جبل السمراء بحائل ومدى الرؤية بالعين المجردة

[سعود الظهيري]

السلام عليكم ورحمة الله


باختصار


قبل كم شهر وفي يوم كان الجو صاافي قزازة
قام واحد من الشباب المهتمين بالجغرافيا وقال اباطلع السمرا اباشوف ابعد مكان اقدراشوفه بالعين المجردة
وفعلا راح ويوم رجع يقول انه يشوف الخطة والنفود اللي ورا الخطة واضحة ويقول اشوف جانين واشوف ياطب واضح مرة
ويقول انه شاف اماكن ابعد من الخطة بكثير لكن مايعرف اسمائها

وكلنا كذبناه في وقتها لكن قبل كم يوم شفت برنامج وثائقي عن خط الافق وانك كل ماارتفعت تقدر تشوف اماكن بعيدة جدا ومن هالكلام وبديت اشك انه صادق

السؤال هل يعقل انه يقدر يشوف هالمسافات البعيدة ؟
او ان كلامه مبالغ فيه

لاني طلعت السمرا في جو اقل صفاوة ولا قدرت اشوف الا جبل القاعد


اتمنى تنوروني بارائكم

اعتذر عن سوء التعبير

[ابوعدي]

وعليكم السلام ورحمة الله وبركاته
ياهلا اخوي سعود
لو تكتب مسافات المناطق المذكورة بالكيلو متر وارتفاع المنطقة الي انت فيها علشان اهل الخبرة يفيدونك اكثر
واعتقد مدى صفاوة الجو هي اللي تحكم بعد قوة النظر
واللي اعرفه ان جبل السمرا بحايل موقعه استراتيجي تقدر تشوف جميع الجهات وخاصة انه لا يوجد عائق امام المناطق المذكورة
وان شاء الله الاخوان يفيدونك

[سعود الظهيري]

ياهلا بابو عدي
مشكور على مرورك وتعليقك

الخطة تبعد 55 كم تقريبا
وجبل جانين حول 60 كم
وجبل ياطب 30 الى 40 كم

هل يعقل انه يشوف جبل جانين وهوعلى بعد 60 كيلو !

[ابوعمر الشمري]

وعليكم السلام ورحمة الله وبركاته

والله يخوي ماقد جربة لان اغلب الجو فيه غبار

لكن مره ونا طالع لحائل بالقرب من محطة الصيهد اذا تعرفها تبعد تقريبا 28 كيلو عن حائل او اكثر اشوف جبل السمراء واضح وكان الجواء صااااااافي جدا وبالليل الكل يشوف خريطة السعوديه الي بالجبل

استنتاجي انه قد يكون صحيح ماقاله ونظر الناس يتفاوت بالقوه

[ابوعمرالفاروق]

عليكم السلام ورحمة الله وبركاته
جبل السمراء لا يتجاوز 1200 متر حسب علمي لأن برنامج تحديد الإرتفاعات في قوقل إيرث معطل الآن
وجبل الرعيلة يصل إلى 1480 متر
عن طريق المحاكاة وهي تقريبية من برنامج قوقل إيرث تستطيع أن ترى من جبل السمراء إلى حدود 118 كم متر وقمت بالتجربة إلى ما وراء الخطة وداخل النفود
وتستطيع الرؤية من جبل الرعيلة إلى حدود 138 كيلو متر وأيضا قمت بالتجربة ووصلت إلى ما قبل العليم ب 30 كيلو
وكل هاتين التجربتين عبارة عن محاكاة وليست حقيقية عن طريق برنامج قوقل إيرث
وهناك تجارب حقيقة في بعض المواقع مثل جبال الطائف والباحة وعسير وحسب أقوال موثوقة وجدت أن هناك تطابق كبير بين برنامج المحاكاة في قوقل مع ما قيل لي إلا أنه أقل من محاكاة قوقل إيرث ولكن بقليل مما يثبت أن برنامج المحاكاة القوقلي لا بأس بالإستئناس به
عموما قام أخونا ومشرفنا محمد الشاوي مرة بالصعود إلى أعلى قمة في منطقة حائل ووصل بقياس الإرتفاع الذي كان يحمله إلى حوالي 1520 متر حسب ما أذكر وهذه القمة غرب عقدة
وتلك القمة مؤكد أن الرؤية منها لأبعد نقطة ممكنة تكون منها




للإطلاع
قمة الفرع لمحمد الشاوي
http://mekshat.com/vb/showthread.php?t=136952

[سعود الظهيري]

ابو عمر الشمري
ابو عمر الفاروق
بيض الله وجيهكم عز الله اانكم وافين وكافين

والمجال مفتوح للي يبي يضيف

[ريف النشاما]

أهلا بك اخي سعود

أنا أشترط عليك شرط واحد وهو صفاوة الجو ’’’ وأنت تقول قزازة :good:


إذا كان الوصف للجو كما ذكرت فيستطيع أن يرى المسافات المذكورة من الأرض وليس من فوق الجبل

بكل سهولة ويسر ، أي المعالم المقابلة على هذه المسافة


أما إذا كان حاد البصر ويرتقى على مكان مرتفع في جو صافي

فيستطيع أن يرى مسافات طويلة وكبيرة لا تتوقعها

أما المسافات المذكور فهي قليلة جدا وتستطع أن ترى حتى في جو غير صافي بالمرة يعني ماهو قزازة


كلامي هذا من واقع تجربة ميدانية جنوب منطقة حائل


وهذا ما يعرف عند أهل البادية بالزم / كقولهم الأرض تزم _ أي ترتفع _ وهذا ناتج عن انعكاسات وأمور جغرافية وفيزيائية تجعل المعالم المقابلة مرتفعه في نظرك وتشاهدها بكل سهولة
في حال صفاء الجو


طبعا هذه القاعدة لا تسري على الرياض :D



وشكرا