قز بالبنزين ( صور )

[ابوظبي 987]

السلام عليكم ورحمه الله وبركاته



قمت بزيارة محل هايبرماركت ووجدت عندهم هذا القز واللي يستخدم فيه الوقود كمصدر طاقه ومدري شو رايكم فيه

اليكم الصور
1 -
http://www.mekshat.com/pix/upload/images20/mk34422_gas-1.jpg


2 - وهذي الصوره تبين بلد المنشأ ( امريكا)

http://www.mekshat.com/pix/upload/images20/mk34422_gas-2.jpg


3 - وهذي الصوره تبين (المواصفات)

http://www.mekshat.com/pix/upload/images20/mk34422_gas3.jpg


4 - وهذي الصوره اقرب شوي وتبين
1 - نوع الوقود.
2 - مدة الاشتعال ( 6 ساعات ونصف ).
3 - يستخدم عود الثقاب للاشتعال.

http://www.mekshat.com/pix/upload/images20/mk34422_gas4.jpg


نرجو ان نكون وفقنا في نقل الموضوع واعتقد اذا حطيته في العزبه يكون افضل ويمكن تستخدمه على قولتهم في اليوم الاسود ( مافيه غاز, ولاحطب)..

في انتظار ارائكم

ملاحظه ..السعر = 190 درهم
تقبلوا منا فائق الاحترام و التقدير......:j

[كادر]

مشكور على الموضوع بس الافضل لاتملاه بنزين الااذا جيت تطبخ عليه
مع العلمان البنزين في السيارة يروع احس اني جالس مع قنبلة

[الربذي]

وعليكم الســـــــــــــــــــــــــــــــــــــــــــــــ ــــــــــــــــــــــــــــــــــــــــــــــلآم
هلا بخوي عود حي بس اكيد بانزين بانزين لاني اعرف انه خطر مره مره ويمكن ينفجر
اذكر سمعت قصه عن ثلاث اخوات نفذ الكاز لديهن وقامن باستبداله ببنزين وهن يجهلن خطورته اي قامن بتعبيه السراج بالبانزين بدلا من الكاز وانفجر عليهن واصابهن بحروق شديده وكاد يقضى عليهن وتسبب بحريق كبير وحول ليلتهن لمساءه مروعه
هذا ماردت قوله اخي
بس بصراحه ماقصرت شرح وافي ضافي واضح وخبر تازج لاول مره اعرفه واقراء عنه

[ابو عادل1]

اخوي عود حي مساك الله بالخير
مشكور وماقصرت الله يحفظنا واياك من كل شر ومكروه
ليت تذكر لنا اذا ماعليك كلافة ..... اين يوجد وبكم السعر
وهل جربه احد ياشباب ومامدى كفائته

[رمو77]

الي انا اعرف عن سعره انه ب320 او حولها عند رحلتي

[ابوظبي 987]

السلام عليكم ورحمه الله وبركاته



مشكورين ياشباب على المرور


اخي الربذي .... بالنسبه للبنزين راعي المحل أكد وقال انه نفس اللي يستخدم للسيارات وارجع السبب الى قوة المعدن المصنوع منه.

اخي ابوعادل1 .... صحيح ذكرت السعر في اخر الصفحه عموما سعره عندنا في الامارات = 190 درهم

ممكن تسأل الشباب من هو وكيل منتجات شركة (Coleman ) عندكم في السعوديه وبتلقاه عنده ان شاء الله .





مع تحياتي ....... :good:

[مسماري]

من نا حيتي لا انصح باستخدامه ......... لخطورته والحمدلله الغاز متوفر ..

واذا خلص البنزين خذ لك دافور يشتغل على الكاز وهو معروف للجميع يستخدم للفوانيس القديمه .. يعني ما منه خطوره مثل البنزين

[هلا بريدة]

عود حي !!!!!!!!!!!! يا بعد كبدي تـأكدإللي مكتوب أن نوع الوقود ((( جازولين )) أي قاز
أما رفيقنا البنزين فهو ((( كيروسين )) وواضح أن تقنيته نفس تقنية اللي يعمل بالقاز حسب الصورة المرفقه
لكن لامانع تجرررب يا ((( عود حي )) وتعلمنى بالنتيجة ..... خاصة حنى في رمضان هالحين !!!! ولعلك تجرب مع صوت مدفع رمضان علشان تداخل الأصوات ومايقولون وششششش هالإنفجاررر ((( أتغشمرر معك ))

[ابوظبي 987]

مساء الخير ( هلا بريدة) انا الصراحه جربته بالبنزين وكان ميه ميه بس مشكلته انه قام يسرب بنزين بس اللي جربته اعتقد ماكان اصلي بس شبيه اللي في الصوره, وبعدين الشباب قالوا ننصحك بعدم استعماله , بس الموجود في الصوره سألت راعي المحل وقال عادي استخدم البنزين لانه يستحمل ومافيه خطوره .

على فكره اللي استخدمته ( القديم ) كانت النار قويه جدا ولهبها ازرق

عموما اللي يريد يشتريه يسأل الموزع اي البنزين يستخدم وما مدى الخطوره .

[الجندي2005]

شكرا اخي عود حي بس الحمدلله الغاز موجود والحطب موجود واذا خربت فخم واذا خربت مررره هونا عم هالطلعه الجايات اكثر

[أبو صياح]

اخواني الأحباء انا جربته وأعجبني كثير كثير ولا خوف من خطورته ولا تنسى تنكي البنزين بسيارتك
وانا اعتقد انه أمن من الغاز
هذا رأيي وممكن يكون غلط
وبالمناسبة انه سريع بالطهي اسرع من الغاز ولن نكون افهم وأعلم من شركة كولمان المعروفة
تحياتي لكم

[almobd3]

مشكور اخوي

[الدهاس]

شكله رهييييييييييييييييييييييييب (غااااااااااااااااااااااااالي مررررررررررررررره )

[aahhhh2]

السلام عليكم ورحمة اللة وبركاتة
اخواني البانزين القل احتراق من الغز يعني ائمن من الغاز اذاكان مايهرب
وللاخ العزيز ( هلا بريدة ) القزولين بلنجليزي بانزيز
والقاز يسما كورسين فانت قلبتها الله يجزك خير
شكلك تصقط في الجليزي ( امزح معك )

[دار منيخ]

بسم الله الحمن الرحيم

اولا القازولين هو البنزين والكيروسين هو الكاز والمازوت هوالديزل والقاز هو الغاز

ثانيا من قال ان البنزين اخطر من الغاز فالغاز اسرع اشتعلا من البنزين وحمل الغاز في السيارة اكثر خطورة من البنزين لان تسرب الغاز في السيارة يؤدي لاقدر الله الى اختناق الموجودين داخلها دون ان يشعرو او ان تكون السيارة مغلقة ولا احد بداخلها والغاز يتسرب من الدافور مثلا وعند فتح السيار تشعل الضواء الداخلية فيحدث شرار تتسبب في الانفجار لا قدر الله اما استنشاق البنزين المنبعث من التسرب لايسبب الاختناق ولا يشتعل في الغالب الا اذا تعرض الى لهب او مصدر شرر قوي جدا كذلك هذا النوع من الدوافير يمكن تفريغه بعد الاستخدام وبذالك ينتهي خطره بعكس الغاز حيث يبقى قنبله موقوتة في السيار والبيت وكل مكان
وانا هنا لااقلل من خطر البنزين لا بل هو في غاية الخطورة واقل المواد خطوره للطبخ وغيره هي الحطب شرط ان يكون في مكان مفتوح او جيد التهوية وان تدفن النار قبل النوم جيدا او فيحال وجود عواصف ولاحظ ان الدفاع المدني لايسمح الا بالحطب في المشاعر المقدسة اثناء الحج هذه معلوماتي المتواضعة وارجو ان تكون فيها الفائدة وعذرا على الاطالة