الجير وصقاااااااارته

[سلطان 1]

السلام عليكم ورحمه وبركاااته

الجير اثبت بدون شك جدااارته في المقنااااص والصيد مع الصقار المتمكن.
لكن فيه بعض الصقاااااقير
يشوف فعل الجير مع صقار جير وناااااجح معه 100/100

ويروح بين يوم وليله وشاري له جير اياً كان نوعه
وصقره صقااااره الوحش وفشل معه
من بكره
وهو شاااااب في الجير وانه ماينفع وانه غبي
وانه مأهوب طير.
طيب دام هذا كلامك ورده فعلك علي الجير
وش خلااااااك من اساااااس انك تشريه والا تفكر انك تنقله وتصقره.
فالبلا صاااار ماهو من الجير
البلاااا صاااار
من صقاااارتك يامعذرب الجير.

فانا كلامي كاااافي عذربه في الجير وخلو الجير لهله.

[ذراع الذيب]

السلام عليكم ورحمة الله وبركاته


هلاااا والله وغلاااا


بأخوي ابوفيحان


ما للخيل الا خيالها يابوفيحان هالسنه خل العيون تدهش وانشهد ان الجير طير يبيله رجال صقاااااااار ووسيع بال


ومن يبي يشوف معيار صقارته ياخذ جير ههههه وتفداك يابوفيحان فرخه تلوي الشريطيه

[عاشق جلاد]

اخوي سطان


معك حق انا اول ماشريت الجير ما عرفت له وقعد اعذرب الجيره واقول مانيب ناقل جير لابوه


المهم رحت لمدعى وشفت جير مع صقار جير الطير مشاء الله سبق خيالي قعدت اسولف مع راعيه المهم جاء


طاري البيع وقالي ترى طيري هذا للبيع بس غالي المهم قالي سومته وتغاليته وشاورت نفسي وشريته بس بعد


تعليمات صقاره خذيت الطير وقمت اهدده على الحمام والطير سبووق سبووق بما تعنيه الكلمه جاء يوم وخليته


في العشه ورحت ارقد قمت الصبح لقيته موكر على وكره وهو طايح واشوف الشيهانه منتفه ثناديها وتصب دم


لكنها باقي على قيد الحياه لانها قاومته زرقت بها المستشفى وعوني مطهرات كم يوم وماتت الطير الجير عفته


ولعاد بغيته واهديته على رجال شرواك وشروا من يقرا وعلمته انه يهد على الطيور



وسلامتك

[(هزاع)]

وعليكم السلااااااااام ورحمة الله وبركاااااااااته
يالله تحيي اااااااابوفيحااااااااان
يخوك حبك للجير والله نخبره
وبن ااااااااادم لاااااااااااحب شي شييخه ولااااااايسمع بغيره
نعم اااان ااااالجير طير للي يعرفله مااااااااايبدله بغيره
من جهة اااااالسبق واااااالصطاه وااااااالصمله
لكن من يعرفله
حنى نبي طقها ولحقها
دهل ااااااالوحش ونقله يومين ودعه بسبب مثلها وتوكل على الله
واااااالجير يبيله وزنيه وميزان وهاااااات ااااللي يرتفع منهن وصبر ااااااايوب
وهااااات من يصبر

[ذراع الذيب]

حنى نبي طقها ولحقها



دهل الوحش ونقله يومين ودعه بسبب مثلها وتوكل على الله



:D:D:D:D:D


التوكل واجب لاكن برضه الوحش يبيله صقاره خااااااااصه وانت لها ياذيبان:D

[سلطان 1]

هلا وغلا
يابو نااااصر والمرحب باقي والقصد
من موضوعي انك يافلان من الصقااااقير
لا تذم الجير وانت السبب في فشله. ليه ما تعترف
وتقول انا ما عرفت له او تقول هذا حدي في الصقاره
ليه ترمي اللوم والفشل علي الطير.

لا هنت يابو ناصر علي مرورك.

عاشق جلاد
لاهنت علي مرورك
وزين منك انك يوم عرفت للجير نجح معك
ولا ذميته حتي وهو مأكل طيرتك. هنا عاد ترجع لنفسيتك يالصقار
انت تقبله والا ماتقبله لكن ماذميته. هذا اللي اباصله انا.



ابو مشعل
طقه واللحقها ههههههههههههخخخ
حلوه منك.
انا ما أتكلم عن حبك للوحش والا حبك للجير
انا أتكلم لا تذم شي والسبب منك يا راعيه.
مشكور يابو مشعل علي مرورك.

[عبدالرحمن بن ذياب]

حياك الله يبو فيحان و لا هنت على هالموضوع
المشكلة تدري وينها فيه يبو فيحان ... المشكلة لا صار كل همنا انت طيرك تفريخ و انت شفنا طيرك
الوحش طير أبوي و جدي و الطيور اللي تعلمنا عليها و تعلقنا بها و و و و و و
الجير طير اثبت فعله و وزنه واللي يشكك بها الكلام يروح ويشوف بعض طيور الشيوخ و الأمراء
و كل واحده وهواه

[سلطان 1]

حياك الله يبو فيحان و لا هنت على هالموضوع
المشكلة تدري وينها فيه يبو فيحان ... المشكلة لا صار كل همنا انت طيرك تفريخ و انت شفنا طيرك
الوحش طير أبوي و جدي و الطيور اللي تعلمنا عليها و تعلقنا بها و و و و و و
الجير طير اثبت فعله و وزنه واللي يشكك بها الكلام يروح ويشوف بعض طيور الشيوخ و الأمراء
و كل واحده وهواه

مرحباً وهلا
ياعبدالرحمن الساعه
المباركه اللي تشارك في موضوعي وتو
مازان الموضوع.
و كلامك عين الصواااااب.

[قيصوم الشمال]

السلام عليكم ورحمة الله وبركاته
اخي الكبير سلطان 1
اتمنى معرفة ماذا تعني بالجير
هل هو الجير الوحش
هل هو تفريخ جير من جير
هل هو جير شاهين
هل هل هو جير حر
هل هو جير وكري
هل هو جير بيلز
هل هو خلطات

هل تفضل الصيد بالشوزن ام بالصقر؟

هل الصقارة مجرد علاقة بين الصقر وطريدته ام هي علاقة بين الصقر وصقاره؟

لو عرض لك فرخ شاهين وحش 16 في 16 وجير ايهما تختار ؟

قد اكون اقل هذا المنتدى الفاضل خبرة ولكني استفيد منكم ومن تجاربكم لكنه لا يمنع النقاش لاثراء هذه الخيمة .

بانتظاراجابتكم لنستكمل النقاش

للمعلومية شاهدت من الجيرة ما يدعك تترك الحرار وشاهدت من الجيرة ماتكره ذكر اسمها


((نبي نروح الوقت لطلعة سهيل))

دمتم بمحبه

[لبيه يمنادي]

السلام عليكم ورحمة الله وبركاته



صبحكم الله بالخير جميعا



موضوع طيب من طيب راعيه




الطيور الوحوش : اثبتت هذه الفئة من الطيور جدارتها علي مر العصور والأزمنة الماضية والا زالت محبوبه عند كثير من الصقاقير لقدرتها علي التحمل وقلة المجهود في


التدريب وسرعة استجابتها اعطاها ميزة اخرا.. وشهادتي فيها مجروحة .



ولاكن .. كم من الطيور الحرار الطيبة اللي صقرة من قبل صقاقير مبتدئين وتسببو في فشلها ولما انتقلت ملكيتها الي صقاقير اخرين واعطوها حقها من التدريب والتعليم


صارت من اغلاء واندر الطيور


بعض الصقاقير للأسف يرمون فشلهم وقلت خبرتهم في الاختيار الصحيح والتعليم الصحيح علي الطير .. وهذا هو الحال مع طير الجير للأسف اذا فشل الصقار قال الطير ما


ينفع ..



هذه مقارنه بسيط للتوضيح



http://www.mekshat.com/pix/upload05/images253/mk94306_qq.jpg





ملاحظه : باستثناء بعض المزارع التي تقوم بعمل هكل للطيور الجير لا كسابها بعض الخبرات



يتضح مما سبق بأن الدور الاكبر والاهم في انجاح الطير او فشله يعود للصقار بغض النظر عن نوع الطير جير او وحش




معادلة بسيط



صقار متمكن – اختيار صحيح – صقاره مميزة = نجاح باهر وصقار يعمل له الف حساب




هذا من وجهت نظري


تحيااتي للجميع

[دابان]

السلام عليكم ورحمه الله وبركاته
شف أخوي كلامك صحيح بس ماهو بكل الحالات!!!!!
مرة يكون الجير طيب والصقار مشي حالك:D
ومرة يكون الصقار صقار ما علية كلام بس الجير خايب خايب (وهذا صار كثير جداً اول عرف الناس بالجير ) :(
أرجو ان أكون وضحت وجهة نظري

[توكار]

هلا يراعي الموضوع

الجير الزين مايجي عندنا الا اللى حيا الله

والزين يختارونه في الخارج

[حصريا001]

اولاً
انا ماني من مشجعين الجير
ولا عمري صقرت الجير
ولكن كلمة حق تقال
الجير طير ناجح بكل المقاييس طير اثبت فعاليتة
وسرعتة وجسارتة في الهدد
وله مزايا كثيرة وكذالك له عيوب محد ينكرها
واخراً
الجير له جمهورة
والوحش له جمهورة
والسوق موجود ادخل واشتر مايحلو لك

[مودع الخلان]

السلام عليكم ورحمة الله وبركاته
موضوع في غاية الاهمية وتشكر عليه يالاخ سلطان
هالموضوع اتحراه من زمان



الطير التفريخ له عدة ايجابيات يهد علا صيدته لو كان الهواء صلف او وقت حومه مقارنة بالوحش يطرح (يحل) او يدقها حومه باللجه
الطير الوحش تساعده خبرته فالخلاء مثل التعليق تعليقه افضل مقارنة بالتفريخ وغشامته يصدم صدم
بالنسبة للصقار يبي يتعب بالتفريخ لاكن يبي يطلع بنتائج مرضية وطيبه



وسلامتكم

[@السيف@]

وعليكم السلام ورحمة الله وبركاته
حياك الله ابو فيحان
انا ماقد قنيت جير ولا لي خلفيه عنها
لكن شدني كلامك ويش تقصد فيه
ويروح بين يوم وليله وشاري له جير اياً كان نوعه
وصقره صقااااره الوحش وفشل معه
مدري هل صقارة الوحش غشامه (دقها واللحقها)
هل الطير الوحش صقارته لا تقارن بالجير
هل هو تباهي من صقار الجير انه تعب حتي ركد الجير ونجح معه
هل بيئة الوحش هي نفسها بيئة الجير
هل اذا نقلنا الوحش الي بيئة الجير يكون بنفس السهوله تركيده ومعرفة طبوعه
هل الوحش يحوم في بيئة الجير
هل تركيد الجير في بيئته الاصليه هي نفس الصعوبه التي يواجهها صقاره في بيئتنا
هل المزرعه المنتجه تكون سبب في صعوبة تدهيل ومعرفة وزن الهداد للجير
هل يمكن تدهيل الجير بدون الابتداء بتدهيل الوحش (بدون خبره)
موضوع يستحق النقاش بشكل علمي بدون تعصب او غيره
تقبل مروري اخوك الصغير ابو سيف

[طيار قطر]

السلام عليكم ورحمه وبركاااته

الجير اثبت بدون شك جدااارته في المقنااااص والصيد مع الصقار المتمكن.
لكن فيه بعض الصقاااااقير
يشوف فعل الجير مع صقار جير وناااااجح معه 100/100

ويروح بين يوم وليله وشاري له جير اياً كان نوعه
وصقره صقااااره الوحش وفشل معه
من بكره
وهو شاااااب في الجير وانه ماينفع وانه غبي
وانه مأهوب طير.
طيب دام هذا كلامك ورده فعلك علي الجير
وش خلااااااك من اساااااس انك تشريه والا تفكر انك تنقله وتصقره.
فالبلا صاااار ماهو من الجير
البلاااا صاااار
من صقاااارتك يامعذرب الجير.


فانا كلامي كاااافي عذربه في الجير وخلو الجير لهله.




كلامك صحيح ميه فالميه مهب كل كل صقار يعرف للجير
الجير يبيله وسعة بال وكل شيء يتعلمه بس يبيله وقت ومايبي حد يفشله بالصيده يعني ماتروح وتهده يبيله تعلمه التعليق والارتفاع وتتدرج له بالصيد من الضعيفه الى القويه

[ربع خالي]

وعليك السلام ورحمة الله وبركاته

هلا وغلا براعي التهاجين

تريد زبدة الكلام وماقال دل ؟
الجير التفريخ او الجير المهجن ! تدري وش يسوي بالصقّار ؟
يسويله إعادة تأهيل في الصقاره هذا إن حب ينقل واحد من النوعين .
تقبل مروري

[قلب ذيب]

سيستمر الجدال بين مزايا الجير والوحش مابقيت الصقاره والقمناص ونقلة الطير موجوده
كل صقار حسب خبرته واجتهاده .

[_الراسي_]

سيستمر الجدال بين مزايا الجير والوحش مابقيت الصقاره والقمناص ونقلة الطير موجوده
كل صقار حسب خبرته واجتهاده .

أشاركك الرأي يابو ماجد الطير الطيب بين

تقبل مروري يابو فيحان