قصة قديمة....الله من حالن برته الهواجيس

[ناصر العلي]

بسم الله الرحمن الرحيم
أعزائي أعضاء وزوار منتدى مكشات العامر
السلام عليكم ورحمة الله وبركاته
وأسعد الله جميع أوقاتكم بالخير واليمن والمسرات
ندخل بالسالفة على طول
يقولن ذاك الرجال يسولف مع خويه بسالفة..أثر الزوجة تسمع دون علم الأثنين...أو...إن السالفة وصلت للحرمة من حدا الحريم...الشاهد...الكلام ماجاز للحرمة ولاتحملت وهى تضف غريضاته وتروح عند أهله زعلة:mad:
الرجل يوم جا للبيت ومالقا الحرمة ونشد وإلاه عند أهله....ماجاز له تصرفه....قال خلّه لين يطيح اللي براسه وترضى من حاله
الحرمة تحتري رجله يجي يراضيه....لكن الزوج كبريائه منعه من ذلك
الزوجة شكله جاه كرف عند أهله وحنّت لبيته ورجله وهى تكتب ذيك القصيدة بورقة وتلفزه بباب بيت رجله علشان إذا جا يفتح الباب يلقاه...يوم جا الزوج كالعادة بيفتح الباب وهو يلقى هالوريقة ويوم فتحه وإلى مكتوب به هالأبيات
الله من حــــــالٍ برته الـــهواجيس.......
.......وعيني تفجر بالبكا كل ســـــــاعة
على خليلٍ طاع هرج المناجيس.......
.......؟؟؟؟؟الراوى نسى هالشطر؟؟؟؟
وأحسبك لو تعطى بي مية كيس.......
.......ماأرخصتني و أطلعتني للمــباعة
أنا كـــــــــما الدرّة بيد الـــــــــغواويص.......
.......ياحظ أبو من ضمني وقم سـاعة
وأنا كما المشخص ولافيه تلميس.......
.......وعند المــــــباعة يندرج للبـــضاعة
ويوم قرا هالأبيات وهو يرد عليّه بهالأبيات ويرسله له
ياخلّي ياللي باريك الهــواجيس.......
.......والله لو تدري بقلبي زعــــــــــاعة
حبك لجا ويفرّس القلب تفريس.......
.......ومن المودة غادين كالمشاعة
ماتلتقي يالقلب بالقلب بال؟؟؟.......
.......لسخيّف الأردان سمعٍ وطاعة
وهو يراضي زوجته ويرجّعون لبيتهم ويعيشون مثل أول وأحسن
وسلامتكم
محبكم..ناصر العلي
بالنسبة لعلامة؟؟؟؟فالرواي نسيها وإذا فيه أحد سبق وأن مرت عليه هالسالفة وأبياتها فلايبخل علينا بها

[قوافي ( أم نهار )]

عليكم السلام ورحمة الله وبركاته
حياك الله ابو علي
سالفه بالصميم ومهمه أهمها جبر الخواطر،، ويازين خاطرك لين جبره زوج او زوجه ..
الزعل بهار ممكن يصلح وممكن يسوء الحال زود،، والسالفه كلها تعتمد على التفاهم والمحبه قبل كل شي،، وأكيد هو طيب ولا ماتوجدة عليه،، وهي لها مكانه عنده ولا ما أستجاب لأبياتها ورجعها بصرف النظر من اللي غلطان ..
تعبها ببيت ابوها طيح الحطب وبعضهم عن قصد يكرف بنته لين تقول (نار رجلي ولا جنة هلي) همن ترجع والرضى هاك الساعه موب محتاج رضاوه ولا تفاهم خلاص هي فهمت ،،التفاهم بين جدران الزوجيه أفضل بكثير..
اشكرك على السالفه
دمت بحفظ الله
تحياتي وتقديري واحترامي لشخصك الكريم
..قوافي..

[محمد الظاهري]

ياربي حيه
نورة الخيمه بحظورك وبسالفتك
الحريم مقرد
من اول كلمه تطق فيوزتها
ماقصرو اهلها ماوفرو الجيه .حصلت الكرف
اشكرك جزيل الشكر على الابداع
تحياتي لك

[ابو سالم22]

وعليكم السلام ورحمة الله وبركاته
صبحك الله بالخير يابو علي جزل وما تجيب الا الجزل الله يعطيك العافيه
قصه و قصيده معبره وهذي درس بعدم الاستعجال باتخاذ القرار وصحة السنتكم انت والشاعر والراوي
تحياتي لشخصك
محبكم ابو سالم

[ذيب الفقارة]

وعليكم السلام ورحمة الله وبركاته

أخوي ناصر العلي

ها السالفة توضح لنا كيف كان الناس زمان أول

لكن أعتقد إن الناس الآن تغيرت

الرجال ماهم رجال أول والحريم ماهم حريم أول

أخاف واحد يقرأ ها السالفة ويتورط

..................

قصة جملية وسرد ممتع

تحياتي وتقديري

[حسن الشمالي]

سالفة جميلة

احسن مافيها ؟؟؟؟ الراوي نسى هالشطر؟؟؟

[alturki1386]

قصة جميلة ومعبرة وفيها حكمة خفية ..

لكن لو انك يا أخي كتبت القصة بلهجة عامة فاللهجة القصيمية واضحة بالقصة ولكن الذي يقرأها (أهله) ولا يعرف اللهجة يعتقد انك تقصد أهل الرجل و (خله) يعني اتركها وهكذا....

[راعي العجراء]

الله يعطيك العافيه يابوعلي على السالفه
الطيبه
والاستعجال بااتخاذ الامور على وجه السرعه
دائم تكون النتايج عكسيه والا وش قردها تهد البيت وتروح عند اهلها
والرجال ادبها يوم مانشد عنها
دمت مبدع يابوعلي
والله يحفظك

[لمّاح]

الله يعطيك العافية على هالقصة الجميلة

[ناصر العلي]

عليكم السلام ورحمة الله وبركاته

حياك الله ابو علي
سالفه بالصميم ومهمه أهمها جبر الخواطر،، ويازين خاطرك لين جبره زوج او زوجه ..
الزعل بهار ممكن يصلح وممكن يسوء الحال زود،، والسالفه كلها تعتمد على التفاهم والمحبه قبل كل شي،، وأكيد هو طيب ولا ماتوجدة عليه،، وهي لها مكانه عنده ولا ما أستجاب لأبياتها ورجعها بصرف النظر من اللي غلطان ..
تعبها ببيت ابوها طيح الحطب وبعضهم عن قصد يكرف بنته لين تقول (نار رجلي ولا جنة هلي) همن ترجع والرضى هاك الساعه موب محتاج رضاوه ولا تفاهم خلاص هي فهمت ،،التفاهم بين جدران الزوجيه أفضل بكثير..
اشكرك على السالفه
دمت بحفظ الله
تحياتي وتقديري واحترامي لشخصك الكريم

..قوافي..


حياك ربي أُخيه
وأشهد بالله إنك تحكين الصواب
بيض الله وجهك والشكر لك على مرورك وماسطرته أناملك
تحياتي و تقديري

[ناصر العلي]

ياربي حيه

نورة الخيمه بحظورك وبسالفتك
الحريم مقرد
من اول كلمه تطق فيوزتها
ماقصرو اهلها ماوفرو الجيه .حصلت الكرف
اشكرك جزيل الشكر على الابداع

تحياتي لك


هلا بك أكثر أخي محمد
والخيمة منورة بأهله يالغالي
وكم حرمة وحرمة طرفت عينه بيدة
ياحليل أول وحريم أول
قارن نسب الطلاق هاللحين بالسابق وراح تشوف للأسف أرقام مزعجة جداً
تحياتي وتقديري

[ناصر العلي]

وعليكم السلام ورحمة الله وبركاته


صبحك الله بالخير يابو علي جزل وما تجيب الا الجزل الله يعطيك العافيه
قصه و قصيده معبره وهذي درس بعدم الاستعجال باتخاذ القرار وصحة السنتكم انت والشاعر والراوي
تحياتي لشخصك

محبكم ابو سالم


سلمت ياأبوسالم
وحياك ربي
والله يرفع قدرك دنيا وآخرة
والشكر لك على مرورك وتشريفك يالغالي
تحياتي و تقديري

[ناصر العلي]

وعليكم السلام ورحمة الله وبركاته


أخوي ناصر العلي


ها السالفة توضح لنا كيف كان الناس زمان أول


لكن أعتقد إن الناس الآن تغيرت


الرجال ماهم رجال أول والحريم ماهم حريم أول


أخاف واحد يقرأ ها السالفة ويتورط


..................


قصة جملية وسرد ممتع



تحياتي وتقديري


حياك ربي ياأبوعدنان
وأشهد بالله إنك تقول الصواب
وهذا واقع نشوفه ونعيشه ولايزعل علينا أحد
شرفني مرورك ومداخلك يالغالي
تحياتي و تقديري

[ناصر العلي]

سالفة جميلة

احسن مافيها ؟؟؟؟ الراوي نسى هالشطر؟؟؟

حياك ربي أخي حسن
والله برفع قدرك يالغالي
أخ منك يالشمالي:Dلايروح تفكيرك بعيد;)
صدقني الراوي نسى هالشطر والكلمة برد الزوج
ولعل أحد الأحباب تكون هالسالفة مرت عليه من قبل ويفيدنا
تحياتي

[ناصر العلي]

قصة جميلة ومعبرة وفيها حكمة خفية ..

لكن لو انك يا أخي كتبت القصة بلهجة عامة فاللهجة القصيمية واضحة بالقصة ولكن الذي يقرأها (أهله) ولا يعرف اللهجة يعتقد انك تقصد أهل الرجل و (خله) يعني اتركها وهكذا....

حياك ربي يالتركي
والله يرفع قدرك يالغالي
وفعلاً بعض الكلمات إذا كتبت بلهجة مغايرة قد تعطي معنى مغاير
ولكن
أظن إن اللهجة القصيمية لهجة واضحة ولايحدث معها أي لبس أو سوء فهم وأقرب مثال شف الأخ دواد الشريان مقدم برنامج الثامنة مع داود يتكلم بها ويتابعة الملايين ولم يسبق أن سمعنا إنتقاد أو تذمر بخصوص اللهجة
تحياتي

[ناصر العلي]

الله يعطيك العافيه يابوعلي على السالفه

الطيبه
والاستعجال بااتخاذ الامور على وجه السرعه
دائم تكون النتايج عكسيه والا وش قردها تهد البيت وتروح عند اهلها
والرجال ادبها يوم مانشد عنها
دمت مبدع يابوعلي

والله يحفظك


حياك ربي يالغالي
وربي يعافيك ويسلمك من الشر
وكلامك عين الصواب
وياما وياما واحد إستجل وبالآخر طقه ندامة
مرورك شرف للسالفة وراعيه
تحياتي و تقديري

[ناصر العلي]

الله يعطيك العافية على هالقصة الجميلة

حياك ربي أخي لمّاح
والله يرفع قدرك يالغالي
وبيض الله وجهك
والشكر لك على مرورك و تشريفك
تحياتي و تقديري

[عابر الموج]

قصه جميلة الله يعطيك العافية لكن الراوي نسى عجز البيت ابي اساعده ببيت تكمله من عندي مادام الوضع واضح

على خليلٍ طاع هرج المناجيس = الي بعرض الناس رافع شراعه

تقبل تحياتي

[alturki1386]

حياك ربي يالتركي



والله يرفع قدرك يالغالي
وفعلاً بعض الكلمات إذا كتبت بلهجة مغايرة قد تعطي معنى مغاير
ولكن
أظن إن اللهجة القصيمية لهجة واضحة ولايحدث معها أي لبس أو سوء فهم وأقرب مثال شف الأخ دواد الشريان مقدم برنامج الثامنة مع داود يتكلم بها ويتابعة الملايين ولم يسبق أن سمعنا إنتقاد أو تذمر بخصوص اللهجة


تحياتي



وكذلك رفع الله قدرك ..

اما مثال داود الشريان فهو صوت مسموع ووأي شخص يسمعه سيعرف ماذا يقصد من نطقه للعبارات لكن الكتابة فأمرها مختلف وحتى يتم إزالة اللبس بالمقصود بالمعنى فإنه لا بد من التشكيل بوضع الحركات على الكلمة حتى يتضح المقصود ..

[عذبي1]

وعليكم السلام ورحمة الله وبركاته
يالدكتور
تسلم
لقد امتعتنا بهي سالفه ويالبيه يالقصيمي حين يسولف واللي مو عاجبه يروح لديرتوه اسطمبول وياخذ كورس وبكيفوه.ماعلينا
وهالحريمه حاسه بالخطا والا لاعاد تكتب اشعار
والرجل على جريف يريد اي مفاوضاي يتم على اثره الصلح
اليوم الواتسب يصير وتسب وتسام وتسزوجه كل ش
لكن بخاطري عليك شي
يريتك تكمل الفراغاي

[عذبي1]

قصة جميلة ومعبرة وفيها حكمة خفية ..

لكن لو انك يا أخي كتبت القصة بلهجة عامة فاللهجة القصيمية واضحة بالقصة ولكن الذي يقرأها (أهله) ولا يعرف اللهجة يعتقد انك تقصد أهل الرجل و (خله) يعني اتركها وهكذا....



وكذلك رفع الله قدرك ..

اما مثال داود الشريان فهو صوت مسموع ووأي شخص يسمعه سيعرف ماذا يقصد من نطقه للعبارات لكن الكتابة فأمرها مختلف وحتى يتم إزالة اللبس بالمقصود بالمعنى فإنه لا بد من التشكيل بوضع الحركات على الكلمة حتى يتضح المقصود ..

ريتك ياتريكي
سلمت او رديت السلام حتى تنقد ويصير لك شان
اتق الله وخل الصيد بالماء العكر
بزعمك رجال يزعل حرمتوه وتروح لهله ===في غير اهله مفهومه بوه حرمه تروح لهل زوجه الا بحال كونه حولا
حين تقرا التسلسل بالقصيد او السوالف بعضه يفتح على بعض الا ان كنت تقرا سطر ورى سطر فهاذ خاص بك

ويريتك انت وغيرك اذا مريتوا اعجبكم هلاوين ما اعجبك مو لازم تردون وتخربون علينا ياربعكم
خصوصا مثلك بالعضويه قديم والمفروض تكون قدوه
الله يرحم والدينك لاتزعل-لكن كم خرب من سالفه بهالشكل
وقصيده بحكاية التعقيب اللي ماله داعي

[ناصر العلي]

قصه جميلة الله يعطيك العافية لكن الراوي نسى عجز البيت ابي اساعده ببيت تكمله من عندي مادام الوضع واضح




على خليلٍ طاع هرج المناجيس = الي بعرض الناس رافع شراعه



تقبل تحياتي


حياك ربي ياعابر الموج
سميناك عابر الألغاز ورحت وخليتنا:D
ومشكور يالغالي على مرورك وتشريفك
والله يعافيك ويرفع قدرك
وماقصرت يالغالي بإكمال الشطر الناقص
على خليلٍ طاع هرج المناجيس..الي بعرض الناس رافع شراعه
لك مني خالص الود
دمت بخير

[ناصر العلي]

وكذلك رفع الله قدرك ..




اما مثال داود الشريان فهو صوت مسموع ووأي شخص يسمعه سيعرف ماذا يقصد من نطقه للعبارات لكن الكتابة فأمرها مختلف وحتى يتم إزالة اللبس بالمقصود بالمعنى فإنه لا بد من التشكيل بوضع الحركات على الكلمة حتى يتضح المقصود ..


حياك ربي يالتركي
هاللحين اللي يشوفك يقول إني كل يومين والثالث سادحن لي سالفة:D
الله وكيلك آخر سالفة نزلته له أكثر من سنه بتاريخ4/4/2012
يعني بالمختصر المفيد
مشيها..عديها
وإذا فيه أي غموض حنا حاضرين
تحياتي

[ناصر العلي]

وعليكم السلام ورحمة الله وبركاته
يالدكتور
تسلم
لقد امتعتنا بهي سالفه ويالبيه يالقصيمي حين يسولف واللي مو عاجبه يروح لديرتوه اسطمبول وياخذ كورس وبكيفوه.ماعلينا
وهالحريمه حاسه بالخطا والا لاعاد تكتب اشعار
والرجل على جريف يريد اي مفاوضاي يتم على اثره الصلح
اليوم الواتسب يصير وتسب وتسام وتسزوجه كل ش
لكن بخاطري عليك شي
يريتك تكمل الفراغاي

حياك ربي أخي عذبي1
وربي يسلمك من الشر يالغالي
والرجل على جريف
أنت شفت
على الريحة
مكزبش خبر
عاد تصدق يالغالي
والله أعرف قاضي من القضاة الله يبيض وجهه إذا جا عنده زوجين متخاصمين يبون الطلاق وتم إستنزاف جميع وسائل الصلح لتقريب وجهات النظر لكن دون جدوي
تدري ويش يسوي
يطلّع جميع أهل الزوجين ويخليهم لحالهم لمدة ربع ساعة..أكثر..أقل...وبعد مايجيهم يلقاهم سمن على عسل..عاد مو كل مرة
بالنسبة للفراغات لو بيدي لأكمله لكن الحمدلله اللي لحقنا على الموجود
دمت بخير

[النبهاني]

وعليكم السلام ورحمة الله وبركاته
ياهلا ويامرحبا باللي لخذ ماخذ سير علينا بهالخيمه
ومسير ماهو مثل كل مسير يسير ومعه اللي يسر ( شكل السير عندي امرس )
فعلا يابو علي مثل ما يقولون القصه يدل على انه حقيقه اذا صار فيها قصيده
وهذولا هم الاولين يازينهم ويازين حياتهم بكل بساطه زعلوا وطاح اللي بروسوهم ورجعو سمن على عسل
بدون تدخل وبدون صجه او لجه
لكن فيه اسباب اول وتالي وقصيد
يعني زعل كله ملح
سلمت ودمت يالغالي

[ناصر العلي]

وعليكم السلام ورحمة الله وبركاته

ياهلا ويامرحبا باللي لخذ ماخذ سير علينا بهالخيمه
ومسير ماهو مثل كل مسير يسير ومعه اللي يسر ( شكل السير عندي امرس )
فعلا يابو علي مثل ما يقولون القصه يدل على انه حقيقه اذا صار فيها قصيده
وهذولا هم الاولين يازينهم ويازين حياتهم بكل بساطه زعلوا وطاح اللي بروسوهم ورجعو سمن على عسل
بدون تدخل وبدون صجه او لجه
لكن فيه اسباب اول وتالي وقصيد
يعني زعل كله ملح

سلمت ودمت يالغالي


هلا بك أكثر ياأبوسالم
وبيض الله وجهك يالغالي
والود ودي كل أسبوع أنزل سالفة فالجعبة ملئآ ولكن تنقصنا الفضوة
لكن نحاول كلما أحصلت فرصة نويق:j:D
ووالله إنك كلامكم عين الصواب
وألف شكر لك يالغالي على مرورك وتشريفك
تحياتي و تقديري