مشكله بكابرس رويال

[2008تاهو]

اخواني سلام عليكم
واحد من الزملاء اشترى كابرس رويال 2008
امس سمع صوت طقطقه في المكينه كان الزيت اللي يستخدمه20W50
غير اليوم الزيت كان جديد على كلامه ماله اسبوعينالى30w10
وتلصوت زاد اكثر من اول
راح اليوم ابها وداها لاكثر من مهندس قاله السياره تكلف 5000 ريال

عندك مشكله بالبلوف وطرمبه الزيت
طبعا كلتمه مااقنعني احس الشغله فيها نصب لان السياره للامانه نظيفه
اللي يعرف ورشه محترمه بابها يدلنا عليها
واﻷي مرت عليه المشكله ياريت يعطينا لها حل
شكرا لكم

[وطن العزة]

هذا عيب مصنعي ... عنده ضعف بضخ الزيت داخل المكينه

عشان تسمع صوت التكايات أو الصبابات >>> زي كذا تك تك تك وتزود مع الدعس


والضعف هذا مسئول عنه :

1- طرمبة الزيت ضعيفه أو فيها شرخ وهالإحتمال ضعيييف

2- الجلبة أو الربله مكانها بآخر ماصورة الطرمبه مهتريه وتعبانه تهرب الزيت للكارتير وما يطلع فوق >>> وهي إلى

90 % سبب هالمشكله لكن غش ونصب الورش عشان كذا يقولك البلا من الطرمبه وتحتاج شغل كثير ومكلفه



المهم ان شغلة تغير الربله سهله وماتكلف غير 45 تقريبا قيمة الربله + قازقيت كرتير مكينه + 200 وفوق شغل يد على حسب نوع السيارة والورشه

[2008تاهو]

بارك الله فيك
الورشه اليوم تقول جيب بكره طرمبه زيت...بلوف مكينه والعمود يبيله شغل
والله احس ان المشكله بسيطه بس مااعرف ورشه محترمه وناس يخافون الله بابها

[zzss]

السياره المستعمله توافيق لاتقول نظيفه وهي مستخدمها واحد قبلك
ممكن يكون مهمل ولايهتم بزيوتها وصيانتها حتى لو موديلها جديد
وممكن تلقى سياره قديمه ونظيفه حسب الشخص اللي يستخدمها.

[ابوخليل200]

السلام عليكم.
اخي الكريم .
يوجد لدينا كابرس 2007ltzوفيه نفس المشكله وهي بدايه التشغيل يطلع صوت طقطقه
كلعت المشكله من طرمبه الزيت و تكايات البلوف. وهذي المشكله في اكثر الكوابرس.
واﻻان هو في ورشه الجميح والله يستر مادري كم يكلف التصليح.
الله ييسرامرك.وشكرا .

[ls1.5700]

احتمال كبير المشكله من ربلة طرنبة الزيت او الطرنبه نفسها تعبانه
انا مؤيد كلام الاخ وطن العزة

[qwertyu987]

من خلال تجربة

مرت علي نفس المشكلة في كابريس 2006 وغيرت ربلة طرمبة الزيت وراح الصوت
لها الآن أكثر من ثلاث سنين والحمد لله

1 : غير الزيت الموصى به من الوكالة
2 : غير ربلة (جلدة) طرمبة الزيت

http://www10.0zz0.com/2013/05/13/08/577959870.jpg

[MSAN]

يا أصحاب الكوابرس.. رحم الله والديكم.. السيفون (فلتر زيت المكينة) لا تشترون الا أصلي من محلات قطع الغيار

90% من الي عند البناشر مضروووووووووب وهو سبب تخبيط أغلب مكاين الكوابرس.. انبح صوتي من كثر ما أتكلم عن فلاتر البناشر المضروبه..!!!

غير السيفون بأصلي وقيس ضغط زيت المكينة..

ولازم تتأكد من الصوت هل هو صوت سبيكة والا صوت بلوف..؟؟؟؟؟؟؟؟


وفقك الله

[2008تاهو]

بارك الله فيكم
طلعت المشكله من تكايات البلوغ والسياره تكلف حول 5000 رياال
20وهل السبب هو زيت مغيره قبل اسبوعينw50

[MSAN]

بارك الله فيكم
طلعت المشكله من تكايات البلوغ والسياره تكلف حول 5000 رياال
20وهل السبب هو زيت مغيره قبل اسبوعينw50


بس تكايات البلوف بـ5000..؟؟؟؟؟ :eek:

[ls1.5700]

سلامات اخوي وش اللي 500 ريال المكينه كله تاخذها من التشليح بحدود القيمه اللي ذكرته
وبعدين اكيد التكايات اذا ماجاها زيت تبي تطلع صوت وتضن ان المشكله منها
لاتستعجل وانا خوك لاين تتاكد ميه بالميه
ممكن تغير التكايات ولايتغير شي نفس المشكله
حدد مكانك والشباب يفيدونك بورشه مختصه بالامريكي
واذا انت بحائل عطني خبر

[2008تاهو]

تسلمون جميعا
طبعا قطع الغيار تكايات البلوف وطرمبه زيت وقطعه والله نسيتها
المهم قطع الغيارحول 3000 وشغل اليد الفين ريال
بالنسبه للورش لفيت اغلب الورش اللي بصناعية الخميس وكلامهم زي بعض
وتوكلت على الله وسويتها عند تركي وان شاء الله تزبط
وشاكر مروركم وتفاعلكم عسى الله مايحرمكم الجنه

[2008تاهو]

طبعا الخطا خطاا صاحب السياره اول ماطلع الصوت المفروض مايمشي عليها
الاخ الله يهديه مشى على السياره حول 350 كلم واعتقد جاب العيد

[ls1.5700]

الله يعوض عليك
بس لاتنسى تركب طرنبة الزيت بـ نفس الرقم الموجود على طرنبة الوكاله
خذ معك الطرنبة القديمه وخذ نفس الرقم الموجود عليها
اوركب طنبة ls2

[zzss]

تقريبا تكلفة مكينه مستعمله من التشليح.

[MSAN]

اذا تحتاج توضيب اوكي ممكن تكلف 5000

القطع/ تكايات(غريبة تكون سبب التخبيط، ان شاء الله انها ما تكون حكّت في عمود الكام وأعدمته)، سبايك ثابت ومتحرك، شنابر، وجيه، صوف، شغل مخرطة، طرمبة زيت

نصيحة.. خذ كل القطع أصلي

أكرر وأقول تراه احتمال ناااادر ان سبب تخبيط المكينة من التكايات.. كثير مكاين فيها فضاوة تكايات وماتخبط أبدا..


بالتوفيق

[رفيق الشفر]

اضم صوتي للأخ MSANبالنسبه لفلتر(السيفون)لاتاخذ الا من الوكاله الي بالورش مضروب وسعره 35 ريال وبالوكاله سعره 21 ريال واصلي ولك حريه الرأي..



الله يعوضك خير ياصاحب الكابرس

[وطن العزة]

الله يعينك وييسر لك أمرك

بس سؤال قبل التوضيب والخساير


أمبير الزيت عندك بالطبلون يوصل كم مع الوقفه + الممشى ؟؟؟؟

وهل ظهرت رسالة تحذير بالطبلون >>>> مستوى الزيت منخفض , أو ما شابه

[راعي الرود]

الله يعينك بس ياشباب ترا موتره رويال يعني وين بتحصل له مكينه بـ 5000 ؟

تراها LS2 الـ6 لتر ماهوب الـLS1

ماعليه يارجال دفعه بلا اهم شيء الموتر يضبط ان شاء الله و اخر الاعطال

[MSAN]

الله يعينك بس ياشباب ترا موتره رويال يعني وين بتحصل له مكينه بـ 5000 ؟

تراها LS2 الـ6 لتر ماهوب الـLS1

ماعليه يارجال دفعه بلا اهم شيء الموتر يضبط ان شاء الله و اخر الاعطال


عجزت ألاقي اسمها الصحيح.. هل اسمها LS2 والا L98..؟؟؟