ااب
14/05/2013, 10:49 PM
السلام عليكم ورحمة الله وبركاته
الشاعر عبدالله بن عبدالعزيز الشوشان رحمه الله من شعراء عنيزة المعاصرين. توفي سنة 1431 هـ. له هذه القصيدة في الأنواء والنجوم،رحمه الله ورفع منازله في عليين. وحسب علمي هذا أول نشر لهذه القصيدة على الشبكة العنكبوتية.
يقول من سهر يولف غرايبها=يسبك نجوم الوقت سهر يحسبها
ترى أول نجوم القيظ سبع منظمه=تنظيم سبحه جل رب مرتبها
نجم الثريا مبتدا القيظ تنتهي=روايح الكنة مبادي لواهبها
في سابع يونيوتظهر بفجرها=تفاجي لمخضر الجرايد بلاهبها
نجم الثريا والتويبع تبيعها=خلفه يحايد طول الاعوام مطلبها
تزرع به أنواع البطاطيخ كلها=حتى الذرة تزرع يقوله مجربها
ومزارع البرسيم تزهر بعيشها=خص موالحها يزيد النتاج ابها
في ثالث يوليو تكمل بعدها=معه التويبع داخل في حسايبها
والحر يهلك كل مخضر عشبها=يصبح هشيم والذواري تطير بها
عقب تظهر الجوزا نظيم تلالا=تبرى لها الهقعه يمين بجانبها
تنهي بقصر الليل يشتد حرها=الشمس تاقف فوق راسك تلوذ ابها
بها القطع للأخشاب لانش عودها=تسلم من القادح عواصي خشايبها
وبفصلها تغرس فسايل نخيله=حيثه بسرعه يدفع العرق ساق ابها
حتى القرع يبذر بفصله وينتج=بقناطر كان أزرق الري حاربها
والخوخ والمشمش والأعناب كلها=ساوق بها الفلاح بالسوق جالبها
في منتهى الهنعة بها الفي يكسر=والليل ياخذ من نهاره يزيد ابها
تكثر عواصفها ويشتد حرها=والبسر يربي فوق مدبح رطايبها
بتسعه معه عشرين يوليو تنتهي=يظهر ذراع الليث نجم يعقبها
يظهر بفجر بان يلمع بنوره=يوضي كما المشعل مقادم حرايبها
من قبلنا القاضي مجيد بوصفه=يرمش كما عين تطالع حبايبها
يتليه نجمين الكليبين وصفها=عيون حر شاف الارنب يراقبها
يضفى علينا الغيم تكتم بحرها=يظهر حيايا لاجيه في مزاربها
تنشف به الابيار تقصر بجمها=بالهيم يبدا صاحب البير يضربها
تخالف ألوان النخل في جريدها=وبسر المنيعي والحساوي يطيب ابها
ويكثر بطراف المرابيع تمرها=يفرح بها العصفور رزقه ينقبها
أربع معه عشرين غسطس وتنتهي=طالع سهيل يوم تشوف مراقبها
يزحف على بطنه يوايق ويختفي=كالذيب يدرق صيدته يوم يضربها
يوايق على حدب الجرايد وتتمر=ماحلى ثمرها يوم سابت مراطبها
بطياس قطار مع احلاه قلطت=بمجبب من داخل الغرس لاذ بها
والى مضى نجم من سهيل لاحظه=اقصر بري نخيلها لايزيد ابها
لاجل انها تنشف وتذبل وتستوي=تفتل بقشره مع صفار يليق ابها
سبع الليالي باخر سهيل حسبته=باسم الفراق اللي مع الوسم عد ابها
اللي بها العربان شدت محيله=يم المنادى للمراعي تدور ابها
بامر الولي ينشي سحاب ويمطر=تمشي به الوديان من كل جانبها
خمس وعشر اكتوبر سهيل ينتهي=مبدا نجوم الوسم هبت هبايبها
في منتهى العوا به التمر يستوي=يصرم وتسمع للمحادر تجيلبها
وسماك مع غفر زباناه آخره=بعون من الله وآلة البذر قربها
في سابع ديسمبر الاكليل يبتدي=مع القلب والشوله تزيد الثلوج ابها
وخمس وعشر يناير الشوله انتهت=أول شباط يمسك مناصبها
طالع ذراع الليث بالفجر يختفي=ينهي بذور الحب إلا لمطلبها
تبدا النعايم مانعمنا بفعلها=بعض الليالي ماتحمد عواقبها
هبت بها النكبا بليل وصَلِّبت=واحمر منها الجو من شد لاهبها
يشتد فيها البرد مع طول ليلها=من الجوع تسمع للصنيغي يحن ابها
في عاشر فبراير البلده انتهت=يبدا به الذابح مبادي عقاربها
مسمينها بالسم من سم بردها=يجمد بها السعبول من ريق شاربها
ترص لنخيل تخفى ثمارها=تخفي ثمرها لين تدفي جوانبها
والزرع يدحر في عروقه وفرخ=معروف باللي ماضي من تجاربها
بها البذر لانواع البطاطيخ كلها=ولِّم بذوره والمشاعيب شعِّبها
ثلاث من الذابح وبعده ثلاثه=احسب حسابه طول الاعوام عد ابها
واللي بقى من تال الايام يصلح=لكن حصيله مايقابل متاعبها
سعد بلع عقبه يعقب زميله=ماغير وبدل مشى مامشاه ابها
ثلاث مع عشرين فبراير بدا=يامر وينهي مدته يوم شاخ ابها
ساوى بليله قام يسعف نهاره=والما مشى بالغصن خار النهار ابها
والخوخ والمشمش يفتق زهوره=والزرع زاد بشرب شاحت مشاربها
يبدا بغرس اشجارها مع نخيلها=لاشك لاحظ بالذرى لاتسيبها
سعد بلع خلص حسابه ومدته=ثمان من مارس حسابه مشطبها
مبدا السعود اللي هو آخر عقاربه=حكم لرايه قال للبرد جنبها
تبدا نخيل به تشقق بشيفها= وقنيانه اللي داخل الليف شق بها
والزرع ساق بسوق ساقة كعوبه= حتى الخرايم طار زاهر عشايبها
غنت به الاطيار ياحلو فنها=مع ام سالم يوم جرت سبايبها
فرحت به ام سويد دلت تقوقس=وغنى به الهدهد لشوقه ينادبها
تبدا به الاطيار تبني عشوشها=وتبدا عصافيره تلايم حبايبها
تزهر بها اشجار البساتين كلها=تفوح بزهار كما الطيب فاح بها
والزرع فز وطال بدا يحورب=يقوم يلفظ للسبل من جرايبها
والبرد قفى قام يطوي حباله=الا التوايح كان هب الشمال بها
واحد معه عشرين مارس وينتهي=مبدا الحميم اللي به الهيف هب بها
اللي يقول بها المثل ماضي مضى=والامثال تحتاج المعاني وتسلبها
الى من شمس للحميمين هوجرت=على الزرع وصوا بالمكاين موضبها
الزرع ينشف تنقل الما احبوبه=إلا الى ارخت به ذيوله سحايبها
ياما سهرنا بالغداري نروسها=ونتابع الصاخن وسيل يهل بها
والاخبيه ست وعشرين ليله=تبدا النكاري في نواحي جوانبها
ست وعشرين ابريل تنهي حميمها=بداية ذراع للموخر يسيد بها
ينخى الرشا بعده زميله يحرضه=يقول حضر للمخالب وسن بها
يقطع به العرفج الى طار زاهره=من يم عنز والعميشا نحش بها
وشرق الاراخم والثويرات غرب=من يم صاره مع خناصر وجانبها
والزرع ودع هان واقفت متاعبه=اقفت ليال العسر يسر يعقبها
يبدا به الفلاح يقطف وينشر=لاطيب سبلها والكوابين دق بها
بالليل قرصان وبالصبح وكبه=ماحلى مراصيع تسيح السمون بها
آخر رشاه الزرع يبدا حصيده=إلا قليل من دواخل مشاربها
زاثنا عشر مايو وشرطين يبتدي=ينهى حصاد الزرع حتى النقال بها
حتى السبل باقصى الحياييل يلقط=يحسب حسابه ضمن داخل مكاسبها
وبطين في خمس وعشرين مايو=يبدا وتسجع في نهاره هبايبها
في آخر الكنه بها الحر يبتدي=والكبد تنشف يطلب الشرب تاعبها
جراير العربان جتنا محيله=تنقض لجزوه والموارد تخضبها
ياماحلى المقهور لاصج جوها=وتريطن الخلفات والجو صج بها
آخر حساب الوقت يرجع على اوله=روايح الكنه مبادي لواهبها
آخر حساب بطين ينهى لصيفها=ثرياه تقرن بالقمر في مغاربها
في سابع يونيو تبدا وتنتهي=سبحان رب دار بالكون دار بها
واسمع نصيحة آخر القول سقتها=تنفعك في مدى حياة تعيش بها
من ترك الممشى وهو شاب تركه=يفقد قواه وصار يحسب بشايبها
اقل ماتمشيه اثنين كيلو=احسب حسابه كل صبح يمر بها
هذا وصلى الله على سيد البشر=لمحمد ماهل رايح سحايبها
الشاعر عبدالله بن عبدالعزيز الشوشان رحمه الله من شعراء عنيزة المعاصرين. توفي سنة 1431 هـ. له هذه القصيدة في الأنواء والنجوم،رحمه الله ورفع منازله في عليين. وحسب علمي هذا أول نشر لهذه القصيدة على الشبكة العنكبوتية.
يقول من سهر يولف غرايبها=يسبك نجوم الوقت سهر يحسبها
ترى أول نجوم القيظ سبع منظمه=تنظيم سبحه جل رب مرتبها
نجم الثريا مبتدا القيظ تنتهي=روايح الكنة مبادي لواهبها
في سابع يونيوتظهر بفجرها=تفاجي لمخضر الجرايد بلاهبها
نجم الثريا والتويبع تبيعها=خلفه يحايد طول الاعوام مطلبها
تزرع به أنواع البطاطيخ كلها=حتى الذرة تزرع يقوله مجربها
ومزارع البرسيم تزهر بعيشها=خص موالحها يزيد النتاج ابها
في ثالث يوليو تكمل بعدها=معه التويبع داخل في حسايبها
والحر يهلك كل مخضر عشبها=يصبح هشيم والذواري تطير بها
عقب تظهر الجوزا نظيم تلالا=تبرى لها الهقعه يمين بجانبها
تنهي بقصر الليل يشتد حرها=الشمس تاقف فوق راسك تلوذ ابها
بها القطع للأخشاب لانش عودها=تسلم من القادح عواصي خشايبها
وبفصلها تغرس فسايل نخيله=حيثه بسرعه يدفع العرق ساق ابها
حتى القرع يبذر بفصله وينتج=بقناطر كان أزرق الري حاربها
والخوخ والمشمش والأعناب كلها=ساوق بها الفلاح بالسوق جالبها
في منتهى الهنعة بها الفي يكسر=والليل ياخذ من نهاره يزيد ابها
تكثر عواصفها ويشتد حرها=والبسر يربي فوق مدبح رطايبها
بتسعه معه عشرين يوليو تنتهي=يظهر ذراع الليث نجم يعقبها
يظهر بفجر بان يلمع بنوره=يوضي كما المشعل مقادم حرايبها
من قبلنا القاضي مجيد بوصفه=يرمش كما عين تطالع حبايبها
يتليه نجمين الكليبين وصفها=عيون حر شاف الارنب يراقبها
يضفى علينا الغيم تكتم بحرها=يظهر حيايا لاجيه في مزاربها
تنشف به الابيار تقصر بجمها=بالهيم يبدا صاحب البير يضربها
تخالف ألوان النخل في جريدها=وبسر المنيعي والحساوي يطيب ابها
ويكثر بطراف المرابيع تمرها=يفرح بها العصفور رزقه ينقبها
أربع معه عشرين غسطس وتنتهي=طالع سهيل يوم تشوف مراقبها
يزحف على بطنه يوايق ويختفي=كالذيب يدرق صيدته يوم يضربها
يوايق على حدب الجرايد وتتمر=ماحلى ثمرها يوم سابت مراطبها
بطياس قطار مع احلاه قلطت=بمجبب من داخل الغرس لاذ بها
والى مضى نجم من سهيل لاحظه=اقصر بري نخيلها لايزيد ابها
لاجل انها تنشف وتذبل وتستوي=تفتل بقشره مع صفار يليق ابها
سبع الليالي باخر سهيل حسبته=باسم الفراق اللي مع الوسم عد ابها
اللي بها العربان شدت محيله=يم المنادى للمراعي تدور ابها
بامر الولي ينشي سحاب ويمطر=تمشي به الوديان من كل جانبها
خمس وعشر اكتوبر سهيل ينتهي=مبدا نجوم الوسم هبت هبايبها
في منتهى العوا به التمر يستوي=يصرم وتسمع للمحادر تجيلبها
وسماك مع غفر زباناه آخره=بعون من الله وآلة البذر قربها
في سابع ديسمبر الاكليل يبتدي=مع القلب والشوله تزيد الثلوج ابها
وخمس وعشر يناير الشوله انتهت=أول شباط يمسك مناصبها
طالع ذراع الليث بالفجر يختفي=ينهي بذور الحب إلا لمطلبها
تبدا النعايم مانعمنا بفعلها=بعض الليالي ماتحمد عواقبها
هبت بها النكبا بليل وصَلِّبت=واحمر منها الجو من شد لاهبها
يشتد فيها البرد مع طول ليلها=من الجوع تسمع للصنيغي يحن ابها
في عاشر فبراير البلده انتهت=يبدا به الذابح مبادي عقاربها
مسمينها بالسم من سم بردها=يجمد بها السعبول من ريق شاربها
ترص لنخيل تخفى ثمارها=تخفي ثمرها لين تدفي جوانبها
والزرع يدحر في عروقه وفرخ=معروف باللي ماضي من تجاربها
بها البذر لانواع البطاطيخ كلها=ولِّم بذوره والمشاعيب شعِّبها
ثلاث من الذابح وبعده ثلاثه=احسب حسابه طول الاعوام عد ابها
واللي بقى من تال الايام يصلح=لكن حصيله مايقابل متاعبها
سعد بلع عقبه يعقب زميله=ماغير وبدل مشى مامشاه ابها
ثلاث مع عشرين فبراير بدا=يامر وينهي مدته يوم شاخ ابها
ساوى بليله قام يسعف نهاره=والما مشى بالغصن خار النهار ابها
والخوخ والمشمش يفتق زهوره=والزرع زاد بشرب شاحت مشاربها
يبدا بغرس اشجارها مع نخيلها=لاشك لاحظ بالذرى لاتسيبها
سعد بلع خلص حسابه ومدته=ثمان من مارس حسابه مشطبها
مبدا السعود اللي هو آخر عقاربه=حكم لرايه قال للبرد جنبها
تبدا نخيل به تشقق بشيفها= وقنيانه اللي داخل الليف شق بها
والزرع ساق بسوق ساقة كعوبه= حتى الخرايم طار زاهر عشايبها
غنت به الاطيار ياحلو فنها=مع ام سالم يوم جرت سبايبها
فرحت به ام سويد دلت تقوقس=وغنى به الهدهد لشوقه ينادبها
تبدا به الاطيار تبني عشوشها=وتبدا عصافيره تلايم حبايبها
تزهر بها اشجار البساتين كلها=تفوح بزهار كما الطيب فاح بها
والزرع فز وطال بدا يحورب=يقوم يلفظ للسبل من جرايبها
والبرد قفى قام يطوي حباله=الا التوايح كان هب الشمال بها
واحد معه عشرين مارس وينتهي=مبدا الحميم اللي به الهيف هب بها
اللي يقول بها المثل ماضي مضى=والامثال تحتاج المعاني وتسلبها
الى من شمس للحميمين هوجرت=على الزرع وصوا بالمكاين موضبها
الزرع ينشف تنقل الما احبوبه=إلا الى ارخت به ذيوله سحايبها
ياما سهرنا بالغداري نروسها=ونتابع الصاخن وسيل يهل بها
والاخبيه ست وعشرين ليله=تبدا النكاري في نواحي جوانبها
ست وعشرين ابريل تنهي حميمها=بداية ذراع للموخر يسيد بها
ينخى الرشا بعده زميله يحرضه=يقول حضر للمخالب وسن بها
يقطع به العرفج الى طار زاهره=من يم عنز والعميشا نحش بها
وشرق الاراخم والثويرات غرب=من يم صاره مع خناصر وجانبها
والزرع ودع هان واقفت متاعبه=اقفت ليال العسر يسر يعقبها
يبدا به الفلاح يقطف وينشر=لاطيب سبلها والكوابين دق بها
بالليل قرصان وبالصبح وكبه=ماحلى مراصيع تسيح السمون بها
آخر رشاه الزرع يبدا حصيده=إلا قليل من دواخل مشاربها
زاثنا عشر مايو وشرطين يبتدي=ينهى حصاد الزرع حتى النقال بها
حتى السبل باقصى الحياييل يلقط=يحسب حسابه ضمن داخل مكاسبها
وبطين في خمس وعشرين مايو=يبدا وتسجع في نهاره هبايبها
في آخر الكنه بها الحر يبتدي=والكبد تنشف يطلب الشرب تاعبها
جراير العربان جتنا محيله=تنقض لجزوه والموارد تخضبها
ياماحلى المقهور لاصج جوها=وتريطن الخلفات والجو صج بها
آخر حساب الوقت يرجع على اوله=روايح الكنه مبادي لواهبها
آخر حساب بطين ينهى لصيفها=ثرياه تقرن بالقمر في مغاربها
في سابع يونيو تبدا وتنتهي=سبحان رب دار بالكون دار بها
واسمع نصيحة آخر القول سقتها=تنفعك في مدى حياة تعيش بها
من ترك الممشى وهو شاب تركه=يفقد قواه وصار يحسب بشايبها
اقل ماتمشيه اثنين كيلو=احسب حسابه كل صبح يمر بها
هذا وصلى الله على سيد البشر=لمحمد ماهل رايح سحايبها