محتار في شراء هايلوكس دبل

[الماضي الجميل]

بسم الله الرحمن الرحيم

الاخوة الاعزاء مقبل على شراء هايلوكس 2013 دبل
واصبحت في حيرة من امري وتهت من كلام الناس
فناس تقول اشتري ابو جميل وناس تحذر
وناس اشتري بريمي وهكذا قطري
اصبحت في حيرة كبيرة ارجو المساعدة بارك الله فيكم

[ابو عبود565]

في قطر والامارات
بتحصل ٢٠١٠ او ٢٠١١ او ٢٠١٢
باسعار حلوه
وعصفورين بحجر
منها تمشيه ومنها موتر

[فاسيلي زايستي]

صبحك الله بالخير الله لايعيد اليكبووورد وراني نجوم القوايل
المهم انا عندي قطري 2012 وكفو وجربت 2008 سعودي وكفو
والناس ياخوك كذبان اهل فلسفه بالعربي السعوديه تفرق بالتلبيسه الحوض والجناح والريموت والمسجل ولاالمكينه والقير وكل شي مثل بعض وانت اللي يصلح لك شكله اخذه وانا ابنصحك لو ماتحتاج الحوض خذ فورتشنر سته سرندل عزم وصوت اقل ومراتب ثلاث للعايله والين مطب لانه ياي والله يوفقك جعلك تشري هايلكس ويطلع بالصدفه لكزس

[الماضي الجميل]

ابو عبود 565
تسلم يالغالي على النصيحة



الحبوب فاسيلي زايستي
مشكور و الله يسمع منك يالغالي و ندفع دراهم هايلوكس ويعطونا لكزس


ما زلنا نحتاج المساعدة من باقي الشباب لاهنتم

[ابراهيم الحرب]

شوري عليك ...
دوور لك مستعمل نظيف واستفد من فرق السعـــــــــــــــــــــــــــــــــــــر

[الماضي الجميل]

هلا اخوي ابراهيم الحرب
وانا ودي بجديد بقراطيسة الله يحفظك
تعبت مع المستعمل

[khhh]

انا بالنسبة لي شخصين اقدر الهايلكس وارد ابوجميل احسنها روعة بس غالية قيمتها بالمعارض وبالوكالة لازم تنتظر لان يقولون شركة المراعي ساحبةمنها كمية كبيرة

[الماضي الجميل]

ما زلت في حيرة من امري ابو جميل خليجي قطري

[فرغالي]

معي. ١٠ دبل. نظيفه. وابي ابيعه

[سفير القدس]

كمرسر السعودي تجميع صيني وانا شايفة خذ بريمي تلقاة في معارض النسيم بشحمة دون ماتسافر

[الودعاني 2009]

اخوي الفاضل
انت مثل وضعي بالضبط انا الحين ادور هايلكس 2013 دبل ومحتار بين بريمي وسعودي مع العلم ان فيه الحين بالسوق بريمي واردني بمواصفات سعودية يعني مطبقة الخط والاكسسوارات مثل السعودي بالضبط مافيه فرق والسعر ارخص مايقارب من 97 الف واقل جديد اصفار بقراطيسه بس السعودي مرغوب اكثر بالسوق والسعودي قيمته جديد 1010 الاف ريال والله حرام غاليه جدا فرأيي واحد من ثلاثة اما ندور سعودي مستعمل استعمال حشمه يعني ماشي مثلا 12 الف او اكثر او اقل بقليل او ندور البريمي بمواصفات سعودي او ننتظر ونتتبع العروض بشركات تويوتا جميل او البازعي وااتمنى لك التوفيق ولاتبخل علينا بالمعلومات

[الماضي الجميل]

فرغالي
الله يوفقك وتلقى المشتري لاني حاب الجديد




سفير القدس
اتويوتا مثل الذهب عند البيع بيجب قيمة وقطع الغيار على قولتة الشياب بالبقالة متوفرة




الودعاني
ما زلنا نتظر اهل الخبرة ليفيدونا اكثر واستفيد انا و انت وكل المتابعين ان شاء الله
والامل بالله كبير ان نجد ضالتنا حول الاجابة

[الودعاني 2009]

يقولون بجدة رخيصة بس اهم شئ تكون متوفرة بالوكالة

[بحيرية]

ياليت تتصل يافرغلي 0555121805
لاني ماقدرت ارسل على الخاص والافزعتكم برقمه يالربع

[الماضي الجميل]

الودعاني
بجدة و الخميس موجودة لكن ابو لطيف اسعارة غالية وكما قال الشباب
المكيف شغل محلي المسجل الشريط و بعض الاكسسوارات شغل داخلي

[الودعاني 2009]

الماضي الجميل فيه واحد يجيب خليجية مواصفات فل الفل وضمان قطع واكسسوارات اصلية ومواصفاتها غاية بالمواصفات التالية
1 - شاشة وكاميرا خلفية وتحكم بالدركسون .
2- تخشيب فرميك كامل + تخشيب الدركسون + تخشيب القير ( وكاله ) .
3- مراتب امامية فصل تكايه .
4- خط سعودي .
5- جلاسات سعودي .
6- دعامية اماميه سعودي 2013 .
7- جنوط كروم .
8- ريموت عدد ( 2 ) .
9- كشافات ضباب .
10- فل ايرباق للسائق والراكب .
11- زجاج كهربائي .
12- فرامل ABS ( مانع انزلاق )
13- حساسات امامي وخلفي .
14- تلبيس حوض وجناح .
15- دعاء السفر ( صوتي ) .
وش رايك ؟؟؟؟؟

[الماضي الجميل]

كم سعرة يالغالي
و ممكن تلفونة الله يحفظك
عشان الوقت بدا يداهمني و انا محتاج للسيارة

[الماضي الجميل]

اهل الخبرة ............. فزعتكم ياهل الفزعات

[العروي1]

اخوي خذها ولاتتردد انا جربت 2011 وبعتها وندمت ندم شديد على بيعها بس عزمها تراء ضعيف بالخطوط الطويله يعني فيها شوي ثقل لاكن لايعيبها ابد اما الفورشنر 6 سرندل لاتقربه يطلع به صوت بالمكينه

[الماضي الجميل]

اخوي العروي

مساك الله بالخير يالغالي و مطلوبي هو اي نوع من الهايلوكسات الدبل اشتري
سعودي او قطري او اماراتي
هذا اللي محيرني وانا خوك

[الماضي الجميل]

وين اهل الخبرة

[ابونبيل]

انا ماخذ فطيمي ممتاز ارخص من السعودي ومواصفات افضل مسجل شد بلد وشاحن ايفون واوكس ومراتب مفصوله وتلبيس
القير جلد اسود جودته عاليه افضل من حق ابوجميل

[الودعاني 2009]

عذرا على التأخير
الماضي الجميل وكل الاعضاء هذا رقم ابو ريان اللي يجيب سيارة هايلكس دبل خليجية بمواصفات تفوق المواصفات السعودية والسعر 100000 مئة الف ريال سعودي جاهزه .. صحيح انها شوي غاليه لكن ارخص من السعودي وبمواصفات جميلة وللاستفسار صاحب الطلب ابو ريان 0503381653

[الماضي الجميل]

تسلم اخوي الودعاني
هل الشريط يشبة الشريط السعودي ( مواصفاتة قريبة من السعودي ) وهل السعر شامل للوحة
عشان نتوكل على الله

[الودعاني 2009]

نعم نفس الخط السعودي( مواصفات سعودية ) ونفس الحساسات ولكن بزيادة المواصفات التي ذكرنا
نعم 100 الف شامل اللوحات وسائر الاوراق ولكن موضوع الشحن لمن يرغب هذا ممكن تتفاهم معه !! وبالله التوفيق ,,

[الماضي الجميل]

تسلم يالغالي

[اماراتي 10]

كلهم واحد الفروقات بسيطة

[الخويش الشمال]

خذ خليجي لاني جربت السعودي فيه شي واحد المكيف لك عليه شوي يفصل اما الخليجي يجي شد بلده تمام التمام وربي يوفقك

[ع العمرو]

تبي الشور خذ بارك الله فيك قطري فل قير تماتيك ب 93 الف قطري يعني واصل للسعودية تقريبا ب 97 الف ريال سعودي او خذ قير عادي ب87 الف قطري واصل للسعودية ب 92 الف ريال سعودي تقريبا . ( والله يكتبلنا ولكم الخير آمين.)

[ابو محمد 00]

اخذ لك خليجيه ارخص لك وهم بالنهايه كلهم هايلكسات بالعكس الخليجيه تعرف انه شد بلد مو تركيب ابو جميل

[الشامخ 66]

خذلك قطري ووفر دراهمك واحد من الشباب ماخذله قطري دفرنسين GLX اصفار 87 الف
صح مهنا مواصفات لاكن سعره جدا حلو وتراك ماخذ هايلكس مايحتاج مواصفات
بعكس السعودي سعره 106 الف على ايش هذي الزيادة في السعر

[أنصر نبيك]

طيب ياشباب انا فعلاً محتاج هايلوكس دبل وبدأت أفكر جدياً بالسلفرادو كبديل لأن الاسعار صارت مثل بعض
وش رأيكم

[ابو عبدالله06]

بعد اذن صاحب الموضوع عندي سؤال


سمعت ان الهايلوكس الدبل الكويتية تجي ست سلندر هل هالكلام صحيح ؟

[هلي93]

الله يدلك على الصالح في دينك ودنياك