المساعد الشخصي الرقمي

مشاهدة النسخة كاملة : سؤوال لكل ملاك الباث 2005


سلومي
28/09/2006, 03:09 AM
السلام عليكم ورحمة الله وبركاته
سوؤالي : انا شريت باث 2005 جديد قبل حوالي 4 شهور الله يعطيني خيره ويكفيني شره
بس المشكلة اشوف سيارات زيه فيها سلة شد بلد هل هي تباع لحالها ولا جايه معه لأني ما أخذته من الوكالة اخذته من معرض بالرياض بس ودي اعرف .
سألت الوكالة لقيتهم من جنبها ما يدرون عش شي يقول لا هاذي اكسسوارات اضاهر انك تطلبها طلب يمكن بس مبين انهم من جنبها من طريقة كلامهم
عبدالرحمن
28/09/2006, 05:43 AM
سلمك الله 2005 ما يجي معه ولا حتى الدعاسات وانت بكرامه اللي جوا السياره ولا التخشيبه حقت مكيف الراكب فلا تتوقع ان بيكون فيه سله , وافضل من سله الوكاله عندك اللي زي الشبك يركبونها الشباب في محلات الحداده ويصبغونها بنفس لون السياره . هذا رأيي
الربذي
28/09/2006, 06:30 AM
انا عفوا!! وعليكم السلام
ولد عمي مشتري مثلك 2005 قبل 4اشهر من معرض ببريدة ولاجت به سله وسالته قال انها تجي بالفل الكامل (والكامل وجه الله سبحانه)) على كلام صاحب المعرض
لكن انا معي وحده وبه سله صراحه اي كلام وماهي قويه ولاتثق به بالعربي حقت خكاريه ياسيكل تحط ولا شي خفيف مره عليك بالي قال اخونا عبدالرحمن تصدق ودي بوحده لك ولزمن تتحمل وترفع العفش عن تندة السياره خصوصا اذا كان فيه فتحه الموتر تشيل عليها وتمسك تمام ام الاسود بلاستك منظره وفشخره وغير عمليه البته وانا ابي اجدعها ان شاء الله واركب الشبك المصبوغ شكله وذف ومو باين مر واشوف حقين الجيوب يركبونه
نمر بن حثلين
28/09/2006, 02:53 PM
بدء من موديل 2003 والسله ما تجي مع الموتر
والناس الي تشوفهم مشترينها اظن سعرها بحدود 500 ريال


بس ما انصحك تركبها
لاني اعرف واحد حمل عليها اغراضه ويوم وصل واثر التنده متخفسه
لانها ما تتحمل الاوزان الكبيره


اذا تبي سله صح عندك حقين الرس ورشة الوادي او ورشة الضويان يفصلون لك سلة حديد مخفيه قويه التحمل جدا
المطلوب
29/09/2006, 01:32 AM
الناس الحين تشيل الشبك الي فوق التنده وانت تدوره .... وبعدين الباث ياطويل العمر يجي تصدير عن طريق جده والدمام,,,,, بس سبحان الله الي يجي عن طريق جده يجي معه شبكه بالشنطه وفرشات ارضيه اصليه مكتوب عليه باث فندر ومتينه يعني من المصنع ,,,,,, اما الي يجي عن طريق الدمام خلي مافيه شي .... مادري ايش السبب؟
سلومي
30/09/2006, 06:01 AM
اخوي عبدالرحمن اشكرك على الرد
سلومي
30/09/2006, 06:02 AM
اخوي الربدي اخوي بن حثلين اشكلكم جميعاً على ردكم
سلومي
30/09/2006, 06:04 AM
اخوي المطلوب جعلك وكل من قراء ومن رد ومن دخل المنتدى من طلاب الجنة
بعيد الهقاوي!
01/10/2006, 02:02 AM
سلمكم الله ..............معي باث 2005 ماخذه من الوكالة معه دعاسات أرضية أخذتها بالقوة بعد ثلاثة أشهر