ماخاب من استشار رايكم يهمني

[ابو طلال/]

السلام علكيم ورحمة الله وبركاته


اخواني ادارة واعضاء مكشات الرائع


كيفكم وكيف اموركم


حبيت اخذ رايكم بشوزن مدحها لي الكثير من اللي جربوها وخصوصا بالضغوط وصيد الكرك


اسمها هي arthemis ( ارثيمس او ارتميس ) طبعا طول الماصوره 32


صناعتها تركيه


هل تنفع لراعي الكرك اللي فلوسه على قده انا انعرضت على بسعر 8500 ؟


ثانياً اللى جربها ماهو اكبر ضغط دبلت فيها وسلكت ؟


انتضر افاتدكم لاهنتوا


وشكرا اخوكم ابو طلال :r

[ابو طلال/]

38 رد ولا احد عنده خبر عن البندق افيدوني لاهنتوا وين اهل الخبره الله يجزاكم خير

[عمر العصيمي]

والله مثلك كتبت موضوع والمشاهده فوق ال60

الي ذكرتها ما عندي خلفيه عنها يا رجال حاول تدورلك بيكال روسيه 28 انش ورهم عليها ماصورة بلجيكيه 32 انش

[ابو طلال/]

يارجال ودي بسوبر بانيلي بس وين الفلوس

البيكال سعرها غالي والماصوره اغلى


الشكوى لله ننتضر الرد من الاخوان ويارب احد يفيدنا

[الستانس]

السلام عليكم
اخوي انا عندي ارثمس والحمد لله ماشفت منها الا كل خير
بالنسبه للكرك والضغوط ماجربت
ولكن يذكرلي واحد من الربع راعي كرك انه كيف عليها وانبسط منها
بالنسبه للضغوض فهي ترمي ٥٦
وميزتها عن باقي التركيات ان قطعها مشابهة للبانلي يعني اشر وانت مرتاح
وهي و الستوقر كلهن عمليات وسعرها مناسب وكد ومد
انصحك فيها وبتسعدك ان شاء الله
فيها عيب ان بعضها ابرتها ضعيفه شوي ماترمي كل الفشق
غير الابره وامورك في السليم وبتذكر كلامي

[mlikhunter]

انا شفتها بالسوق عندنا لكن مااخبر حدجربها لكن يمدحوها

[صقارمبتدئ11]

انصحك خذلك استوقر

[ابو سالم22]

افادك اخونا الستانس ماقصر

وعسى الله يرزقك

[عاشق رهو]

أولا إخوي السعر اللي ذكرته غالي وهي إن مررة زادت ما تتعدئ سبعة وخمس مئة
وثانيا انصحك بستوقر من واقع تجربة عالاقل شركة تابعه لبنللي

[ابو طلال/]

يامال الغنات يااخوان ماقصرتوا وفيتوا وكفيتوا

والبارح سالت واحد من الشباب راعي كرك عن البندق ووراني فيديوا من تصويره لرمي البندق على الكرك

بضغط 56 وام توسع وكذا نوع من انواع الضغوط المهم انجنيت من شي شفته والله ماشاء الله مرمى بانلي

وابشركم اخذتها ومن ناحية اخوى عاشق الرهو ياخوي تدري ان سعرها جديد وصل 10500 ريال ولاهي موجوده بالسوق يالله بالله تحصلك وحده استعمال خفيف جدا هذي يعتبرونها جديدة
وكمان هي تابعه للبانلي ومن اشراف خاص من شركة بانلي حتى تصميمها القطع الداخليه تصميم بلاك ايجل
واخيرا ربي مايحرمني من مشورتكم لاهنتوا ومشكورين

لكم تقديري اخوكم ابو طلال