&ذيب الحره&
26/09/2006, 01:22 AM
كل عام وانتم بخير ومبارك عيكم الشهر.....
هاذي قصيده في القهوه اتمنى تعجبكم
1-لاطال ليلك شب نار المعاميل ** وأحمس من الخولان طبخه نديه
2-ودقه بنجر(ن)يزعج الصوت بالحيل**يطردصدا صوته هموم(ن)خفيه
3-وحطه بصفرا سايل(ن)ربها سيل **تشبه هنوف(ن)يوم عيدالضحيه
4-لالبست كل الدلع والخلاخيل ** وسط الصبايا تلعب السامريه
5-من وارد البغداد قوم(ن) حلاحيل**عطر الشوارب مرهبين البغيه
6-ثم صب ماها من قراح(ن)شهاليل**من وابل(ن)تلمع بروقه عشيه
7-سحابة(ن)ترسم بروس الهماليل** سيل(ن)حدر مع كل طرق وشغيه
8-واسحبلها جمر(ن)غضونه مشاعيل**ثم اركب البغداد من فوق ضيه
9-ولابش ريح البن بالغوش ياوصيل ** اجذه عن الموقد وخله شويه
10-وهات العويدي ثم دقه مع الهيل ** وحطه بكر(ن)لنشاما خويه
11-ثم احمل الاولى وزله على الهيل**حتى يساوي لرقبتها غثيه
12-وأخطف من الي يشبهن السماليل**هواية اهل الكيف والشاذليه
13-الزعفران تزين معه التعاليل **يعطيك فوق اللون ريحه زكيه
14-واليا أكتمل بالوصف كل التشاكيل**أرجع وركبها على نار حيه
15-ولاشكلت بالفوح هات الفناجيل ** فنجال من يمناك مافيه زيه
16-ولاضاق صدرك خل عنك الزواميل**ترى الليالي بطبعها عنجهيه
17-الليل يخفي في سواده غرابيل**سود الوجيه بليلة(ن)سرمديه
18-لاوهني الي حياته تساهيل**ومن عاش في دنيا السعه لا واهنيه
19-ليلا(ن)قضيته بالسهر والمواويل**وأشقيت عيني زود ماهي شقيه
20-الله من وقت(ن) حداني على الميل**وان أحسب ان الوقت يعطف عليه
21-أثر الزمن قاسي ولاعنه تحويل**يحكم عليك ولانظر بالقضيه
22-في مامضى ذقنا من المر والويل**وشي(ن)من الحالي يجيب المنيه
23-شربتمن سم الافاعي قناديل**لين ارتوت منه العروق الجذيه
24-قاسيت بالدنيا وشفت التهاويل** وياشيب عيني من بقايا خفيه
25-أن ماضحكتلي باليالي المقابيل**يالليل ردد ماطولك من بليه
هاذي قصيده في القهوه اتمنى تعجبكم
1-لاطال ليلك شب نار المعاميل ** وأحمس من الخولان طبخه نديه
2-ودقه بنجر(ن)يزعج الصوت بالحيل**يطردصدا صوته هموم(ن)خفيه
3-وحطه بصفرا سايل(ن)ربها سيل **تشبه هنوف(ن)يوم عيدالضحيه
4-لالبست كل الدلع والخلاخيل ** وسط الصبايا تلعب السامريه
5-من وارد البغداد قوم(ن) حلاحيل**عطر الشوارب مرهبين البغيه
6-ثم صب ماها من قراح(ن)شهاليل**من وابل(ن)تلمع بروقه عشيه
7-سحابة(ن)ترسم بروس الهماليل** سيل(ن)حدر مع كل طرق وشغيه
8-واسحبلها جمر(ن)غضونه مشاعيل**ثم اركب البغداد من فوق ضيه
9-ولابش ريح البن بالغوش ياوصيل ** اجذه عن الموقد وخله شويه
10-وهات العويدي ثم دقه مع الهيل ** وحطه بكر(ن)لنشاما خويه
11-ثم احمل الاولى وزله على الهيل**حتى يساوي لرقبتها غثيه
12-وأخطف من الي يشبهن السماليل**هواية اهل الكيف والشاذليه
13-الزعفران تزين معه التعاليل **يعطيك فوق اللون ريحه زكيه
14-واليا أكتمل بالوصف كل التشاكيل**أرجع وركبها على نار حيه
15-ولاشكلت بالفوح هات الفناجيل ** فنجال من يمناك مافيه زيه
16-ولاضاق صدرك خل عنك الزواميل**ترى الليالي بطبعها عنجهيه
17-الليل يخفي في سواده غرابيل**سود الوجيه بليلة(ن)سرمديه
18-لاوهني الي حياته تساهيل**ومن عاش في دنيا السعه لا واهنيه
19-ليلا(ن)قضيته بالسهر والمواويل**وأشقيت عيني زود ماهي شقيه
20-الله من وقت(ن) حداني على الميل**وان أحسب ان الوقت يعطف عليه
21-أثر الزمن قاسي ولاعنه تحويل**يحكم عليك ولانظر بالقضيه
22-في مامضى ذقنا من المر والويل**وشي(ن)من الحالي يجيب المنيه
23-شربتمن سم الافاعي قناديل**لين ارتوت منه العروق الجذيه
24-قاسيت بالدنيا وشفت التهاويل** وياشيب عيني من بقايا خفيه
25-أن ماضحكتلي باليالي المقابيل**يالليل ردد ماطولك من بليه