مطلوب خيمة البيرق

[سلطان الهاوي]

السلام عليكم
مطلوب خيمة البيرق من القاضي للخيام
مستعمل او جديد
بشرط غاطين 4*4 او 5*5
الموقع الرياض

[سلطان الهاوي]

شباب ترا الموضوع مو ترفيهي الآني رحت للقاضي للخيام وماحصلت عنده يقول تجئ بعد شهر اللي يخبرني شئ لا يبخل علينا
إذا فيه بديل عطونا رايكم اهم شئ تكون الخيمة البديلة الارضيه مشبوكه مع الرواك مثل البيرق نبي فرقا الزواحف بهالبران وتكون غاطين أو ثلاث

[سلطان الهاوي]

ماهي من عادات أعضاء موقع مكشات البخل الإجازة قربت وابي خيمه تقاوم المطر الاني انشالله ناوي اطلع الجنوب وانتم عارفين الخيام أم عامود تغث بالشيب والنصب نبي نجرب الخيام الشنطه وأنا رحت يم القاضي للخيام وماحصلت عندهم الا ام عامود وكلمت الرقم الموحد وماحصلت في أي فرع للقاضي يقولون كلمنا بعد رمضان تجئ من الصين
مريت التميمي ما حصلت الا ٣*٣

[سلطان الهاوي]

٩١ مشاهد ولا رد

[بدران الدوسري]

الله يوفقك يخوي وتلقى مبتغاك

أنا جتني فتره هام بهالخيمه الي بصراحه ما مثلها

لكن يعيبها غلاها الفاحش وبصراحه أغلى بواجد من حقها

قلت أبدور مستعمله ولقيتها هنا سعرها مثله مثل الجديدة

مدري وش جاء هالقسم في النصب ( حشاك والسامعين )

عموما المعذره أني طولت
وعسى الله يوفقك

[سلطان الهاوي]

الله يوفقك يخوي وتلقى مبتغاك

أنا جتني فتره هام بهالخيمه الي بصراحه ما مثلها

لكن يعيبها غلاها الفاحش وبصراحه أغلى بواجد من حقها

قلت أبدور مستعمله ولقيتها هنا سعرها مثله مثل الجديدة

مدري وش جاء هالقسم في النصب ( حشاك والسامعين )

عموما المعذره أني طولت
وعسى الله يوفقك

تسلم يا بعدي الله يعين الدنيا كله غاليه عشان كذا اعتزيت بمكشات مابي اشتري غاليه وتكون جودتها ردياه أنا أبي المشورة بس

[سلطان الهاوي]

شباب لقيت عند السنيدي خيمه اسمه المشب وش رأيكم فيها

[سلطان الهاوي]

انا أسف على تعليقي السابق باني وصفت أعضاء منتدا مكشات بالبخل
ترا كان قصدي البخل المعرفي مو المادي
واشكر العضو ثامر الشمري اللي عرض علي الخيمة بدون مقابل وانا اعتذر منه عن قبولها