضيب ورحت ليماني موصى علية شافة وقال توضيب وقلت شف أخر كلام توضيب ماني موضب ابودية للسوق ان حدت للتوضيب قالي شف فيه حاجة في وسط القير احتمال تكون منها قلت أبوك في الجنة هذا الي نبية صلحة وابعطيك حقك وزيادة وحطيت الموتر الصبح فك القير ونظف مخ القير وغير قطعة مدري وشي وعبينا زيت وله سنتين ولا أحلا منه

[المحلسي]

يمكن تبريد القير

[ابوخليل200]

السﻻم عليكم.
اخوي الفاضل.
شيك على حساس القير.
وعلى مبردالقير وﻻيكون فيه تهريب من القير.
وغير فلتر القير والزيت.
وشكراً.

[حجازي20]

اسمع قيرك مافيه الا العافية بس انت رح للوكاله او محل قطع غيار مضمون وخذ فلتر وزيت وغيره قبل كل شي

واذا ماضبط شف ورشة ممتازة تفحص كمبيوتر واحتمال عندك كراسي القير

شف انا لاني مكانيكي ولا شي لكن تاخير التعشيق بالريوس احسة شي طبيعي لن d تحته p فوقه فا اتوقع التاخير لثواني طبيبعي لكن سالفة الطقة لازم تشوفلها صرفه

[zzss]

رح لأي ورشه وخله يفك كارتير القير اذا كمية الرايش زايده عن
المعدل الطبيعي معناها القير يحتاج توضيب وسالفة انك تخليه
لين ينعدم راح يخرب لك أشياء ثانيه بسبب الرايش ويعدم لك
بلف البدي وأسعاره معروفه مايحتاج وممكن تخرب عليك درام
القير لأنه يتآكل حسب ماسمعت ويصير فيه فضاوه وسعره
ماهو رخيص.

[مسير عليكم]

اخوي الي بين من كلامك والله العالم ان قيرك زين
بس انت تنتبه لزيت القير وتغيره باستمرار ولا مهمله ؟؟؟

[حمزةعبدالمطلب]

ايش الموتر وموديله لاهنت فيه يعض السيارات تجئ جلدة مع التعشيق يضرب في الجلدة تاكد منها

[راعي الدتسن]

واخرتها وش طلع معك؟