مارايكم بشاص نيسان الجديد [الأرشيف]

ولد اعنيزة

15/05/2013, 04:42 PM

السلام عليكم

حي الله اعضاء مكشات الكرام

يا إخوان أنا لاحظت كثير من اللي يبيعون شاص النيسان الجديد

وتلقاه ماشي300 كيلو 800 كيلو ويبيعه علئ طول

ولاهب واحد ولاثنين

فتخوفت من الموتر

قبل لا اشتريه قلت ابسأل إخواني بمكشات وان شاء الله ما يقصرون

فياليت من استعمله أو يعرف احد استعمله يعطينا انطباعه عن الموتر

والله لايحرمكم الاجر

PATHFINDER 4

15/05/2013, 04:55 PM

صدقت لاحظت كثير عليه العرض ومامشت شئ

اتوقع لان الاغلب يبي يجرب الموتر (يعني طفة تجربة وتغيير)
ولا الموتر على كلام ملاكه مايعيبه شئ

مخ سعودي

15/05/2013, 06:18 PM

موتر باختصار
( عداه العيب )

ابوسند9

15/05/2013, 08:05 PM

موتر باختصار
( عداه العيب )
عندك الرابطه ممكن تستفسر عنه

abo mani3

16/05/2013, 12:53 AM

هذولي طال عمرك في اعتقادي يجيبه خليجي رخيص ويتربح منه

الان مع اخوي ممشاه حول 13 الف ومعه صغيرة هوندا تركها عقب الشاص هههههه

السناعيس .f16

16/05/2013, 02:19 AM

وعليكم السلام ورحمة الله وبركاته

على كلام بعض الشباب فوق ممتاز
و في رابط ل شاص نيسان تقدر تستفسر اكثر

RW7..ALBDAWA

16/05/2013, 02:26 AM

الليث الذهبي

16/05/2013, 10:42 AM

شف ونآ اخوك انآ بقولك الكلآم هذآ من تجربـه لـ ولد عمي لي شرى الشآص 4800 المهم ركب عليـه بآلون وإنآ معآه يعطيـه رآبح يطير الجيب بس من يعطيـه خآمس يضعف عزمـه وكرهـه الموتر حتى بالمرآقى يقول مآهو مثل الفتك اللي كآن معآه اول وبآعه وموتره مآشي 7000
عآد هذآ الشي اللي ضيق صدرهـ فيه ولآ الموتر مآشاء الله تبآرك الرحمن

اول شي سلملي على ولد عمك ههههه يراقي بشاااص. ياخذ له ربع والا اكستيرا. اما بالنسبه اذا عطاع خامس يدج اكيد بيريح الموتر. تبي تبتل في رابع
انا في نظري انها مب مشكله فالموتر مشكله في راعيه،،

نايس × كول

16/05/2013, 01:01 PM

والله الموتر حلوو يكفي ماكينته جباره 4800 ماشاء الله تبارك الله

خذ ولا عليك من كلام الناس انت تبي تستخدم ما تبي تبيع

PATHFINDER 4

16/05/2013, 04:40 PM

اللي يقول لاعطاه خامس طاح عزمه ههههههه
ياحبيبي بالخامس 120 والضغط فوق اال 3 المكينة شادة يبيلها قير سادس وهذا كلام كل ملاكه والعيب مب في الموتر في راعيه

باترول88

16/05/2013, 07:16 PM

الموتر ممتاز ونشيط ولا به عيوب تذكر
ولاكن عيب الوحيده هو انه طامر حيل
تحس انه نيفارا بس مكينه فتك
واذا حملت يطيح باللحيل

التعـ King ـديل

16/05/2013, 07:33 PM

انا كان معي 2004 مكينه 4500 ونفس مواصفات 2012 بس فرق المكينه والارباق والمسجل

ال 2004 كان يمشي بالخط الى 180 راسي ولا احلا منه والان 2012 مثله بس مكينه 4800

وانا اقولها لك لو ماعندي عائله اشيلهم بالفتك كان ابيعه واشتري شاص علطول خاصه اللون الاسود

عليه خيالي مع جنوط 2002 وبالون هيرو 16/900 بيطلع خيال ولا ينطرح لا خط ولا بر

ابو محمد 276

16/05/2013, 08:06 PM

انا امتلك واحد 2012 ومركب كفرات بالون من نوع مالون وكثير يعرف هالكفرات وحجمها ولله الحمد مشيت بالخامس الى 170 والموتر يبي يروح لكن تخوفت من السرعة الزائدة وازيدك من الشعر بيت معاي اغراض بالحوض
وحاليا مركب شد والحمدلله ماشفت منة رداوة ابد .
وواحد من اخوياي اعطاني يايات فتك صالون استرالية ركبتها وشقح الموتر من الخلف وانا محمل وتانكي ماء واغراض ولا عاد ينزل .
توكل على الله ولو تبي تاخذ اراء الناس عز الله ما شريت .
بالتوفيق

ولد اعنيزة

17/05/2013, 02:31 AM

حياكم الله جميعن

والله لا يهينكم وماقصرتو

ومشكورين على تفاعلكم

والله يكتب اللي به خير وصالح

الكدن1

22/05/2013, 11:48 AM

شف ونآ اخوك انآ بقولك الكلآم هذآ من تجربـه لـ ولد عمي لي شرى الشآص 4800 المهم ركب عليـه بآلون وإنآ معآه يعطيـه رآبح يطير الجيب بس من يعطيـه خآمس يضعف عزمـه وكرهـه الموتر حتى بالمرآقى يقول مآهو مثل الفتك اللي كآن معآه اول وبآعه وموتره مآشي 7000
عآد هذآ الشي اللي ضيق صدرهـ فيه ولآ الموتر مآشاء الله تبآرك الرحمن
كفرات البالون تمسك السيارة تحس بثقل
انا ركبتهن على شاص فتك 12 وفكيتهن فرق كبير بين كفرات البلد والبالون في خفة السيارة

صديق كلم رفيق

23/05/2013, 10:25 PM

رجال اعرفه معه الشاص الفتك يقول ركبت عليه كفرات بالون تسع ميه يقول بالخامس عيا يتعدى 160

الصافي9

24/05/2013, 06:11 AM

بالتوفيق.........

عبدالرحمن السالم

25/05/2013, 01:42 PM

انا اشوف ان نمره النيسان بالرابع اقوي من الخامس ، معي باثفندر قير عادي اذا عطيته الخامس يبرد ارجعه للرابع ويمد معي ويمشي ماشاء الله ، اغلب الى ماخذينه تلقاه ماخذه اقساط ويبي كاش عشان كذا ممشاه قليل حتى التويوتا انا شايف بعضهم يشريه اقساط ويبيعه عشان الكاش والله يرزقنا ويرزقكم

بن عريفج

26/05/2013, 04:35 AM

طيب ياجماعة ياهل الخبره افضل الشاص التويوتا الجديد او النيسان الحوض الفتك اعطونا رايكم ووجهة نظركم

ابوسند9

28/05/2013, 10:59 PM

طيب ياجماعة ياهل الخبره افضل الشاص التويوتا الجديد او النيسان الحوض الفتك اعطونا رايكم ووجهة نظركم
اكيد شاص نيسان
واذا بتشوف الفرق قبل تشتري جرب الشاص النيسان بعدين جرب الشاص التايوتا وراح تعرف الفرق

RW7..ALBDAWA

29/05/2013, 02:21 PM

اول شي سلملي على ولد عمك ههههه يراقي بشاااص. ياخذ له ربع والا اكستيرا. اما بالنسبه اذا عطاع خامس يدج اكيد بيريح الموتر. تبي تبتل في رابع
انا في نظري انها مب مشكله فالموتر مشكله في راعيه،،

..!!! الظآهر انك قآري الموضوع بالخطآ أو أنك رآد مندفع ..
أنت افهم وش الموضوع بعدين رد زي العآلم والنآس
الموضوع يتكلم عن ان الموتر يبرد عزمـه بكفرآت البآلون بالخآمس وثآني شي مآيرآقي تجي وتقولي خذلك اكستيرا ولآ ربع .!!!!!!!! وتقول اكيد بيدج بالخآمس اجل تبيه يبتل برآبع < مآدري وش ارد عليك ومآدري وش اقولك لآن كلآمك موب جآي بـ محلـه

RW7..ALBDAWA

29/05/2013, 02:23 PM

اللي يقول لاعطاه خامس طاح عزمه ههههههه
ياحبيبي بالخامس 120 والضغط فوق اال 3 المكينة شادة يبيلها قير سادس وهذا كلام كل ملاكه والعيب مب في الموتر في راعيه

كلآم رآبطـه اجل < هذي النوعيـه اللي لآجاك يسولف يقولك فلآن يقول وفلآن يقول ويمشي على كلآم فلآن وعـلآن وصدقني هالنوعيـه مستحيل تفلـح
يآخــــــــي اول شي انآ اتكلم من تجربـــــــــــــــه مآتكلمت وقلت مثلك فلآن وعلآن وهالنوعيـه تسمى المهآيطي اجل يبي سآدس الله يصلحك بس

RW7..ALBDAWA

29/05/2013, 02:27 PM

للأسف ملآحظ بآكثر ردود مكشآت يردون نآس عقولهم متحجره وعقـول جهآل بزرآن كل همهم التحدي والتحدي والتعصب وهذآ شي غلط الرجآل يبي يعرف وش فالموتر قبل لآيشريه مآيبي يجي علآن ويهآيط ويقلب الشآص موستنق ريآضي وانآ والله مآتكلمت الا من وآقع تجربـه وانآ من محبي النيسآن وكل سيآرآتي نيسان بس انآ اقول المشكلـه انه على كفرآت البآلون يموت عزمـه بالخآمس عكس الفتك الصآلون

مليار

01/06/2013, 09:31 PM

غريبه يموت عزمه مع انه نفس مكينة الصالون ويمكن هو اخف وزن

انا اتوقع اغلب اسباب البيع الياي الخلفي اغلب راغبين الشاص يبون التحميل وهو مايساعد على التحميل مثل السست
بس هذي ميزه لها ضريبتها ميزة الراحه وصريبتها ما تقدر تشيل حمول ثقيله