الباترول يحذف يسار علي الطريق

[المغترب9]

عندي باترول 92 الوتر يحذف علي الطريق يسار لازم اثبت الطاره واذا فكيتها يحذف وسويت له وزن اذرعه لكن بدون فايده ارجو الافاءده ولكم جزيل الشكر

[ابوسليم908]

نفس المشكله في موتري باترول 2007 حذفه خفيفه يسار

ياليت اصحاب الخبره يفيدونا او احد صارت معاه نفس المشكله

[راعي الرود]

الكفرات الاماميه فيها سحت ؟ او تحبيل

او هل ركبت الاستبنه مثلاً قدام و عرضها اقل من الكفر الامامي الثاني ؟ كذا راح تحصل لك حذفه على اتجاه الكفر الاسخف

غير كذا دخل الموتر للعضيب " فحص " فقط ولا تغير عنده شيء .. شف وش يقولون لك سبب الحذفه و احفظ قريشاتك واطلع لميزان اليرموك او المجد و صلح عندهم :)

[تركي98]

نفس المشكله عندي ...عدي باترول فتك 2007 توين شاريه جعله يتبارك والموتر نظيف ولله الحمد لكن فيه حذفه يسار والدركسون مايل يعني اذا ابمشي للامام مباشره يكون الدركسون لاف يمين شوي واذا عدلته يروح يسار الموتر شوي ... رحت ميزان وزن لي الاذرعه وجربته نفس الشي ..ولا حاسبته لاني شارط عليه قبل ان مازان ماعطيه ولا ريال ...وش الحل؟؟ ووش اسباب الحذفه ياليت اللي عنده خبره ولا قد حصلت معه يفيدنا ووشلون صلحه؟؟؟

[الفيصلْ]

نفس المشكله عندي ...عدي باترول فتك 2007 توين شاريه جعله يتبارك والموتر نظيف ولله الحمد لكن فيه حذفه يسار والدركسون مايل يعني اذا ابمشي للامام مباشره يكون الدركسون لاف يمين شوي واذا عدلته يروح يسار الموتر شوي ... رحت ميزان وزن لي الاذرعه وجربته نفس الشي ..ولا حاسبته لاني شارط عليه قبل ان مازان ماعطيه ولا ريال ...وش الحل؟؟ ووش اسباب الحذفه ياليت اللي عنده خبره ولا قد حصلت معه يفيدنا ووشلون صلحه؟؟؟


اخوي المشكلة مو من الاذرعة ولا شي المشكلة من الدركسون روح محل وزن اذرعه وخلية يوزن لك الدركسون يفك غطاء الدركسون وبعدين الصاموله حقته ويسحب الدركسون ويرجع يركب على الوزنية الصحيحه عشان تروح الحذفه

[sgl2002]

هل انت مدبل مساعد دركسون والا مغيره بواحد اثقل؟

الحذفه غالبا من الكفرات

سو تبديل لها مع بعض وجرب

[ابوسند9]

اخوي تركي
الله يطعمك خيره ويكفيك شره
زي ما افادوك الشباب
جرب بدل الكفرات
وشيك على المساعد اللي هو مساعد جهة الحذف لايكون مهرب زيت
وشيك الرمان الامامي ممكن حال ويحتاج شد
وميلان الدركسون انتبه تسوي له وزن عن طريق الدوده ,,فك الدركسون وسو له تعديل من الداخل بس قبل تفك الدركسون افصل اصابع البطاريه من شان ما تولع عندك لمبة الارباق
اذا سويت وشيكت على اعلاة ولا تغير شي يبقى عندك حاجه وحده
اللي هو عمود البنهارد طبعا هو عمود راكب فيه مساعد الدركسون وجاي بالعرض وفيه عدد 2 ربله
طبعا كيف تفحص الربلات؟ والسياره طافيه ضم يدك مع الوسط اي العمود وخلي حد يحرك الدركسون بشكل سريع يمين يسار اقل من ربع لفه اذا حسيت ان العمود يتحرك بيدك اي فيه فضاوه فا عندك الربلات تحتاج تغيير
لكن اتوقع لو تعدل الدركسون لاني اتوقع المشكله منه 90%

[تركي98]

اشكر جميع الاخوان اللي ردوا وجزاكم الله الف خير...امس بدلت مكان الكفرات اللي قدام رجعتهن ورى وعكست اماكنهن واللي ورى قدمتهن بدون عكس اماكنهن كما قرات بان هذي هي الطريقه الصحيحه للدفع الخلفي وخفت الحذفه كثير واصبحت لاتذكر لكن مازال الدركسون مايل شوي بفكه واعدله. شاكر لكم مره ثانيه.