قصيدة الوصف الجلي لمنتدى مكشات الملي بالجواهر والحلي [الأرشيف]

ابوهديل 8

27/09/2006, 03:52 AM

هذه القصيده مهداه مني لمنتدى الرجال الطيبين منتدى مكشات واتمنى من شعرائنا الاكارم المشاركه بما تجود به قريحتهم ومنهم نستفيد ونفيد وفقنا الله الى مافيه الخير والى القصيده :

يامنتدى مكشات فيك الرياجيل**الطيبين اهل العلوم الجميله
يازين جلستهم وذيك التعاليل*تطرب لهم لاجيت خوش اتعليله
علومهم عدله ولاتقبل الميل**لاجيت اوصف مابهاايات ميله
ذربين في كل المواقف حلاحيل**تلقاه مثل الذيب ويشد حيله
وردودهم تلقا بهاالطيب بالحيل*والخيبه ذي عندهم مستحيله
لاجيت مجلسهم لقيت التحاليل**علوم مع زود التجارب دليله
يارب جنبهم دروب البهاذيل*واهل الردى واهل العلوم الهزيله
وختامها يالله بودان مع سيل*يمطرطوال الوسم مايجف سيله
ومن بعدها ترسل عليناهماليل*تطرب له العربان لوحت هميله
خضار زايد بالتواصيف ويهيل*والسيل يزبدجارين مع مسيله
هذامناي اطلب نهاري معالليل*لاشفت خضرتهاسوات الخميله
وصلو على اللي مالنا عنه تبديل*نـــــبينا اللي ماندور بديله

وسلامتكم

عيون الغلا

27/09/2006, 07:20 AM

صح لسانك وسلمت على هالقصيده
انت كريم ومنتدانا يستاهل

مارشال

27/09/2006, 08:11 AM

تسلم اخوي ابوهديل ..................

هذا وان دل على شي فأنه يدل على كرمك ووفائك

المشراق

27/09/2006, 09:27 AM

صح لسانك بارك الله فيك وانت اللي نعتز فية ومعرفته تنشرى وماقصرت يالغالي ونطمع في المزيد

ابوهديل 8

27/09/2006, 11:01 AM

وعليكم السلام ورحمة الله وبركاته

شكراً اخواني عيون الغلا ومارشال والمشراق على مروركم وبكم نتشرف ومن ردودكم نستفيد بارك الله فيكم ورزقنا واياكم القبول انه ولي ذلك والقادر عليه والسلام عليكم .

النداوي HZ2AF

27/09/2006, 11:59 AM

صح السانك ورحم الله والدينا ووالديك

أخوك ابو عبدالله

ريف النشاما

27/09/2006, 04:03 PM

تسلم يابو هديل على هذه المنظومة الجميلة

كفيت وفيت وجعلك تسلم

وتقبل تحيتي

الذعذاع الحربي

27/09/2006, 07:55 PM

صح لسانك اخوي ابو هديل وهذي مجاراه مني ارجوا ان تقبلها وعساك سالم

ابو هديل ابدع حسين التماثيل ****وهيض عليه كل بيت يشيله

ابيات شاعر مابها من تخاليل ****جويدة مثل الجبال المهيله

مثل الدرر والا الكنوز المشاعيل **** تبرق وظلمت ليلها مستحيله

عذبه عذوبتها مثل مية النيل **** واصفى من قلات الصخور الظليله

يذكر بها مكشات ريف المشاكيل **** موقع يفيد وكل عسر يجيله

وانا معه جاريت بالوزن والكيل **** وقلت البيوت اللي عساها تجيله

ويالله يامنشي المزون الهماليل**** ومسيره بامرك بليا دليله

ترزق عموم ديارنا الخير والسيل **** لين الخضار يعم ضلع وسهيله

هذا منايه والليالي مقابيل **** وجعل الفرح دايم وريحه عليله

وصلاة ربي عداد ما غلطس الليل **** واعداد مابرق لمع في مخيله

على الرسول اللي بدا معه تنزيل **** محمد المختار ربي خليله

وسلامتك انت ومن يشاهد

والمعذره على الابيات البسيطه

حجّر

27/09/2006, 08:06 PM

ابو هديل
صح لسانك ( لا فض فوك )
كلمات جميلة

ابوهديل 8

27/09/2006, 08:46 PM

شكراً للاخوان النداوي وريف النشاما وحجر على مروركم العبق والكلا م الطيب اللي مايصدر الامن الطيبين امثالكم وشكر خاص للاخ الشاعر الكبير المهلي مايولي وتشرفني مجاراتك لان الكلام اللي قلته لايصدر الا من شاعر كبير بارك الله فيك وابدعت في القصيده بالكامل واعجبتني حين قلت:
عذبه عذوبتهامثل مية النيل**واصفى من قلات الصخور الظليله

يذكر بها مكشات ريف المشاكيل***موقع يفيد وكل عسر ٍيجيله
وانا معه جاريت بالوزن والكيل ***وقلت البيوت اللي عساعا تجيله
اي والله جاريت وكفيت ووفيت وابدعت بالوصف بارك الله فيك وكثر من امثالك وتشرفني معرفتك.

المشراق

27/09/2006, 09:17 PM

كفيت ووفيت بارك الله فيك ومشكوووووووووووووووووووووووووووووووور على ما أبداعك في هذه القصيدة

ابوهديل 8

28/09/2006, 05:20 AM

شكراً اخوي المشراق على مرورك ومعرفة الرجال الطيبين مثلك وشرواك هي الغنيمه بارك الله فيك وكثر من امثالك .

نقا هشال

28/09/2006, 06:13 AM

ابو هديل مرحبا ومسهلا

يعطيك الف عافيه

وصح لسااااااانك مليون

تقبل فائق تحيتي

ابوهديل 8

28/09/2006, 06:26 AM

شكرا ً مشرفنا الغالي نقا هشال على مرورك والله يوفقنا الى مافيه الخير.

مقدور

30/09/2006, 03:01 PM

صح لسانك اخوي ابو هديل

وتسلم على هاالاهداء الغالي ومنتدى وعضاء مكشات يستاهلون كل خير

ابوهديل 8

30/09/2006, 03:49 PM

شكراً اخوي مقدور على طلتك المنوره الله يجزاك خير وبارك الله فيك وكثر من امثالك .

الجندي2005

01/10/2006, 02:49 AM

حبيت اجاري اخواني ابو هديل والمهلي .......... واسف عن القصور
يامنتدى المكشات فيك التماثيل
******************** فيك الــعلوم الوافية والجليلة
قول قريته شوق النفس بالحيل
******************** ابو هديل راع العلوم الجميلة
ولا المهلي قولهم كنه الســيل
******************** انا اشهد انه صادق ٍ في مقيله
انا هوى باللي الياشفت بالليــل
******************** برق شلوع وكل مخرم يخيله
جهزت جيبي مع ربوع ٍ رجاجيل
******************** ما فيهم اللي منت لا قي بديــله
يشبه نقا هشـال ريف الحـــلاحيل
******************** يترك هزيل القول وياخذ ثقـــيله
ياللله عسى الدنيا عليهم تســاهيل
******************** وكل يحصل ما بغى من حصيله
المعذرة ان كان قولي بها ميــل
******************** ويالله دخيــلك من خطات الفشيله

الجندي2005

01/10/2006, 02:50 AM

حبيت اجاري اخواني ابو هديل والمهلي .......... واسف عن القصور
يامنتدى المكشات فيك التماثيل
******************** فيك الــعلوم الوافية والجليلة
قول قريته شوق النفس بالحيل
******************** ابو هديل راع العلوم الجميلة
ولا المهلي قولهم كنه الســيل
******************** انا اشهد انه صادق ٍ في مقيله
انا هوى باللي الياشفت بالليــل
******************** برق شلوع وكل مخرم يخيله
جهزت جيبي مع ربوع ٍ رجاجيل
******************** ما فيهم اللي منت لا قي بديــله
يشبه نقا هشـال ريف الحـــلاحيل
******************** يترك هزيل القول وياخذ ثقـــيله
ياللله عسى الدنيا عليهم تســاهيل
******************** وكل يحصل ما بغى من حصيله
المعذرة ان كان قولي بها ميــل
******************** ويالله دخيــلك من خطات الفشيله

ابوهديل 8

01/10/2006, 05:03 PM

استلم الرد ياخوي من اخوك ابو هديل

يامرحبا بك مانبي فيك تبديل ** يالصاحب اللي ماندور بديله
علوم تطربني ليااوحيتهاحيل** من شاعرن بالمنتدى شد حيله
الجيب جاهزمع زهابن لنا شيل **صافين نيه والحقد مانشيله
نبعدعن النمام مانقرب بخيل **ياقوم لاخاويت ناسن بخيله
والعوج ماينفع بها ايات تعديل **عوج ليا قلنا وصعب اتعديله
وانحش من اللي منتفخ كنه الفيل **يلهم ولاينفعك ويلف ذيله
الوسم قرب ويش باقي من سهيل **يازين شبة ضونا كل ليله
وسلامتكم