من الخبيربانبير البانزين

[المسلهم]

السلام عليكم ورحمة الله

مشكلة بإمبير الفتك التانكي الكبير
إذا كان على الفل أو شبه فاضي
لاينزل عن الخط الأول
وديته للعثيم ببريدة قال أزينه لك ب700 ريال
قلت لا والله مايلزم
السلام عليكم ومشيت

مشكلة أخرى وهي إذا كنت دايس ثم رفعت رجلي يكتم ثم يطلع صوت انفجار
مع الشكمان

أتمنى من عنده عرق يتكرم علينا بالإجابة

[جيب ربع]

تأكد من سلك التأريض( السالب) وفي رواية الماص..... تأكد أنه موصل بشكل جيد بين البطارية وبدي السيارة

[كلاش2500]

طيب العثيم وش قالك عشان يطلب 700 ريال....
عموما المشكلة الاولى احتمال عوامة البنزين اللى بالتانكى....
المشكلة الثانية الرمى ذا غالبا من مشكلة في الكهرب.......شيك على اسلاك البواجى على الكويلات.....
بالتوفيق........

[المسلهم]

من ناحية الطبلون شغال المشكلة فقط ب امبير التانكي الكبير
غيرت العوامة مع الطرمبة وكالة

المشكلة فقط بالعداد
والعثيم يعرف لها مايحتاج خبير في هالأمور بس والله تكاثرت ال700 خصوصا بأن الطبلون كامل ب 1000 ريال تشليح

أظن يفك الخريطة ويسوي حاجات مايعرف لها إلا القلة

ولو هي بفكة الطبلون فكيته أنا
شكرا لتفاعلكم السريع