موضوع مميز لاصحاب الاف جي

[mansour133]

السلام عليكم ورحمة الله وبركاته .. اما بعد

اليوم جايب لكم موضوع علي كيفكم وان شلء الله يحوز على رضاكم
وانا ما سجلت الا عشان انقل هالمعلومه لكم .

طبعا نحن يا اصحاب الاف جي نعاني من صغر التانكي وكل شوي يفضي التانكي وننبلش عبي عبي
موضوعي لكم من بعد تجربه شخصيه وتجربة سيارة ولد عمي الاف جي بترهيم تانكي اضافي للاف جي

ذهبنا الى مركز اليحيى اللي بحي السلام بالرياض ( شارع عبدالرحمن بن عوف المعروف بشارع المعارض )
المهم شرح لنا طريقة التركيب ووووو الخ ( طبعا ماصورة البنزين لسيارتك ياخذها ويعطيك وحده جاهزه .
المهم حجزنا دفعنا عربون للاف جي الاول وبعد 5 ايام جا موعد التركيب
المهم ركبنا التانكي بدون كهرب ولا زر ولا خرابيط يعني نفس نظام الاندكروز الجديد اللي يسمى نظام الجاذبيه
التانكي من حديد ضد الصدى طبعا شبيه للون تانكي الالمنيوم
المهم بعد التركيب الفني ( ماشاءالله عليه)
قال لا تعبي الحين عب بعد 24 ساعه عشان اللحام و اللحام البارد ينشف زين
وفعلا بعد 24 ساعه عبينا التانكي بعد ما ولعة لمبةوالبانزين عبيناه فل طبعا 91 ب 85 ريال تقريبا والحمدلله لا في لا تهريب ولا في اي شي حتى الرائحه للبانزين لا توجد رائحه وهذا دليل ان شغلهم ميه ميه
طبعا انا من بعد ما جربنا الجيب وشغل التانكي الاضافي من بعد شهر وتأكدنا انه ما يخرش الميه رحت لهم امس السبت وحجزت وراح اركب عندهم يوم الخميس الصباح الساعه سبعه ونص اللي حاب يشوف معاي عشان يطمن قلبه يوافيني بالمكان اللي كتبته اعلى الصفحه
هذا من باب حب لكم يا اخواني اني نقلت الموضوع وهذا المنتدى يستاهل من يطرح فيه مواضيع كهذه واشكر مدير المنتدى والقائمين عليه
هذا موضوعي واسف ع الاطاله وارجو ان تسامحوني اذا نقصت شي من الموضوع
تقبلوا تحياتي
منصور العنزي

[قناص2000]

الله يعطيك العافية ياخوي وفالك التوفيق ان شاء الله

[Zizo_1977]

لو مأخذ لنا صوره بعد يالذيب
كان تلقاني الخميس عندك

[Zizo_1977]

شف شف يا بعدي
أبيك تصوره لنا وتعطينا الاسعار وتحدد الموقع عشان نروح له

[mansour133]

ابشرو انا اصلا بصور كل شي
واذا حاب احد منكم يجي الخميس اللي بعد بعد كم يوم حياه الله
شوفوا على الطبيعه احسن ليكون لديك فكره
بس باذن الله بصور الخميس من البدايه الى النهايه

[شنطة عده]

ولكن هذا يطرح بعض الاسئلة
هل هو امن اثناء الحوادث لا قدر الله او الانقلاب
او اثناء الحراره الشديدة وبخاصه في مثل هذه الاوقات وبخاصه ان كان قريب من مصدر مغذي للحرارة
مثل ماصورة العادم ؟

يجب الاخذ بهذه الامور ولا ننبهر بالفكره بحد ذاتها

[جي ميل]

يعطيك العافيه وز دنا بالصور رالتكلفه

[مناجي الخواطر]

بيض الله وجهك...


الاخوان طرحو اسئله بخصوص الامان و بعض الاستفسارات ياليت تجاوبه عليها مشكورا

[التعـ King ـديل]

يعطيك العافيه على الافاده

وياليت تصور لنا صور عن التركيب وقبل التركيب كيف شكل التانكي وهل عندهم توانك لسيارات اخرى مثل الفتك وغيرها من سيارات البر

بالاضافه الى الاسئله اللي طرحها اخوي شنطه عده تراها مهمه قبل كل شي

[mansour133]

من ناحية الامان بشرح لكم الطريقه
اولا:-
التانكي يكون حديد من النوع ضد الصدا وطريقة لحام التانكي لحام مبروم لكي يكون قوي جدا
ثانيا:-
يلبس التانكي عازل حراره اللي شبيه بالقصدير ومن الداخل سفنج
ثالثا:-
يلبس بعد هذا بقماش اسود قوي يتحمل الحراره وضروف المناخ
رابعا:-
يربط بسيور قويه على القماش و العازل لتمسكهما
خامسا:-
يوضع بداخل صاجه حديد قويه واقوى من الوكاله
سادسا:-
امان التانكي من امان تانكي الوكاله اي انه يشبك مع ماصوره التنسيم و ماصورة التعبئه وكأنهما وكاله ولا يلاحض اي خطر او لي طالع من مجراه حيث ان التانكي مرتفع جدا جدا وارفع من التانكي الاضافي الوكاله
وانا ما غامرت بموتري الا بعد تجرب ٣ سيارات
سيارتين لاصحاب الورشه
وسياره لولد عمي ودامت التجربه اكثر من شهر بدون اي عيوب مع العلم ان ولد عمي متهووور
وبالاخير لو تانكي الوكاله او التركيب اهم شي يكون التنسيم مضبوط لان لو انكتم اكيد بينفجر بس التجربه اللي جربناها اثبتت انها فعاله ميه بالميه
تقبلوا مروري وا سف ع اطالتي

[mansour133]

سوال اخوي كنق التعديل من ناحية السيارات الثانيه يضبط لها توانك ماء
اما بنزين فهو متخصص بالاف جي فقط

وللمعلوميه ترا طريقة الورشه تركبه زي نظام لاندكروزر الوكاله بالضبط البي هو نظام الجاذبيه

[ابو فارس66]

طيب السعر كم

وكم فترة الحجز من دفع العربون

والسيارة كم تجلس

[mansour133]

شكرا على التذكير اخوي ابو فارس
سعر التانكي ١٢٠٠ ريال وضمان مدى الحياه
فترة الحجز اذا دفعت عربونك اليوم احسب ٥ ايام لموعد التركيب
وقت التركيب تقريبا ٣ ساعات ويكون جااااهز

[ابو فارس66]

معليش على الشطحه تراي موصى من واحد اتصلت علية وقلت له الموضوع

هل يلغى التانكي القديم ويركب الجديد ولا الاثنين مع بعض والجديد يكون فيه طرمبة بنزين ولا لا

[PATHFINDER 4]

لو مريت التشليح او حتى الوكالة واخذت تانكي برادو الاضافي يطبق عندك 100%
وشغل مصنع )الوكالة( وفيه كذا واحد اعرفه مسوي هالحركة بالافجي والمجموع يكون عندك 160 لتر تقريبا
والتكلفة تقريبا نفس اللي دفعت او اقل

[mansour133]

اخوي ابو فارس
لا ما يلغي القديم ولا يضيف طرمبه ولا كهرب ولا اي شي
الشي الوحيد اللي يضيفه صفايه من التانكي الى التانكي فقط

[mansour133]

وعلى طاري التشليح او تانكي البرادو
رحت انا وشفت كل شي
انا خفت من تانكي البرادووو لان فيه ترهيم كهرب للبانزين والكهرب مشكله في الترهيم
اما اللي انا طرحته انما هو نظام الثقل او الجاذبيه وهذا نظامه زي نظام اللاندكروزر الجديد بطرمبه واحده بس وهو تانكيين او تانكي اضافي
انا لقيت اكثر من واحد يسوي نظام الجاذبيه
ورشة اليحيى بالرياض
ورشةوالسوري بالصليبه بدولة الكويت
بس شغل اليحيى افضل وامن وارخص
تقبلو تحياتي

[mansour133]

تم بحمدالله تركيب التانكي
بس والله ما عرفت انزل الصور

[mansour133]

مساء الخير الحمدلله تم تركيب التانكي وحاولت اجمع الصور بروابط طبعا بهد صعوبه المهم اني جمعتها من برنامج بالايباد وراح اترككم مع الصور وان شاءالله تعجبكم

http://i.imgur.com/Sl0dXX1.jpg

http://i.imgur.com/vOQcGnX.jpg

http://i.imgur.com/mUod7lY.jpg

http://i.imgur.com/FGBInUY.jpg

http://i.imgur.com/OmDhSXp.jpg

http://i.imgur.com/pnn3jFV.jpg

http://i.imgur.com/EQcvm6I.jpg

http://i.imgur.com/QG9xcds.jpg

http://i.imgur.com/5ljFls5.jpg

http://i.imgur.com/opBzEAZ.jpg

http://i.imgur.com/ViKUsHv.jpg

http://i.imgur.com/WXtX4bn.jpg

http://i.imgur.com/NlBU5G4.jpg

http://i.imgur.com/Lus3AVk.jpg

http://i.imgur.com/U60yrNO.jpg

http://i.imgur.com/W0Oc3ww.jpg

http://i.imgur.com/QYu1cJZ.jpg

http://i.imgur.com/QquMXuj.jpg

http://i.imgur.com/5No21jw.jpg

http://i.imgur.com/BEH1i6s.jpg

[jjjjjjjjjjjjj]

ماقصرت على هالتقرير المميز والفكرة ممتازه جدا

بس بسألك وش الفايدة من المحبس .؟

[mansour133]

فائدة المحبس امان
مثلا لا سمح الله اللي اللي طالع من التانكي الاضافي الى الاساسي وانت في البر قشعه ولا شي قطعه انت بالحاله هذي تسكر المحبس وبامكانك تركيب اللي بنفسك
طبعا اللي اسود سميك جدا صناعه امريكيه

[XTERRA -2010]

طيب انت تقول يعتمد على الجاذبيه حيث ينزل البانزين الى التانكي الأساسي لأن الي ركبته مرتفع

طيب لو حملت عفش كثير وتانكي ماء ونزلة السياره كذا بتلغى الجاذبيه ويصير ما يصب على الأساسي ??

[أبو.محمد]

^^
معاد هوب جيب..

اللي بيحمل عفش و تناكي ماء.. لازم يرفعه

[mansour133]

حتى لو تحمل فوق السياره بيتكم مافي امل ينقطع
لان يا طويل العمر كما موضح بالصورة طريقة التنسيم وهل تعلم ان هوا التنسيم يدفع البنزين او لا يعني قوه الهواء لها فايده يابعدي وبعدين التانكي ينزله من امام 2سم او 3سم بحيث تصير قوة دفع وتأكد اني ما ركبته الا انا متاكد انه فعال 100% ومجرب من قبل بسيارات كثيره طبعا اف جي
وانا مو خبل العب بسيارتي 2013 الا انه مجرب من سنتين لاكثر من شخص
وصور موضحه لك طريقة التطبيق لتانكي
اسف على الاطاله وبالتوفيق

[راديكالي]

موضوع رائع

[XRAY MAN]

عزيزي لو طلعت جبل بزاويه قويه

بحسب التصميم الحالي راح يرجع البنزين من الرئيسي للجديد وتطفي السياره !!

وش الحل

[mansour133]

ما يرجع لان التانكي سلمك الله مصمم تصميم عجيب لانه ينزل للاساسي من لي الرقبه الداخلي اللي مشبووووك بماصوره البانزين
بحاول اصورها اليوم لان مكانها تحت ومستحيل يرجع لا زاويه ولا مساطيل
اثبتلك كيف نظامه
شفت نظام اللاندكروزر كيف نفسه
ونفس التانكي الاضافي الاف جي الجديد حق الوكاله

[The End]

جزاك الله خير اخوي على مشاركتك لنا التجربة
انا معي اف جي من ثلاث سنوات ،، واعاني بشكل مستمر من صغر تانكي البنزين

بالنسبة للتانكي الاضافي كم وزنه فارغ ؟؟
وعند تثبيته بالشاصيه هل يلحم او يشد صواميل؟؟ واذا كان يثبت بصواميل فكم عددها؟

اعتذر على كثرة الاسئلة ،، انا ناوي اركبه قبل رمضان ان شاء الله،،،

[mansour133]

يركب صواميل طبعا العدد ٤ صواميل

التانكي خفيف وليس بذاك الثقل
حتى يوم عبيته ما حسيت بفرق ابدن

[mansour133]

اذا بغيت شي راسلني وابشر

[قناص 2020]

الاف جي موديل 2013 الدفعه الاخيرة كلها تانكيين حتى القير العادي والاف جي 1 والاف جي 2

[mansour133]

للاسف انا ٢٠١٣ لكن تانكي واحد
نزل تانكيين بعد ما شريت موتري ب شهر لكن الحمدلله عوضنا تانكي شغل وكاله