المساعد الشخصي الرقمي

مشاهدة النسخة كاملة : مشكله في مساعدات الباترول وش الحل من الخبراء


ابوفهد3535
26/05/2013, 12:47 AM
سلام عليكم

أسعد الله مساكم / صباحكم بالخير والمسرات

عندي مشكله في مساعدات الباترول ربع 95 قال لي الميكانيكي تعبانه ولازم تغيرها

في ناس يقولو ركب مساعدات شاص اماميه واللي يقول لي خلفيه فقط

واذا ركبت مساعدات شاص هل اغير الياي او مايحتاج

وانا والله تهت ولا ادري وش اركب

ولكن قلت مالك الا الله ثم المكاشيت اللي بيعطونك العلم

علما بان طلعاتي للبر قليله ولاني حق تطعيس يعني علي خفيف مره لان الجيب سياره ثانيه

معي

و وش رايكم في احسن حل للمساعدات والياي

ولكم الشكر والتقدير
ابوسليم908
26/05/2013, 01:36 AM
تبي العلم من واقع تجربه اذا موترك اربع ابواب تطق له طقم مساعدات شاص مديل 2002 ارخص من مساعدات النيسان
وتمسك الموتر صح

لاكن اذا موترك ربع تاخذ مساعدات شاص اماميه
وخلفيه تاخذ مساعدات فكس ار طبعن مساعدات الفكس ار الخلفيه تختلف
جهه مسمار وجهه حلقه اقرب ورشه قصه ويغير لك الراس من حلقه الي مسمار وتصير كل الجهتين مسمار وركبها

ملاحظه اذا موترك مرتفع مركب كعكات خلفيه او رافع كثير ترا مساعد الفكس ار قصير ماينفع
اتجاه السحاب
26/05/2013, 01:42 AM
قدام مساعدات مرسيدس أفضل
خبايا انسان
26/05/2013, 03:53 AM
خذ العلم من مجرب ,, انا كان عندي باترول ربع 93 ,, ركبت له طقم مساعدات شاص واليايات بلد << الموتر حلو لا قاسي ولا لين ومساعدات الشاص تركب على طول ,, شاص تيوتا 2002


او اذا انت راعي ردميات وبران كثير ف لازم يكون الموتر قاسي خصوصا من الامام ف يلزمك طقم يايات استراليه + مساعدات شاص تايوت خلفي + مساعدات مرسيدس امامي


والافضل تروح ورشة مرات ف الصنعيه القديمه لكثرة الناس الي يركبون عنده ف يفيدك وش الاحسن لك
ابوفهد3535
26/05/2013, 12:53 PM
بيض الله وجيهكم

علي فكره الجيب ربع ومازلنا ننتظر بقية الشباب
قصيمي تسحت
30/05/2013, 11:32 AM
ركب قدام مرسدس
ووراء ركب ياياي ومساعد شد بلد
ونصيحه ﻻتركب مساعدات تويوتا ﻻانهن قاسيات بلحيل ويصير مطب الموتر قوي
مليار
03/06/2013, 05:10 PM
مساعدات التيوتا الشاص حلوه تمسك الموتر ما يهابد بس مشكلتها فيها طقه مع المطاب الخفيفه مثل البطناج ما ادري وش السبب
.. PATROL ..
03/06/2013, 05:19 PM
ركب مساعدات شاص للموتر كامل وامورك ان شاء الله في السليم