((((حرارة عند التوقف مع المكيف في الباترول 99))))

[abo naser 1]

السلام عليكم ورحمة الله وبركاته

أخواني لدي باترول 99 صالون 4500 بخاخ أعاني من حرارة عند التوقف لفترة مع المكيف وتبداء ترتفع الين توصل حول النص طبعاً لو ما أحرك أظن بيزود الى H
واذا مشيت أمورة طيبة أقصى مايصل مع سرعة عالية ومكيف بالظهيرة خط الربع ونازل ومافية أي مشكلة ولله الحمد

علماً ان جميع دورة المياة مصيونة بجديد أصلي من أديتر وكالة الى أصغر لي وطبة
عدا تمتيك المروحة والمروحة لأني اسمعها حنته وكذلك اذا فصل التمتيك ما أظن فيها شي
لي الحار للثلاجة ملغية

الي واجهة مثل ها المشكلة يفيدنا بالحل الله لا يحرمكم الأجر
ورانا سفر ما ودي أشغل عمري بها الحرارة في كل وقفة ومحطة ارتفعت ما ارتفعت وتخبرون النيسان مايداني الحرارة من يتعدى الربع يتغير عليك صوته وممشاه

[فتك08]

بالنسبة لتماتيك المروحة....كيف نتأكد من إنه سليم و شغال؟

[وطن العزة]

مع الوالد أخوه 98 فيه نفس مشكلتك بالضبط

اخذته ولقيت المروحه الكهربائيه اليمنى اللي ورا الشبك وانت مقابل الموتر تشتغل وتطفي من كيفها


غيرتها بوحده مستخدمه وله 4 سنين تمام , بس لا يغرك اشتغالها لازم تطقها بعصا ان طفت غيرها

[hassan-55]

بما انك الغيت الحار

راجع موضوع الاخ كبسوله

http://www.mekshat.com/vb/showthread.php?t=510950 (http://www.mekshat.com/vb/showthread.php?t=510950)

وراجع هذا الرد

http://www.mekshat.com/vb/showpost.php?p=9431412&postcount=6

الله ييسر امرنا وامرك وامر كل مسلم..

[abw1122]

اخوي فيه فتحه على يسار الاديتر ويمينه
بين اديتر الما والمكيف
مقدارها ٣ سم
حاول تسكرها
لانها تخلي الهوا يدور في المكينه مايجي من الشبك الامامي
وانا جربتها وضبطت الحراره

[المنيعي1]

عندك المراوح الكهربائيه قدام الرديتر ﻻزم تتأكد انه شغاله
شوف كهربائي خله شيك عليها ويتأكد من الكتاوت حقه
واذا شايل البلف رجعه او ركب جديد لأنه يوزن الحرارة في وقوف السيارة فتره طويله

[sgl2002]

اجل مادامك مسوي صيانة فالمشكلة من المراوح اللي ورا الشبك

تأكد من اشتغال الثنتين مع المكيف

[abo naser 1]

السلام عليكم

أخواني وطن العزة,المنيعي1,sgl2002 جزيتم خيراً وكل من شاركنا كلامكم في محلة شيكت على المراوح لقيت اليسار وانت امام الشبك ماتشتغل ابصلحها غداً وابنظف رديتر المكيف من الخارج بهواء وماء متسخ ويمنع مرور الهواء بالشكل المطلوب
وابوافيكم بعد التجربة

[sgl2002]

اخوي

ركب بدالها حقت فتك لانها تجي سرعتين اقوى من اللي فيه الان واشبكها بسلك مع اللي جنبها وبعدها بتدعيلي

وراسلني خاص اذا بغيت افاده اكثر

[sgl2002]

ولاتنسى البطانه اللي داخل الرفرف لازم تركيها عشان الهواء مايضيع

[مركز حراره]

اخواني نصيحه
شل المروحه البلد المزعجه وركب مراوح سوبارو واذا ماتغير كل شي النشاط الصرفيه الصوت وغير من زيادة برودة المكيف خصوصا عند الوقوف
ولاتدفع ولا ريال شرط اذا مازانت الحراره

[abo naser 1]

اخوي

ركب بدالها حقت فتك لانها تجي سرعتين اقوى من اللي فيه الان واشبكها بسلك مع اللي جنبها وبعدها بتدعيلي

وراسلني خاص اذا بغيت افاده اكثر


ابشرك شيكت على الفيش ما يصل كهرباء لقيت الفيوز ضارب وغيرته واشتغلت الحمد لله
البطانة متقطعة الثنيتن لقيت اليمين اصلي وشريتها وركبتها
والحرارة الحمد لله الأمور طيبة التجربة غداً بالظهر

تصدق سعر المروحة أصلي ب 70 غريبة من نيسان

[abo naser 1]

اخواني نصيحه
شل المروحه البلد المزعجه وركب مراوح سوبارو واذا ماتغير كل شي النشاط الصرفيه الصوت وغير من زيادة برودة المكيف خصوصا عند الوقوف
ولاتدفع ولا ريال شرط اذا مازانت الحراره


كلامك أخوي مركز حرارة في محلة بس الباترول الصالون يجي مروحتين تشتغل مع الكمبرسر امام + مروحتين سوبارو + كمبرسر =
أحس أنها تحمل الدينمو أكثر من طاقتة رأيي الشخصي100 أمبير
مع أن كل السيارات الي أستخدمتها اركب مراوح عليها مير أنقلها من موتر لموتر

[مركز حراره]

اذا كان الدينو 100 امبير ركب ولا عليك وانت شكلك مجرب والمثل يقول اسائل مجرب ولا تسأل طبيب افد اخوننا عن الفرق

[راعي الرود]

والله ياموترك دواه السوبارو

الميكانيكيه مع الوقوف ترا ماتسوي شيء و تسبب حراره للسياره و للمكيف و زياده على كذا صرفيه و حنه مزعجه و تطرح بعزم الموتر

جرب تركب له مراوح سوبارو ولا تشتغلها عند اي احد دور لك انسان فنان الخطيب او الدغيري شباب سعوديين و نصوحين

بيفرق معك الموتر واجد بتروح صوت الحنه حقت المروحه و بيخف الموتر خصوصاً في القومه اخف من اول و الصرفيه تقل شيء بسيط و في الوقوف مايتغير اداء المروحه عكس الميكانيكيه

لكن الميكانيكيه في الخطوط مامثلها ترا .. اذا انت استخدامك خطوط لا تركب سوبارو

[المنيعي1]

ابشرك شيكت على الفيش ما يصل كهرباء لقيت الفيوز ضارب وغيرته واشتغلت الحمد لله
البطانة متقطعة الثنيتن لقيت اليمين اصلي وشريتها وركبتها
والحرارة الحمد لله الأمور طيبة التجربة غداً بالظهر

تصدق سعر المروحة أصلي ب 70 غريبة من نيسان

الحمدلله انك حصلت المشكله
وبنسبه لقطع الغيار بالفعل قطع نيسان القديمة تعتبر ببﻻش بالنسبة لشركات اليابانية الأخرا

[تركي98]

انا ياخوان توني ماخذ فتك ٢٠٠٧ سوبر سفاري فل كامل. وعندي مروحه وحده بين الشبك والاديتر. هل هو شد بلد مروحه وحده ولا يجي مروحتين؟ مع العلم اني ناظرت لقيت فيش في المكان الايمن اللي مافيه مروحه مدري هو مجهز ولا كانت فيه ومشيوله؟الحراره في المشي زينه بس اذا وقفت ترتفع فوق الربع توصل الثلث. افيدوني الله يجزاكم خير. مع العلم كان معي ٩٩ كلبير ومركب عليه مراوح سوبارو وحرارته مظبوطه حتى بالوقوف بعز الظهر لكن واحد قالي ماتصلح للفتك؟ ياليت افاده ياشباب اول مره يجي معي فتك لي ١٥سنه باترولات بس متعود على الكلبريتر ههههه

[محسن اليامي]

كان عندي فتك ٢٠٠٣ يجي مروحتين شد بلاده
واعتقد من ٢٠٠٢ الى ٢٠٠٩ كلها نفس الشي مروحتين

[محسن اليامي]

كان عندي فتك 2003 يجي مروحتين شد بلاده
واعتقد من 2002 الى 2009 كلها نفس الشي مروحتين

[sgl2002]

زي ماقال اخوي محسن


فيه مروحة ناقصه

رح التشليح خذها وتاكد انها سرعتين ( تعرفها بوجود اربع اسلاك ) وانها حقت الجهه البي ماهي عندك عشان تركب صح

وضروري تركبها لانها تخلي الموتر مايحتر اذا وقف

[Fahood4800]

مراوح المكيف الي برا عند الشبك هي المشكله

[العطاوي a511]

اخواني نصيحه
شل المروحه البلد المزعجه وركب مراوح سوبارو واذا ماتغير كل شي النشاط الصرفيه الصوت وغير من زيادة برودة المكيف خصوصا عند الوقوف
ولاتدفع ولا ريال شرط اذا مازانت الحراره

مركز حراره انا سمعت نصيحتك وخربت علي الدينمو الاصلي بالاضافه الحراره ترتفع مع المشي مراوح السوبارو اللي تجيبونا من الامارات ماتنفع للجيوب ابد لاتخرب مواتر الناس عشان تبيع مراوحك عليهم المراوح اللي عندك تصلح للصغيرات والسيارات القديمه فقط الله يصلحك بس
انت تشتغل بمجال الكهرباء اقل شي لازم يكون عندك خلفيه بالحسبه الكهربائيه بالاضافه الى ترهيم هوايه رديتر بلاستيك ومراوح متعدده السرعات شغل كهربائي صح ماهو كل من جاك حطيتله سوبارو قلت ميه بالميه

ومراوح السوبارو عاد ليتها من الصناعه الحديثه تجيبونها مستعمله من السيارات القديمه ورخيصه وتبيعونها دبل ولا اعرف من وين جبتو مسمى سوبارو اصلا ماهو المشكله السعر المشكله الشغل حديد تقطعه وتلزق فيه المراوح ياليت يكون تطور بشغلتكم ونشوفكم خبراء بترهيم المراوح وتفنن بشغل الكهرباء ماهو شغلكم الان اللي يقدر يسويه اي واحد حساس + فاصل +المراوح وانتهينا

[sgl2002]

^^^^

الفتك انا قلته من اول مايصلح مراوح كهرب


النيسان القديم يصلح بشرط يكون الدينمو ١٠٠ امبير

ولاتشبكها مع المراوح الامامية

[abo naser 1]

مركز حراره الله يهديه نصايحه بتسويق

بالنسبه للموضوعنا أبشركم شيكت على مرواح المكيف لقيت اليمين ما تشتغل من الفيوز غيرته وأشتغلت مع تركيب ربله حقت الرفرف اليمين جربت الموتر في سفر مسافه 8000 كيلو الحراره في جميع الظروف ماتعدى الربع في السرعات العاليه أو الوقوف مع التكييف

أشكر جميع الأخوان على نصائحهم ومشاركتهم
الله يتقبل صيامكم وقيامكم

[محسن اليامي]

الحمدلله والله فرحتنا يابوناصر

مبروك

[تركي98]

مشكورين الاخوان اللي ردوا ,, بروح للتشليح وباخذها ان شاء الله ونعلمكم بالنتيجه باذن الله.

[سفاري فتك]

اخواني نصيحه
شل المروحه البلد المزعجه وركب مراوح سوبارو واذا ماتغير كل شي النشاط الصرفيه الصوت وغير من زيادة برودة المكيف خصوصا عند الوقوف
ولاتدفع ولا ريال شرط اذا مازانت الحراره

والله معك حق شريت سفاري موديل 2000 صاحبها الاول شايل مروحة المكينه ومركب مراوح بدالها وماشاءالله تبارك الله مئة بالميه تمام

[على كف القدر]

مشكورين الاخوان اللي ردوا ,, بروح للتشليح وباخذها ان شاء الله ونعلمكم بالنتيجه باذن الله.

ترا سعرها بالوكاله جديدة بـ700 ريال كاملة
بس علشان تعرف الفرق

[تركي98]

ترا سعرها بالوكاله جديدة بـ700 ريال كاملة
بس علشان تعرف الفرق

جزاك الله خير ياخوي ماقصرت على النصيحه لكن امس يقولي سعرها حول 900 ماذكر كم بالظبط لكني متاك في ال900 وحولها .. ولقيت تجاريه ب 150 وخذتها قلت اجرب وركبتها واشتغلت لكن يوم برد الموتر طفت ومعد اشتغلت حتى مع المكيف وارجع للكهربائي قال هذي ماتشتغل الا اذا احتمى الموتر ,,اما الثانيه اللي جنبها تشتغل مادري هل كلامه صحيح..؟؟ يقولي اقدر اشبكها لك دايركت لكن خلها كذا ازين علما بان الحراره مارتفعت عقبها بس مادري هي تشتغل ولا لا كل ماوقفت ونزلت اشيك عليها القاها طافيه والثانيه تشتغل ...بديت انلحس يا اخوان احس العالم تنقد علي ههههههههه . افيدونا جزاكم الله خير .

[وطن العزة]

جزاك الله خير ياخوي ماقصرت على النصيحه لكن امس يقولي سعرها حول 900 ماذكر كم بالظبط لكني متاك في ال900 وحولها .. ولقيت تجاريه ب 150 وخذتها قلت اجرب وركبتها واشتغلت لكن يوم برد الموتر طفت ومعد اشتغلت حتى مع المكيف وارجع للكهربائي قال هذي ماتشتغل الا اذا احتمى الموتر ,,اما الثانيه اللي جنبها تشتغل مادري هل كلامه صحيح..؟؟ يقولي اقدر اشبكها لك دايركت لكن خلها كذا ازين علما بان الحراره مارتفعت عقبها بس مادري هي تشتغل ولا لا كل ماوقفت ونزلت اشيك عليها القاها طافيه والثانيه تشتغل ...بديت انلحس يا اخوان احس العالم تنقد علي ههههههههه . افيدونا جزاكم الله خير .


نعم صحيح كلام الكهربائي :good2:

[sgl2002]

جزاك الله خير ياخوي ماقصرت على النصيحه لكن امس يقولي سعرها حول 900 ماذكر كم بالظبط لكني متاك في ال900 وحولها .. ولقيت تجاريه ب 150 وخذتها قلت اجرب وركبتها واشتغلت لكن يوم برد الموتر طفت ومعد اشتغلت حتى مع المكيف وارجع للكهربائي قال هذي ماتشتغل الا اذا احتمى الموتر ,,اما الثانيه اللي جنبها تشتغل مادري هل كلامه صحيح..؟؟ يقولي اقدر اشبكها لك دايركت لكن خلها كذا ازين علما بان الحراره مارتفعت عقبها بس مادري هي تشتغل ولا لا كل ماوقفت ونزلت اشيك عليها القاها طافيه والثانيه تشتغل ...بديت انلحس يا اخوان احس العالم تنقد علي ههههههههه . افيدونا جزاكم الله خير .

لا وانا اخوك

الطريقه اللي قالك الكهربائي غلط


المروحتين تشبك جميع مع المكيف ومع الحرارة

شكل حساسها ملعوب فيه من قبل بس ماعليك

اهم شي المروحة التجارية انها سرعتين ،،
خله يشبكها مع الاسلاك حقت المروحة اللي جنبها عشان تصير تشتغل سوا مع بعض ولافيها اي ضرر