مزرعة تفريخ ولا ادري وينها بالظبط

[يوسف ابو فهد]

السلام عليكم ورحمة الله وبركاته
يعطيكم العافيه وهذي اول مشاركه لي بمنتداكم الاكثر من رائع وبيض الله وجيهكم
شريت جير شاهين ولله الحمد وراعيه يقول انه من المانيا وعليه حجل باسم
(abadal*51)
ياليت تفيدوني وين هالمزرعه وشلون اوصلها لاني ابي اطلع اوراقه
واتمنى تفيدوني باسرع وقت ممكن وجزاكم الله خير
وشكرا.......

[سلطان 1]

اخوي
هالاسم اول مره اقرااااه
لكن ماعليها حجل ثاني.
اما بالاسم اللي انت حاطه ما اعتقد انه اسم مزرعه.

والربع الموجودين فيهم الخير والبركة وان شالله يردون عليك
اللي قد مرت عليها هالمزرعه.

[راكااااان]

مرحبا ومسهلا يابوفهد حياك الله وهاذي ابرك الساعات بين خوانك وعائله مكشات,,,,وبنسبه شركه او المزرعه هاذي العلم عند الله سبحانه وتعاله لاكن اتوقع شركه خاصه هاذي لاكن بأذن ابحثلك عنها وعطيك العلم وربع مايقصرون

[قلب ذيب]

الله يحييك يابوفهد ... الساعه المباركه تواجدك في هذا الصرح الشامخ , ونتمنى استمرار تواصلك وتواجدك معنا .
... فيما يتعلق بطيرك الحجل اللي فيه هذا اسم صاحب الطير السابق وليس له علاقه بمزرعته .
... اذا لم يوجد في الطير حجل ازرق , وهو دلاله على مزرعة الطير فمن الافضل الذهاب بالطير الى المستشفى , وهناك شريحه في صدر الطير يمكن من خلالها الاستدلال على مزرعته ونوعه وسنة انتاجه .
والله نسأل التوفيق .

[ابرق الحرار]

يفيدونك الاعضاء

[يوسف ابو فهد]

بيض الله وجيهكم وماقصرتوا يالنشاما
صاحب الطير يقولي انه من فالكن سنتر لكن شلون اطلع الاوراق وشلون اوصلهم
ولاهنتوا.......

[يوسف ابو فهد]

يارياجيل400 مشاهده والمشاركه 4
بيض اللله وجه من شارك لكن نبي العلم.

[جير دبي]

تقدر تتواصل مع شركه فالكون سنتر في ند الشبا في دبي
ان كان الطير من الشركه
بعد شهر 6 وهم بيعوطك العلم الاكيد في أوراق السايتس
موفق خير

[يوسف ابو فهد]

طيب كم رقم فالكون سنتر.،،،،
وليش بعد شهر 6؟؟؟