قصه باترول 93 والمكيف

[faissal82]

السلام عليكم

مسيتم بالخير

بقولكم قصتي مع الكمبرسور

انا شريت سلق 93 واكتشفت انه مافيه كمبرسور مكيف .. رحت للتشيلح حصلت واحد وجبته لحق المكيفات يركبه بالصناعيه القديمه المهم ركب الكمبروسور وطلع فيه صوت المعروف بأغلب هالموديلات انا ماهمني الصوت لانه بارد المكيف لكن المشكله طلعت بكهرب السياره حيث ان الكهربائي وصل المكيف دايركت يعني مجرد ماافتح المكيف يشتغل الكمبروسر بدون ماضغط على زر A/C قلت له ليش قال علبة الفيوزات فيه سلكين ماياصلهم كهرب من الظفيره وانا وصلت لك سلك خارجي .. طبعا انا ماعجبني كلامه وقلت ركب الكمبرسر وخله ورحت لواحد ثاني كهربائي قام يفك ويحط ويفحط لين سوا نفس طريقه اللي قبله قال الظفيره فيها اسلاك محروقه مايوصل كهرب .. الزبده ياأخواني تتوقعون لو اروح للتشاليح واخذ ظفيره اللي تبدا اسلاكها من علبه الكتاوتات اللي جنب البطاريه وتنتهي عند علبة الفيوزات اللي بالغماره عند باب المعاون والا وش الحل لاني اشوف اسلاك السلف مشبوكه بشكل عشوائي وهالاشياء ممكن ينقطع سلك وانا بخلا ابتلش ومحيوس والنور مايشتغل الا لين اشغل افتح السويتش ابي ورشه تزبط هالامور لاهنتو

[SGL]

أسلاك السلف رتبها وظبطها ولف على كل سلك شطرطون كهرب بعدين أجمعهم كلهم مع بعض ولف عليهم كلهم شطرطون أوأربطهم باالرباط هذاك نفس الي يربطون فيه الطيس الي تركب باالجنوط وبخصوص المكيف خله مثل ماهو لاتشتري ظفيره وتغلب نفسك بس شي واحد أبيك تسويه خله يشبكه مع الزر حق المكيف يعني تخلي الكربرسر مايشتغل إلا يوم تضغط على هذا الزر يعني مثل الوكاله غريب الكهربائي الي رحتله مايعرفلها خله يفك ديكور المسجل ويوصل الأسلاك في هذا الزر والله
مهندسين آخر زمن حرام تدفعله فلوس أنا مثلك عانيت من المهندسين الي يتعلمون على مواترنا وبعض الأحيان والله أنا أعلمه وهو يشتغل خلها على الله

[faissal82]

أسلاك السلف رتبها وظبطها ولف على كل سلك شطرطون كهرب بعدين أجمعهم كلهم مع بعض ولف عليهم كلهم شطرطون أوأربطهم باالرباط هذاك نفس الي يربطون فيه الطيس الي تركب باالجنوط وبخصوص المكيف خله مثل ماهو لاتشتري ظفيره وتغلب نفسك بس شي واحد أبيك تسويه خله يشبكه مع الزر حق المكيف يعني تخلي الكربرسر مايشتغل إلا يوم تضغط على هذا الزر يعني مثل الوكاله غريب الكهربائي الي رحتله مايعرفلها خله يفك ديكور المسجل ويوصل الأسلاك في هذا الزر والله
مهندسين آخر زمن حرام تدفعله فلوس أنا مثلك عانيت من المهندسين الي يتعلمون على مواترنا وبعض الأحيان والله أنا أعلمه وهو يشتغل خلها على الله

الله لايهينك ماقصرت

تصدق مافيه الا ثنين او ثلاثه كهربائيين شاطرين بالصناعيه وعليهم طابور سيارات واسعارهم :f والباقين يتعلمون ؟؟؟ والمصيبه تحس اللي يتعلم على موترك انه دكتور كهرب وهو من جنبها
الظفيره عندي يبيلها تغيير وشكلي بتهور واخذ من الحاير واشبكها بنفسي لان كل شي واضح اشوفه

[الحميضاني]

السلام عليكم ورحمة الله وبركاته

رح لاقرب كهربائي وخله يركب لك فاصل او يشبكه لك على زر A/C

اما بالنسبه للظفيره ما انصحك انك تركب ظفيره لان يمكن تاخذ ظفيره وطلع فيها مشاكل اكثر من اللي عندك

او شفلك كهربائي شاطر خله يفك الظفيره ويسلكها من جديد اي سلك تعبان او محترق يغيره

[حسن الشمالي]

وين موقعك في الرياض يالغالي؟

[بن جلاجل]

اخوي اذا ما عندك مشاكل انك تقطع 160 كم راسلني ع الخاص اخبر لك كهربائي كلمة شاطر ما توصفه موتري قد خرب قالوا الوكاله نزينه بـ18 الف ابو الشباب صلحه ب 400ريال فاهم في الكهرب فهم غير طبيعي والله ييسر لك ولنا ..

[حسن الشمالي]

اخوي اذا ما عندك مشاكل انك تقطع 160 كم راسلني ع الخاص اخبر لك كهربائي كلمة شاطر ما توصفه موتري قد خرب قالوا الوكاله نزينه بـ18 الف ابو الشباب صلحه ب 400ريال فاهم في الكهرب فهم غير طبيعي والله ييسر لك ولنا ..

في اي ديرة هالكهرابئي؟
لاهنت