بو دانة
14/05/2013, 07:16 PM
السلام عليكم ورحمة الله وبركاتة
بداية يااخوان مساكم الله بالخير جميعاً
انا من هواة الصيد بكل اشكاله وخاصه البحري
قررت اشتري قارب بسيط كبدايه وبما اني الى الآن مااعرف كيف اشغل الطراد حتى ولكن اكتسبت خبره بالتعاملات الرسميه معها.
اتجهت الى الاسواق والأنترنت بالسعوديه ولكن للاسف الاسعار مبالغ فيها جداً
والقوارب سيئه ماتستحق ربع قيمتها وهذي مشكله الجميع عارفها فبحثت بالدول المجاوره ومنها الامارات وماشاءالله قوارب نظيفه جداً وشبه جديده واسعار معقوله جداً.
ولكن بدايه وقبل ابدأ بالخطوات ابي اقدم لكم كم نصيحه مهمه جداً
ممكن تحصل قارب على الانترنت معروض للبيع او تروح بنفسك وتتفرج في سوق القوارب.
المهم استفسر عن كل شي من صاحب الطراد ولابد تكون عندك معرفه بالقوارب علشان تفحصها بدقه ولا تستعجل وان قدرت انزل فيه بحر بعد لأن الغش وارد وخصوصاً من الصيادين المجنسين .
- تأكد الطراد مايكون فيه كسر او ضربات في جسم الطراد ولابد يكون الشخص البائع يملك الفاتورة الاصليه او يكون محفور اسم المصنع على الطراد
- تأكد من المكينه ونظافتها والاهم يكون الإستيكر حق رقم الطراد مازال موجود على المكينه والرقم واضح وعادة يكون مكون من 7 ارقام لأن غالبيتها يكون طاير او مقطوع وهذي راح تسبب لك مشاكل كبيره بالجمارك واحتمال مايدخل
- حاول قدر المستطاع تاخذ الطراد من الامارات الكبيره مثل دبي - ابو ظبي - الشارقه - خورفكان
راس الخيمه - الفجيره ...الخ
ولا تأخذها من القرى التابعه لانها غالباً تبع صيادين هنود او غيرهم ومهلوكه.
- بالنسبه للتيلر او القالوصه تأكد جيداً ان البيرنقات سليمه + الهوب يكون سليم هذا في حالة قررت تسحبه بنفسك.
(( دائماً احتفظ بصور للبطاقه الشخصيه + جواز السفر لأنك راح تحتاجهم بكل مكان ))
بعد ماتتوكل على الله وتشتري الطراد
تروح انت والبايع الى وزارة المواصلات وتتم عملية المبايعه وتستلم شهادتين وحده ( شطب ) والثانيه ( تنازل ) بقيمة 250 درهم تقريباً ويروح البايع يتوكل على الله وتكمل انت الإجراءات وهي :-
بعد ماتستلم الشهاداة من المواصلات تروح لأي شركة شحن ومنها (الكرنك) وهو مشهور جداً
وتعمل عنده فاتورة مبايعه بناءً على الشهاداة اللي معك وتأكد انه يكتب في الفاتورة أن القارب + المكاين وارد الامارات وليس اليابان لان لو كتب المكينه يابانيه راح تتلعوز بالجمارك .
(( شركة الشحن ممكن توصل لك الطراد الى السعوديه ولكن المبلغ كبير فأقل شركة تشحن بـ 5000 درهم ))
بعد ماتسوي الفاتورة تحتاج انك تصدقها من الغرفه التجاريه + تطلع شهادة منشأ
شهادة المنشأ فيه نوعين واحد الكتروني وهذا غير مقبول بالجمارك السعوديه لذلك اطلب تكون مختومه وموقعه يدوياً.
ولو تحب تقدر تطلب من نفس شركة الشحن هو يخلص لك موضوع الغرفه التجاريه من تصديق للفاتورة وإصدار شهادة منشأ بنفس الوقت .. قيمة الفاتورة مصدقه 300 درهم + إستخراج شهادة منشأ 200 درهم ... المبلغ الكلي للعمليه 500 درهم
بعد إستخراج شهادة المنشأ + الفاتورة تروح وزارة الخارجيه قسم التصديق وتصدقهم
القيمه تقريبا 460 درهم
ثم تتوكل على الله وتروح السعوديه :-
اذا كنت ساحب الطراد بنفسك فالسرعه القصوى هي 100 كلم .
( حاول الدخول في فترة الصباح نظراً لوجود موظفين اهل خبره لان موظفين جمارك الامارات الفتره المسائيه هم خريجين متوسط وثانوي مراهقين وتعاملهم سيء جداً )
اول ماتوصل تدخل عادي مع مسار المسافرين وليس الشحن تختم جوازات وجمارك وبعد ماتخلص تتوجه الى مبنى الجمارك على اليمين الخاصه بالبضايع والسيارات وتوقف وتنزل معك اوراقك تدخل وتطلب من الموظف رقم وهو يعطيك ويعينك الى واحد من شركات التخليص الجمركي
(لأن النظام الجديد في دول الخليج تتطلب إجبارياً تعيين واحد من مكاتب التخليص الجمركي )
بمعنى انك ماتقدر تخلصها بنفسك
بعد مايعين لك مكتب يعطيك ورقة التعيين وتروح بنفسك للمكتب وتسلمه اوراقك وتطلع معه الى واحد من موظفين التخليص الجمركي ويروح ويكشف على الطراد بفحصه ويتأكد من تطابق رقم المكينه ( الإستيكر ) اللي مكتوب فيه رقم المحرك ثم ترجع مع المعقب الى المكتب يطبع لك بيان جمركي وترجع للجمرك يختم لك عليه ويعطيك تصريح نقل بري لابد تحتفظ فيه لأن اول محطه في جمارك السعوديه يطلبونها . بعدها تحاسب مكتب التخليص تقريبا 300 درهم وتتوكل على الله للسعوديه . وهنا تبدأ الكارثه .
-------------------------------
قبل ابدأ بتفاصيل الجمارك السعوديه اعطيكم نقاط مهمه واللي هي :-
(( معاملتك الجمركيه كبضاعه شخصيه اسهل من معاملة شركات الشحن ))
السياره اللي تدخل فيها لابد هي نفسها اللي تطلع القارب فيها .. يعني لو تأخرت معاملتك لليوم الثاني السياره تظل داخل الجمرك ماتطلع الا بالقارب وانت دبر نفسك المحطات القريبه من الجمارك فيها فنادق تقدر ( على رجلك مشي ) تطلع تنام الى اليوم الثاني ترجع تكمل اجراءاتك
لكن لو حبيت تروح بالسياره وترجع بعد اسبوع تكمل تقدر ولكن بشرط اول ماتدخل الجمارك السعوديه ماتسوي أي إجراء تدخل القارب بساحة الشحن وتوقف القارب بعيد شوي عن التريلات وتخليه وتطلع وتروح كأنك راجع مسافر عادي وتطلع بسيارتك وترجع متى ماحبيت بعد فتره وتسوي خروج من السعوديه ( ولا تدخل الى الامارات ) تلف من برى الحدود وترجع تدخل للقارب وتركبه على السياره وتبدأ إجراءاتك الشحن .
- بالنسبه للجمارك السعوديه لابد مكتب تخليص نفس وضع الامارات
وثلاث ارباع معاملتك على المخلص تأكد من ان المكتب الي تتعامل معه يكون مكتب معروف والمخلصين اللي عنده ناس فاهمه لان اغلب المكاتب مخلصينها صغار سن وكل وقتهم هربانين يعسلون او مقفل جواله يعني 99% من سبب التأخير هم المخلصين و24 ساعه خلك معه مثل ظله واذا جلس يلف ويدور هدده بشكوى عند المدير ( يجيه شلل رباعي ) :D
لذلك تأكد من المكتب حتى لو تسئل موظفين الامن او الجمارك يدلونك على مكاتب محترمه
سعر التخليص مابين 700 الى 1000 ريال
--------------------------------
خطوات الجمارك السعوديه
اول ماتدخل بسيارتك ومعك القارب اول دخله يمين فيها التريلات خلها واطلع على طول ثاني دخله يمين ادخل معها ووقف وروح مشي الى مبني الجوازات سو دخول واختم على ورقة الدخول والنقل البري اللي اخذتها من الامارات
ارجع لسيارتك وادخل من بين التريلات الى مكتب الامن للتفتيش ولا توقف في مسار التريلات وقف في اخر موقف الى اليمين حق السيارات وادخل عند الشباب في الامن يعملون لك دخول ياخذون منك البيان الجمركي حق الامارات ويعطونك ورقة فحص + بيان جمركي سعودي ويرسلونك بالسياره والقارب الى مبنى الاشعه ويفحصون القارب داخل الغرفه ويعطونك بيان بصورة القارب بالاشعه + ورقة الفحص سواء سليم او فيه اشتباه ترجع لنفس مكتب الامن اذا سليم يختم لك الورقه وتروح للخطوه الثانيه واذا اشتباه بيجيبون عزكم الله كلاب يشمشمون القارب وبعدين يختم لك .
خلصت منهم تروح الى مظلات التفتيش وتوقف عند المظله الثانيه او الثالثه بأي موقف على اليمين وتروح مشي الى مكاتب التخليص الجمركي وتختار واحد من المكاتب اللي ذكرناها سابقاً يكون مكتب معروف او تكون متفق معه مسبقاً وترجع انت والمعقب الى شباك التعهدات وتسوي توكيل للمكتب
بعد التوكيل تدخل انت والمعقب الى مكتب التعهدات وتطلب تفتيش يعينونك الى وحده من المظلات غالباً يكون في مظلة الحديد يفتش المفتش ويطابق رقم المحرك ويوقع لك بعدها تروح لمكتب الفسح يعطيك بيان تاخذه وتروح للقيود ويعطونك ظرف مقفل لحرس الحدود يروح المعقب يسوي لك تصريح من الحرس وتنتظره لما يرجع معه ظرف من حرس الحدود ترجع مره ثانيه للقيود يعطونك ورقه تروح للتعهدات وقبل تدخل عليهم تكلم مكتب التخليص يسدد قيمة الجمرك اللي هي 5% من قيمة الطراد + 70 ريال رسوم عادة تأخذ العمليه 10 دقايق بعد مايسدد يوقعون لك وتدخل على مدير الشؤون الجمركيه يوقع لك ويختم لك على ثلاث اوراق وتتوكل على الله ورقتين تعطيهم البوابه وانت طالع وورقة تخليها معك علشان التسجيل داخل السعوديه من المواصلات وحرس الحدود ..الخ
والله يستر عليك شوي شوي بالطريق :D
بالنسبه لدوشة الجمارك السعوديه انت عليك اول خطوتين اللي هي تسجيل الدخول و تفتيش الأمن اما الباقي فهي شغلة المعقب المهم تتوفق في اختيار المكتب المناسب والباقي بس خلك مع المعقب وهو يخلصك انت مو مجبر تحفظ الخطوات . عمل الجمارك يومياً من الساعه 8:30 صباحاً الى 3:00 عصراً ماعدا يوم الجمعه .
لو صعب عليك أي شي تروح لمدير الشؤون الجمركيه رجال طيب وكريم ومايقصر مع احد.
إن شاءالله اكون افدتكم باللي اسعفتني فيه الذاكره لأن الجمارك السعوديه نستني اسمي.
بالتوفيق .
بداية يااخوان مساكم الله بالخير جميعاً
انا من هواة الصيد بكل اشكاله وخاصه البحري
قررت اشتري قارب بسيط كبدايه وبما اني الى الآن مااعرف كيف اشغل الطراد حتى ولكن اكتسبت خبره بالتعاملات الرسميه معها.
اتجهت الى الاسواق والأنترنت بالسعوديه ولكن للاسف الاسعار مبالغ فيها جداً
والقوارب سيئه ماتستحق ربع قيمتها وهذي مشكله الجميع عارفها فبحثت بالدول المجاوره ومنها الامارات وماشاءالله قوارب نظيفه جداً وشبه جديده واسعار معقوله جداً.
ولكن بدايه وقبل ابدأ بالخطوات ابي اقدم لكم كم نصيحه مهمه جداً
ممكن تحصل قارب على الانترنت معروض للبيع او تروح بنفسك وتتفرج في سوق القوارب.
المهم استفسر عن كل شي من صاحب الطراد ولابد تكون عندك معرفه بالقوارب علشان تفحصها بدقه ولا تستعجل وان قدرت انزل فيه بحر بعد لأن الغش وارد وخصوصاً من الصيادين المجنسين .
- تأكد الطراد مايكون فيه كسر او ضربات في جسم الطراد ولابد يكون الشخص البائع يملك الفاتورة الاصليه او يكون محفور اسم المصنع على الطراد
- تأكد من المكينه ونظافتها والاهم يكون الإستيكر حق رقم الطراد مازال موجود على المكينه والرقم واضح وعادة يكون مكون من 7 ارقام لأن غالبيتها يكون طاير او مقطوع وهذي راح تسبب لك مشاكل كبيره بالجمارك واحتمال مايدخل
- حاول قدر المستطاع تاخذ الطراد من الامارات الكبيره مثل دبي - ابو ظبي - الشارقه - خورفكان
راس الخيمه - الفجيره ...الخ
ولا تأخذها من القرى التابعه لانها غالباً تبع صيادين هنود او غيرهم ومهلوكه.
- بالنسبه للتيلر او القالوصه تأكد جيداً ان البيرنقات سليمه + الهوب يكون سليم هذا في حالة قررت تسحبه بنفسك.
(( دائماً احتفظ بصور للبطاقه الشخصيه + جواز السفر لأنك راح تحتاجهم بكل مكان ))
بعد ماتتوكل على الله وتشتري الطراد
تروح انت والبايع الى وزارة المواصلات وتتم عملية المبايعه وتستلم شهادتين وحده ( شطب ) والثانيه ( تنازل ) بقيمة 250 درهم تقريباً ويروح البايع يتوكل على الله وتكمل انت الإجراءات وهي :-
بعد ماتستلم الشهاداة من المواصلات تروح لأي شركة شحن ومنها (الكرنك) وهو مشهور جداً
وتعمل عنده فاتورة مبايعه بناءً على الشهاداة اللي معك وتأكد انه يكتب في الفاتورة أن القارب + المكاين وارد الامارات وليس اليابان لان لو كتب المكينه يابانيه راح تتلعوز بالجمارك .
(( شركة الشحن ممكن توصل لك الطراد الى السعوديه ولكن المبلغ كبير فأقل شركة تشحن بـ 5000 درهم ))
بعد ماتسوي الفاتورة تحتاج انك تصدقها من الغرفه التجاريه + تطلع شهادة منشأ
شهادة المنشأ فيه نوعين واحد الكتروني وهذا غير مقبول بالجمارك السعوديه لذلك اطلب تكون مختومه وموقعه يدوياً.
ولو تحب تقدر تطلب من نفس شركة الشحن هو يخلص لك موضوع الغرفه التجاريه من تصديق للفاتورة وإصدار شهادة منشأ بنفس الوقت .. قيمة الفاتورة مصدقه 300 درهم + إستخراج شهادة منشأ 200 درهم ... المبلغ الكلي للعمليه 500 درهم
بعد إستخراج شهادة المنشأ + الفاتورة تروح وزارة الخارجيه قسم التصديق وتصدقهم
القيمه تقريبا 460 درهم
ثم تتوكل على الله وتروح السعوديه :-
اذا كنت ساحب الطراد بنفسك فالسرعه القصوى هي 100 كلم .
( حاول الدخول في فترة الصباح نظراً لوجود موظفين اهل خبره لان موظفين جمارك الامارات الفتره المسائيه هم خريجين متوسط وثانوي مراهقين وتعاملهم سيء جداً )
اول ماتوصل تدخل عادي مع مسار المسافرين وليس الشحن تختم جوازات وجمارك وبعد ماتخلص تتوجه الى مبنى الجمارك على اليمين الخاصه بالبضايع والسيارات وتوقف وتنزل معك اوراقك تدخل وتطلب من الموظف رقم وهو يعطيك ويعينك الى واحد من شركات التخليص الجمركي
(لأن النظام الجديد في دول الخليج تتطلب إجبارياً تعيين واحد من مكاتب التخليص الجمركي )
بمعنى انك ماتقدر تخلصها بنفسك
بعد مايعين لك مكتب يعطيك ورقة التعيين وتروح بنفسك للمكتب وتسلمه اوراقك وتطلع معه الى واحد من موظفين التخليص الجمركي ويروح ويكشف على الطراد بفحصه ويتأكد من تطابق رقم المكينه ( الإستيكر ) اللي مكتوب فيه رقم المحرك ثم ترجع مع المعقب الى المكتب يطبع لك بيان جمركي وترجع للجمرك يختم لك عليه ويعطيك تصريح نقل بري لابد تحتفظ فيه لأن اول محطه في جمارك السعوديه يطلبونها . بعدها تحاسب مكتب التخليص تقريبا 300 درهم وتتوكل على الله للسعوديه . وهنا تبدأ الكارثه .
-------------------------------
قبل ابدأ بتفاصيل الجمارك السعوديه اعطيكم نقاط مهمه واللي هي :-
(( معاملتك الجمركيه كبضاعه شخصيه اسهل من معاملة شركات الشحن ))
السياره اللي تدخل فيها لابد هي نفسها اللي تطلع القارب فيها .. يعني لو تأخرت معاملتك لليوم الثاني السياره تظل داخل الجمرك ماتطلع الا بالقارب وانت دبر نفسك المحطات القريبه من الجمارك فيها فنادق تقدر ( على رجلك مشي ) تطلع تنام الى اليوم الثاني ترجع تكمل اجراءاتك
لكن لو حبيت تروح بالسياره وترجع بعد اسبوع تكمل تقدر ولكن بشرط اول ماتدخل الجمارك السعوديه ماتسوي أي إجراء تدخل القارب بساحة الشحن وتوقف القارب بعيد شوي عن التريلات وتخليه وتطلع وتروح كأنك راجع مسافر عادي وتطلع بسيارتك وترجع متى ماحبيت بعد فتره وتسوي خروج من السعوديه ( ولا تدخل الى الامارات ) تلف من برى الحدود وترجع تدخل للقارب وتركبه على السياره وتبدأ إجراءاتك الشحن .
- بالنسبه للجمارك السعوديه لابد مكتب تخليص نفس وضع الامارات
وثلاث ارباع معاملتك على المخلص تأكد من ان المكتب الي تتعامل معه يكون مكتب معروف والمخلصين اللي عنده ناس فاهمه لان اغلب المكاتب مخلصينها صغار سن وكل وقتهم هربانين يعسلون او مقفل جواله يعني 99% من سبب التأخير هم المخلصين و24 ساعه خلك معه مثل ظله واذا جلس يلف ويدور هدده بشكوى عند المدير ( يجيه شلل رباعي ) :D
لذلك تأكد من المكتب حتى لو تسئل موظفين الامن او الجمارك يدلونك على مكاتب محترمه
سعر التخليص مابين 700 الى 1000 ريال
--------------------------------
خطوات الجمارك السعوديه
اول ماتدخل بسيارتك ومعك القارب اول دخله يمين فيها التريلات خلها واطلع على طول ثاني دخله يمين ادخل معها ووقف وروح مشي الى مبني الجوازات سو دخول واختم على ورقة الدخول والنقل البري اللي اخذتها من الامارات
ارجع لسيارتك وادخل من بين التريلات الى مكتب الامن للتفتيش ولا توقف في مسار التريلات وقف في اخر موقف الى اليمين حق السيارات وادخل عند الشباب في الامن يعملون لك دخول ياخذون منك البيان الجمركي حق الامارات ويعطونك ورقة فحص + بيان جمركي سعودي ويرسلونك بالسياره والقارب الى مبنى الاشعه ويفحصون القارب داخل الغرفه ويعطونك بيان بصورة القارب بالاشعه + ورقة الفحص سواء سليم او فيه اشتباه ترجع لنفس مكتب الامن اذا سليم يختم لك الورقه وتروح للخطوه الثانيه واذا اشتباه بيجيبون عزكم الله كلاب يشمشمون القارب وبعدين يختم لك .
خلصت منهم تروح الى مظلات التفتيش وتوقف عند المظله الثانيه او الثالثه بأي موقف على اليمين وتروح مشي الى مكاتب التخليص الجمركي وتختار واحد من المكاتب اللي ذكرناها سابقاً يكون مكتب معروف او تكون متفق معه مسبقاً وترجع انت والمعقب الى شباك التعهدات وتسوي توكيل للمكتب
بعد التوكيل تدخل انت والمعقب الى مكتب التعهدات وتطلب تفتيش يعينونك الى وحده من المظلات غالباً يكون في مظلة الحديد يفتش المفتش ويطابق رقم المحرك ويوقع لك بعدها تروح لمكتب الفسح يعطيك بيان تاخذه وتروح للقيود ويعطونك ظرف مقفل لحرس الحدود يروح المعقب يسوي لك تصريح من الحرس وتنتظره لما يرجع معه ظرف من حرس الحدود ترجع مره ثانيه للقيود يعطونك ورقه تروح للتعهدات وقبل تدخل عليهم تكلم مكتب التخليص يسدد قيمة الجمرك اللي هي 5% من قيمة الطراد + 70 ريال رسوم عادة تأخذ العمليه 10 دقايق بعد مايسدد يوقعون لك وتدخل على مدير الشؤون الجمركيه يوقع لك ويختم لك على ثلاث اوراق وتتوكل على الله ورقتين تعطيهم البوابه وانت طالع وورقة تخليها معك علشان التسجيل داخل السعوديه من المواصلات وحرس الحدود ..الخ
والله يستر عليك شوي شوي بالطريق :D
بالنسبه لدوشة الجمارك السعوديه انت عليك اول خطوتين اللي هي تسجيل الدخول و تفتيش الأمن اما الباقي فهي شغلة المعقب المهم تتوفق في اختيار المكتب المناسب والباقي بس خلك مع المعقب وهو يخلصك انت مو مجبر تحفظ الخطوات . عمل الجمارك يومياً من الساعه 8:30 صباحاً الى 3:00 عصراً ماعدا يوم الجمعه .
لو صعب عليك أي شي تروح لمدير الشؤون الجمركيه رجال طيب وكريم ومايقصر مع احد.
إن شاءالله اكون افدتكم باللي اسعفتني فيه الذاكره لأن الجمارك السعوديه نستني اسمي.
بالتوفيق .