حرارة لاندكروزر بعد تبديل البلف ببلف ديزل نفس الموديل

[joblak]

السلام عليكم ورحمة الله وبركاته

انا قبل نزلت موضوع بخصوص حرارة الموتر جي اكس ار 99
هنا
http://www.mekshat.com/vb/showthread.php?t=530088&page=2

والربع شاروا علي بتغيير البلف وتركييب بلف جي اكس ديزل نفس الموديل
ركبته اليوم واللي حصل يا الربع ان الموتر صار مع المشي حرارته تحت الربع وهذي صورته

http://www.gulfup.com/?0dQ878


واول ما اوقف توصل تحت النص بشخطه مثل هالصوره


http://www.mekshat.com/pix/upload05/images253/mk160265_mk160265_222;l;.jpg

الحل شنهو يالربع جزاكم الله خير

http://www.gulfup.com/?AhBM0m

[ابوراكان تبوك]

حرارة سيارتك نفس موتري بالضبط اذا وقف والمكيف شغال لكن اذا مشيت حول 170 تنزل تحت الربع وافكر اركب مروحه كهربائية زياده ادري ما من هذه الحراره ضرر لكن الحرص واجب

[sgl2002]

طيب تماتيك المروحة يشتغل عندك مضبوط؟

والرديتر هل انت متأكد انه غير مسدود؟

[ع ــقــاب]

مثل ماقال اخونا ابو صالح 77 , حرارة موترك طبيعية جداً خاصة في فصل الصيف ومع تشغيل المكيف نصيحة لاتلعب في موترك

[حمزةعبدالمطلب]

حرارة موترك طبيعية
لا تغيير شيء
بل رجع بلف بلد وركب له جديد
وحط موية رديتر تويوتا أحمر
ولا تغيير شيء لا مراوح ولا غيره



هذا الكلام الصحيح ياخوي

[joblak]

حرارة سيارتك نفس موتري بالضبط اذا وقف والمكيف شغال لكن اذا مشيت حول 170 تنزل تحت الربع وافكر اركب مروحه كهربائية زياده ادري ما من هذه الحراره ضرر لكن الحرص واجب


هي فعلا دام ما تعدت النص فهي ماهي طبيعيه لكن ما منها ضرر لكن البلف الديزل نفع مع المشي فقط ونزلت الحراره بشكل كبير لكن مع الوقفه نفس قبل ما تغير شي انا كانت حرارة موتري تحت النص بشخطه اذا وقف ومع المشي تنزل للثلث

[joblak]

طيب تماتيك المروحة يشتغل عندك مضبوط؟

والرديتر هل انت متأكد انه غير مسدود؟


اول ما خذيت الموتر شيشت الرديتر وفحصت تماتيك المروحه قالوا سليم

[joblak]

حرارة موترك طبيعية
لا تغيير شيء
بل رجع بلف بلد وركب له جديد
وحط موية رديتر تويوتا أحمر
ولا تغيير شيء لا مراوح ولا غيره



مثل ماقال اخونا ابو صالح 77 , حرارة موترك طبيعية جداً خاصة في فصل الصيف ومع تشغيل المكيف نصيحة لاتلعب في موترك


هذا الكلام الصحيح ياخوي


ماهو صحيح ماهي طبيعيه الحراره الطبيعيه للاندكروزر ثلث ثااابت انا عندي في اكس ار حرارته ثابته ثلث ومواتر الربع كلها ثابته على الثلث

[ع ــقــاب]

ماهو صحيح ماهي طبيعيه الحراره الطبيعيه للاندكروزر ثلث ثااابت انا عندي في اكس ار حرارته ثابته ثلث ومواتر الربع كلها ثابته على الثلث

الله يعينك ويكتب لك الخير, بس ترى الكلام اللي كتبته لك من واقع تجربة انا عندي ربع ومكنية نفس مكنية موترك بالضبط ومع المرااقي توصل لتحت النصف بشرطة وواحد من الربع عنده شاص 004 ونفس النظام مع المكيف والمراقى توصل لتحت النص بشرطة

[joblak]

يالربع ابشركم توني جاي من الصناعيه الحين لان اليوم انشعر معي راس الراديتر البلاستيك شي بسيط قلت خيره وانا اروح للسكراب واطقلي راديتر مستعمل اللي يجيبونها من اليابان تجي نظاف ولا هوب مفكوك من قبل المراد اني ركبته وتركيب السعد ولله الحمد الحراره اصبحت مع المشي على الربع وعلى الوقفه ثااااابته على الثلث ولله الحمد

وهذي صوره والموتر واقف له وقت انسوا سالفت ان تحت النص طبيعي ما تأثر على الموتر اقول الله واعلم لكن انها طبيعيه مستحيل

http://www.gulfup.com/?n8bMql

[joblak]

الله يعينك ويكتب لك الخير, بس ترى الكلام اللي كتبته لك من واقع تجربة انا عندي ربع ومكنية نفس مكنية موترك بالضبط ومع المرااقي توصل لتحت النصف بشرطة وواحد من الربع عنده شاص 004 ونفس النظام مع المكيف والمراقى توصل لتحت النص بشرطة

هلا يا عقاب معناتها المشكله عندكم من الراديتر يكون تعبان وانت شوف عينك هذا اللي صار معي اليوم انا الموتر عندي من شهر 9 اللي طاف وحرارته تشطف النص ثابته انا اللي اقوله انها فعلا يمكن ما تأثر تأثير كبير على المكينه لكن ماهي طبيعيه

[sgl2002]

الحمد لله اللي اعانك عليها


وحنا ياهل الباترول ان وصلت الحرارة عندنا للثلث كارثة وكل موتر له خاصيته في درجة الحرارة


واللاندكروزر حرارته للثلث وتوصل النص مع الجور والربع في الاوضاع العادية

[RW7..ALBDAWA]

اخـوي فك البلف وخلــــــــــه معك بشنطة العدة ونزل المويـه وركب مويـه مقطر فقطططططططططططططط

وصدقنـي رآح تدعيلي هذآ اللي انآ مسويـه واذآ جآء الشتآء رجعت البلف

[فتك08]

اخـوي فك البلف وخلــــــــــه معك بشنطة العدة ونزل المويـه وركب مويـه مقطر فقطططططططططططططط

وصدقنـي رآح تدعيلي هذآ اللي انآ مسويـه واذآ جآء الشتآء رجعت البلف


يالغالي...إسمح لي أخالفك الراي علميا و منطقيا...و ليست مخالفة شخصية...

الماء المقطر فقط يعني صدأ بالأديتر و مجاري التبريد بالمحرك...على المدى البعيد

تبدأ الحرارة بالإرتفاع و ليس العلاج إستبدال الأديتر فقط بل تبقى المشكلة بمجاري

التبريد الدقيقة داخل المحرك....الماء مقطر يستخدم مع ماء مركز فقط....

و الماء المحلول أو المخلوط مسبقا يستخدم بدون ماء مقطر....

لكن كل ماقل تركيز المحلول كل ماساعد على تبريد المحرك...و هذا ينصح به في الصيف...

و كل مازاد المحلول كل ماساعد على تسخين المحرك...و هذا ينصح به للشتاء...

عموما أفضل نسبة خلط تتراوح بين30-50% مع العلم بأن أغلب الشركات

الصانعة للسيارات تنصح بنسبة50%

[قناص*07]

الماء المقطر يتبخر بسرعه على درجة حرارة 100

و الماده الخضراء ( جلايكول) يزيد من درجة الغليان و لا يسمح بغليان الماء على درجة حراره منخفضه.

غليان الجلايكول = 197 درجه مؤيه


نصيحه لا تشيل البلف و لا توي شي

اذا مُصر على خفض الحراره روح للتشليح وخذ مروحة لكزس ورهمها جنب مروحة البلد

[joblak]

السلام عليكم

يالربع الحراره عندي بعد تبديل البلف الى بلف ديزل مع المشي في الليل فوق الصفر بشخطه بسيطه هل هذا العيار الطبيعي لبلف الديزل ؟؟؟

واذا كانت الحراره نازله حيل ما تضر الموتر ؟؟؟

[S.Guard]

بسم الله

السلام عليكم

انا ما قريت الردود ولاكن بقولك وش صار معي قبل فتره ... بدت ترتفع الحراره كل ما مسكت خط ..

غيرت الغطا ثم الخراطيش ثم غسلت الاديتر بالمكينه اللي كنها غساله (((( اسوء شي سويتــــــه )))

وغيرت البلف... وبعدها جبت العيد زادت الحراره ...

ولا انتهت الا لما سيخت الاديتر وحطيت ماء تويوتا الاحمر وزانت الامور..وسلامتك

[MGS88]

اخوي هي نفسها الشركه اللي صنعت بلف الديزل اختارت لك بلف معين
هل تتوقع انهم يغفلون عن شي مثل هذا علما انهم يعرفون ان السيارات الفلانيه موجهه للبلد الفلاني اللي حرارة جوهم من كذا الى كذا
مسألة ان حرارة السياره الى الثلث فهذي مقصودة لانه كل مكينه تشتغل بافضل اداء عند حرارة معينه
ومكينة الديزل فيها اختلاف كبير عن البنزين
اللي يفيدك هو الصيانه الدوريه مثل طرنبة المويه اذا كانت قديمه تغير
البلف اذا مر عليه 10 سنوات يغير تحسبا للفشل الطارئ لكن بنفس المواصفات
المويه كذلك تحرص على ان تكون اصليه وتغير كل خمس سنوات تقريبا

والطبه العلويه البلاستك حقت الاديتر دايم تنشعر في اللاندكروزر بعد مده طويله وصلحتها ب250 ريال

[joblak]

اخوي هي نفسها الشركه اللي صنعت بلف الديزل اختارت لك بلف معين
هل تتوقع انهم يغفلون عن شي مثل هذا علما انهم يعرفون ان السيارات الفلانيه موجهه للبلد الفلاني اللي حرارة جوهم من كذا الى كذا
مسألة ان حرارة السياره الى الثلث فهذي مقصودة لانه كل مكينه تشتغل بافضل اداء عند حرارة معينه
ومكينة الديزل فيها اختلاف كبير عن البنزين
اللي يفيدك هو الصيانه الدوريه مثل طرنبة المويه اذا كانت قديمه تغير
البلف اذا مر عليه 10 سنوات يغير تحسبا للفشل الطارئ لكن بنفس المواصفات
المويه كذلك تحرص على ان تكون اصليه وتغير كل خمس سنوات تقريبا

والطبه العلويه البلاستك حقت الاديتر دايم تنشعر في اللاندكروزر بعد مده طويله وصلحتها ب250 ريال



وانت صادق اخوي كلامك صحيح هم ابخص وانا ما ايد سالفة شيل البلف والكلام هذا المشكله عندي ان حرارة السياره كانت ثابته تحت النص بشخطه وهذا ماهو طبيعي للاندكروزر الطبيعي يكون ثلث ثابت علشان هالشكل ركبت بلف ديزل لانه يفتح على 76 ماهو على 82 مثل البانزين ومع هذا اعتقد ان فيه غلط لان الحرارة عندي تخربطت فوق تحت صارت كالتالي :
مع المشي في النهار الحرارة على الربع
مع المشي في الليل الحراره فوق الصفر بشخطه (( وهذا اللي مخوفني ))
مع الوقفه في النهار توصل لتحت النص بشخطه واحيانا على الثلث !!!!
وامس رحت للصناعيه والحرارة كانت على ااربع وفتحنا الكبوت ولقينا الهوز محجر وفتحنا الراديتر ما فور الماء طلع هوا لاني يوم بدلت الراديتر ما زدته ماء ثاني يوم والله يستر لا يكون الراس عندي فيه شي

[مركز حراره]

تبيها نزل حتى مع الوقوف الغ المروحه الرئسيه وركب مراوح كهرب

[MGS88]

وانت صادق اخوي كلامك صحيح هم ابخص وانا ما ايد سالفة شيل البلف والكلام هذا المشكله عندي ان حرارة السياره كانت ثابته تحت النص بشخطه وهذا ماهو طبيعي للاندكروزر الطبيعي يكون ثلث ثابت علشان هالشكل ركبت بلف ديزل لانه يفتح على 76 ماهو على 82 مثل البانزين ومع هذا اعتقد ان فيه غلط لان الحرارة عندي تخربطت فوق تحت صارت كالتالي :
مع المشي في النهار الحرارة على الربع
مع المشي في الليل الحراره فوق الصفر بشخطه (( وهذا اللي مخوفني ))
مع الوقفه في النهار توصل لتحت النص بشخطه واحيانا على الثلث !!!!
وامس رحت للصناعيه والحرارة كانت على ااربع وفتحنا الكبوت ولقينا الهوز محجر وفتحنا الراديتر ما فور الماء طلع هوا لاني يوم بدلت الراديتر ما زدته ماء ثاني يوم والله يستر لا يكون الراس عندي فيه شي



عادي جدا يوصل تحت النص غريبه الميكانيكي ما علمك
اذا ارتفع فوق النص هنا المشكله
ولا الجو الايام هذي مع المكيف طبيعي
اصلا الطبيعي الحراره من الثلث الى قبل النص بشوي ولايكون ربع الا في الخط لان المروحه ميكانيكيه قوتها على حسب ضغط المكينه

وسمعت بلف الديزل يخلي المكيف مايبرد عند التوقف