لمبة d

[h.m.a999]

السلام عليكم اخباركم ؟
لي الشرف إني إنظميت لهذا الصرح العملاق مكشات وان شاء الله احصل على كل شي ابغاه بمساعدتكم

انا عندي مشكله واتمنى احصل لها حل

انا اليوم بدلت الكفرات قدام للورى والعكس ثم مشيت حوالي 50 كيلووظهرت علامه abc مع الجلنط وتختفي ثم اشوف لمبة d تولع وتطفي تكفون ساعدوني بالمشكله والا الان العلامات موجوده

[MSAN]

هلا بك وحياك الله بين أخوانك..

وش السيارة..؟؟


وهل مقاس الجنط والكفر الأمامي نفس الخلفي..؟؟؟

[h.m.a999]

الله يحيك اخوي

اكورد 2008

ايه اخوي كلها نفس بعض

[SGL]

أخوي بخصوص لمبةdشيك على زيت القير وأحيان يكون خلل في القير بس أشكل ماتولع هذي اللمبه بسبب حساس القير أما بخصوص لمبةabcشيك على زيت الفرامل وشيك على أسلاك حساساته عند الهوبات بس قبل ماتسوي شي جرب أفصل سلك السالب وخله ساعه بعدين ركبه وشوف تطفي اللمبات وذا ماطفت سوي اللي قلتلك عليه وذا كل شي تمام أفحص كمبيوتر ﻷن لمبةdماتولع ألا فيه خلل في القير

[h.m.a999]

تو جاي من الورشة وشيكت بالكمبيوتر طلع القير وال abc من حساسات وشيكت على الزيت القير وال abc تمام حتى عطاني الكود حق حساس القير

[SGL]

يعني كلام الرجال اللي سائلته عن هذا الخراب طلع صح ﻷن في واحد قريب من بيتنا وكان عنده هوندا مثل اللي معك ونفس الموديل وكلمته بموضوعك وقالي هذي اللمبات تولع من كذا وكذا وسبق وصارت معه بس يقول حساس القير شغلته شغله وتقدر تطنشه بس من الأفضل تغيره ولا لو جات علي أنا يرجال ماعندك أحد وبذات القير التوماتيك ولا أطيقه بسبب مشاكله وماشريت سياره أتوماتيك غير مره وحده زمان كريسيدا قراندي وخبرتي في الباترول والددسن بس قلت خلني أقولك على سبب ظهور dوabcمدام الرجال علمني

[h.m.a999]

مشكووور اخوي على الاجابة وان شاء الله اقرب فرصه راح اروح للوكاله

[بن الزايد]

الله يعوض عليك العامل الى غير لك كفرات رفع السيارة غلط حط العفرية في بطن كرتير القير وضرب عليك المنظم القير يسمى بلف بدي ام ABS تفحص الاسلاك الحساس