نريد حل للحرارة

[المنيعي1]

السﻻم عليكم ورحمة الله وبركاته
اخواني اﻻعزا والمشرفين الكرام
عندي مشكلة الحرارة من بداية الحر مالقينا لها حل

الموتر وضبته بالبرد قبل ثﻻث شهور والحرارة ممتازه وسافرت عليه بحدود 500 كلم رايح راجع وبسرعة عاليه ﻻحضت اني بعد المشوار يكون ناقص الرديتر شيء بسيط راجع للقربه داخل الديره تمام مايرجع امشي عليه اسبوع ماينقص وﻻ شي

بعد ما بداء الحر صار ترتفع حرارته اذا طولت واقف ويرجع للقربه وكذلك اذا مشيت خط واسرعت عليه برضو يرجع فكيت البلف نهئياً نفس الشي ركبت بلف جديد وغيرت الرديتر جديد صيني رصتين والمراوح كله شغاله واليات كلها سليمه والغطاء جديد وبرضو يرجع
السياره مكسيما
ارجو حل مشكلتي ممن مرت عليه مثل هذه المشكله.

طبعاً الراس اغلب الميكانيين يقولون سليم لأن مشكلة الراس يقولون تستمر الحرارة باﻻرتفاع انا اذا واقف توصل احياناً إلى فوق النص وبمجرد ماأمشي تنزل على الربع.

[مخ سعودي]

تاكدت من السرعه الثانية للمراوح وهل هي قير اتوماتيك وبالنسبة لي معي ماكسيما قير عادي حرارتها تحت الربع وشايل البلفين كلها وشايلهم من ٥ سنوات تقريبا والاديتر حق وكالتها كم ان الماء ماء ميتسوبيشي

[المنيعي1]

تاكدت من السرعه الثانية للمراوح وهل هي قير اتوماتيك وبالنسبة لي معي ماكسيما قير عادي حرارتها تحت الربع وشايل البلفين كلها وشايلهم من 5 سنوات تقريبا والاديتر حق وكالتها كم ان الماء ماء ميتسوبيشي

قير عايدي 2003 شلت البلفين مع الممشى تحت الربع الى 160 تبقى تحت الربع بس من اوقف ترتفع على طول

[شايب حرب]

وش نوع سيارتك وهل ارتفاع الحرارة وانت واقف بدون تشغيل المكيف

[مركز حراره]

بدل الدينمو حق المروحه

[manaf]

غير غطا الراديتر اصلي وتنتهي مشكلتك

[zzss]

سمعت عن مكينة الماكسيما انها تقريبا مشابهه لمكينة الباثفندر
خصوصا للموديل اللي معك ولاني متأكد من المعلومه هذي عشان
كذا لازم اللي يوضبها يكون متخصص وفاهم فيها مثل مكاين الباثفندر.

[كلاش2500]

الله العالم ان مشكلتك بالكتاوت او الحساس الخاص بالمراوح......يبدو انها تشتغل فقط على السرعة الاولى فقط.....اللى اعرفه ان المراوح لها سرعات تشتغل فيها حسب ارتفاع الحرارة كل ما ارتفعت الحرارة تزيد سرعتها.....

الحل بسيط ونا اخوك تروح لورش الترهيم لان هذى مراوح المكسيما يرهمونها للجيوب المعدلة....وهم فاهمينها زين ويعلمونك الخلل اما حساس او كتاوت الخاص بزيادة سرعة المراوح.....
اذا مافى ورش ترهيم تعرفها.....تروح لكهربائى بس يكون فاهم وتقوله المراوح تشتغل فقط على السرعة الاولى.....وتطلب منه يشيك على الكتاوت او الحساس الخاص بزيادة السرعة الثانية والثالثة اعتقد ان لها ثلاث سرعات.....
بالتوفيق........

[المنيعي1]

جزاكم الله خير

[شايب حرب]

هل ارتفاع الحرارة والسيارة واقفة بدون تشغيل المكيف

[المنيعي1]

بدون مكيف توصل الثلث وتوقف بس بعد يومين احصل الرديتر ناقص ومرجع الماء للقربة

[المنيعي1]

ممكن تفيدونا عن غطاء سيارة ثانيه يكون قوي السبرنق حقه

[شايب حرب]

بدون مكيف توصل الثلث وتوقف بس بعد يومين احصل الرديتر ناقص ومرجع الماء للقربة


الواضح ان ارتفاع الحرارة من طرمبة المويه عطلانه


ولتعرف هل الطرمبه تعمل او عطلانه شغل السيارة في الصباح وهي باردة


وافتح غطاء الاديتر وشوف الماء داخل الاديتر يتحرك ام ساكر


فاذا الماء يتحرك فاالطرمبة شغاله والمشكلة ليست منها ..


وفيه طبات اولهايات في الاقزوز او راس الشكمان فهذة اذا موجودة


وتسكرت تحجز الهواء في المكينه وترتفع الحرارة فتاكد منها للاهمية

[eid4343]

شيك ع السير يمكن مرتخي او على ليات المكيف الحار يصير يهرب داخل الغماره او ينقص الماء

[ابوخليل200]

هذي بليه المراوح ماتشتغل بالشكل المطلوب .
والغطاء ﻻزم يكون اصلي وليس ياباني .
الماء الرديتر ﻻزم يكون اصلي وليس ماء ب10 تقريباً 45ريال.
الله ييسر امورك.
وشكراً.

[ابوخليل200]

هذي بليه المراوح ماتشتغل بالشكل المطلوب .
والغطاء ﻻزم يكون اصلي وليس ياباني .
الماء الرديتر ﻻزم يكون اصلي وليس ماء ب10 تقريباً 45ريال.
الله ييسر امورك.
وشكراً.

[المنيعي1]

لله يجزاكم خير جميعاً
بنسبه لتنبيه اﻻخون الطرمبة جديدة والمراوح شغاله تمام والغطاء اصلي وﻻيوجد اي تهريب الماء الي ينقص من الرديتر احصله بالقربةا

[كلاش2500]

يالمنيعى موشرط ان المراوح تدور معناه انها شغالة تمام يمكن شغالة على السرعة الاولى فقط.....ابسطها لك
يعنى عند درجة حرارة مثلا 50 السرعة الاولى وعند 60 تزيد قوة المراوح للسرعة الثانية وعند 80 تزيد للسرعة الثالثة اقوى علشان تبرد........هذى يتحكم فيها حساس وكتاوت....اذا كل السرعات عندك شغالة ومتأكد....
شوف الليات يمكن واحد منها منسفط....

[شايب حرب]

طيب اذا كلنت القربة مليانة ماء قبل نقص ماء الاديتر


وين يروح الماء الناقص من الاديتر


وتاكد من بلف الحرارة اذا كان راكب يمكن قافل الماء عن الدوران داخل المكينة


اذا البلف راكب نزلة حتى تتاكد من صلاحية البلف ووضع الحرارة بعد اخراجه

[SGL]

أخوي جرب أي غطى وشوف في فرق مو لازم تشتري فك من أي سيارة لتجربه أو خذ التجاري وفي أنواع رخيص جربه وذا ظبط موترك يصير عرفت الخلل من وين

[المنيعي1]

كل شي سويناه بدون فايدة الأن بالورشة نفك الشكمان وهذا أخر احتمال
والله يعين اذا ماطلع من الشكمان نظطر لفك الراس

[فورد ماركيز]

الشكمان تأثيره وانت ماشى انت عندك العكس

[joblak]

تأكد من قازقيت راس المكينة افتح الراديتر وشغل السياره وراقب الماء لين تفتح الترمستات إذا شفت فقاعات هواء تأكد إن المشكله عندك قازقيت راس المكينة يدخل هواء

[المنيعي1]

للاسف مانفع فك الشكمان خفت الحرارة شوي بس باقي اذا مشيت عليه ترجع ماء

هل تقصد بل قازقيت الراس

[بريق اللجين]

شف وناخوك اذا سويت المستحيل وكل شي مضبوط طرمبة الماء والراديتر والمراوح كلها شغالة معك ارجع للاساس اثناء توضيبك للماكينة كم خرطت الراس مقاس كم اذا خارطها اتوقع مقاس 40 لو وش تسوي ماراح تخف الحرارة الا اذا تغير الخرطة شف لك ميكانيكي باخص في هالامور مشكلة بعض المكاين لازم واحد باخص بتوضيبها وتاكد من غطا الراديتر مثل ماقالولك الاخوان

[شنطة عده]

بما انك بدلت كل الاشياء الي ممكن تكون سبب الحراره
فلا تحتاج لتفكير كثير
الخلل في المحرك

[شاص نيسان 93]

كم عدد الوجيه اللي ركبتها للراس واحد او ثنين

[شايب حرب]

الواضح ان ارتفاع الحرارة من طرمبة المويه عطلانه




ولتعرف هل الطرمبه تعمل او عطلانه شغل السيارة في الصباح وهي باردة


وافتح غطاء الاديتر وشوف الماء داخل الاديتر يتحرك ام ساكر


فاذا الماء يتحرك فاالطرمبة شغاله والمشكلة ليست منها ..


وفيه طبات اولهايات في الاقزوز او راس الشكمان فهذة اذا موجودة



وتسكرت تحجز الهواء في المكينه وترتفع الحرارة فتاكد منها للاهمية




هل تاكدت بما لون بالاحمر من انسداد فتحة الاقزوز من جهة راس الشكمان


ولتعرف اكثر فك الاقزوز من المكينة واترك السيارة شغالة لمدة نصف ساعة


فاذا انخفضت الحرارة فالسبب الاقزوز مسدود ويحجز الهواء داخل المكينة

[المنيعي1]

اشكر الاخوان جميعاً
الخرط 20
والقزوز مافيه طبات فكينا الشكمان وخليته مفتوح وشغلت اذا واقفة ماترتفع بس مشيت شوي ودست له رجع الماء للقربة

[شاص نيسان 93]

ما رديا علي كم عدد الوجيه واحد أو ثنين

[ashg90]

اشكر الاخوان جميعاً
الخرط 20
والقزوز مافيه طبات فكينا الشكمان وخليته مفتوح وشغلت اذا واقفة ماترتفع بس مشيت شوي ودست له رجع الماء للقربة

اذا دعست يرجع الماء للقربة تاكد من وجيه الروس
فك غطاء الرديتر وخل احد يدوس وانت ناظر في الرديتر يطلع منه الماء
او يطلع منه هواء
او شغل السيارة خمس دقايق وشوف الخرطوش محجر

[المنيعي1]

الوجيه وجه واحد ﻷنه على كلام الميكانيكي يقول هذي بلوف تماتيك اذا دبلنا الوجيه يطلع صوت

[راع الباثفندر]

جرب تركب غطيان اصليه وان شاء الله تظبط صارتلي على باترول 2005

[المنيعي1]

مايطلع ماء ولا هوا والغطاء مفتوح
والضاهر ان المشكلة تنحصر في شغلتين
الراس ووجيهه أو طرمبة الماء

وهذي الله يعيننا عليها

وحسبي الله على الي مالهم ذمة خسرونا واشغلونا والسبب قلت خبرة منهم

بس نصيحة يأخوان لا توضب الا عند احد مجرب ومشهود له

[ابومشخص]

ارسخي يا حمرة الهضب والبسي الجمال. دام صبيان المنيعي على قيد الحياة

هذا يا طويل العمر غطاء الرديتر ابو عشرة ريال نسيت لا تغيره وغيرت الرديتر بكبره

[المنيعي1]

الله يجزاك خير يابومشخص

بنسبة للغطاء غيرت انواع الغطيان اصلي وكالة واصلي ياباني وتجاري رقم واحد وتجاري اخس نوع وكل شي غيرناه وﻻظبط

[المنيعي1]

الحمدلله تم كشف المشكلة اليوم
وهي من دينمو المراوح واحد ضعيف والثاني يشتغل بسرعة واحدة

[مركز حراره]

لاحظ الرد الرابع كان فيه الحل
بدل الدينمو حق المروحه
جميع مشاكل الحراره لدينا حلوله

[المنيعي1]

الله يجزاك خير وكل من رد على موضوعي
بس المشكلة ان المراوح شغالة والكهربائي والميكانيكي يقول سليمة

انا اكتشفته بالصدفة اشتريت دينمو جديد وجربته وطلع صوت المروحة قوي وعرفت ان الدينمو خربان

[مركز حراره]

مراوح المكسيما تجي سرعتين تحصل طالع من المدينمو اربع اسلاك احياناتعطل سرعه وتبقى الاخري شغاله بس تبين ظعيفه

[المنيعي1]

لﻻسف ماظبطة مع الخط
داخل المدينة لابأس ولكن من مسكت خط الظهر وطولت شوي طلع ماء الرديتر وعباء القربة وارتفعة الحرارة
يعني الى الأن المسكلة مستمرة

[بن شطيف]

ياخوي الماء ما يطلع الى القربه الا بسبب الغطاء وانت جرب
الانه انا كانت عندي هذي المشكله اذا حر الموتر يروح الماء ﻷقربه
وطلع من الغطاء انت جرب غطاء احد من الشباب وشوف

[المنيعي1]

ياخوي الماء ما يطلع الى القربه الا بسبب الغطاء وانت جرب
الانه انا كانت عندي هذي المشكله اذا حر الموتر يروح الماء ﻷقربه
وطلع من الغطاء انت جرب غطاء احد من الشباب وشوف

اول شيء بديت فيه الغطاء جربت جميع انواع الغطيات اصلي وتجاري وغيره ونفس المشكلة

[فورد ماركيز]

اخوى جيب ماء واقرا فيه المعوذات ورشه على السيارة باستمرار وحط شوى فى موية المساحات

[salih100]

اذا هي نفس مكينه الباث فندر شف الليات الي تجيك فوق القزوز الايمن يمكنها تبخر ماء واذا ارتفعت الحراره ترجع للقربه انا صارت معي

[المنيعي1]

اخوى جيب ماء واقرا فيه المعوذات ورشه على السيارة باستمرار وحط شوى فى موية المساحات

الظاهر ماله اﻻقراية بس اخاف يطلع به جني وبعدين نبلش

[المنيعي1]

اذا هي نفس مكينه الباث فندر شف الليات الي تجيك فوق القزوز الايمن يمكنها تبخر ماء واذا ارتفعت الحراره ترجع للقربه انا صارت معي

لا يابن الحﻻل ماهي مثل الباث
هذي مكينته عرض وشي داخل على شي

[مخاوي العريس]

أخوي فيه واحد صارت معه نفس مشكلتك , حرارة حرارة .... صيخ الراديتر وبعدين غيره وغسل السلندر
ولا فيه فائدة , غير البلف ونفس الشئ , غير تماتيك المروحة ونفس الشئ , وآخر شئ طلعت مشكلته
من الكنداسه , غيرها ورجعت حرارة موتره زي ما كانت .... ف افحص الكنداسة يمكن

[شلشكو2011]

حرك المروحه بيدك يعني خلها تدور طبعاً والسياره طاااافيه اذا تتحرك بسرعه غير تماتيك المروحه ..!! مو معنى ان المروحه تدور وتشتغل يعني سليمه .

[المنيعي1]

أخوي فيه واحد صارت معه نفس مشكلتك , حرارة حرارة .... صيخ الراديتر وبعدين غيره وغسل السلندر
ولا فيه فائدة , غير البلف ونفس الشئ , غير تماتيك المروحة ونفس الشئ , وآخر شئ طلعت مشكلته
من الكنداسه , غيرها ورجعت حرارة موتره زي ما كانت .... ف افحص الكنداسة يمكن

فكيت الكنداسة وجربت نفس الشي

[المنيعي1]

حرك المروحه بيدك يعني خلها تدور طبعاً والسياره طاااافيه اذا تتحرك بسرعه غير تماتيك المروحه ..!! مو معنى ان المروحه تدور وتشتغل يعني سليمه .

الله يجزاك الجنة ياشلشكو المراوح كهرب ماهي عايدية

[فياض الربيع]

بشر لقيت حل اذا انت غيرت كل شي ولا نزلت الحراره اتوقع انها من المحرك

[sulaiman.fj40]

ركب أديتر ألمنيوم 3 رصات وإنشا الله تنحل مشكلة الحراره وتأكد أن بلف الماء موجود لانه ظروري حيث يحجز الماء في الأديتر ويبرد على المكينه'

[المنيعي1]

لاولله مالقيت حل
لكنه تمشي الحال داخل الديرة ومشاوير قريبة


وعلى ماقلت الضاهر ماله الا فك الراس

[بترووول]

المشكله بتماتيك المروحه

[فياض الربيع]

لاولله مالقيت حل
لكنه تمشي الحال داخل الديرة ومشاوير قريبة


وعلى ماقلت الضاهر ماله الا فك الراس
لا تخليها لاتقول تمشي الحال لان عدو المحرك الاول الحراره

[فياض الربيع]

تاكدت من السرعه الثانية للمراوح وهل هي قير اتوماتيك وبالنسبة لي معي ماكسيما قير عادي حرارتها تحت الربع وشايل البلفين كلها وشايلهم من 5 سنوات تقريبا والاديتر حق وكالتها كم ان الماء ماء ميتسوبيشي
الحين اي كهربائي يعرف سرعات المروحه وانها تشتغل كل السرعات وشلون يكشفها بجهاز مثلا

[aboabdullah96]

طالما الماء يطلع للقربه ولا يرجع

مشكلتك في ضغط الماء

الاقرب وجه راس وحاول ما تشغل السياره كثير عشان ما يتلف الراس

لما يكون وجه الراس فيه تنسيم ضغط البساتم يهرب ويدخل الى مجاري المويه
وبالتالي الماء يندفع للقربه ولما تبرد السياره الماء ما يرجع للرديتر لان دائره التبريد غير محكمه وفيها تنسيم

الله يكون بعونك واذا الضمان ساري ارجع للي وضب لك


مشكلة الورش يتعامل مع مسامير الراس والمحرك بشكل عام كانة يتعامل مع مسامير الجنوط وهنا في فرق

الراس والكرنك يشد بمفتاح العزم بحيث مسامير الراس كلها تنشد بنفس المقدار بالضبط ومكينه عن مكينه تفرق بمقدار العزم للشد

الله يكون بعونك ويسهل امرك

[مسير عليكم]

الله يكون بعونك

اخوي ابي لا احتر الموتر تشوف الخراطيش هي متحجره ولا لا احيانا يكون الحساس خربان ويلعب زي ماصار معي وضبت باترول وصار يحتر وحست وحست واخر شي صار الحساس موب مزبوط

انت مغير كل شي وموترك الي فيه الحين يا عندك خرطوش ينسفط ويسكر المويه او الراس عندك موب مزبوط او الحساس خربان ويلعب

وثاني شي يوم توضب الوجيه اصليه وكاله ولا اصلي سوق ؟؟ لان وجه الراس اذا موب واله يسبب حراره
واذا انت مخلي راعي الورشه يجيبهن لك فالله يعينك تغير الوجه لانه مركب تجاري او الي يسمي اصلي سوق

[hail_ksa]

معي باترول 95 مثل مشكلتك

حتى الآن مالقيت له حل

[فياض الربيع]

طالما الماء يطلع للقربه ولا يرجع

مشكلتك في ضغط الماء

الاقرب وجه راس وحاول ما تشغل السياره كثير عشان ما يتلف الراس

لما يكون وجه الراس فيه تنسيم ضغط البساتم يهرب ويدخل الى مجاري المويه
وبالتالي الماء يندفع للقربه ولما تبرد السياره الماء ما يرجع للرديتر لان دائره التبريد غير محكمه وفيها تنسيم

الله يكون بعونك واذا الضمان ساري ارجع للي وضب لك


مشكلة الورش يتعامل مع مسامير الراس والمحرك بشكل عام كانة يتعامل مع مسامير الجنوط وهنا في فرق

الراس والكرنك يشد بمفتاح العزم بحيث مسامير الراس كلها تنشد بنفس المقدار بالضبط ومكينه عن مكينه تفرق بمقدار العزم للشد

الله يكون بعونك ويسهل امرك

ممكن هنا السبب بس اخوي اذا كان وجه الراس فيه تنسيم وش يتسبب فيه وهل تصليحه مكلف مثلا

[المنيعي1]

الحين اي كهربائي يعرف سرعات المروحه وانها تشتغل كل السرعات وشلون يكشفها بجهاز مثلا

تفصل فيش الحساس وتشتغل على السرعة الثانية واذا شبكته تهدي شوي

[المنيعي1]

طالما الماء يطلع للقربه ولا يرجع

مشكلتك في ضغط الماء

الاقرب وجه راس وحاول ما تشغل السياره كثير عشان ما يتلف الراس

لما يكون وجه الراس فيه تنسيم ضغط البساتم يهرب ويدخل الى مجاري المويه
وبالتالي الماء يندفع للقربه ولما تبرد السياره الماء ما يرجع للرديتر لان دائره التبريد غير محكمه وفيها تنسيم

الله يكون بعونك واذا الضمان ساري ارجع للي وضب لك


مشكلة الورش يتعامل مع مسامير الراس والمحرك بشكل عام كانة يتعامل مع مسامير الجنوط وهنا في فرق

الراس والكرنك يشد بمفتاح العزم بحيث مسامير الراس كلها تنشد بنفس المقدار بالضبط ومكينه عن مكينه تفرق بمقدار العزم للشد

الله يكون بعونك ويسهل امرك

الغريب انه اذا خليت السيارت تبرد وطولت يرجع الماء لرديتر
وهذا الي محيرن

[المنيعي1]

الله يكون بعونك

اخوي ابي لا احتر الموتر تشوف الخراطيش هي متحجره ولا لا احيانا يكون الحساس خربان ويلعب زي ماصار معي وضبت باترول وصار يحتر وحست وحست واخر شي صار الحساس موب مزبوط

انت مغير كل شي وموترك الي فيه الحين يا عندك خرطوش ينسفط ويسكر المويه او الراس عندك موب مزبوط او الحساس خربان ويلعب

وثاني شي يوم توضب الوجيه اصليه وكاله ولا اصلي سوق ؟؟ لان وجه الراس اذا موب واله يسبب حراره
واذا انت مخلي راعي الورشه يجيبهن لك فالله يعينك تغير الوجه لانه مركب تجاري او الي يسمي اصلي سوق

ﻻ ماهي سالفت حساس امشي مشوار والقربة يكون به الربع وبعد المشوار اوقف احصل القربة مليانة والحرارة ترتفع
اما الوجيه جبته من موزع يقول اصلي والله اعلم

[راديكالي]

الغريب انه اذا خليت السيارت تبرد وطولت يرجع الماء لرديتر
وهذا الي محيرن

طبعا أخوي يرجع الماء للراديتر بسبب أن مع طول الوقت يزول الضغط على الماء ( بسبب وجود التنسيم ) ثم تفعل الجاذبية فعلها فيرجع الماء من المكان المرتفع ( الجربة ) الى المكان المنخفض ( الراديتر )

[المنيعي1]

طبعا أخوي يرجع الماء للراديتر بسبب أن مع طول الوقت يزول الضغط على الماء ( بسبب وجود التنسيم ) ثم تفعل الجاذبية فعلها فيرجع الماء من المكان المرتفع ( الجربة ) الى المكان المنخفض ( الراديتر )

ﻻ ياعزيزي رجوع ماء القربة بعد ماتبرد هذا طبيعي بكل السيارات وليس بضرورة ان تكون القربة مرتفع مستواها عن الرديتر انا مثﻻً عندي القربة تحت الرديتر يعني نازلة عن مستوه
يرجع بسبب شفط الرديتر لماء القربة يعني اذا احترت السيارة وهي ماشية او واقفة يفور الماء ويطلع للقربة واذا بردت السيارة يكون ماء الرديتر ناقص فمن الطبيعي انه يشفط من القربة مقدار الماء الناقص ولذلك صنعة السيارات كلها بقربة وهي من الضروريات.

ولكن الذي يحدث معي ان الماء الفائض من القربة كميته كبيرة والطبيعي يخرجي شي بسيط.
الغريب بالمشكلة انه اذا بردت السيارة يرجع وهذا دليل ان اراس سليم لوكان فيه تهريب كان ينسم الهوا وﻻيقدر يشفط ماء القربة وهي بارده

[المنيعي1]

للمعلومية والافادة
اتضح ان المشكلة من الراوس
الحمار الي وضب لي قبل ركب الروس على وضعه
مسحنا الروس ودبلت الوجيه وانتهت الحرارة.

طبعاً الموضوع قديم بس احبيت افيد من تمر عليه نفس المشكله