صوت طقه مزعجة مع التعشيق

[عاشق الاسكا]

السلام عليكم ورحمة الله وبركاته

اخواني اعضاء المنتدى المحترمين
صباح / مساء الخير جميعا . يا اخوان انا اشتريت اسكاليد 2007 قصير استخدام امريكي قبل اسبوع وتفاجئة اني لما اعشق السيارة من n الى d اسمع صوت طقه قوية نسبيا وايضا لمن اعشق من n الى R اسمع نفس الصوت بس يكون اقوى الصوت وايضا لمن امشي سرعة صفر الى سرعة 40 تقريبا واشيل رجلي عن الينزين يعشق في التعشيقة الاولى مع صوت نفس الطقه اللي مةجودة والسيارة واقفة
رحت للصناعية وكشفته من قبل مهندس باكستاني وقالي هذا الصوت طالع من الدبل شافني مو مقتنع قام نادى الفني قالوه اركب السيارة وبعدين رفع السيارة وقام الفني يعشق السيارة وقالي اسمع الصوت طلع بالفعل من حاجة حديد جايه على شكل دائري . اللي هو الدبل .
علما بان سيارتي اسكاليد دبل اوتوماتيك ( مستمر )

واخيرا ارجو من الله ثم منكم مساعدتي في موضوعي واعتذر عن الاطالة ولكم مني الشكر والتقدير

[عاشق الاسكا]

:eek: ياشباب والله عيب في حق المنتدى .. اول موضوع لي والى الان محد عارف وش الحل
افزعولي لي بالحل تكفون الميكانيكية نصابين ويدورون المادة
انا بإنتظار ردودكم

[MSAN]

هذي حركات الصليبات أو الصلبان..

أتمنى يفيدونك الشباب أكثر..


بالتوفيق

[عاشق الاسكا]

بارك الله فيك اخي MSAN
ما قصرت وبيض الله وجهك

ومنتظر ردود الشباب المختصين في ذلك

[احمد 4.4]

انشالله يفيدونك
وتنحل مشكلتك

[احمد 4.4]

انشالله يفيدونك
وتنحل مشكلتك

[zzss]

افتح الخاص وشف رسالتي بخصوص الورشه
اللي يصلحونه لك وشغلهم فيه مصداقيه.

[tt3b m3ee]

اخوي عاشق الاسكا

انا معي اسكاليد 2008 امريكي نفس مشكلتك بزبط

لكن الفرق وقت ما اعشق مافيه طقة

لكن على سرعة 40 وذا رفعة رجلي ودعسة تسمع طررب موب صوت طقة هههههههه

اتمنى نعرف سبب المشكلة للأن صوت الطقة جدا قوي ومزعج على سرعة 40

وايضا سؤال للخبراء حرارة القير عندي ترتفع إلى 100 او 90 واذ صار الحرارة كذا يكون صوت الطقة اقوى بشكل مخيف ومزعج

اتمنى يفيدونا الخبراء ولا يقصرون علينا

[عاشق الاسكا]

انشالله يفيدونك
وتنحل مشكلتك

ماقصرت يا الغالي وشاكر لك مرورك

[عاشق الاسكا]

افتح الخاص وشف رسالتي بخصوص الورشه
اللي يصلحونه لك وشغلهم فيه مصداقيه .

جزاك الله خير على مجهودك لكن انا من سكان مدينة جدة .. واتمنى ورشة نفس.الامكانيات اللي ذكرتها ... ماقصرت الله يوفقك


انا م عي اسكاليد 2008 امريكي نفس مشكلتك بزبط

ل كن الفرق وقت ما اعش ق م افيه طقة

لكن على سرعة 40 وذا رفعة ر جلي ودعسة تسمع طررب موب صوت طقة هههههههه

اتمنى نع رف سبب المشكلة لﻸن صوت الطقة جدا قوي ومز عج على سرعة 40

وايضا سؤال للخ براء حر ارة القير عندي ترتفع إلى 100 او 90 واذ صار الحرارة كذا يكون ص وت ال طقة اقوى
بشكل مخيف ومزعج

اتمنى يفيدونا الخبر اء وﻻ يقصرون علينا


الله يعينك ويسهل امر اصلاح سيارتك .. مع العلم اني رحت لشركة كاديلاك وكشف عليها المهندس وقالي هذا الصوت طبيعي لان الاسكاليد دبل مستمر وله دفرنس امامي ودفرنس خلفي وعلبة الدبل لكن كلامه غير مقنع وماهو منطقي جدا
وفي الاخير اتمنى احد من المختصين يجاوبوا علي حلول مشاكل سيارتي وسيارتك

[tt3b m3ee]

هلابك اخوي الاسكا فعلا كلام المهندس حق الوكالة غير مقنع للأن كل السيارات الدفع الرباعي المستمر
فيها طقة خفيفه ولا تذكر بس مو مثل عندي صوت الطقة جدااااااا قوووووي
وعاد انا قريت الكثير في المنتديات الي يقول صلبان والي يقول كراسي دفرنس
احترت معاهم

عموما اتمنى ان المشرفين والاعضاء الي عندهم خبره ما يبخلون علينا وانا وانت في انتظار الحل

والصبر جميل

فمان الله ومتابع معاك ان شاء الله

[tt3b m3ee]

اب اب اب نبي حل يا اخوان

[راعي الرود]

جرب اضغط فرآمل بقوه قبل تنقل القير من الـN للـD و شف اذا الطقه خفت مع الضغط القوي على الفرامل هذي في الغالب تكون مشكله صلبان

موجوده نفسها عندي بالشروكي اللحين اذا عطيته الدي رفس الموتر و طلع صوت طقه ..

[tt3b m3ee]

هلابك يا راعي الرود

حبيبي الطقة عندي على سرعة 40 اذا شلت رجلي من دعسة البنزين وعشقة السيارة ترجع على الثاني

دعسة بنزين صوووت طقة قووي جدا

الطقة بين التعشيق الاول والثاني

بس مجرد اشيل رجلي وترجع السيارة نمرة وارجع ادعس بنزين صووت طقة جدااا قوي

[ابو فارس66]

حياك اخوي

ذكرتني بحركات الصلبان شحم قبل وشف اذا راح او خف الصليب يصير منه

[tt3b m3ee]

هلابك اخوي ابو فارس سويت التشحيم وشيكت على الصلبان وعلى كلام المهندس الصلبان سليمة

[ابو فارس66]

اخوي لازم تعرضها علىاكثر من واحد علشان تتأكد
والله عندنا فلاح ويجي يقول انا مهندس وحنا والله ماندري من بيده
لازم وانا اخوك تشوف اكثر من ورشة

[tt3b m3ee]

هلابك ابو فارس ممنور الموضوع

ياخي والله جربت التشحيم وفحصت الصلبان عند مهندس وعلى كلامة سليممة

وصدقت اغلب الي في الورش فلاحين والشكوه لله بس ودي اعرف مكان كويس معروف عند الجميع بشغله النظيف

لكن بغير صلبان وعسى يمشي الحال وتروح المشكلة

[ابو فارس66]

لو اقول لك يمكن ماتصدق
معي اكسبدشن 2012 وفيه صوت خفييييف
مثلا بغيت الف بأي اتجاه واذا ريح الموتر اسمع طقة وقد صارت معي بgxr 2002

[tt3b m3ee]

صوت الطقة عندك مع لف الطارة ولا مع التعشيق

[ابو فارس66]

لا مايوضح عندي الا اذا لفيت اسمع الطقه ورا احسه بالعمود

[تنومه1]

رح لورشة الغميز بالصناعيه القديمه وبتلقى ابو عادل صاحب الورشه موجود وشغال على راس عماله رجال فيه خير ولا نزكيه على الله . واترك الورش لا يتعبثون بسيارتك اتوقع موضوعك بسيط ما يستدعي الخوف . ترى ممكن يكون الموضوع صوفه او حساس .
سيارتي يوكن 2006 دبل كان الدبل ما يشتغل الا على اوتو ودلوني على اشهر ورشه متخصصه دبلات قالي شعل يد مع القطع 2500 ريال ( قطع 1000 ريال + شغل يد 1500 ريال ) واسلمك سياره 100 %
ما ارتحت له وتابعت موقع مكشات ومن تجارب الشباب طلع حساس وشغلته بسيطه جداً ولو عندي رافعه كان سويته بنفسي
صلحته عند الغميز مع القطع كلف حوالي 400 ريال .
والحرامي الله لايبارك له يقول 2500 .

سؤال:
1- هل غيرت فلتر قير مع الزيت .

لا تستعجل وانا اخوك ومر عدة ورش اذا اجمعوا على راي توكل على الله وترى فيه خبراء في الموقع بامكانك تراسلهم :
1- حبيبنا اصيل حجازي .
2- بدوي جنوبي .
3- كبسوله2.
الله يوفقهم استفدنا منهم الكثير
والله يدلك وانا تحت امرك

[tt3b m3ee]

اولا بيض الله وجهك لكن انا عزمة بودي السيارة لتراي ستار

وبخليهم يفحصون مجرد فحص وبفحص عند المكان الي ذكرته وراح اوافيكم بنتايج وسبب المشكلة بأذن الله

ابو فارس ما ودي افتي لك واقولك اعرف السبب مشكلة الامريكي دايما طق طقه
مو ناقص الطق طقه الا موضي
ههههههههه

المهم ان شاء الله راح اوفايكم بالنتايج عشان الكل يستفيد

وشكرااا

[عبقري91]

امسك فرامل وادعس بانزين وخل الكبوت مفتوح. وشف المكينه. قد يكون من الكرسي. يسبب طقه مع التعشيق. الكلام هذا من دينالي2009 دفع رباعي طع كرسي مكينه

[CAM 7]

كرسي الماكينة

اخوي حط الموتر بالانn
امسك الجلنط للاخر يعني الموتر مايتحرك ابدا
حط الموتر بالدي والجلنط ماسك
وحاول توخر رجلك عن الفرامل وتدعس بانزين خفيف
او تدعس بانزين ورجلك على الفرامل اذا نفس الصوت معناته كرسي الماكينة وراح تسمع طق طق طق
طقطقة متكررة وليست طقة واحده مثل السابق كل مادعست وترا اذا واحد من الكراسي مكسور هو الى يطلع صوت عند التعشيق ومادام الموتر يطلع صوت وهو يمشي غيرة ترا تغيير الاثنين مايكلف 1500
وشوف وكالة او ورشة محترمة وخلك عندهم وخلهم يفكونه ويبدلونه لك


كرسي الماكينة
عندي المشكلة من اول ما طلعت الموتر من الوكالة بسبب مطب وهو ما مشي الا 3000
وصوته بيكون اذا عشقت من ان الى دي
وعشان تتاكد غير من n الى 1 او 2 او 3 ماراح تسمع اي صوت وانت تغيير من n مرورا ب1.2.3
جرب ورد علينا

[tt3b m3ee]

هلا فيكم يا شباب مساء الخير فعلا انا فحصت اليوم كذا ورشة قالو لي كراسي مكينة عندك ولازم تغيرها

طبعا رحت للوكالة قيمة الكرسين 800 ريال

[zzss]

أكثر المشاكل اللي تجي بالقير وخصوصا صوت الطقه مثل ماذكرتو
أو الدقه عند التهدئه عند مطب أو مشكله بالتعشيق سببها بلف
البدي حتى بعد التوضيب تستمر المشكله هذي موجوده والسبب ان
التوضيب لايشمل تغيير بلف البدي بسبب غلاء سعره.

[tt3b m3ee]

الحمدالله مافيه اي مشاكل بالتعشيق وتبديل النمر فقط صوت طقة على سرعة 40

[اسكاليد 07]

رغم ان الموضوع قديم ولكن لا يمنع ان ابدي رأيي ..

كما هو واضح من الاسم الخاص بي اني استخدم اسكاليد 2007 امريكي وهذه الطقة على سرعه 40 او على نمره 1 و 2 أو عند المطب أو اللفه فهذا صوت طبيعي من 2007 لغاية 2014 ..

أحد المعارف دفع الآف الدراهم لأجل ينهي هذا العيب المصنعي ولكن بدون جدوى ..
كذلك أحد الاقارب يمتلك دينالي 2013 ويوجد به هذا العيب ورجع فيه الى الوكاله وقالوا له ان الامر طبيعي وهذا الكلام في 2013 ..

يعني ريحوا راسكم وبرمجوا نفسكم على هذه الطقة ..

[سامي مرجي]

* السلام عليكم ورحمة الله وبركاته *
:type:أتمنى أن أفيد وأستفيد منكم وأن أكون خفيف الظل بصراحة شدني أسم المنتدى والمواضيع الهادفة والمعلومات الصحيحة و المختصرة .
لا أطيل عليكم بالنسبة للصوت عند التعشيق أو التبديل طقة القير صوتها مزعج للغاية وهي تنبيه وتنظير لكي لا ينطلق عمود الكرنك عليك وبتالي مصيبه يقلب السيارة كنت مهملها لدي لأن سيارتي دينالي سعودي قطع صغير 2007 وحذروني أصاحبي لي يقولون أنت منتحر وطلع صحيح أقل شيء أوصيكم بعدم السرعة حتى تصلح الصليبات ولن تجدها بالتقوى وغيرة وكالة فقط سعرها رمزي لا كن لا يشتغلها أي ورشة لأنها عند التغيير لابد من فك القير والقير مهم جداً وأهل الجمس والإسكاليد يعون قيمته وسعره .
بالنسبة للقير لاتعول على المراوح لأنها تتعطل بالأمريكي بوجه العموم لذلك ريح رأسك وركب مبرد قير قيمته 600 خله إن شاء الله 1600 أنت ربحان تكسب قيرك خصوصاً الدبل لأنه قوي :good2: ويحمس بالبر والمقاومات .
-هذا والله أعلم" وصلى الله على نبينا محمد وعلى آله وصحبه أجمعين "