ابــي لحـــــم حاشــــــــي صح بالرياض

[دكتورالدله]

السلام عليكم ورحمة اللـه
وبــــــــركاتـــــــــــــه

يا القروم

خابركم

راعين فزعات

الكثير يدور لحم الحاشي البلدي على قولهم كنه بسكوت بالريـــاض

والكل يمدح هذا وهذاك

ناس تقول تحصله بشارع سلمان الفارسي و ناس تقول عندك شارع عنيزة خلف أسواق الربوة

وناس تمدح هذا وذاك

والساحلي منتشر وخاصة في ش ثمار و لبون وحوش الحشوان خلف المصفاة

بس واقف علية تعليف برسيم

يمكن الكثير يقول أنا يابو حماد راعي مجاهيم معقولة ماعندك حشوان ..؟

عندي حشوان بس مهيب ذبح وثلاجة

قعدان شبك من فحول طيبة ...

من ينصحني بمحل عنده لحم حشوان برية تقل لحم هرفي

تــــــــــكفون اللي مايعرف لايدخــــل

[ياحلاة الربيع]

وعليكم السلام ورحمة الله وبركاته

بالرياض نفسها صعب جدآ أنا مثلك مريت على كثير من المحلات ولكن الله يديم النعمه مابه طعم وبالآخير نصحني شخص الله يوفق ويستر عليه بالمزاحميه بنفس سوق الخضار تحصل الملاحم ومجاهيم على كيف كيفك زبده لحمته لكن يعيبه المسافه ولكن دامك تبغاء نوع طيب وتقل هرفي هذا أفضل حل لك أو أشترك أنت وأشخاص بحاشي وفيه كثير من الشباب هنا يرغبون بالحاشي لكن أنت اللي تدلهم على الحاشي الطيب أكيد واحد من جيرانك راعين الأبل عندهم شيء للذبح موقف خير إن شاء الله وبالعافيه

[الوافي.]

الكثير يسمع كلمة حاشي ولكن ما يعرف كم عمر هالحاشي
لحم الابل انواع
فالحاشي يصلح للكبسات والايدامات
اما الرباع والسدس فيصلح للمطازيز والمرقوق
فلا تخلط بينها
انا اذا بغيت حاشي على كيف كيفي طلبت الضاري بعنيزة يشارك لي بربع حاشي اما يجيبه لي او اروح استلمه من المقصب في مزرعة الضاري بعنيزة واكيسه على كيلوين كيلوين واثلجه عندي بالفريزر الخاص باللحم
واذا بغيت رقمهم مستعد اعطيك اياه

[عبون الجواء]

من تجربتي عليك بالقرى الرياض مثل شقراء / المزاحمية / تمير / المجمعة / سدير / الرويضه / القويعية
والحوطة حشوان بريه /
تقبل تحياتي اخوك ابو صالح

[راعي سهوه]

يمكن الكثير يقول أنا يابو حماد راعي مجاهيم معقولة ماعندك حشوان ..؟

عندي حشوان بس مهيب ذبح وثلاجة

قعدان شبك من فحول طيبة ...

هههههههههههههه بتعلمنا انك راعي مزاين يعني ترى ام ارقيبه على وشك الزوال بع قبل تنشبها هههههه دعابه

[سامي الشريف]

يبوويه اشبك خذلك لحم بقره مرره طعم احسن من الجمل

[تشاكم]

مع التحيه ..

شارع الاربعين في ام الحمام .. توجد ملاحم ولكنه للاسف مستغله من قبل اليمنى , حيث يخفون الحاشي اللي عليه الكلام لعملاء معيين ويعطونك فاطر على اساس انه حاشي ولكن ملحمة للشايب ابو ناصر اذا وصى خذ ولاتشاور وخذ كبدته بعد .. تحياتي

[دكتورالدله]

عبون الجواء وراعي سهوه والوافي. وعبون الجواء و راعي سهوه و سامي الشريف و تشاكم
جزاكم الله خيـــر والله يعطيكم العافيــه
والحمــــد الله والله يديــــم النعمـــــه

[hamo0o0ody]

فيه محل جربته كم مره ممتاز في حي السويدي عند محطه نوح فيه مصري ينصحك باللحم الزين
وإن شاء الله ما يغشك...

[فل اوبشن]

صادق جربت كذا ملحمه بالرياض ماش الطعم لك عليه انا خابر عن حوشت

المصفاة تريلات تنزل عندهم المستورد

الحل اظطريت اتشارك مع كم واحد ونشوف لنا حاشي بلدي ونتشارك فيه

[مداريج الأشعاب]

الرياض - حي الربوة - شارع الاربعين - اشارة الملاحم - ملحمة نجد ..

[hightech]

ياليتها تجي على فاطر والا على هرش
البلا انه مجيوب من حوشة الجنادرية ميته لها يومين :mad:
العمالة في سبيل الريال مستعد يسوي أي شي وحنا بس نبلع
أقول محسن من الدايت والحمية منها تبعد من أمراض العصر السكر والكلسترول وتصلب الشرايين ومنها تصير مثل الحصان
لياقتك عشرة على عشرة

أذا ملزم شف فيه واحد راعي ملحمة يبيع بالربع فقط 1000 الى 1200 جربته كم مره ولحمته زينه موقعة جنب
الرومانسية في شارع الحسن بن علي في اشبيليا

[خالد الشعبي]

على طريق الامام عبدالله بن سعود ( إمتداد مخرج 9 ) في حي اليرموك بعد إشارة البنك الأهلي وانت متجه غرب أدخل الخدمة وأول شارع سيدين يجيك ادخل معه تجيك على اليسار محطة فيها صرافة بنك البلاد امش 100 متر تحصل ملحمة أبو عمار على اليسار سعر الكيلو عنده (45 ريال ) مايذبح إلا حاشي بس

[ابوناصر111]

اخوي قول بسم الله

اول شي عن تجربة في محلات الرياض .

مافيه الا محليين اثنين فقط

1 - ابن سريع

2- العنزان

وهم في شارع عسير

صارحة غيرهم لاتتعب نفسك

وبالتوفيق

[المستعين بالله]

ملحمة بهم الربيع شارع السويدي باتجاه الغرب بعد اشارة ماكدونالدز على اليمين من افضل الملاحم بالرياض

[hekloz]

شيخ الحاشي في الرياض الروضه بعد أسواق التميمي , واطلب نفر حاشي (مخصوص) وإذا ماعجبك انا راح ادفع الي شريتة :D

[براعم]

اذ1 انت حول الروضة شارع عبادة ابن الصامت اخرة على اليمين قبل اشارة انكاس بالضبط عادل ابو احمد يجيب شي زين وبلدي وكذالك ابو عمار الى باشبيليا الى ذكره احد الاخوان

[عيني ترف]

فيه ملحمة الاخلاص في مدينة الخرج .. راعيها شايب سعودي( أبو خليل ) وهو اللي يعمل فيها مع اثنين عمال ..
والله أنه حالف أنه ما يذبح إلا حشوان بلدي لو ينجبر أنه يسكر المحل .. يقول إسكر المحل ولا أذبح ساحلي ..
يوميا يذبح من خسمة إلى سته (الله يرزقه ) ... ثلاثه منها يروح في المقصب : انصاف وارباع والباقي في المحل ..

[aglanco]

فيه ملحمة الاخلاص في مدينة الخرج .. راعيها شايب سعودي( أبو خليل ) وهو اللي يعمل فيها مع اثنين عمال ..


والله أنه حالف أنه ما يذبح إلا حشوان بلدي لو ينجبر أنه يسكر المحل .. يقول إسكر المحل ولا أذبح ساحلي ..
يوميا يذبح من خسمة إلى سته (الله يرزقه ) ... ثلاثه منها يروح في المقصب : انصاف وارباع والباقي في المحل ..



تشوف كلامي اللي بالأحمر

قول لأبو خليل يسكر الملحمة عشان الساحلي ؟؟
سبحان الله
وش العنصرية هذي حتى بالنعمة
ترى كلها نعمة كريم واحمد الله
العالم تدور الستر والعفاف وانتوا على لحمة حاشي
خليتوها قضية
والبطون على ماتعودت

[ابورايف]

السويدي /الدريهميه
اذا جتك الاشاره وانت بالخدمه خذ يمين امش الى ان يجيك اول شارع يمين رح معه
اخر ملحمه اسمها نجد فيها مصري انماء ايه شي يعطيك الي تبي وانا معامله من زمان
وتقبل تحياتي

[نسناس ليل]

شارع الاربعين في ام الحمام .. ملحمه الامانه صاحبها شايب يمني أبو ناصر ( اكبر ملحمه في ام الحمام ) وبجنبها محل الكبده حقهم وبرضه مضغوط حاشي

[الخلاوي 090]

انتبة انتبة من الغش سعر الحاشي الصح يطلع ب 55 إلى 60 ريال وسلاماتك البلدي رقم 1

[نواف المزيني]

تعالو عندنا بالحجاز ...نذبح لكم قعدان صح .. الله يحييكم هاذي والله الساعة السفره

[عجاج السناف]

السويدي /الدريهميه
اذا جتك الاشاره وانت بالخدمه خذ يمين امش الى ان يجيك اول شارع يمين رح معه
اخر ملحمه اسمها نجد فيها مصري انماء ايه شي يعطيك الي تبي وانا معامله من زمان
وتقبل تحياتي

نصيحتي
لا تاخذ من الي قالك ابورايف تراه دايم يجيب لحمة هرش ويقول حاشي:D:D:D:D

[محمد ع ع]

أخي الربوه شارع الأمير متعب تقاطع معه شارع ابي در الغفاري الملحمه تفتح جنوب غرب أسمه صادق لاكن مثل ماقال أحد الأخوان الكيلو يطلع 60 ريال وفي ابو تركي بالدريهميه بعد جيد

[بيرق العزة]

شيخ الحاشي في الرياض الروضه بعد أسواق التميمي , واطلب نفر حاشي (مخصوص) وإذا ماعجبك انا راح ادفع الي شريتة :D
-----------------------------------------------------

وليش تطلب جاهز خذ من الملحمه :good::good::good::pالي جانب المحل هي المصدر للمخصوص راعيهم واحد اسمه ابو ناصر قل له بس جايك من ابو محمد قل ابي الدواء الي تعطيه ابو محمد ..... ياهو دواء بس غالي شوي ولا تاخذ الا قدام عينك ربع وما فوق دواءءءءءءءءءءءءءءءءءءءءءء

[hekloz]

-----------------------------------------------------

وليش تطلب جاهز خذ من الملحمه :good::good::good::pالي جانب المحل هي المصدر للمخصوص راعيهم واحد اسمه ابو ناصر قل له بس جايك من ابو محمد قل ابي الدواء الي تعطيه ابو محمد ..... ياهو دواء بس غالي شوي ولا تاخذ الا قدام عينك ربع وما فوق دواءءءءءءءءءءءءءءءءءءءءءء


اهاااااا اجل باخذ بكلامك سمعت واحد من الزملاء دايم يشتري من الملحمة الي ذكرتها وراح امرها وبقوله جايك من طرف ابو محمد يعني أقدر اقول انك سفاح مع سبق الإصرار :D:D :good:

[ابوناص]

السلام عليكم ورحمة اللـه
وبــــــــركاتـــــــــــــه

يا القروم

خابركم

راعين فزعات

الكثير يدور لحم الحاشي البلدي على قولهم كنه بسكوت بالريـــاض

والكل يمدح هذا وهذاك

ناس تقول تحصله بشارع سلمان الفارسي و ناس تقول عندك شارع عنيزة خلف أسواق الربوة

وناس تمدح هذا وذاك

والساحلي منتشر وخاصة في ش ثمار و لبون وحوش الحشوان خلف المصفاة

بس واقف علية تعليف برسيم

يمكن الكثير يقول أنا يابو حماد راعي مجاهيم معقولة ماعندك حشوان ..؟

عندي حشوان بس مهيب ذبح وثلاجة

قعدان شبك من فحول طيبة ...

من ينصحني بمحل عنده لحم حشوان برية تقل لحم هرفي

تــــــــــكفون اللي مايعرف لايدخــــل

ههههههههههههههههههه كلها قعدان شبك ؟


عموماً القصاصيب ماتلقى عندهم طلبك تشارك انت وربع لك وخذ قعود من السوق وبالعافيه

[برق 81]

اللي يبيني ادله وحده ممتازه جداً جداً بس الكيلو ب45 في البديعه يجي خاص



يعلم الله موب اعلان ولا اعرف راعيها اصلاً بس احقاق حق لحمهم بلدي وابيض عليه الكلام حتى تيوسهم

[راعي بوضاء]

فيه ياطويل العمر بشارع الفروسيه واذا تقدر تروح برا الرياض عليك بتمير وجلاجل والمجمعه وتلقا عندهم بري ع كيفك وبالتوفيق

[GM_400]

فيه ياطويل العمر بشارع الفروسيه واذا تقدر تروح برا الرياض عليك بتمير وجلاجل والمجمعه وتلقا عندهم بري ع كيفك وبالتوفيق

:good2::good2::good2:

[علم162]

اخوي قول بسم الله



اول شي عن تجربة في محلات الرياض .


مافيه الا محليين اثنين فقط


1 - ابن سريع


2- العنزان


وهم في شارع عسير


صارحة غيرهم لاتتعب نفسك



وبالتوفيق

عطاك العلم

[ala4ever]

اخوي قول بسم الله

اول شي عن تجربة في محلات الرياض .

مافيه الا محليين اثنين فقط

1 - ابن سريع

2- العنزان

وهم في شارع عسير

صارحة غيرهم لاتتعب نفسك

وبالتوفيق

عن تجربة

تم الإرسال من جهازي GT-I9300 بواسطة تاباتوك 2

[ولد وايل]

اللي يبيني ادله وحده ممتازه جداً جداً بس الكيلو ب45 في البديعه يجي خاص



يعلم الله موب اعلان ولا اعرف راعيها اصلاً بس احقاق حق لحمهم بلدي وابيض عليه الكلام حتى تيوسهم
قصدك بطريق المدينه بعد العوشن وقبل المحطه

[aboaody]

بالرياض فيه ملحمة للحمه طيب سواء الحاشي او الغنم بس اعلمك الرجال غويلي شوي بس للحمه جيد كيلوه ب 45 ريال

النسيم الغربي شارع الثلاثين (( المعروف بثلاثين القصمان )) وانت جاي مع طريق خريص امسك الخدمه وتعد اشارة المعارض ( معارض النسيم ) اول ماتعدى شارع المعارض بيجيك على اليمين وكالة ياماها حقت الدبابات ادخل باول شارع بعدها يمين امش شوي تجيك الملحمة على اليمين اسمه القصيم بجمبها محل خضار

والرجال والله مايمتني بصله راعي الملحمة بس للحمته طيبه

بالتوفيق

[عشانا]

خذ العلم كل الجزارين غشاشين سواء كان سعودي او اجنبي الا من رحم الله
لو يجلس يحلف لك 10 سنين لاتصدقه
الحاشي البلدي من 4000 ريال وفيها والي في المجازر كلها مستوردة ولحمها غير مستصاغ
واسعارها من 2000 حتى 2500 ريال
ابو 4000 ريال وفوقها مايخارج الجزارين وحسبوها
تبي لحم حاشي على كيفك شارك كم واحد معك وخوذو حاشي على نضركم وانتم وصلوه لاحد المسالخ
الي يبي يتاكد من كلامي شوفو الي يقولون عنها حواشي عند الجزارين قسم بالله تحسبها نعيمي من صغرها

[nouaf]

منوين بجيب ثلاثه يشاركوني في حاشي
من يبي يشاركني قي حاشي بلدي بس للعلم تراني ما اعرفلهم غشيم يالله نبي ثلاثه و انا الرابع و انا في الرياض

[GMC 111]

اخوي قول بسم الله



اول شي عن تجربة في محلات الرياض .


مافيه الا محليين اثنين فقط


1 - ابن سريع


2- العنزان


وهم في شارع عسير


صارحة غيرهم لاتتعب نفسك



وبالتوفيق




كلام سليم :good2:

[لهيب الشوق]

اخوي قول بسم الله

اول شي عن تجربة في محلات الرياض .

مافيه الا محليين اثنين فقط

1 - ابن سريع

2- العنزان

وهم في شارع عسير

صارحة غيرهم لاتتعب نفسك

وبالتوفيق


ياليت وصف واضح للموقع وشكرا