المساعد الشخصي الرقمي

مشاهدة النسخة كاملة : ابي ابيع الباترول ال 97 واشتري هدد مديل 2000 هل يصلح للبر عطوني رايكم ؟


الليل السرمدي
25/05/2013, 05:49 PM
مساء الخير للجميع عندي باترول 97 الموتر نظيف ومسكت وله معاي فتره وقبله 3 بترولات المهم انعرض علي هدد 2000 قلت اغير عن الباترول وانا راعي بران ومقانيص ومدري
الهدد يصلح للبر ولا ولا ثقيل وهرش عطوني رايكم يأأهل التجارب والمعرفه
sgl2002
25/05/2013, 07:29 PM
صدقني اللي يستخدم الباترول ما يقدر يخليه

وانا قبلك بعت الباترول واستخدمت تويوتا وللاسف تحسفت وبعته ورجعت للباترول


اللي بيفرق عليك ان قومة الباترول خفيفه وقير سلسل وراسي في الطرد وبطنه رفيع بعكس الهدد اللاندكروزر


وعاد كل واستخدامه وممكن يجوز لك لكن الباترول عالم ثاني ما يقدر اللي يستخدمه يخليه
محسن اليامي
26/05/2013, 12:17 AM
لكن الباترول عالم ثاني ما يقدر اللي يستخدمه يخليه


وأنا منهم :D:D:good2:
راعي سهوه
26/05/2013, 12:59 AM
التويتا حمار المكده وشيك المخبا
RW7..ALBDAWA
26/05/2013, 01:34 AM
واللـه اخـوي اتوقع مردك للبآترول مثل مآقآلو اخـوي sgl2002
sameer_1798
26/05/2013, 01:44 AM
ممتاز بس قبل لابد تعدله بمساعدات ويايات استراليه وترفعه شيء بسيط
خبايا انسان
26/05/2013, 03:44 AM
والله ياخوي كلهم عينين في راس واحد ,, ولو على التمني ابي املك الاثنين
مشلخ الذيب
26/05/2013, 05:25 AM
مادام اللي معك نظيف وخابره زين ، خله معك ماتدري وش في الهدد من بلية ؟

خلك على مصرودك لايجيك اقرد منه
الليل السرمدي
26/05/2013, 12:41 PM
والله انا قلت للتغيير فقط لاغير
بن كلثم
26/05/2013, 12:51 PM
اخوي الليل السرمدي ماجربت الهدد ولا سمعت عنه شيئ سيئ ولكن اذا كانت سيارتك الوحيده هي الباترول فانصحك بالهدد يعني راح يكون افضل لك من نواحي كثيره واهما مع ها الصيف تحتاج لمكيف ينسيك ها الحر
اما ان كانت سيارتك بس للبر والكشتات فانصحك بالباترول بحكم انك تقول نظيف وهذا انت تقول كان قبلها ثلاثة سيارات من نفس النوع
ابن مقبل305
26/05/2013, 02:40 PM
السلام عليكم
شوف ونا خوك انت جبت سيارتين متقاربات من ناحية الكفائه في البر
1- الباترول - ممتاز جدا في البر والمقانيص وراسي في الطرد ومريح والعطالات عطلات قروشه ما توقفه بس تشغلك
2- الهدد - ممتاز جدا في البر والمقانيص ويعتمد عليه وفي الطرد خلك حذر مامن عطلات ولاكن ان تعطل غثك

(هذي الخلاصه بعد تجربة السيارتين)
والله يفقك للي فيه خيرا لك
عبون الجواء
26/05/2013, 06:44 PM
واللـه اخـوي اتوقع مردك للبآترول مثل مآقآلو اخـوي sgl2002
اتفق معك تماماً
التعـ King ـديل
26/05/2013, 11:49 PM
التويتا حمار المكده وشيك المخبا


هذا الكلام اللي طير التويوتا بالعجه في الموديلات الجديده :D


الباترول ملك الجيوب وعن تجربه
sgl2002
27/05/2013, 12:21 AM
اخوي الليل السرمدي ماجربت الهدد ولا سمعت عنه شيئ سيئ ولكن اذا كانت سيارتك الوحيده هي الباترول فانصحك بالهدد يعني راح يكون افضل لك من نواحي كثيره واهما مع ها الصيف تحتاج لمكيف ينسيك ها الحر
اما ان كانت سيارتك بس للبر والكشتات فانصحك بالباترول بحكم انك تقول نظيف وهذا انت تقول كان قبلها ثلاثة سيارات من نفس النوع

اخوي انا اختلف معك من ناحية ان الهدد افضل تكييف من الباترول


المعروف ان افضل السيارات تكييف وبرودة هي نيسان وخصوصا الددسن والباترول
الليل السرمدي
27/05/2013, 06:12 PM
والله يالربع الي اعرفه عن الباترول هو انه خفيف نفس ووذف وراسي بالطرد اما التويوتا فحسب ماسمعت والشي الي اخاف منه انه ثقيل وغير مرن خصوصا للمقناص وانا بصراحه ماقنيت الا الباترول بس مشكلته القرشه الي بديكوراته وبديه وعضلاته قد ماتربط وتتعب تقنص مقناص وتعود الا هو متفككك
hamido
28/05/2013, 12:07 AM
الي يجرب الباترول مايملى عينه غيره شف معي اكستيرا الحين بس اذا مر من عندي باترول تقوطرت سعابيلي :D ياخي مع انه بطه شوي بس تحس انك ملك ... وميزته انه ينقل صوابه ولا يغدربك ابد
جربت الجي اكس الرساوه ميح عند الباترول ضربتلي منقع خفيف ماردن الا السياج... يميزه الوسع
يصبر اذا سلمك الله من الدوده وتوابعها
العنابي 616
28/05/2013, 01:19 AM
أنا أقول ان التجربة خير برهان :)
إذا عندك سيولة خذلك هدد و جربه و إذا ما اعجبك بعه و ما انت خسران ان شاء الله