المساعد الشخصي الرقمي

مشاهدة النسخة كاملة : شوركم في شوزن ام خمس


ابومعاذ z22
27/05/2013, 03:03 PM
السلام عليكم اخواني اعضاء منتدى مكشات
عرض علي بيع البرنو 96خرازة وشراء شوزن اتوماتك ام خمس روسية قيمتها حول الثمانية الاف
استشرت كذا واحد من الاخوان فأشارو علي شراء الشوزن ام خمس ونا والله ماعندي اي معلومة عنها
خاصة مع نضام التشوكات اسمع انها تسوق في رميها وهذا اهم شي عندي البعد في المرما لكن هل هي فعلا نغنيني عن الخرازة البرنو .. يعني ثنين في واحد لذالك حبيت استشيركم اخواني ومالنا غنا عن ارائكم لاهنتو .. اخوكم ابومعاذ
المشاور 555
27/05/2013, 03:13 PM
مشكلة الشوزل شي واحد ..فشقها غالي يكلف خصوصا ام خمس يروح الفشق سلام سلام .انا افضل برنو اذا سعرها معقول
شمالي و الهوا غربي
27/05/2013, 03:33 PM
اولا الروسيه تذب الحلبي عند مجهك
وصوتها مزعج وفشقها غالي وانت بصرك
لعبتي الطيار
27/05/2013, 04:04 PM
البيكال ممكن تطرح بها الوعول بفشق الدرج وتصيد بها الحجل طيار وتصيد لك كلش لكن البرنو زوينة لكن تبقى الشوزن شوزن
ابومعاذ z22
27/05/2013, 05:18 PM
مشكلة الشوزل شي واحد ..فشقها غالي يكلف خصوصا ام خمس يروح الفشق سلام سلام .انا افضل برنو اذا سعرها معقول

م
مشكور اخوي المشاور بس الحين حتى فشق الخرازة مايباعد فشق الشوزن. بيض الله وجهك على المشورة


اولا الروسيه تذب الحلبي عند مجهك
وصوتها مزعج وفشقها غالي وانت بصرك


مشكور اخوي شمالي على المعلومة طيب تنفع التركية يقولون ان رميها يسوق على ما اطلعت ولا الباقيات غاليات وما نقدر عليها..


البيكال ممكن تطرح بها الوعول بفشق الدرج وتصيد بها الحجل طيار وتصيد لك كلش لكن البرنو زوينة لكن تبقى الشوزن شوزن


بارك الله فيك اخوي لعبتي الطيار لكن البيكال مابحصلها بها القيمة يعني مابحط اكثر من الثمانية في شوزن ..


بيض الله وجوهكم جميعا على ردودكم الطيبة ونا ماني بمستعجل
عاشق القمري..
27/05/2013, 05:27 PM
السﻻم عليكم
الشوزن متعددة يعني للقمري للبط للرهو للحجل إلخ....
واﻻمر اﻻ خير يعود لك انت مقتنع في اي وحده
تحياتي...
II عزام II
27/05/2013, 09:17 PM
يالغالي على حسب استعمالك تحكم

اذا منت راعي وبران وضبان واهداف بشكل اساسي

واذا اكثر رميك مسافات قريبه الي متوسطه

عليك بالشوزن

والله ييسر امورك
نايف ع
28/05/2013, 04:40 PM
فعلا اذا اهدافك قريبه الى متوسطه خذ الشوزن تراها اضمن بإذن الله
والله يوفقك
فهد 003
29/05/2013, 01:16 PM
وش جاب الشوزن للخرازة ؟؟؟

مافيه مقارنه أبد
الشوزن للرمي والرش القريب يعني ماتوصل أبد 100 متر

والخرازة للمسافات البعيدة وهدف واحد محدد يعني وبران أو ضبان أو أي شي يكون بعيد

وانت على حسب استخدامك لها تبيها للطيور ورمي الرش والا تبيها للهدف الواحد

كل سلاح له استحدام خاص
ابو سفيان
30/05/2013, 06:33 PM
ان كان قيمة البندقتين ب ٨٠٠٠ ريال لا واله خذهم كلها ان كانت وحده منهم خذ الشوزن او الخرازه كل اقيامها وحده ومناسبه
شمري فيد
31/05/2013, 02:15 PM
لا بغيت صيد الطيار ولا السرب
أم خمس وفالك صيد
صيد قمري ولا غزال خرازة
والله يرزقك
قلايد الخيل
31/05/2013, 03:48 PM
وانا عندي خرازه برنو وناوي ابدلها بشوزن بيكال. تكون نظيفه
شراري الكويت
26/07/2013, 04:14 AM
ام خمس كافي ولخرازه الله يكفيك شرها لارمت مداها بعيد وياما ذبحت ناس وصوبتهم
مطر وسم
26/07/2013, 06:00 AM
ام خمس كافي ولخرازه الله يكفيك شرها لارمت مداها بعيد وياما ذبحت ناس وصوبتهم


:good2::good2::good2::good2::good2::good2::good2:: good2:

هذا الكلام الصحيح
سعد العطاوي
26/07/2013, 06:26 PM
يااخي اذا انت تحب رمي الطيور فالخرازهماتصلح عليك بالشوزن اما اذا تقنص وبر وضب
لاخلك ع الخرازه اطيبلك والبيكال شوزن كد ومد
ويكفي انها ترمي الضغوط ولاعليها خوف بس
يبيلها تنضيف باستمرار وفالك الشحم
قلب الداهية
26/07/2013, 08:50 PM
ام خمس اكيد تجيب البعيد والقريب حسب الضغط اللي تبي وفيه تشكات ضيقه اذا تبي السوق
بعدين الاسعار صارت حول بعض الشوزن افضل
والخرازه اذا مرماك بعيد لازم دربيل ووزن وشغله
المتلولس
27/07/2013, 02:28 AM
اول يوم رصاص الخرازة رخيص ممتازة لكن بالوقت الحالي الشوزن افضل ترمي فيها كل شي
ع الرويثي
21/09/2013, 04:38 PM
يالطيب مثل ماقالوا الاخوان على مرماااك

واغراضك ,, الشوزن للاهداف المتعدده والقريبه

مثل الطيور وغيرها والبرنو للاهداف المحدده والبعيده

اما من ناحية الافضل انا لااعلم واتمنى من الاخوان

يفيدوننا اي الشوازن افضل الروسيه او الامريكيه

او الايطاليه او الخ ومشكورين على التجاوب ,,,,
عساها تساهيل
23/09/2013, 04:45 AM
انت مارديت وش استخدامك ؟
تربة الشمال
24/09/2013, 08:27 AM
اناء اقول ان كنت صياد جبل عليك بالخرازه وان كنت صياد سهل خذ شوزن وسلامتك
مطر وسم
24/09/2013, 08:40 AM
الصيادين كثروملو الشعبان والصيد قليل مو زي اول وام خمس تسحب فشق وسعرها غالي واذاطحت بنقطة تفتيش سحبوها منك واحرقو قلبك عليها وعشان كذا انصحك تاخذ شوزن ام حبه تراها رخيصه وتوفي بالغرض تشبعك وان اخذوها منك تراها رخيصه


لي ربع معهم ام خمس يطلعون لشعيب وانا اطلع لشعيب ثاني معي شوزن ام حبه ام سيلان وكل واحد ياخذ معه دستة فشق ونرجع وكل واحد معه ثلاث او اربع قميريات صيدنا سوا بالعدد واحصل دستتهم باقي فيها 5 فشقات وانا باقي معي 20 فشقه يعني ام حبه زي ام خمس بالصيد اوفت بالغرض واقتصاد بالفشق


للتوضيح فقط وانت حر



تحياتي للجميع
ذيب شرعان
24/09/2013, 10:21 AM
خذا الشوزن ولي جاب الشوزن يجيب الخرزاه
توكل بس على الله