تنبيه:::::من الكهربائي السعودي ابو نايف::::::تنبيه

[حبران والمسمى]

السلام عليكم ورحمة الله وبركاته
يشهد الله على كلامي في كل كلمة ابقولها وتجربة للأسف فاشلة
والمشكلة اذا لقينا السعودي في ورشة خلاص قلنا لقينا الثقة والشغل النظيف
رحت للكهربائي وقلت عندي المكيف بارد جدا بس يفصل على الهواء وش الحل
قال بسيطه فحص الموتر وقال اتركه وبكرا تعال خذه واستلمت الموتر وساعه زمن رجع الموتر زي اول فصل المكيف على الهواء وشهر رايح جاي اتردد عليه مره يقول ثرموستات قلت اروح اجيبها الحين قال لا عندي خصم 30% عند الوكالة قلت طيب بكرا جيت قال رح هات القطعه واروح اجيبها حول 300ريال قلت خذ ركبها قال انا مشغول السيارات عندي واجد خلها وتعال بكرا جيت بكرا قال المشكلة ماهي بالثرموستات الفحمات هي السبب قلت طيب قال صلحتها وخذ الموتر وارجع لقطع الغيار قال القطع الكهربائية ما نرجعها ياولد قال ابدا وانشب فيها راحت قيمتها واطلع بالليل والصبح وترجع المشكلة وبدل ما اروح للدوام رحت لورشته واجلس لين شرف وقال الموتر ما فيه شي وصرفني
المهم تعبت من التردد له نصحني واحد لمحل تكييف واروح له عندك الفحمات وصلحها بربع قيمة ابو نايف وجلس الموتر سنة كاملة المورت وكالة تبريد ثلج
طبعا يوم رحت لبونايف اول مره قلت عندي المكيف وسالته تعرف للكلبليتر قال ابشر وابجيب قطع اصليه واسوي وافعل والموتر تقطيع وتعليق بنص كل هالشهر اللي رايح جاي
واروح لسوري ساوالي توظيب كلبليتر بمية ريال وصار الموتر من احسن مايكون الله يوفق هالسوري
والمشكلة الكهربائي ابو نايف يوم يفتح واربع مقفل المحل واذا اتصلت عليه قال انا بعزا وانا مودي اهلي للمستشفى ومرة يقول انا تعبان مريض اليوم ومره يرد ولده على جوال ابوه ويصرفك تعبت من التردد بالليموزينات طبعا سعره غالي علشان سعودي ونقول ما يخالف
والله يرجال ان صلحت المكيف والكلبليتر بربع قيمة اللي اخذه مني ابو نايف الله لا يسامحه بكل ريال اخذه من غير وجه حق
===================================
طبعا كلامي عن شخص وانا اخصه ولا اعمم على غيره
حسبي الله عليك يابونايف ونعم الوكيل بهذلني بهذله والقهر قابلت رجال شروى من يقراء يقول والله اني جاي من برا الرياض علشان فيه ناس امدحو هالكهربائي وموتري عنده ولكن هو ماجاء ونجلس انا وياه ننتظر
ابو نايف
وهذا تاييد للموضع اللي في الرابط علشان الكل يعرف قبل لا يتوهق وانا مستعد مقابلة ابو نايف وتذكيره بهالكلام
http://www.mekshat.com/vb/showthread.php?t=577700

[ابوخليل200]

السلام عليكم.
ياخوي الله يعوضك وانا والله مطلع على مشكلتك والله شي يقهر .
والله احنا نقول خلنا نشتغل عندالسعوديين ويطلع اكثرهم اﻻمن داجين.
ياخوي رح اشتكي عليه ياشيخ الصناعيه او المحكمه .
الله ييسر امورك.

[أبوشريدح]

جزاك الله الف خير
والله يعوض عليك بخير

[سوبر VTC]

مشكلة السعودي بحاجتين
يانه يتعلم عليك و يخرب لمان يتقن الشغله
او
انه اذا اشتهر و اتقن الشغله تمام
يبدا يقصب بالعالم من ناحية الاسعار

وقس ع ذلك الورش الكبيرة اذا اشتهرت
دبغ بالاسعار و الذمه تقل و قطع غيار تجاري

[عبون الجواء]

مشكلة السعودي بحاجتين
يانه يتعلم عليك و يخرب لمان يتقن الشغله
او
انه اذا اشتهر و اتقن الشغله تمام
يبدا يقصب بالعالم من ناحية الاسعار

وقس ع ذلك الورش الكبيرة اذا اشتهرت
دبغ بالاسعار و الذمه تقل و قطع غيار تجاري
اتفق معك مائه بالمائه

[zzss]

مشكلة السعودي بحاجتين
يانه يتعلم عليك و يخرب لمان يتقن الشغله
او
انه اذا اشتهر و اتقن الشغله تمام
يبدا يقصب بالعالم من ناحية الاسعار

وقس ع ذلك الورش الكبيرة اذا اشتهرت
دبغ بالاسعار و الذمه تقل و قطع غيار تجاري

السعودي نادر تلقاه كل اللي نتعامل معهم غير سعوديين وياما تخوبرنا معهم بشغلهم
الداج يانصب يايتعلم في سيارتك ولاتعمم على السعوديين أنا أعرف مهندس سعودي فاتح
ورشته من سنتين تقريبا الرجال مايشتغل بيده لكنه يستقبل الزبون ويفحص السياره
بنفسه وبعد مايعرف المشكله يعطيها المهندسين اللي عنده بس مهندسين متنقيهم واحد
واحد ولاجابهم الا بعد ماعرف شغلهم وخبرتهم وسبق أرسلت له ناس عندهم مشاكل والحمدلله
يمدحون شغله لأنه حريص على سمعته ويعطي ضمان حقيقي كنت ماره بالسياره قبل اسبوعين
ولقيته يغير طرمبة زيت جمس لسيارة زبون وكان يقول لي السبب ان الزبون هو اللي جاب الطرمبه
وفيها فضاوه عيب مصنعي وخربت وفكها مره ثانيه وغيرها له ولاخذ عليه شغل يد مساعده للزبون مع ان
الزبون هو اللي يتحمل المشكله وممكن فيه بعض المهندسين السعودين على العكس لكن ماهو كلهم.

[ثعول البرد]

نعم كلامكم بالصميم

[مخ سعودي]

الله يعوض عليك يالغالي
لكن غالبا السعوديين يغلب عليهم طابع النصح وانت المفترض تستشير اكثر من شخص حتى تقتنع بكلامهم سواء سعودي او غيره

[s3od_797]

ابو نايف وما إدراك ما ابو نايف قبل لا تصلح خذ ولد بعد التصليح اقعد دوره ولاحقه وتأكد انك راح تسمع جميع التصريفات الي ببالك منه

[ban444]

حسبي الله عليه شربت من نفس الكاس الله لايوفقه

[راعي الرود]

جزآك الله خير على التنبيه

الناس ماودها تقطع ارزاق خلق الله بس اللي من هالشكليات والله يستاهل ..

[aboabdullah96]

الله يعوضك خير

ومايضيع شي عند ربك اللي ما تأخذه في الدنياء تاخذه في الاخره ويمكن يكون سبب دخولك الجنه بأذن الله

انا كنت كل سنه اغير كمبرسر ووضبه يعني في الصيف مرتين اشتغل في المكيف

لحد ما جربت طاهر في الصناعه القديمه شغله لا يعلى عليه بس يعيبه الزحمة
رحت له وانا مركب كمبرسر ما اشتغل شهر

وقالي المشكله من رديتر المكيف وابنظفه قلت غيرك نظفه ولا جاب نتيجه
قالي اصبر وشوف

حاط بخاخ ايسي ديلكو في الرديتر ونظفه وبعدها ببنزين وطلع لي سواء مافي ولا روشه قبله طلع مثله وكان متسدد ويخرب الكمبرسر وجلس ينظف فيه لحد ما صار يدخل بنزين ويطلع هواء نظيف

قالي المشكله كل اللي نظفو لك قبل كان تنظيفهم شغل سريع

ومشاءالله من 5 سنوات تقريبا ولا عانيت من المكيف
وبعدها رحت بيارس اخوي 2007 بعام 2009 كمبرسرها خرب بدون سابق انذار قالي
هذا عيب مصنع والكبرمسر روتري مو بستم زي السيارات القديمه سعرته في الرياض 2500 والامارات نفس الشي وكل الورش قالو يخرب بأي وقت بدون سابق انذار الوكاله قالو مع التركيب 4000 ريال ومافي ضمان حتى لو يخرب عند الباب ورحت له وولف لي كمبرسر ترسيل مع الشغل والقطع وكل شي 900 ريال وابرد من كمبرسر اليارس وفي عيب بسيط ولا بدون منه رجه خفيفه اذا واقف بسبب ان rpm ثابت ما يرتفع مع اذا شبك الكمبرسر

الوكاله عارفه المشكله اجل 4000 عشر قيمه السياره نصب واحتيال


وصف طاهر اذا جيت من مخرج 17 واخذت اول اشاره في الصناعيه اللي يكون جيركو وتشالنجر على يمينك
تقريبا ثاني لفه الماريه فيه ميزان في الزاويه تدخل يمين اذا جات اول لفه يمين الورشه بالزاويه بعد اللفه ولو تسئل هناك على طول يدلونك

[zzss]

العام الماضي صلحت مكيف سيارتي عند واحد من جنسيه عربيه معروفين بأسعارهم ماعندهم الا سلخ ولا أتعامل معهم بس هذا ماادري كيف قدر يقنعني
وجلس يمدح نفسه وانه يرهم كمبرسورات وانه بيرهم لي كمبرسور أفضل من حق الوكاله وقال الضمان شهر وجلس 3 أيام يشتغل فيه وبعد ماخلص حاسبته
بمبلغ والله انه قيمة كمبرسور جديد مع فريونه وشغل يده واللي رهم لي مستعمل لكن قلت نخسر مره وحده ونفتك وبعد يوم من التجربه المكيف مايبرد طالع
مكيف صحراوي وماصورة الفريون برودتها ضعيفه وأرجع له قال أنت موسوس شوف التبريد كيف الجو حار وطبيعي المهم قام يصرفني وكل من ركب معي قال
وش مكيفك هذا داج المهم بعد اسبوعين رحت للورشه قال خويه اللي شغال عنده معلمنا سافر للبلد يصيف هناك قلت والكمبرسور قال اسمع مني وخذ الحقيقه
الكمبرسور اللي ركبه المعلم لك بعد ماركبناه طلع ضعيف وعارف مشكلته ولاهو فاضي يغيره لك والراي اني أغير لك واحد ثاني وتدفع حسابه من جديد قلت معصي
حسبي الله عليه ومن فتره رحت لورشته بعلمه انه نصاب لقيت واحد شغال معه قال المعلم صار له ظرف وطالع خروج نهائي خلال اسبوعين قلت دام كذا خله مافيه
فايده معه وبعد مافكينا الكمبرسور لقينا النصاب معبيه زيت ضعف الكميه المطلوبه عشان مايبين ضعف الضغط حقه والرايش على الفلتر حتى تنظيفه خرطي فلا تستغرب
لو صار لك مثل هالمواقف اذا مافيه ذمه ماراح تلقى شغل نظيف.

[ابوعدي]

الملاحظات كثيرة على هالكهربائي لو ان الاعضاء يذكرون تجاربهم وخاصة بالورش الفاشلة علشان نحتاط منهم

[ابو صالح 871]

جزاك الله الف خير

[خيال الغلبا]

هل هو الذي في مخرج 17

[ملك الفكتوريا]

يالغالين انا بالفورد جتني قصة مع الكمبرسر

رحت لواحد وقال شغل ما يحتاج وتنظيف ممتاز مع ان الكمبرسر كان على وشك والوصخ مو مره


شوي الا تنظيفه ينفخ بفمه ابو يمن مالت عليه والرديتر ما فكه

قلت بسيطه عالضمان


وبالاخير خرب وراحت فلوسك يا صابر

والضمان راح وسافر مع صاحبه

[حسين السبيعي]

ابو نائف هذا يمني وليس سعودي وقد نصب علي الله لايوفقه ولا يسامحه حاط دقن ويقول انه مهندس سيارات دوريات الرياض وهو اكبر حرامي حسبي الله عليه

[خيال الغلبا]

صومالي وليس يمني بثوب سعودي

[abadee]

اقسم برب البيت ان ابونايف استلم سيارة خويي يصلحها
وقال له تعال بعد اسبوع
جا خويي واستلم السيارة

لكن المصيبه بعد كم اسبوع جت مخالفة لخويي وقوف ممنوع في ( مكة المكرمة )

يعني ابونايف راح على موتر خويي لمكة حسبي الله علية
لما جاه خويي وقاله خير ان شالله من سمح لك تسافر على موتري
قام يتحجج ان عنده عزاء في مكة ( راعي مواجيب ماشالله عليه )



والمصيبة الثانية
واحد من ربعي جاب موتره لابونايف قال ابي فحص كمبيوتر
قال ابونايف مرنا بعد ساعة
المهم خويي طلع خمس دقايق للبقالة ورجع له
لقا ابونايف فاتح الكبوت وفاتح علبة الفيوزات

قال خويي والله يابونايف ورشتك صغيرة ولاهقيت ان فيها كمبيوتر

قال ابونايف وعينه واسعه
انت حاقر ورشتي
الحين اجيب لك الكمبيوتر

وش تتوقعون جاب ياجماعة الخير

اقسم بجلال الله جاب جوال نوكيا الرهيب ابوبصمة مفكوك ومشبك اسلاك على البورد حق الجوال
قام شبك اسلاك محيوسه على سلك البوجي وعلى لي الهواء حق المكيف وعلى البطارية
شوي الا قال ابونايف موترك يبي له كمبيوتر

عاد خويي تهاوش معاه وسحب موتره ولا عطاه ولا ريال
وابو نايف يقول ضيعت وقتي على الفاضي


وقسم بربي في الشهر الفضيل وانا صايم هذا الي صار

الله لايوفقه حسبي الله عليه

[أصيل حجآ زي]

اقسم برب البيت ان ابونايف استلم سيارة خويي يصلحها
وقال له تعال بعد اسبوع
جا خويي واستلم السيارة

لكن المصيبه بعد كم اسبوع جت مخالفة لخويي وقوف ممنوع في ( مكة المكرمة )

يعني ابونايف راح على موتر خويي لمكة حسبي الله علية
لما جاه خويي وقاله خير ان شالله من سمح لك تسافر على موتري
قام يتحجج ان عنده عزاء في مكة ( راعي مواجيب ماشالله عليه )



والمصيبة الثانية
واحد من ربعي جاب موتره لابونايف قال ابي فحص كمبيوتر
قال ابونايف مرنا بعد ساعة
المهم خويي طلع خمس دقايق للبقالة ورجع له
لقا ابونايف فاتح الكبوت وفاتح علبة الفيوزات

قال خويي والله يابونايف ورشتك صغيرة ولاهقيت ان فيها كمبيوتر

قال ابونايف وعينه واسعه
انت حاقر ورشتي
الحين اجيب لك الكمبيوتر

وش تتوقعون جاب ياجماعة الخير

اقسم بجلال الله جاب جوال نوكيا الرهيب ابوبصمة مفكوك ومشبك اسلاك على البورد حق الجوال
قام شبك اسلاك محيوسه على سلك البوجي وعلى لي الهواء حق المكيف وعلى البطارية
شوي الا قال ابونايف موترك يبي له كمبيوتر

عاد خويي تهاوش معاه وسحب موتره ولا عطاه ولا ريال
وابو نايف يقول ضيعت وقتي على الفاضي


وقسم بربي في الشهر الفضيل وانا صايم هذا الي صار

الله لايوفقه حسبي الله عليه



الله يهديك يا عبآدي :


الرجآل نفع خويك /// حجج السيآرة .
يعني سيآرت خويك حجت قبل الحُجآج وهذي فآيدة .


بعدين النصآب ما لُه جنسية .
سواء موآطن أو
أجنبي أو حتى أقرب الأقربين .


صحيح بعض الجنسيآت يكثُر
فيها النصآبين والدجآلين والحآقدين .


بس النصب كثُر حتى من أقآرب الشخص .
:good2:


صديق لي والمُصيبة أنهُ مُلتزم .
شفتُه في سيآرة مرسيدس بنز فخمة .


كنت أسولف مع أحد الجمآعة
في قآعة زوآج شرق السريع { طريق الحرمين } .


دخل صآحبنا وسلم علينا وجلس بعيد عنا ومُقآبلنا .


وبدء يرسل لي الأشآرآت يدعوني أجلس عندهُ .
لاحظ الرجآل اللي جآلس بجنبي وقآل صآحبك ينآديك .
قلت زين با أروح لهُ بعد العشاء .



قلت لصآحبي
اللي جآلس بجنبي :
رئيت الرجآل معهُ شبح فخمة .


قآل عندهُ معرض { شريك } بالطآئف .
ويأخُذ سيآرآت الزبآئن / يكشخ فيها .


من لكسز ألى في أكس أر ألى شبح وغيرها .


وأقسم بالله أنهُ من أبخل خلق الله .
يقول حتى أنهُ متزوج ثلاث مدرسآت يأخُذ روآتبهُم .
ويجبُرهُن حتى يغسلن حفآئظ البزورة ويعود يستخدمها لهم .


:eek:


لا تغُرك المظآهر والكشخآت والفشخآت .
وراء الأكمة ما ورآئها .
:good2:

[اقمار]

ويجبُرهُن حتى يغسلن حفآئظ البزورة ويعود يستخدمها لهم ههههههههههههههههههههههههههههههههههههههههههههههههه

[أصيل حجآ زي]

ويجبُرهُن حتى يغسلن حفآئظ البزورة ويعود يستخدمها لهم ههههههههههههههههههههههههههههههههههههههههههههههههه



والله يا أقمآر :
هذا اللي قآل لي الرجآل
{ الرآوي } اللي عآيش معهُم بالديرة .


طبعآ :
أنا زعلت وقلت يا رجُل قُل خير .
قآل والله هذي اللي تقول عنهُ زوجآتهُ أو أحدهُن .
طبعآ :
قد يكُن بعض الحريم مفتريآت .
بس في مثل ذلك الشخص أقدر أصدق .


على قوة العلاقة
الطيبية بيني وبينهُ .
ألا أنه لم يبآدر مرة وآحدة
في الأتصآل لا في عيد ولا غيرهُ .
بالرغم من كثرة أتصآلاتي به بجوآلي .
لا أذكُر لهُ أتصآل ألا نآدرآ و
ألا يوم ركب بآقة جود في هآتف بيتهُ .
فكثُرة أتصآلاتهُ فأستغربت وسألتهُ .


قلت ما شاء الله { غريبة } كثُرت أتصآلاتك .
ضنيتهُ يُمهد { زي الكثيرين } يبغى يستلف ويسحب عليك .


قآل الله يبآرك في جود .
والجود من الموجود .


فتأكد لي بُخلهُ الشنيع .
أسواء أنوآع البُخل الشُح .


الشحيح يصل به الشُح
ألى درجة الكُفر والعيآذ بالله .


قآل تعآلى :
""" ( وأحضرت الأنفس الشح وإن تحسنوا وتتقوا فإن الله كان بما تعملون خبيرا (http://library.islamweb.net/newlibrary/display_book.php?flag=1&bk_no=50&ID=1403#docu)) """
سورة النساء
( 128 )



وقآل تعآلى عن التبذير :
""" ولا تبذر تبذيرا (http://library.islamweb.net/newlibrary/display_book.php?idfrom=1777&idto=1777&bk_no=61&ID=1795#docu)إن المبذرين كانوا (http://library.islamweb.net/newlibrary/display_book.php?idfrom=1777&idto=1777&bk_no=61&ID=1795#docu)
إخوان الشياطين وكان الشيطان لربه كفورا """
27 سورة الأسراء

""" ولا تجعل يدك مغلولة ألى عُنقك ولا تبسطها كُل البسط فتقعد ملومآ محسورا """
29 سورة الأسراء




الله يجيرنا من البُخل والشُح ومن التبذير والبذخ .
:good2:

[المتلولس]

صدقت وعزالله ان فيه ناس عنده ملايين وحارم نفسة وعياله الحياة ......

اما بخصوص ابو نايف اذا رايح بالسيارة لمكه عزالله مايخاف الله واللي مايخاف من الله خف منه

[ابو البر]

انا بصراحه اشوف الرجال يدور دراهم ولا يهمه حلال او حرام .
ومثله مثل اللي ينصبون علينا من ابو يمن واالسوري والمصري وغيرهم
ومو معناها سعودي يعني نازل من السماء.
انتو ذكرتوني باللي يعتقد انه ما ارح يدخل الجنه الا السعوديين.

استغفر الله العظيم.

[ban444]

الله لا يسامحه نصاب مفتري لا يحلل ولا يحرم اهم شي الفلوس

[حسين السبيعي]

يا ناس ابو نائف يمني ماهو سعودي يكذب علئ الناس يقول اناسعودي وهو يمني الله لا يوفقه

[سوبر مكشات]

مشكلة اذا صار السعودي اردى من البنقالي

حل هالموضوع
تطلع ادارة المنتدى قائمة بورش السعوديين النظيفين والامنين تحدث شهريا بتقييم من اعضاء المنتدى دعما للشباب السعوديين ودعما لأعضاء المنتدى طبقا لمعايير يتفق عليها في حال رغبتكم.

وقائمة سودا بورش هالسعوديين الي يحوسون مواتر العالم الين يتعدل وضعهم بتقييم الاعضاء .............

[أصيل حجآ زي]

تم غلق الموضوعين
عن الكهربآئي المذكور لخروج
الموضوعين عن السيآق الصحيح والبدء في المُهآترآت
الغير متعقلة وحتى لا يتوسع ألى سب وقذف والتخآصُم والأفترآئآت .


النصآب من كُل الجنسيآت .
وليس من جنسية مُحددة فقط .
فالطيبين في كُل الجنسيآت
وغير ذلك في كُل الجنسيآت .
أحيآنآ :
قد يكون أقرب الأقربين لك من أخبث الخلق .
وكُلآ يُخطىء وكُلآ يُذنب ونحن ُ بشر .
وللرسول صلى اللهُ عليه وسلم وآله
وصحبه حديث في ذلك أضيفهُ بعدين .
معنآه كُلكُم خطآئون وخيرُ الخطآئون التوآبون .
http://www.alssunnah.com/main/articles.aspx?article_no=3631



وهذا مُشآهد ومعرف ولا عصمة ألا
للرُسُل عليهُم الصلاة والسلام في تبليغ الرسآلة .


لذلك أقول كفى .
وأرتئيتُ أن أقفل الموضوعين .


الكهربائي ابو نايف وماجرالي معه (http://www.mekshat.com/vb/showthread.php?t=577700)




لا أرغب أبدآ في :
تكميم الأفوآه لاكن
لن أسمح بالتمآدي في الجدآل والسبآب .