قير الهايلوكس

[ابو ناصر2011]

مساكم الله بالخير....

معي هلي2008 غمارة اذا صرت بالنفود ورديتها للثاني يموت عزمها مرره

يعني دايم امشي فيها بالنفود بالاول وهي اتفتف ولا اقدر انوفر ولا اقدر اطاعس

زي االناس مدري وش المشكلة هل هي من القير ولا المكينه هذا غير بطئ استجابه

الدعسه انتظر الاجابه بفارغ الصبر وللعلم اني توي مغير صحن الكلتش والدزق

والفحمه وشكراا

[وااضح]

فك الشخالات (دبات التلوث)

[ابو فهد...]

الهايلوكسات الجدد كذا يموت باثنين بالنفود
يقولون الحل ركب مراوح وفرغ الشخلات

[حسن الشمالي]

نسم 15
وجرب

[كاشت بالبر]

نصيحه لا تفك الشخالات ولا تلعب بالسياره

نظف فلتر الهواء
غير فلتر البنزين كل 80 ألف
نظف البخاخات
غير البواجي العاديه كل 40 ألف والأريديوم اللي عمرها طويل كل 100 ألف
اذا جيت تطعس نسم هواء الكفرات

غير زيت المكينه والسيفون < لأن الزيت له دور كبير بتسهيل حركة أجزاء المكينه .. والسيفون الأصلي الجديد ينظف الزيت والمكينه من الشوائب اللي تكون من بقايا الزيت القديم

و يمكن عشان :

الهايلوكسات القديمه .. الدعسه أو الثروتل بودي = عادي وليس إلكتروني

الهايلوكسات الجديده .. الدعسه أو الثروتل بودي = إلكتروني

[كاشت بالبر]

كلتش المروحه اذا كان تعبان يعني على وشك يخرب أو خربان أو تجاري = يقلل العزم

[ابو ناصر2011]

اشكر جميع من رد علي لاكن كل اللي قلتوه انا مسويه الشخالات مفرغه والبواجي مغيرهن قبل شهرين

وفلتر البنزين قبل اسبوع وبالنسبه للي يقول ان الي فوق ال2006 يعني ةدعسه كهرب يموت حيلها بالثاني

انا جربت اكثر من موتر 2009 و2011 الصراحه ممشاها بالثاني قوي ماعليه مهب مثل موتري

[وااضح]

عندك الكلتش خربان القير ماله شغل
تبي تعرف انه خربان اذا دعست المكينة تحن اذا دعست والسياره ما تمشي

[سوبر VTC]

انوفر و اتفتف

الله يستر عليك
و يحفظك لأهلك

[كاشت بالبر]

اذا خربانه خربانه ولا تهمك السياره

ركب فلتر رياضي مثل K&N مع عازل حراره < ولكن الطقم كامل غاااالي
ونظفه كل فتره وفتره بعدة التنظيف والتزييت حقت K&N

وفيه جراب يتركب على الفلتر وقت العج والغبار عشان يزيد الحمايه من الغبار

اذا ما ركبت عازل حرارة ممكن ما راح تستفيد أو يكون الأداء أسوء .. لأن الهواء اللي يدخل للمكينه كل ما كان أبرد = أفضل للعزم والقوه

ولكن اذا كان الفلتر يدخل غبار = راح يقلل عمر المكينه و شنابر المكينه بشكل خاص ( واذا خربت الشنابر = توضيب مكينه )

واذا تبي تحافظ على المكينه = خلك على فلتر الوكاله الأصلي


الزيت الخفيف مثل 15W40 أو 10W30 يزيد قوة ونشاط السياره مقارنة بزيت 20W50 .. لكن في المقابل ممكن تكون مكينتك متعوده على الزيت الثقيل واذا غيرت للزيت الخفيف ممكن يطلع عندك دخان خفيف عند بداية التشغيل ( جلد بلوف ) وممكن نقص الزيت يكون أكثر .. لأنه أخف من الزيت الثقيل

والزيت الخفيف 10W30 ونازل .. حمايته أقل في الأحمال العاليه ( RPM عالي - تحميل - تطعيس - سرعه عاليه - الخ... )

لكنه ينفع للسيارات الصغيره لأن ما عليها أحمال عاليه ( إلا اذ كنت تسوق السياره بسرعه عاليه و RPM عالي )

وترى الشكمان له ضغط معين Back pressure .. اذا خربت الضغط هذا بيأثر على الأداء

يعني تخيل مكينه صغيره تركب لها هدرز وتفك الشخالات ومواصير شكمان كبيره = بيطيح العزم

حقين الشكمانات بعد ما يفرغون دبة الرصاص او الشخالات .. ياخذ المواد الغاليه اللي داخل دبة التلوث catalytic converter ويبيعونها

دبات التلوث مهمة جدا جدا لتقليل التلوث ؛ لكن للأسف اغلب نسبه كبيره من السعوديين ما يهمهم التلوث

المشكلة اننا عايشين بصحراء ولافيه أشجار كثيره ولا شيء + التلوث الخاصل بسبب الناس اللي فاكين دبة التلوث

دبة الرصاص \ دبة البيئه \ دبة التلوث \ catalytic converter = كلها شيء واحد .. فائدتها تقليل التلوث والغازات السامه

والدبه اللي تكون بنهاية الشكمان ( جهة الصدام الخلفي ) فائدتها كتم الصوت وتقليل الإزعاج

[ابو ناصر2011]

اذا خربانه خربانه ولا تهمك السياره


ركب فلتر رياضي مثل K&N مع عازل حراره < ولكن الطقم كامل غاااالي
ونظفه كل فتره وفتره بعدة التنظيف والتزييت حقت K&N


وفيه جراب يتركب على الفلتر وقت العج والغبار عشان يزيد الحمايه من الغبار


اذا ما ركبت عازل حرارة ممكن ما راح تستفيد أو يكون الأداء أسوء .. لأن الهواء اللي يدخل للمكينه كل ما كان أبرد = أفضل للعزم والقوه


ولكن اذا كان الفلتر يدخل غبار = راح يقلل عمر المكينه و شنابر المكينه بشكل خاص ( واذا خربت الشنابر = توضيب مكينه )


واذا تبي تحافظ على المكينه = خلك على فلتر الوكاله الأصلي



الزيت الخفيف مثل 15W40 أو 10W30 يزيد قوة ونشاط السياره مقارنة بزيت 20W50 .. لكن في المقابل ممكن تكون مكينتك متعوده على الزيت الثقيل واذا غيرت للزيت الخفيف ممكن يطلع عندك دخان خفيف عند بداية التشغيل ( جلد بلوف ) وممكن نقص الزيت يكون أكثر .. لأنه أخف من الزيت الثقيل


والزيت الخفيف 10W30 ونازل .. حمايته أقل في الأحمال العاليه ( RPM عالي - تحميل - تطعيس - سرعه عاليه - الخ... )


لكنه ينفع للسيارات الصغيره لأن ما عليها أحمال عاليه ( إلا اذ كنت تسوق السياره بسرعه عاليه و RPM عالي )


وترى الشكمان له ضغط معين Back pressure .. اذا خربت الضغط هذا بيأثر على الأداء


يعني تخيل مكينه صغيره تركب لها هدرز وتفك الشخالات ومواصير شكمان كبيره = بيطيح العزم


حقين الشكمانات بعد ما يفرغون دبة الرصاص او الشخالات .. ياخذ المواد الغاليه اللي داخل دبة التلوث catalytic converter ويبيعونها


دبات التلوث مهمة جدا جدا لتقليل التلوث ؛ لكن للأسف اغلب نسبه كبيره من السعوديين ما يهمهم التلوث


المشكلة اننا عايشين بصحراء ولافيه أشجار كثيره ولا شيء + التلوث الخاصل بسبب الناس اللي فاكين دبة التلوث


دبة الرصاص \ دبة البيئه \ دبة التلوث \ catalytic converter = كلها شيء واحد .. فائدتها تقليل التلوث والغازات السامه


والدبه اللي تكون بنهاية الشكمان ( جهة الصدام الخلفي ) فائدتها كتم الصوت وتقليل الإزعاج




سبق وان ركبت فلتر كي ان لاكن نفس الكلام ماتغير شي