خوي مخباته
20/05/2013, 10:34 PM
بسم الله الرحمن الرحيم ,,
السلام عليكم ورحمة الله وبركاته ~
حيّ الله اخواننا المكشاتيه ,
منذو مبطي ياجماعة الربع , اجتمعنا انّا والشلة في ديرتنا, شلة العاده المعتاده ايام ماكنا شباب ! كلنا مانتعدى 25 سنة ! متبطرين من العافيه , وندور القشر ,الا واحدن معنا شآيب ماخذينه ملح للطلعه صاحب نكته وصاحب عياره وجايزن لنا , وعمره حوالي 55 سنه
اجتمعنا وعزمنا اننا نطلع في يوم مثل الايام هذي ايام ربيع " تـآلي الشتاء " خذنا ذبــيّـحه " تييّس" وطلعنا وقلقلنا تسبده مع شوية لحم , وافطرنا وتغدينا في محلنا
ومثل ماذكرت في سوالفن قبل . ان هذا طبعنا نفطر ونتغدا في محل وعقب العصر نتمشى في مكان ثاني وبعدها ندخل الديره ,, بعد مانصلي العشاء بساعة
المهم .. رحنا للمكان المذكور روضة طيبة بالحيل
في الديره , ماودك تصد عنها ريح النفل وريح الخزامى وعلى جال النفود - يالله من فضلك - والجو لا برد ولا حر
مالكم بالطويلات ....
وحنا تونا جالسين عقب العصر (عصير) , الا والله يوم ركب الخيـآل (الغيم) (السحاب) وكل ماله ويكثر ويكبر , !! وحنا شابين ضويّه وعليها بريق شاهي (حق الحطب تسنه راس عبد في وسط الضو ) مجتمعين عليه دار مادار على الضوية ,, نتدفى ونتروح ريح الحمض , زاد الغيم وصار على مايقولون حَقوقّ ,, المهم : قال الشايب ياجماعة الربع شوري عليكم بريقكم انطلوه ولا كبوه وادخلو الديره وازبنو عند اهاليكم !!!!
واقوم انا من بدة الربع واطير في حلقه/ اقول الله يهديك ياشايبنا حنا لو اننا في الديره الآن طلعنا نبي نشوف هالغيم وهالجو الحلو في البر !
وانت الحين تبي تدخلنا الديره الله يهديك !!! وتدخلنا في الحجر ؟
قال : اشور عليكم ولا الّزم , دار النقاش بيننا وبين الربع , كنا 7 وهو ثامنا ,
المهم قلت لهم / نبي نخليها تصويت(ديموقراطية مثل مجلس الكونغرس) اللي يبي الديره يرفع يده واللي مايبيها لايرفع يده "يلبد"
3 قالو " الديره مع الشايب " والباقي قالو معك ياخوينا يعني انقسمنا نصفين بالضّبط
كلامك صحيح البر حلاته بغيمه وامطاره ,
توهم مقفين عنا يمكن الله العالم وصلو الديره أو على وشك !!
الله لايوريكم !!!! جانا هوا معه عج والله الواحد معد يشوف
خشمه ,,ركبنا الموتر واّنا في وسط الغماره الواحد مايشوف الثاني امتلينا من العج , المهم .. رقينا بالموتر يم الطعس " الرمل شاد " والله ان الهوا حول مايقلب السياره عاد حنا متعنزين فوق راس الطعس لأن لو صابنا المطر وسط الروضه معد طلعنا ولا بشيول .. وحنا فوق الطعس ننتظر المطر يوقف والله كل ماله ويزود ولعد نحقق الديره لا بأنوار ولا بشيء يذكر
ونعود لديرتنا من فوق النفود خوف من الطبعه في الطين ,, وانتو عارفين النفود عاد شجره ورى شجره ماوصلنا الديره وحنا ماشين من محلنا 8 ماوصلناها الا الساعه 12 !!!!!
لان الارض ماينمشى عليها مزلقه وطين وتغاريز, واحتدينا على النفود
وتذكرنا كلام شآيبنا وذكرنا المثل اللي يقول (( آللي اكبر منك بيوم أعلم منك بسنة ))
وودك ان الواحد ياخذ بشور اللي اكبر منه لا في كشته ولا في غيرها
وهذي نصيحة لي ولغيري . .
السلام عليكم ورحمة الله وبركاته ~
حيّ الله اخواننا المكشاتيه ,
منذو مبطي ياجماعة الربع , اجتمعنا انّا والشلة في ديرتنا, شلة العاده المعتاده ايام ماكنا شباب ! كلنا مانتعدى 25 سنة ! متبطرين من العافيه , وندور القشر ,الا واحدن معنا شآيب ماخذينه ملح للطلعه صاحب نكته وصاحب عياره وجايزن لنا , وعمره حوالي 55 سنه
اجتمعنا وعزمنا اننا نطلع في يوم مثل الايام هذي ايام ربيع " تـآلي الشتاء " خذنا ذبــيّـحه " تييّس" وطلعنا وقلقلنا تسبده مع شوية لحم , وافطرنا وتغدينا في محلنا
ومثل ماذكرت في سوالفن قبل . ان هذا طبعنا نفطر ونتغدا في محل وعقب العصر نتمشى في مكان ثاني وبعدها ندخل الديره ,, بعد مانصلي العشاء بساعة
المهم .. رحنا للمكان المذكور روضة طيبة بالحيل
في الديره , ماودك تصد عنها ريح النفل وريح الخزامى وعلى جال النفود - يالله من فضلك - والجو لا برد ولا حر
مالكم بالطويلات ....
وحنا تونا جالسين عقب العصر (عصير) , الا والله يوم ركب الخيـآل (الغيم) (السحاب) وكل ماله ويكثر ويكبر , !! وحنا شابين ضويّه وعليها بريق شاهي (حق الحطب تسنه راس عبد في وسط الضو ) مجتمعين عليه دار مادار على الضوية ,, نتدفى ونتروح ريح الحمض , زاد الغيم وصار على مايقولون حَقوقّ ,, المهم : قال الشايب ياجماعة الربع شوري عليكم بريقكم انطلوه ولا كبوه وادخلو الديره وازبنو عند اهاليكم !!!!
واقوم انا من بدة الربع واطير في حلقه/ اقول الله يهديك ياشايبنا حنا لو اننا في الديره الآن طلعنا نبي نشوف هالغيم وهالجو الحلو في البر !
وانت الحين تبي تدخلنا الديره الله يهديك !!! وتدخلنا في الحجر ؟
قال : اشور عليكم ولا الّزم , دار النقاش بيننا وبين الربع , كنا 7 وهو ثامنا ,
المهم قلت لهم / نبي نخليها تصويت(ديموقراطية مثل مجلس الكونغرس) اللي يبي الديره يرفع يده واللي مايبيها لايرفع يده "يلبد"
3 قالو " الديره مع الشايب " والباقي قالو معك ياخوينا يعني انقسمنا نصفين بالضّبط
كلامك صحيح البر حلاته بغيمه وامطاره ,
توهم مقفين عنا يمكن الله العالم وصلو الديره أو على وشك !!
الله لايوريكم !!!! جانا هوا معه عج والله الواحد معد يشوف
خشمه ,,ركبنا الموتر واّنا في وسط الغماره الواحد مايشوف الثاني امتلينا من العج , المهم .. رقينا بالموتر يم الطعس " الرمل شاد " والله ان الهوا حول مايقلب السياره عاد حنا متعنزين فوق راس الطعس لأن لو صابنا المطر وسط الروضه معد طلعنا ولا بشيول .. وحنا فوق الطعس ننتظر المطر يوقف والله كل ماله ويزود ولعد نحقق الديره لا بأنوار ولا بشيء يذكر
ونعود لديرتنا من فوق النفود خوف من الطبعه في الطين ,, وانتو عارفين النفود عاد شجره ورى شجره ماوصلنا الديره وحنا ماشين من محلنا 8 ماوصلناها الا الساعه 12 !!!!!
لان الارض ماينمشى عليها مزلقه وطين وتغاريز, واحتدينا على النفود
وتذكرنا كلام شآيبنا وذكرنا المثل اللي يقول (( آللي اكبر منك بيوم أعلم منك بسنة ))
وودك ان الواحد ياخذ بشور اللي اكبر منه لا في كشته ولا في غيرها
وهذي نصيحة لي ولغيري . .