الفزعة ياخوان

[محمد.]

السلام عليكم ورحمة الله وبركاتة
اخواني رابطة الفورد اسال الله ان يجزيكم خير الجزاء وان يكتب لكم الاجر فيما انتم فيه من مساعدة الغير وابداء الراي الوافي والتجارب القيمة
انا ابي اركب شاشة مكان المسجل للاكسبلورار 2010 الامامية بس اكثر من مره اتردد بسبب نظام السينس لاني صراحة تعودت عليه كثير واكثر الناس اللي اسالهم يقولون ان الشاشة اللي بتركبها تلغي النظام لان النظام مدمج مع المسجل الاساسي المهم اضافة الى انها تلغي وظيفة السينس انها تعطل التحكم عن طريق الدركسون وهذه الامور صراحة ابي رايكم هل هي صحيحة اولا وان كانت غير صحيحة ماهي الشاشة التي تنصحوني بها واي مهندس اومركز اركب عنده شاكر لكم تعاونكم ودمتم محبكم ابومشعل .

[سحايب صيف]

حياك الله ياشيخ

انا صراحه من قريت موضوعك وانا ادور على موضوع قريته فيه حل لمشكلتك لكن عجزت الاقيه

بس بشرح لك اللي اتذكره

فعلا اللي اعرفه ان الشاشات اللي موجوده بالسوق وصينيه تلغي ميزه سينك

لكن مره قريت في واحد شراء مسجل كيينوود

ميزه المسجل هذا

انه تقدر تظيف عليه خرائط قارمن الاصليه مع جهاز الجي بي اس حق قارمن

لان شركه كيينوود متفقه مع شركه قارمن

الشي الثاني الرجال برظوا شراء مع المسجل قطعه كانت القطعه هذي تخلي نظام السينك يكون شغال

والله اعلم

انت ابحث في مسجلات كيينود وان شاء الله بتلاقي طلبك

بس نصيحه لا تشتري من السعوديه اسعاره نااار

ادخل على المواقع الامريكيه واطلبها كلها بتوصلك السعوديه بنصف السعر تقريبا

[محمد.]

الاخ سحايب صيف اسال الله انه يجزاك خير الجزاء والله انا فعلا محتار بين اني اركب واستغني عن الخدمة اللي اعتبرها صراحة فوق الوصف مريحتني والا اني استخدام نظام البلوتوث اللي يجي مع الشاشة مع اني جربته في اكثر سيارة مركب فيها شاشة اشوف انه سيء جدا خاصة بعد نظام السينك تقبل تحياتي

[سحايب صيف]

وفيه شغله بعد

اذا عندك حساسات خلفيه مسجل الوكاله وانت راجع للخلف اتوماتيك يخفض صوت المسجل ويقوي صوت الحساسات

الميزه هذي مو موجوده مع الشاشات الصينيه

[مدهوش]

الفزعة يا اخوان واخرتها عشان مسجل مدري شاشة ؟

صبر جميل والله المستعان

[سحايب صيف]

ههههههههههههههههههههه

ليكون لما قريت الفزعه حسبت الرجال طايح في بئر والا شي عالق في مجرى سيل

[hytham]

اخوي هذا ردي على واحد كان يستفسر عن تركيب شاشه للاكسبلورروكانت بتاريخ 19/7/2011 والحمد لله الشاشه لآزالت على وضعها وتعمل بشكل ممتاز ما شاء الله

بالنسبه للشاشه انا مركبها ومركب اخر موديل منها نوعها افلون تجيك الازرار الدائريه للصوت والقنوات فوق واحد يمين وواحد يسار القديم كان يجيك كله على اليسار فوق بعض انا عندي الجديده اللي تجيك فوق , ومن تجربتي له بعطيك المزايا والعيوب ان وجدت :

المزايا :
- شاشه النفجيشن واضحه وسهله الاستخدام
- نظام التشغيل فيه متطور ( سي دي , دي في دي , بلوتوث , تلفون .... الخ )
- يعطيك اضافه جماليه وفخامه للطبلون
- يركب مكان المسجل القديم بالضبط بدون وجود فراغات في الاطراف
- تشغيل اغلب الانماط للفديو (mp3 , mp4 ... ets )
- تشغيل الفديو اثناء القياده ( بعض الاجهزه لابد ان يفصل الفديو بمجرد ما تنزل البريك وهذا الشي له ميزه الا وهي انك تشغل للاطفال كرتون او شي وانت ماشي مافيه مشكله وعيبه يُشغل السائق في القياده احياناً )
- شاشه غايه في الوضوح والدقه
- استخدامه سهل جداً ودقيق
- توصيل ازرار الدركسون والتحكم الكامل من الدركسون
- تشغيل مختلف انواع الاجهزه مثل USB اي فون اي باد ميموري كارد وغيره
- الكاميرا الخلفيه مفيده جداً جداً ودقيقه ( حسب نوع الكاميرا)
- نظام البلوتوث وخاصيه التلفون ممتازه والصوت واضح جداً ويتم الاقتران بالجوال مباشره بمجرد ركوب السياره بشرط يكون البلوتوث عندك شغال في التلفون ( في حاله اقتران الجوال ممكن تشغل اي شي ع الجوال والصوت بيكون من سماعات السياره )
هذا ما يحضرني حالياً من مزايا وبصراحه تستحق كل قرش تحطه فيها

عيوبها :
- اضائه الازرار فيها لونها ابيض وليس اخضر كباقي الطبلون ولكن ليست مزعجه ( مسأله شخصيه في نظري بعض الناس يقلك لازم يكون نفس اللون او ما اركبه وانا واحد من الناس هذي لكن بعد ما شفت الاضائه ما حسيت انها فرق واضح بين الطبلون والازرار )
- يلزم تحديث نظام الجي بي اس حيث انه النسخه عندي 2008 وفيها اختلافات بسيطه عن الشوارع بس شيء لا يذكر ( دوار واتحول تقاطع على ارض الواقع لا يزال دوار في الجي بي اس )
- عدم وجود الصحراء في الجي بي اس ( وهذا شي تقدر تضيفه على التحديث )

هذا ما يحضرني الى الان وسامحني طولتها وهي قصيره