المساعد الشخصي الرقمي

مشاهدة النسخة كاملة : سؤال عن مسدس الصيد


الحداق الكبير
20/05/2013, 07:00 PM
سلآم عليكم ورحمة الله وبركاته


بعد فتره طويله مايقارب السنه ماصدة
بسبب اني دخلت الجامعه.. جامعة الملك عبد العزيز في جدة وماعندي سياره حبيت بس ارجع الدمام اعاود الصيد من جديد
لآكن بأسلوب جديد مفكر اشتري لي مسدس صيد
بس مابي واحد ب800 و كذا
لأني شفت في جدة بأغلى من كذا
المهم يعتبر تمشية حال
إذا أحترفت شريت لي شي عدل ^_^
ونصايحكم أثناء الاستخدام و كذا
وعندي حاجة صححوها لي
هل اسمه مسدس الصيد سنوكرل ...؟

و إذا تدعموني بصور أكون لكم من الشاكرين


شكرا لكم مقدماً أعزائي
":ابو حسين:"
20/05/2013, 11:28 PM
الموضوع ليس صيد واحتراف
يجب اخذ دوره في الغوص الحر وهذا الاهم
او تعلمها على عن طريق خبير وليس باي خبير
هناك التيارات والدوامات واماكن خطره ولابد من تعلمها
ثم بعد ذلك تشتري مسدس صيد نوعيه ممتازه
وعند اجادتك لمهارات الغوص فلا تحتاج الى خبره للصيد بالمسدس
تمد المسدس وتطلق على السمكه التي غالبا تكون على مسافه 4امتار لا اعتقد ان هناك صعوبه في ذلك
الحداق الكبير
21/05/2013, 01:15 PM
شكرا لك أخي ابو حسين أنا لي نزلات غوص حر بالبحر بس من الشاطئ إلى داخل بالعميق
أنا حبيت أعرف الانواع الجيدة منها وشكرا لك مرة أخرى
اعتذر موضوعي تكرر ماني عارف ليه ..
أرجو من الإدارة حذف الموضوع المتكرر
AL-MARRI
21/05/2013, 01:39 PM
اخي الحداق الكبير
كلام اخويه ابوحسين صحيح
و لازم تاخذ حد وياك خبير في هذه
المسأله يعني اتكون عنده خليفه عن الغوص الحر
لانه في فرق يوم تنزل من الشاطي و لما اتكون في وسط البحر
اما عن المسدسات كا مبتدئ انصحك تاخذ ( بوشات قياس 70 او 80 )
و اتمنى لك التوفيق
":ابو حسين:"
21/05/2013, 01:45 PM
اذا تبغا تمشي الحال خذلك سوري ابو 150 ريال تلقاه وفي البنقله وبعدها اذا مشي الحال خذلك رايف او بوشات متل ما ذكر الاخ
الحداق الكبير
21/05/2013, 07:48 PM
مشكوورين جزاكم ربي كل خير ماتقصرو و أي نصايح ثانيه تفضلو بها
بس أعتقد اللي ب 150 شكله نوعيه سيئه أنا قبل سئلت عن نوع بس نسيت تفاصيله بسعر 200 وعليها
accentkool
22/05/2013, 03:55 AM
هو ماركات كثيرة فيها الممتاز والفاشل
مسدس بوشات مارلين جدا مممتاز وسعرة معقول
كريسي سب
سي ماستر
ابعد عن الهاربون