المساعد الشخصي الرقمي

مشاهدة النسخة كاملة : استشرنا وتوهقنا


صاهود نجد
22/05/2013, 11:34 AM
السلام عليكم ورحمة الله وبركاته //////
قبل سبوع استفسرت عن الاديترات وقالولي الشباب عليك بالاردني وشريته وصارت الحراره فوق الربع بشوي
علمن ان الاديتر الاول تعبان وفيه شقوق وفوق الخط ومع الخط والحر تحت الربع الحل
دحيم الفزعة
22/05/2013, 12:35 PM
الحل وأنا أخوك فرغ الهواء من نظام التبريد اذا أنت ما فرغته
بدوي جنوبي
22/05/2013, 12:48 PM
وش نوع وموديل سيارتك ؟
صاهود نجد
22/05/2013, 01:22 PM
جيب تيوتا 89
صاهود نجد
22/05/2013, 01:23 PM
وكيف التفريغ للهوا
مجنون عسل
22/05/2013, 02:53 PM
صاهود نجد انت غيرت الرديتر وغسلت المكينة اذا ما ركبت كوع حرارة وشفت الحرارة ترتفع فعندك احتمالين لا تؤسوس كلها بسيطه بإذن الله تأكد من تماتيك المروحة يمكن يكون هو سبب اذا تمام فمشكلتها من حساس الحرارة لان كان معنا مثل موترك وحصلت نفس مشكلتك وانحلت بتغيير حساس الحرارة
أتمنى أني أفدتك وكلها اجتهادات وأمور قد مرت علينا
حمزةعبدالمطلب
22/05/2013, 03:37 PM
ايش هو اربع رصات
صاهود نجد
22/05/2013, 10:27 PM
أولاً الله يجزاكم عنا الف خير ويبيض وجيهكم
الاديتر اربع رصات والحساس توني مركبه اصلي وكانت الحراره في الاديتر الاول زي الحلاوه ماتاصل الربع بس مع تغير الاديتر حصلت المشكله والمروحه ثابته
شايب حرب
22/05/2013, 11:48 PM
أولاً الله يجزاكم عنا الف خير ويبيض وجيهكم
الاديتر اربع رصات والحساس توني مركبه اصلي وكانت الحراره في الاديتر الاول زي الحلاوه ماتاصل الربع بس مع تغير الاديتر حصلت المشكله والمروحه ثابته

لاتتعب نفسك اذهب الى الوكالة او احد الموزعين واشتر اديتر حق الوكالة

لان اديتر الوكالة مقاوم للحرارة بسبب الطبات البلاستيكية للاديتر الاصلي

اما الاديتر الاردني الطبات حديد وهذا يساعد على ارتفاع الحرارة

المهم لاتتعب نفسك وكل شوي تغير قطعة في موترك وتخسر نفسك

غبر الاديتر حق بلدة وريح نفسك وان شاء الله تنفك من الحرارة
zzss
23/05/2013, 01:07 AM
السالفه ماهي سالفة 4رصات لأنك لو تلاحظ بعض السيارات مثل الفورد راديتره
رصه وحده لكن مصنوع من الالمنيوم وتبريده سريع اللي أقصده انك تبحث
عن راديتر المنيوم أصلي حق الوكاله والا غيره لأنه أي عطل بالراديتر وأنت ماشي
بدون ماتنتبه ممكن يعدم لك المكينه.
SGL
23/05/2013, 01:50 AM
والله شي غريب أنا ركبته الأردني يجي المنيوم وظباته بلستيك وماشي معي ولا أحلى ماشاء الله أخوي ممكن يكون الخلل من الهوايه اللي حوالين المروحه تكون متكسره أو تكون الطرمبه تعبانه أو الرديتر يكون تعبان عيب مصنعي يكون خربان جرب وردلنا ﻷن في أحتمالات أخرى
ls1.5700
23/05/2013, 11:35 AM
اذا الاديتر حديد ماينفع ابد
غيره بـ واحد امنيوم
باترول88
23/05/2013, 12:13 PM
اذا الرديتر الاردني المونيوم مافي ازين منه
نركبه على مرهمات ولا نشتكي من شي
واذا حق الوكاله حديد نصيحه ابعد عنه
الحديد يصدي ولا يبرد المويه زي الامنيوم
انت تقول غيرت الرديتر وغيرت حساس الحراره يعني المشكله كانت من الحساس
ودائما تصير معنا وكان معي باترول حرارته ماتوصل الربع نهائيا وكنت مستانس احسبه مافيه حراره
واكتشف بعد مده ان الحساس خربان وكانت الحراره توصل النص وانا ما ادري
مركز حراره
23/05/2013, 01:44 PM
موترك اديتر نحاس ولا يجي له المنيوم لذالك حق البلد احسن اخوي ركب وكاله لوانه يجيي له المنيوم ركب اي شي بس النحاس لازم اصلي افضل شي
ابوخليل200
23/05/2013, 01:51 PM
وانا اخوك انصحك بالرديتر الصيني اﻻمنيوم وطباته بﻻستيك ويجي نفس حق الوكاله وسعره معقول وعلى طول يبرد ..
وشكراً.
أبوشريدح
23/05/2013, 01:58 PM
الرديترات المصنوعة من الالمنيوم
تحتاج وجود بلف الحرارة
لكي يعمل الرديتر بكفائة

هل انت فاك بلف الحرارة؟؟
اذا كان بلف الحرارة موجود قم بتغيير واحد اصلي
صاهود نجد
24/05/2013, 12:18 AM
ابشركم انحلت المشكله خذيتلي اديتر وكاله الله لايخسر بس رجعت الحراره لوضعها الطبيعي
ومشكورين على التفاعل ولا هنتو