مقاطعه

[برق الوسم11]

السلام عليكم ورحمة الله وبركاته
قررت وعزمت اسوي مقاطعه وعدم الرد
على اصحاب مقاطع اليوتيوب والصور ولاعندي صايد وفايد
اتمنى المقاطعه 000 حتى نرتقي للافضل ولانشجع
من يريد التطبيل له 0 اتمنى مشاركة الجميع ولكم ودددي
برق الوسم

[STEVENS12]

نقاطع معك مافيه مشكلة ..
لكن اللي يصيد على قد حاجته ما نقوله صايد وفايد بعد ؟؟
تقبل مروري يالغالي ..

[مرقاب الوله]

الله يحييك اخي برق الوسم واحيي فيك المحافضه على ألبيئه

ارجوا انك ماتفكر ان حنا نجيب مواضيع على شان كلمة صايد وفايد لا والله

لكن هي فقط مشاركه لأحبابنا ..و 90 % من القوانيص مايحطوا ولا صوره ولاتقدر توصل الفكره لهم

تحياتي لك

[مجنون نيسان]

نحن معك ياغالي

[القنص عشقي]

السلام عليكم
نعم ضد الإسراف
وتقبلوا مروري
أخوكم أبوجمال

[شمالي و الهوا غربي]

الافضل ان تدخل وتقول ماشاء الله عليك تعرف تصور
وتصيد والبقيه مايقدرون. هعهعهع

[برق الوسم11]

نقاطع معك مافيه مشكلة ..
لكن اللي يصيد على قد حاجته ما نقوله صايد وفايد بعد ؟؟
تقبل مروري يالغالي ..


اتشرف بوجودك
وحياك ربي الامقاطعه ياغالي
مرره لانقول ولانرد ولانفتح المقطع نهائي
المقاطع هذه شر عظيم والله اني صادق كل جاهل بيقول بروح انزل مقطع
وبيشجعوني الناس ويمدحونني وهو جاهل مايعرف عواقب الامور والتاثير
على البيئه والحياه الفطريه 0 نعم للمقاطعه لاايقاف حرب الاباده على الحياه الفطريه
وسلامة راسك ووودي برق الوسم

[برق الوسم11]

الله يحييك اخي برق الوسم واحيي فيك المحافضه على ألبيئه

ارجوا انك ماتفكر ان حنا نجيب مواضيع على شان كلمة صايد وفايد لا والله

لكن هي فقط مشاركه لأحبابنا ..و 90 % من القوانيص مايحطوا ولا صوره ولاتقدر توصل الفكره لهم

تحياتي لك



اخي مرقاب الوله لاانكر اني احترمك واحترم الاخوه هنا
ولكن لايمنع اني اقول انا عاتب عليك وعلى شرواك من الرجال
بتنزيل المقاطع اودعمها وهذا تشجيع اخي الكريم 0 لابارك الله فيها من مشاركه التي تتسبب بتدمير حياتنا الفطريه وثروتنا 00بقولها صريحه 0 لماذا لانحس بالمسئوليه
ونرميها على غيرنا ياغالي ليش دائما السعودي غير مبالي حتى الاشجار بالبران والمنتزهات البريه لوثناها بمخلفاتنا مانقوم ونحرقها بعد انتها الرحله وش تضرنا فيه
حتى الدوله كلفت البلديه بالفياض البعيده تحط صناديق قمامه ولكم الكرامه لان مافينا حيله
ولاعندنا وعي لازم نعترف بعيوبنا اخي الكريم 0 اعذرني ع الاطاله وعساك سالم

[برق الوسم11]

السلام عليكم
نعم ضد الإسراف
وتقبلوا مروري
أخوكم أبوجمال


حياك الله ياابو جمال
نريد مقاطعة الفيديوهات والمقاطع والصور
اي واحد ينزلها مانرد عليه اعتقد مايكلفنا شئ
وربي يسلمك

[برق الوسم11]

نحن معك ياغالي




كفوووو والله يد بيد ضد المقاطع والاغراء
والتشجيع وصايد وفايد ربي يحفظك
تقديري لشخصك الكريم

[مرقاب الوله]

اخي مرقاب الوله لاانكر اني احترمك واحترم الاخوه هنا
ولكن لايمنع اني اقول انا عاتب عليك وعلى شرواك من الرجال
بتنزيل المقاطع اودعمها وهذا تشجيع اخي الكريم 0 لابارك الله فيها من مشاركه التي تتسبب بتدمير حياتنا الفطريه وثروتنا 00بقولها صريحه 0 لماذا لانحس بالمسئوليه
ونرميها على غيرنا ياغالي ليش دائما السعودي غير مبالي حتى الاشجار بالبران والمنتزهات البريه لوثناها بمخلفاتنا مانقوم ونحرقها بعد انتها الرحله وش تضرنا فيه
حتى الدوله كلفت البلديه بالفياض البعيده تحط صناديق قمامه ولكم الكرامه لان مافينا حيله
ولاعندنا وعي لازم نعترف بعيوبنا اخي الكريم 0 اعذرني ع الاطاله وعساك سالم

خلاص اجل طالب المنتدى باغلاق خيمة الصيد البري وباقي الخيام وماراح تلقى ولا مقطع وتريح راسك

[برق الوسم11]

خلاص اجل طالب المنتدى باغلاق خيمة الصيد البري وباقي الخيام وماراح تلقى ولا مقطع وتريح راسك


كفوو فيك امالنا بالله ثم بكم كاداره كبيره

[مرقاب الوله]

كفوو فيك امالنا بالله ثم بكم كاداره كبيره

وشو كفو وماكفو الي يسمعك يقول انا مدير المنتدى

يا اخ برق انا عضو راعي هوايه سواءا"حطيت مقاطع او ماحطيت ماراح اترك هوايتي لو كل العالم طلب مني هالشي

ولو هالمنتدى بس يلمح انه مايحب صور القمري او مقاطع الرهو ماشفتنا هنا

[برق الوسم11]

وشو كفو وماكفو الي يسمعك يقول انا مدير المنتدى

يا اخ برق انا عضو راعي هوايه سواءا"حطيت مقاطع او ماحطيت ماراح اترك هوايتي لو كل العالم طلب مني هالشي

ولو هالمنتدى بس يلمح انه مايحب صور القمري او مقاطع الرهو ماشفتنا هنا



اعذرني انا توقعتك احد اعضاء الاداره
لاوالله ان شاءالله المنتدى موب حاط مقاطع ولاصور
ونبقى فيه ونتعاون على المحافظه على حياتنا الفطريه
وننزل عنها دراسات وعن سلوكها وطرق المحافظه عليها
ولاننزل مقاطع قتل وتدمير ربي يحفظك اينما كنت

[مرقاب الوله]

اعذرني انا توقعتك احد اعضاء الاداره
لاوالله ان شاءالله المنتدى موب حاط مقاطع ولاصور
ونبقى فيه ونتعاون على المحافظه على حياتنا الفطريه
وننزل عنها دراسات وعن سلوكها وطرق المحافظه عليها
ولاننزل مقاطع قتل وتدمير ربي يحفظك اينما كنت

يعني انت تتكلم نيابة عن ادارة منتدى مكشات بس بطريقة غير مباشره

[escape_man]

من رايي تعمل موضوع بتصويت ويعرض على الإدارة

انت لك وجهة نظر اشاطرك فيها وايضا اخوانا لهم وجهة نظر وكل ينظر من زاويته لكن اكيد المصلحة

بالاخير حماية البيئة من حطب ومياه وكائنات حية من (سموط بني آدم) هذي يقولها شايب عندنا

كناية عن سوء تربية وثقافة وسلوك بعض الاشخاص فيشبههم بالسماط لانه يخم كرمكم الله بقايا

غبر نافعة ومنبوذة من السلوكيات البشرية والي رميتها انت وانا وغيرنا وهذا يجي يخمها.

[برق الوسم11]

يعني انت تتكلم نيابة عن ادارة منتدى مكشات بس بطريقة غير مباشره


انا اطلب من الاداره ولااتكلم بالنيابه عنهم
وانا قلت ان شاءالله 00 لوتتابع ردي ماقلت اني اتكلم نيابه عنهم
واشوفك عصبت الله يهديك 0 لازم نغير نظرية التدمير الى نظرية
المحافظه وهذا شئ يعود بالصالح على الجميع ووسع صدرك نبي ان شاءالله
نقاطع كل مقاطع التدمير باذن واحد احد ريلاكس

[برق الوسم11]

من رايي تعمل موضوع بتصويت ويعرض على الإدارة

انت لك وجهة نظر اشاطرك فيها وايضا اخوانا لهم وجهة نظر وكل ينظر من زاويته لكن اكيد المصلحة

بالاخير حماية البيئة من حطب ومياه وكائنات حية من (سموط بني آدم) هذي يقولها شايب عندنا

كناية عن سوء تربية وثقافة وسلوك بعض الاشخاص فيشبههم بالسماط لانه يخم كرمكم الله بقايا

غبر نافعة ومنبوذة من السلوكيات البشرية والي رميتها انت وانا وغيرنا وهذا يجي يخمها.


كلامك عين العقل وانا ماتضهر عندي ادوات الموضوع
على شان احط تصويت للتوضيح ربي يسعدك

[قناص المبروكه]

يااخي العالميه صعبه قويه

[مرقاب الوله]

انا اطلب من الاداره ولااتكلم بالنيابه عنهم
وانا قلت ان شاءالله 00 لوتتابع ردي ماقلت اني اتكلم نيابه عنهم
واشوفك عصبت الله يهديك 0 لازم نغير نظرية التدمير الى نظرية
المحافظه وهذا شئ يعود بالصالح على الجميع ووسع صدرك نبي ان شاءالله
نقاطع كل مقاطع التدمير باذن واحد احد ريلاكس

لاوالله ماعصبت وصدري وسيع منذو مبطي وبيني وبينك انا هويت الصيد وهويت تصويره ولو مالقيتني هنا راح اكون بمكان ثاني وعسانا ما ظيقنا خاطر احد بتصويرنا وقصايدنا

[برق الوسم11]

لاوالله ماعصبت وصدري وسيع منذو مبطي وبيني وبينك انا هويت الصيد وهويت تصويره ولو مالقيتني هنا راح اكون بمكان ثاني وعسانا ما ظيقنا خاطر احد بتصويرنا وقصايدنا


الله يسعدك
وان شاءالله ماتروح وان رحت لحقتك
مامني فكه هههههههه يدبيد للمحافظه
شكرا لرحابة صدرك ودي برق الوسم

[مرقاب الوله]

الله يسعدك
وان شاءالله ماتروح وان رحت لحقتك
مامني فكه هههههههه يدبيد للمحافظه
شكرا لرحابة صدرك ودي برق الوسم

والله مكشات غالي علينا حيل مانقدر بفراقه ومادام احبابنا فيه فحنا فيه

واحب اعطيك هالابيات لي تم المشاركه بها 2012
حنا هواة البر في مقناصه ..وامورنا بالحاجه المعقوله

نرضى بقسمتنا ولانتحسف ..لذيذتا"لو انها مقلوله

قولوا للايمنا يريح راسه .. يومه يلومنا كذا وشوله

مايدري انا فيه نلقى الراحه .. عسر الجبال ونايدات تلوله

لو كان كايد ياحلو مشواره .. بالصبر مايصعب يجي بسهوله

الله يصبرنا على القيضيه ..لا ودع القمري وقفا جوله

الوعد حين سهيل يطلع ضوه .. والوسم بعده ننتشي بسيوله

[برق الوسم11]

والله مكشات غالي علينا حيل مانقدر بفراقه ومادام احبابنا فيه فحنا فيه

واحب اعطيك هالابيات لي تم المشاركه بها 2012
حنا هواة البر في مقناصه ..وامورنا بالحاجه المعقوله

نرضى بقسمتنا ولانتحسف ..لذيذتا"لو انها مقلوله

قولوا للايمنا يريح راسه .. يومه يلومنا كذا وشوله

مايدري انا فيه نلقى الراحه .. عسر الجبال ونايدات تلوله

لو كان كايد ياحلو مشواره .. بالصبر مايصعب يجي بسهوله

الله يصبرنا على القيضيه ..لا ودع القمري وقفا جوله

الوعد حين سهيل يطلع ضوه .. والوسم بعده ننتشي بسيوله

كفو فيك وصح لسانك واليك الرد عاجلا لايهمك
ارق سنووود حاضر بحاضر
ماحدن يلومك في صيدك
000000 مادامها كميتن معقوله
حنا نلوم المسرف كله
00000000اذا تجاوزحاجتن مدبوله
جاهل ولاله حجه
000000 وده يدمر كل شئ حوله
من شان مقطع فيديو
00000000والربع كلن دق اطبوله
صايد وفايد ديدنهم
000000والخبل جاك بعرض وطوله
صرنا فقارى جمله
00000000بيئتنا صارت ممحوله
وربوعنا راحو فيها
000000000بافريقيا ونفوسهم مقتوله

[علم162]

ياليت بعض الناس ينسانا ويعيش في جوه مع زموله
ويخلي العربان مرتاحه
ويروح للصمان في جوله
واليا انكفا شره تباشرنا ولاعاد شفنا خط مرسوله

[الرامي الماهر]

ترا الخيمه ذي اسمها الصيد البري انت يبيلك خيمة مقاطعة الصيد البري عاد شف المشرفين وين بيحطونها لك زبدة الكلام الناس ماراح تترك صيدها ولاهوايتها الله يرزقكم بالاجوال وتصيدون على قد الحاجة ،،، صايدين وفايدين مقدما

[برق الوسم11]

ياليت بعض الناس ينسانا ويعيش في جوه مع زموله

ويخلي العربان مرتاحه
ويروح للصمان في جوله

واليا انكفا شره تباشرنا ولاعاد شفنا خط مرسوله



والله لاقول قصيده
ولاقول سالفه ولاقول حكاوي
مدري وين احطها فيه
الله يسعدك بس قل امين

[برق الوسم11]

ترا الخيمه ذي اسمها الصيد البري انت يبيلك خيمة مقاطعة الصيد البري عاد شف المشرفين وين بيحطونها لك زبدة الكلام الناس ماراح تترك صيدها ولاهوايتها الله يرزقكم بالاجوال وتصيدون على قد الحاجة ،،، صايدين وفايدين مقدما



بيتركونها ان شاءالله
كثر الطق يفل الحديد
بس انت وسع صدرك
لاياس مع الحياه ولاحياة مع الياس
هههههههههه

[ذيب يام]

انا ضد الاسرااف

لك لزم نقدر تعب الشباب شوي

[شمالي و الهوا غربي]

بكل تاكيد ان اقسام الصيد سبب رئسي في انقراض الصيد
وكثرة الصيادين ’والسبب التسابق على تنزيل الصور ومقاطع الفديو فقط
و الدليل ردود بعض الاخون . يعني اذا ماينزل صور يترك المنتدى!!!
يادارة المنتدى المؤقره ( الحين قسم ادوات الصيد ’اذا طلبت سلاح ممنوع
وذا سئلت عن الذخيرة ممنوع وذا سلئت عن الاسعار ممنوع؟
لماذا لا يطبق نفس الشي على قسم الصيد. يمنع الصور والفديو’ فقط؟؟
وقولها صراحةً ان الناس برا يدعون على اصحاب المواقع وخصوصا اقسام الصيد.
اللهم بلغت..
بس تكفى يامشرف القسم الاتحذف الموضوع الا بعد عرضه على الادارة يمكن ان ياجدون حل,
وتكون انت سبب خير على المصلحة العامة

[علم162]

والله لاقول قصيده
ولاقول سالفه ولاقول حكاوي
مدري وين احطها فيه


الله يسعدك بس قل امين

مبروك جالك فرصه ماقدرت ارتب الابيات والاواضحه لكن ذكاءك ماساعدني من يعلمك اني عنتر

[علم162]

ياليت بعض الناس ينسانا ويعيش في جوه مع زموله

[برق الوسم11]

بكل تاكيد ان اقسام الصيد سبب رئسي في انقراض الصيد
وكثرة الصيادين ’والسبب التسابق على تنزيل الصور ومقاطع الفديو فقط
و الدليل ردود بعض الاخون . يعني اذا ماينزل صور يترك المنتدى!!!
يادارة المنتدى المؤقره ( الحين قسم ادوات الصيد ’اذا طلبت سلاح ممنوع
وذا سئلت عن الذخيرة ممنوع وذا سلئت عن الاسعار ممنوع؟
لماذا لا يطبق نفس الشي على قسم الصيد. يمنع الصور والفديو’ فقط؟؟
وقولها صراحةً ان الناس برا يدعون على اصحاب المواقع وخصوصا اقسام الصيد.
اللهم بلغت..
بس تكفى يامشرف القسم الاتحذف الموضوع الا بعد عرضه على الادارة يمكن ان ياجدون حل,
وتكون انت سبب خير على المصلحة العامة




لازم ضوابط بقسم الصيد البري
وتعليمات صارمه ضد الاسراف وضد المقاطع وزالصوره
كلام بالصميم يعطيك العافيــــــــــــــــــــــه كفيت ووفيت

[القناص KSA]

السلام عليكم ورحمه الله وبركاته

برق الوسم والله إني كتبت كلام طويل وبالإخير مسحته لكن .. أنا معك ماني ضدك
لكن كل شيء له طريقة وله درب .. أنا من رأيي وأفضل لك ..
سو لك حساب حملة في تويتر وعطنا رابط الحملة وأبشر كلنا نبي ندعمك


تحياتي لك

أخوك / القناص KSA

[علم162]

ياليت بعض الناس ينسانا
ويعيش في جوه مع زموله
ويخلي العربان مرتاحه
ويروح للصمان في جوله
والياانكفا شره تباشرنا
ولاعاد شفنا خط مرسوله
مدري وضحت الفكره الله يفتح عليك

[برق الوسم11]

السلام عليكم ورحمه الله وبركاته




برق الوسم والله إني كتبت كلام طويل وبالإخير مسحته لكن .. أنا معك ماني ضدك
لكن كل شيء له طريقة وله درب .. أنا من رأيي وأفضل لك ..
سو لك حساب حملة في تويتر وعطنا رابط الحملة وأبشر كلنا نبي ندعمك



تحياتي لك



أخوك / القناص KSA


عندي حساب بتويتر وفيسبوك
ياغالي لكن وانا خوك المشاركه عبر المنتدى
لمواجهة الحدث بنفس بموقع الحدث لانهم لن يتابعوني على تويتر
اتمنى ان وصلتك الرساله 0 شكرالك ولحضورك المميز
يعطيك العافيه

[المتلولس]

تعرف اخوي برق الوسم المثل اللي يقول ياسراجين ياظلماء.... حنا ضد الاسراف بالصيد وضد الواحد يصيد واجد علشان التصوير بس انامع الصيد المعتدل والتصوير بالعكس انا وانت وباقي الربع ندخل هالخيمه نشوف علوم الصيد بكل المحلات

[راكان المناعي]

صحيح نخلي عندنا امل بس اللحين قرضو الصيد حتى في المحميات
ياوخيك القمري المستوطن حين يشوفك مقبل على الشعيب من مسافت
كيلو يطير ولا يوقع
لا حياة لمن تنادي وفيه ناس اعرفهم يخيمون في الرمحيه قرب منطقة رماح
كل فترة هجره للطيور
في شجرات الفويلق المعروفه ولا يتعداهم لا طير ولا غيره حتى الغراب يطيحونه :)

[برق الوسم11]

تعرف اخوي برق الوسم المثل اللي يقول ياسراجين ياظلماء.... حنا ضد الاسراف بالصيد وضد الواحد يصيد واجد علشان التصوير بس انامع الصيد المعتدل والتصوير بالعكس انا وانت وباقي الربع ندخل هالخيمه نشوف علوم الصيد بكل المحلات

كلامك جميل ياغالي وانت اجمل
انت تحترم البيئه وتحارب الصيد الجائر والتصوير
وانا معك بهذا لكن لاتغفل جانب الجهله والمسرفين اعداء البيئه
اللي يقول بصيد اكبر كميه واعرضها من باب التفاخر فقط لاغير
وياتي واحد بعقليته ويجد المقاطع والتطبيل وصايد وفايد يالذيب
ثم قال بسوي مثله وعلى هالطريقه 0 لان بعض الاخوان هنا اصبح يهدد بترك
المنتدى اذا منعت المقاطع 0 يعني الهدف منها تفاخر ومدح وتطبيل لااخلاق صياد
ولاحمايه للحياه الفطريه ولاعنده ادنى مسئوليه 0 وبعدين ماذا يفيد التصوير
والمقاطع وش الهدف المفيد منه 0صدت ورزقك الله بصيد وانت قناص محترم لماذا تعرضه
وتشجع الجهلا 0 يعطيك العافيه الحوار والنقاش هو سبيل تطور الامم بعد الله
شكرا لك من القلب

[هاوي قناصه]

برق الوسم ياخي اذا تبي تكلم عن الاباده ابسالك
هل مكشات حاوي لكل صياد في المملكه ؟
هل خيمه الصيد البري يري فيها بعض الاسراف علي حد ماتتخيله؟
هل انت من عشاق الصيد البري ؟ام محافظ بيئي ؟��






خلاصه الكلام. ؟
لم نستحدث. هوايه الصيد وانما سبقونا اهلنا بااجيال
لم نرا الاسراف في خيمه الصيد البري سواء في صور ام في مقاطع
وان كانت هناك حالات نادره لاتخلوا من النصح والتوجيه
لاحظ في الخيمه او بالمنتدي كامل وجود الناس العقال من كبار السن
الي ينصح ويرشد
الصيد قد المعقول ليس اباده
انا من عشاق الصيد البري ولاكن يفرحني وجود الحملات والتوجيهات بخصوص
المحافظه علي البيئه



من الافضل وضع هذا الموضوع في المكان المخصص

[شمالي و الهوا غربي]

برق الوسم ياخي اذا تبي تكلم عن الاباده ابسالك
هل مكشات حاوي لكل صياد في المملكه ؟
نعم ,على الاقل حاوي على الاعظم منهم والمحترفين:
هل خيمه الصيد البري يري فيها بعض الاسراف علي حد ماتتخيله
نعم تشاهد ذلك في بعض الاحيان .ونبيها تنقطع نهايا,

خلاصه الكلام. ؟
لاحظ في الخيمه او بالمنتدي كامل وجود الناس العقال من كبار السن
الي ينصح ويرشد
ولهذا السبب نبيهم يستمرون بالنصح
الصيد قد المعقول ليس اباده
انا من عشاق الصيد البري ولاكن يفرحني وجود الحملات والتوجيهات بخصوص
المحافظه علي البيئه
شي طيب



من الافضل وضع هذا الموضوع في المكان المخصص
تم التجواب معك الخط الاحمر
وهذا القسم من الامكنة المتخصصه

وبعدين نحن بنهاية الموسم ولافيه صيد ,خلونا نتحاور يمكن ان ناصل الى حل قبل بداية الموسم القادم.
باذن الله:

[برق الوسم11]

صحيح نخلي عندنا امل بس اللحين قرضو الصيد حتى في المحميات

ياوخيك القمري المستوطن حين يشوفك مقبل على الشعيب من مسافت
كيلو يطير ولا يوقع
لا حياة لمن تنادي وفيه ناس اعرفهم يخيمون في الرمحيه قرب منطقة رماح
كل فترة هجره للطيور
في شجرات الفويلق المعروفه ولا يتعداهم لا طير ولا غيره حتى الغراب يطيحونه :)



ياخي لاتلوم القمري المستوطن
يبي الحياه بيعيش وبيتكاثر ويربي صغاره
ههههههههههه
يخيمون للتدمير سواء المكان او الطيور حتى الغراب
مثل ماقلت هل لديهم حمايه ومسئوليه ومحافظه 0
فعلا لاحياة لمن تنادي نورت الموضوع يعطيك العافيه

[برق الوسم11]

برق الوسم ياخي اذا تبي تكلم عن الاباده ابسالك
هل مكشات حاوي لكل صياد في المملكه ؟
هل خيمه الصيد البري يري فيها بعض الاسراف علي حد ماتتخيله؟
هل انت من عشاق الصيد البري ؟ام محافظ بيئي ؟👷






خلاصه الكلام. ؟
لم نستحدث. هوايه الصيد وانما سبقونا اهلنا بااجيال
لم نرا الاسراف في خيمه الصيد البري سواء في صور ام في مقاطع
وان كانت هناك حالات نادره لاتخلوا من النصح والتوجيه
لاحظ في الخيمه او بالمنتدي كامل وجود الناس العقال من كبار السن
الي ينصح ويرشد
الصيد قد المعقول ليس اباده
انا من عشاق الصيد البري ولاكن يفرحني وجود الحملات والتوجيهات بخصوص
المحافظه علي البيئه



من الافضل وضع هذا الموضوع في المكان المخصص

لامحافظ بيئي واحب بيئتي ووطني وماقبل
تدمير حياتنا الفطريه 00
وش يضرك اذا منعت المقاطع والصور وصايد وفايد يالذيب
او ماذا تستفيد كلمني بمنطق العقل لاشهوة النفس
ويعطيك العافيه ويحفظك ربي لااهلك

[المنذراوي]

المفروض تربط بعدد المشاركات
يعني مثلا كل 100 مشاركة يحق للعضو تنزيل مقطع واحد ..
200مشاركة ينزل مقطعين ..وهكذا
كذا اتوقع تقل كثير مسألة الترزز اللي اشغلونا بها بعض الاعضاء
..
ودمتم

[برق الوسم11]

المفروض تربط بعدد المشاركات
يعني مثلا كل 100 مشاركة يحق للعضو تنزيل مقطع واحد ..
200مشاركة ينزل مقطعين ..وهكذا
كذا اتوقع تقل كثير مسألة الترزز اللي اشغلونا بها بعض الاعضاء
..م
ودمتم


هلابك يالمنذراوي
كلامك يعتبر حل وسط واحييك على ذكاءك
ياخي لايترززون ولايحطون مقاطعهم وصورهم
والله لاتفيدهم ولاتفيد المتابع ولاتعود على البيئه بخير
لكن كلامك حل وسط ويعطيك العافيه منور بحضورك الجميل

[القميري قلبي]

أنا معك بمقاطعت الصيد الجائر
و معك بالحفاظ على البيئه
و لكن ليس بهذه الطريقه

السلام عليكم ورحمة الله وبركاته
قررت وعزمت اسوي مقاطعه وعدم الرد
على اصحاب مقاطع اليوتيوب والصور ولاعندي صايد وفايد
اتمنى المقاطعه 000 حتى نرتقي للافضل ولانشجع
من يريد التطبيل له 0 اتمنى مشاركة الجميع ولكم ودددي
برق الوسم

[برق الوسم11]

أنا معك بمقاطعت الصيد الجائر


و معك بالحفاظ على البيئه

و لكن ليس بهذه الطريقه


حياك الله اخي الكريم
الاسراف الاسراف له دعائم
واكبر دعائمه المقاطع والصور وصايد وفايد يالذيب
ربي يسعدك نحن اولا من غيرنا بعدم الاسراف والمحافظه على حياتنا الفطريه

[جارح العين]

انتم تتكلمون بأشياء مستحيله تتجادلون بشي ماراح يصير
الهاوي مايقدر يترك هوايته ومستحيل يترك الصيد
ونظرتك للمستقبل شي جميل يا اخ برق الوسم لاكن تقدر توصل لهم هالشي بشكل تدريجي
يعني تسوي حمله ضد الصيد الجائر وأي موضوع فيه صيد جائر ومبالغه واصراف بالصيد يغلق
مثل خيمه الصيد بالصقور فيها قوانين منع مواضيع طرح فراخ الصقور من اعشاشها وهذا شي جميل

وانا ولله الحمد مهما كثر الصيد لا أصيد الا قد حاجتي ولا احب الاصراف بالصيد
لانها مجرد هوايه ومتعه وليست مجااعه الخير واجد ماحنا ميتين جوع عشان نصيد الطيور بالمئات
وشكراا جزيلا على طرح الموضوع

[ابو خالد 1400]

اخوي برق افضل طريقه
دعم موضوع صاحبنا نسيت اسمه سوى موضوع عن الصيد المستدام
الي يكون باشتراك وبكميات وأوقات معينه
لاكن يبيلها مجهود جبار محميات وخلافه

[برق الوسم11]

انتم تتكلمون بأشياء مستحيله تتجادلون بشي ماراح يصير
الهاوي مايقدر يترك هوايته ومستحيل يترك الصيد
ونظرتك للمستقبل شي جميل يا اخ برق الوسم لاكن تقدر توصل لهم هالشي بشكل تدريجي
يعني تسوي حمله ضد الصيد الجائر وأي موضوع فيه صيد جائر ومبالغه واصراف بالصيد يغلق
مثل خيمه الصيد بالصقور فيها قوانين منع مواضيع طرح فراخ الصقور من اعشاشها وهذا شي جميل

وانا ولله الحمد مهما كثر الصيد لا أصيد الا قد حاجتي ولا احب الاصراف بالصيد
لانها مجرد هوايه ومتعه وليست مجااعه الخير واجد ماحنا ميتين جوع عشان نصيد الطيور بالمئات
وشكراا جزيلا على طرح الموضوع


جارح العين ليه مستحيل
ليش دائما منكسرين ويائيسين
لامافي شئ اسمه مستحيل لازم نغير ثقافتنا
ونكون قد\ المسئوليه بالمحافظه دائما محبطين
ياعزيزي حنا الان ماقلنا اترك الصيد قلنا قاطع المقاطع
والتصوير لقتل مخلوقات الله وكان الواحد يتشفى بالقتل
يعني ويش بنقصك اذا مانزلت مقطع وش الهدف من تنزيله
ياسبحان الله

[برق الوسم11]

اخوي برق افضل طريقه


دعم موضوع صاحبنا نسيت اسمه سوى موضوع عن الصيد المستدام
الي يكون باشتراك وبكميات وأوقات معينه
لاكن يبيلها مجهود جبار محميات وخلافه





اخي الكريم حنا طلبنا بسيط
ابسط مماتصور وهو مقاطعت المقاطع فيه شئ كبير عليهم يعني
صعب مايقدرون يسوونه او هذا هو البلاء المقاطع وصايد وفايد الذيب كلها
تطبيل ومدح مانزل الله به من سلطان 0

[ابوذهيب]

السلام عليكم ورحمه الله وبركاته

كلام جميل من الجميع وموضوع صراحةً يجب الالتفات له والتنبأ منه والدرايه الكافية به (لافات الفوت ماينفع الصوت)
@ اذكر نفسي واذكركم بأن:
الإسراف والتبذير لا يجوز لا هذا ولا هذا ربنا يقول جل وعلا: (وكُلُواْ وَاشْرَبُواْ وَلاَ تُسْرِفُواْ) ويقول سبحانه: (وَلاَ تُبَذِّرْ تَبْذِيرًا)
.................................................. .................................................. .............

انتقل الى اجتهادات مني وهي قابله للخطأ والصواب:

سابقاً اي قبل25_40 سنه كانت ترا الطيور المهاجره باعداد هائله اجوال الرهو والقمري والكروان والفري والفرق...الخ
وكانت تباد ويكون بها مجازر خياليه ولذلك زرع سابقا وهانحنو نحصد الان (شح الصيد)
وسوف نزرع نحن ومستقبلا لن يحصد والله جل وعلى اعلم. (تحصيل حاصل)
والصيد كما تعلمون هو هوايه وليس الدافع هو الجوع والفقر. (قوت يومي)
#لذالك فكر معي اخي القناص بعده خطوات اهمها: (حرف تي)
ان كل سنه يزداد عدد هاوين الصيد (زحف و تدبيل..).
ودراسات اثبتت ان عدد الطيور المهاجره في تناقص مستمر (الله يستر من الانقراض وهو واضح لدينا).
وتقريبا اغلب اماكن مرور الطير ديرة الصيد اذا لم تكن جميعها فقد علمت او عرفت لذالك مايمر الطير الا وشال معه حلبي (أخذ تأشيره لسيبيريا) الصويب واجد ويموت الطير وينفق لايعلم به احد من غير المجازر محور حديثنا.
سائل يقول الطير واجد باالملايين اقول كان باالمليارات. (ماهي الدعو دلع كرشك)
ياجماعة الخير والله ان استمرينا بهذه المجازر يجينا يوم ونتحسف ونقول ياليت الجراء ماكان وندور لحمة الطير ولانلقها ونلد فسماء يوم يومين ثلاثه وهي دوكه ولاتحصل شي
مايجين واحد يقول (دع الخلق للخالق ) معي علم لكن انت اخي الكريم قد سمعت قول الله تعالى:{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}.
كل ماسبق اعلاة تمعن فيه اخي القناص: (انتبه لاتدوخ)
هنا يكمن السمن (بيت القصيد).

[برق الوسم11]

شباب اليوم اعطي الشحيمي مااء بعز القايله وناضر فيه وقول من يصيد الصغير هذا وناضر فيه وجالس احضر حق الاختبار المشكله ان الشحيمي عيااء يبعد عن الشجره اطيره منااء يرجع مناااء والمشكله اختباري وقت العصر مامليت من شوفه قررت يوم ارجع بعد المغرب من الاختبار اشغل الكبس على الشجره بشوف اهو باقي ولا وحطيت على الشجره وشوف انواع العصافير شبااب ترى الدجااجه اكبر من الشحيمي ..؟

اولا جزاك الله خير على عملك باسقائها
والله لايحرمك الاجر نعم يصيدون الشحيمي بكميات هائله
لانهم قضو على اللي اكبر منه والدليل خواننا اللي يقنصون افريقيا
ولاواحد منهم كتب انه صاد الشحيمي بافريقيا لتوفر الصيد اما هنا سوف يقضون عليه
لان مافيه غيري ويكملون المسيره بالقضاء على الحياه الفطريه
يعطيك العافيه

[برق الوسم11]

السلام عليكم ورحمه الله وبركاته

كلام جميل من الجميع وموضوع صراحةً يجب الالتفات له والتنبأ منه والدرايه الكافية به (لافات الفوت ماينفع الصوت)
@ اذكر نفسي واذكركم بأن:
الإسراف والتبذير لا يجوز لا هذا ولا هذا ربنا يقول جل وعلا: (وكُلُواْ وَاشْرَبُواْ وَلاَ تُسْرِفُواْ) ويقول سبحانه: (وَلاَ تُبَذِّرْ تَبْذِيرًا)
.................................................. .................................................. .............

انتقل الى اجتهادات مني وهي قابله للخطأ والصواب:

سابقاً اي قبل25_40 سنه كانت ترا الطيور المهاجره باعداد هائله اجوال الرهو والقمري والكروان والفري والفرق...الخ
وكانت تباد ويكون بها مجازر خياليه ولذلك زرع سابقا وهانحنو نحصد الان (شح الصيد)
وسوف نزرع نحن ومستقبلا لن يحصد والله جل وعلى اعلم. (تحصيل حاصل)
والصيد كما تعلمون هو هوايه وليس الدافع هو الجوع والفقر. (قوت يومي)
#لذالك فكر معي اخي القناص بعده خطوات اهمها: (حرف تي)
ان كل سنه يزداد عدد هاوين الصيد (زحف و تدبيل..).
ودراسات اثبتت ان عدد الطيور المهاجره في تناقص مستمر (الله يستر من الانقراض وهو واضح لدينا).
وتقريبا اغلب اماكن مرور الطير ديرة الصيد اذا لم تكن جميعها فقد علمت او عرفت لذالك مايمر الطير الا وشال معه حلبي (أخذ تأشيره لسيبيريا) الصويب واجد ويموت الطير وينفق لايعلم به احد من غير المجازر محور حديثنا.
سائل يقول الطير واجد باالملايين اقول كان باالمليارات. (ماهي الدعو دلع كرشك)
ياجماعة الخير والله ان استمرينا بهذه المجازر يجينا يوم ونتحسف ونقول ياليت الجراء ماكان وندور لحمة الطير ولانلقها ونلد فسماء يوم يومين ثلاثه وهي دوكه ولاتحصل شي
مايجين واحد يقول (دع الخلق للخالق ) معي علم لكن انت اخي الكريم قد سمعت قول الله تعالى:{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}.
كل ماسبق اعلاة تمعن فيه اخي القناص: (انتبه لاتدوخ)
هنا يكمن السمن (بيت القصيد).

وهذا مانحذر منه
ماعملوه اسلافنا لجهلهم وعدم وعيهم وعدم المحافظه على الحياه الفطريه
هانحن اليوم نجني ثمار التدمير 0
اخي الكريم للتدمير وسائل ومن اهمها
مقاطع الفيديو واليوتيوب والتصوير
وصايد وفايد يالذيب
والجهل 0000
اخطر شئ على البيئه هي المقاطع لان من لديه نقص يروح يصيد
ويدمر ماشافت عينه على شان ينزل مقطع ويحصل على كلمة صايد وفايد
بس هذا طموحه ليس المحافظه ابد امدحوني ومدحو مقطعي
الاخوان تضايقو من طلب مجموعه ايقاف مقاطع الفيديو لانهم
لايعلمون تاثيرها المدمر على البيئه ويعتبرونها انجاز علمي وتفاخر على الاخرين
ولو تسئله ماذا يفيدك المقطع لم يجاوبك جواب مفيد 0 اللهم اني اصيد واصور وحط
مقاطع واحصل تشجيع ومدح هذا هو الهدف السامي عنده 0
وهذه المقاطع والمدح هي السبب الرئيسي للصيد الجائر تنافس فيمابينهم
على المقطع وصايد وفايد يالذيب 0000000

[أبو جراح11]

وربي جبتها على الجرح
==========
بس من تعلم تنفخ في قربة مشقوقة
==============
أمس جاني اتصال من صديق لي وقال تعال معي لك غرض قلت خير قال تعال وخذ الخير
رحت لقيتة صايد ويبي يعطيني الزود هدية
قبلت الهدية وأنا اقول في نفسي
( مشكلة كل واحد يصيد لصديقة ولجارة ولخوة ولهل الحارة )
المشكلة من يعارض وهو يعلم انة على خطأ لكن يكابر
فيجر معة السفهاء
=======
ماعمري قلت صايد وفايد أو رديت على موضوع صيد على ما أعتقد
يعني راح وصاد وبعدين أنا وش استفدت لما أشوف التقرير
أنا اشوفة لمجرد الفرجة فقط ووالله أني اركز على المكان أكثر من الصيد ونوعة وعددة00

[قناص جبل شمر]

انا ضدك ليش أحرم نفسي من المقناص الا انا مني معكم وأنا اقول الصارحه والي يقولون معك لو يشوفون طير نسو الكلام ورموه

[راعي الأثماد]

معكــــم ......

[برق الوسم11]

وربي جبتها على الجرح

==========
بس من تعلم تنفخ في قربة مشقوقة
==============
أمس جاني اتصال من صديق لي وقال تعال معي لك غرض قلت خير قال تعال وخذ الخير
رحت لقيتة صايد ويبي يعطيني الزود هدية
قبلت الهدية وأنا اقول في نفسي
( مشكلة كل واحد يصيد لصديقة ولجارة ولخوة ولهل الحارة )
المشكلة من يعارض وهو يعلم انة على خطأ لكن يكابر
فيجر معة السفهاء
=======
ماعمري قلت صايد وفايد أو رديت على موضوع صيد على ما أعتقد
يعني راح وصاد وبعدين أنا وش استفدت لما أشوف التقرير

أنا اشوفة لمجرد الفرجة فقط ووالله أني اركز على المكان أكثر من الصيد ونوعة وعددة00




ان هذه المشكله
واتمنى ان قلت له ياخوي ماخوذه موفره هديتك
شنو يعني توزع وتصيد للناس على شان المدح لابارك الله فيه من مدح
كل رجال عارفن نفسه مايحتاج تمدحني ولاامدحك ابتكرنا شئ يعني مفيد للعالم كلها
تدمير لحياتنا الفطريه بسبب المدح والهياط اللي مال امه داعي
البر كله قراطيس ونفايات والاشجار مقطوعه والطيور والضبان مدمره
والشكوى لله 0 وش ابي في تقريرك ومقاطعك ووش تستفيد البيئه من هالتقرير
والصور على شان شنو يعني ابي افهم بس
يعطيك العافيه اخي ومرورك وسام شرف تقديري

[برق الوسم11]

انا ضدك ليش أحرم نفسي من المقناص الا انا مني معكم وأنا اقول الصارحه والي يقولون معك لو يشوفون طير نسو الكلام ورموه

وراك ضد ياخوي عناد السالفه والا شنو
محد قال لك لاتقنص اقنص براحتك وانا عارف انك بتقنص
انت وغيرك ومافيكم حيله بس انا اقول مقاطعة المقاطع والصور
والتقارير اللي فيها الكلام المنمق والمبسط والسهل والمغري
وكان المقناص بغرفة نوم مكيفه ماكأنه خساير ماديه وتعب وضياع مستقبل
مانقول المقابل نزين الهرج ونلمع من اجل اغراء كم جاهل لتدمير الحياه الفطريه
ياسبحان الله مابقي الا ام سالم والقوبع والضبان على وشك الانقراض 0

[أبو جراح11]

أول كان عندنا عيب تسأل الصياد كم صاد

اليوم يدورون أحد يعلمونة بصيدهم
حتى لو ماسألتة معلمك معلمك
===
بعد اذنك يابرق الوسم 11
قناص جبل شمر أنت لم تفهم المقصود ولو فهمت ما نرمية لة هنا ستكون أول الداعمين


نحن هنا نقص التالي
( صد على قدك بدون اسراف- لآ ترشد الناس لمكان الصيد خل كل وتوفيقة - لآ تشجع الصيد الجائر بالثناء على صاحبة )
والله يوفق الجميع وينصر أخواننا في سوريا عاجل غير آجل00

[العنابي 616]

أنا معكم و مع أي مجهود للحد من الصيد و لتوعية الناس

و أخوي ابو ذهيب ما قصر


السلام عليكم ورحمه الله وبركاته

كلام جميل من الجميع وموضوع صراحةً يجب الالتفات له والتنبأ منه والدرايه الكافية به (لافات الفوت ماينفع الصوت)
@ اذكر نفسي واذكركم بأن:
الإسراف والتبذير لا يجوز لا هذا ولا هذا ربنا يقول جل وعلا: (وكُلُواْ وَاشْرَبُواْ وَلاَ تُسْرِفُواْ) ويقول سبحانه: (وَلاَ تُبَذِّرْ تَبْذِيرًا)
.................................................. .................................................. .............

انتقل الى اجتهادات مني وهي قابله للخطأ والصواب:

سابقاً اي قبل25_40 سنه كانت ترا الطيور المهاجره باعداد هائله اجوال الرهو والقمري والكروان والفري والفرق...الخ
وكانت تباد ويكون بها مجازر خياليه ولذلك زرع سابقا وهانحنو نحصد الان (شح الصيد)
وسوف نزرع نحن ومستقبلا لن يحصد والله جل وعلى اعلم. (تحصيل حاصل)
والصيد كما تعلمون هو هوايه وليس الدافع هو الجوع والفقر. (قوت يومي)
#لذالك فكر معي اخي القناص بعده خطوات اهمها: (حرف تي)
ان كل سنه يزداد عدد هاوين الصيد (زحف و تدبيل..).
ودراسات اثبتت ان عدد الطيور المهاجره في تناقص مستمر (الله يستر من الانقراض وهو واضح لدينا).
وتقريبا اغلب اماكن مرور الطير ديرة الصيد اذا لم تكن جميعها فقد علمت او عرفت لذالك مايمر الطير الا وشال معه حلبي (أخذ تأشيره لسيبيريا) الصويب واجد ويموت الطير وينفق لايعلم به احد من غير المجازر محور حديثنا.
سائل يقول الطير واجد باالملايين اقول كان باالمليارات. (ماهي الدعو دلع كرشك)
ياجماعة الخير والله ان استمرينا بهذه المجازر يجينا يوم ونتحسف ونقول ياليت الجراء ماكان وندور لحمة الطير ولانلقها ونلد فسماء يوم يومين ثلاثه وهي دوكه ولاتحصل شي
مايجين واحد يقول (دع الخلق للخالق ) معي علم لكن انت اخي الكريم قد سمعت قول الله تعالى:{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}.
كل ماسبق اعلاة تمعن فيه اخي القناص: (انتبه لاتدوخ)
هنا يكمن السمن (بيت القصيد).

[برق الوسم11]

أول كان عندنا عيب تسأل الصياد كم صاد



اليوم يدورون أحد يعلمونة بصيدهم
حتى لو ماسألتة معلمك معلمك
===
بعد اذنك يابرق الوسم 11
قناص جبل شمر أنت لم تفهم المقصود ولو فهمت ما نرمية لة هنا ستكون أول الداعمين



نحن هنا نقص التالي
( صد على قدك بدون اسراف- لآ ترشد الناس لمكان الصيد خل كل وتوفيقة - لآ تشجع الصيد الجائر بالثناء على صاحبة )

والله يوفق الجميع وينصر أخواننا في سوريا عاجل غير آجل00




والله وبالله انك جبتها
نعم وش معنى المقاطع والصور
معناه يعلمهم انه صايد
على ماقلت معلم معلم مافيه حيله
يعني اذا امتنعو عن تنزيل المقاطع وش بيخسرون
هنا السؤال احاول احد يجاوبني مالقيت ولاجواب
وهل يعرف تاثير المقطع اولا 0 الكلام اللي نقوله
كله بصالح القوانيص انا لالي صالح ولاني براعي قنص
ولكن حب البيئه والحياه الفطريه هو من دفعني الى ذالك
واشوف تدمير للبيئه بكل المجالات الاشجار الارض المناظر
الصيد باانواعه 0000
يعطيك العافيــــــــــــــــــــه

[الفوازي الحربي]

انا معك اخووي وبقووووة ضد الصيد الكثير لاكن اللي يكفي غداه ولا يومه صح واتمنى حذف المواضيع ذات الصيد (المهايطي) لن هذا دافع لهم ويجعلهم يكثرون صيد

[برق الوسم11]

كفو يالحربي
وياليت الاداره تحذف او تمنع كل المقاطع والصور
ولاتنسى صايد وفايد يالذيب

[الفوازي الحربي]

كفو يالحربي
وياليت الاداره تحذف او تمنع كل المقاطع والصور
ولاتنسى صايد وفايد يالذيب


كفوك الطيب والله لازم حزم مع المواضيع هاذي ولا البئيه تدمر :(

[برق الوسم11]

كفوك الطيب والله لازم حزم مع المواضيع هاذي ولا البئيه تدمر :(



بسئلك الاخوان رفضو الاجابه
ماهي الفائده من تنزيل المقاطع والصور وصايد وفايد
انا اسمع ان الصياد لايعلم احد بصيده ممكن تنورني الله ينور طريقك
واكون شاكر لك

[قناص جبل شمر]

أول كان عندنا عيب تسأل الصياد كم صاد

اليوم يدورون أحد يعلمونة بصيدهم
حتى لو ماسألتة معلمك معلمك
===
بعد اذنك يابرق الوسم 11
قناص جبل شمر أنت لم تفهم المقصود ولو فهمت ما نرمية لة هنا ستكون أول الداعمين


نحن هنا نقص التالي
( صد على قدك بدون اسراف- لآ ترشد الناس لمكان الصيد خل كل وتوفيقة - لآ تشجع الصيد الجائر بالثناء على صاحبة )
والله يوفق الجميع وينصر أخواننا في سوريا عاجل غير آجل00

أمين لأكن أنا الحين معكم لأني كنت معرف أن هذا المقصود شكرًا لك وحافظو علا البيئة ونشكر صاحب الفكره

[الفوازي الحربي]

بسئلك الاخوان رفضو الاجابه
ماهي الفائده من تنزيل المقاطع والصور وصايد وفايد
انا اسمع ان الصياد لايعلم احد بصيده ممكن تنورني الله ينور طريقك
واكون شاكر لك


والله ياخوي الحين جاين لنا ناس ماتدري وش هم يبون يصيدون ولا يهايطون

[برق الوسم11]

ههههههههههههههههههههه
والله مدري ياغالي لازلت اسئل عن فائدة المقاطع والصور
يمكن مكتشفين شئ انا ماعرفه
الناس اللي توهم جايين ترى جابتهم المقاطع