استفسار ضروري

[وليد العياشي]

السلام عليكم ورحمة الله وبركاته


هذا اول موضوع لي بالمنتدى الاكثر من رائع
وان شاء الله مايكون الاخير.


حبيت انكم تفيدوني لاهنتم


معروضه علي شوزن بنيلي سوبر سبورت


مكتوب على جهازها
benelli u.s.a. Curp.-accokeek.md.-made in italy


هذا المكتوب مدري السوبر سبورت كلها تجي فيها نفس المكتوب
انا مستغرب من ال usa امريكيه ومكتوب ميدي إن ايطالي
رايكم فيها اخذها ولا لا
بغيتكم تفيدوني لاهنتم


واسف على الإطاله

[عشه83]

ليتك تحط صورتها علشان يفيدونك الشبأب ,,,على فكره البنلي عندها خطوط انتاج للبنادق في امريكا ...وعز الله انك اخترت لشيخه والله يعطيك خيرها مقدما وفالك الشحم

[وليد العياشي]

الله يجزاك خير

المشكله وانا اخوك ماعرف انزل الصوره

[وليد العياشي]

اللي يعرف ينزل صور يرسلي رقمه ع الخاص

وارسلها له واتس اب

[وليد العياشي]

يالربع ابيكم تفيدون عن الشوزن

ماجيت للمنتدى هذا الا وانا هاقيبكم تفيدوني

[قناص الأشهب]

الشوزن ايطالية الصنع ومصنعه لامريكا
والشوزن شيخه

[وليد العياشي]

والله انت الشيخ يبيض وجهك

[عبرود نجد]

ماجربتها ولاكن اسمع عنها الكثير ويثنون عليها الله يكتبلك الي فيه الخير

[وليد العياشي]

الله يجزاك خير

شاكر مرورك

[بينلي]

البنلي لها مصنع بامريكا وايطاليا

خط انتاج وكلهن نفس بعض

[بلوز بلوز]

صباح الخير اخ وليد
ادخل هذا الرابط راح يفيدك بخصوص استفسارك ان شاء الله
http://www.mekshat.com/vb/showthread.php?t=579955

[وليد العياشي]

بينلي

شاكر لك مرورك ماقصرت

[وليد العياشي]

بلوز بلوز
صباح النور ي الغالي
الله يعطيك العافيه وفعلآ استفدت
شاكر لك مرورك

[هداج تيما]

اخ وليد - ولا يهونون الاخوان - الجواب ببساطة :

القسم الأول. : اسم الشركة الأم المصنعة (مجموعة بينيلي) الامريكية

القسم الثاني. : اسم مقاطعة في ولاية ميرلاند الامريكية.

القسم الثالث : مكان التصنيع

وما هي شركة بنيلي فقط الموجودة بنفس المقاطعة..

خذ هالصورة لمسدس من صنع بريتا من شان نفهم الموضوع :

http://img600.imageshack.us/img600/2736/phuppimagenits.jpg


اما لماذا يتم ذكر (USA) واسم المقاطعة في ولاية ميرلاند،
فلاسباب داخلية في امريكا تتعلق بالضرائب في الغالب،
ولذلك تم ذكر المعلومات السابقة نفسها على المسدس المصنوع في امريكا.


ارجو اني وضحت الصورة
والله اعلى واعلم.




.

[وليد العياشي]

هداج تيما

بيض الله وجهك كفيت ووفيت

[وليد العياشي]

ابشركم اخذت السوبر سبورت

استفسار اذا اقدر ارهم المخزن ووين يرهمونه

[Auto-5]

ألف مبروك والله يعطيك خيرها ويكفيك شرها
أنصحك لا تزيد المخزن سيبه على وضعه لأسباب :
منها الخمس يكفن لقلة الصيد .
ومنها بندقي عليها ثمان ما اذكر رميت رمي سنع غير ثلاث او اربع طلقات أما البقية تروح هباء لأن الطريدة تجاوزت مجال الرماية فيكون الرمي هباء ولا يأتي بنتيجة غير تضييع الذخيرة .
ومنها أبيع للبندق ما تعرف ضروفك يمكن تغير نظرتك وتطمح لأفضل ويمكن تحتاج سيولة الله لا يحيجك وووو.
أتمنى أكون ما اثقلت عليك وخذها من أخ لأخيه قد يخطي وقد يصيب ...

[الحاتمي2006]

عندنا الابيع اذا كان مخزنها مفتوح
المهم مبروكه ياراعيها واذا بغيت احد يزين لك المخزن راسلني بالخاص

[وليد العياشي]

ألف مبروك والله يعطيك خيرها ويكفيك شرها
أنصحك لا تزيد المخزن سيبه على وضعه لأسباب :
منها الخمس يكفن لقلة الصيد .
ومنها بندقي عليها ثمان ما اذكر رميت رمي سنع غير ثلاث او اربع طلقات أما البقية تروح هباء لأن الطريدة تجاوزت مجال الرماية فيكون الرمي هباء ولا يأتي بنتيجة غير تضييع الذخيرة .
ومنها أبيع للبندق ما تعرف ضروفك يمكن تغير نظرتك وتطمح لأفضل ويمكن تحتاج سيولة الله لا يحيجك وووو.
أتمنى أكون ما اثقلت عليك وخذها من أخ لأخيه قد يخطي وقد يصيب ...

الله يبارك فيك ويجزاك خير على النصيحه

ومن اخ وعزيز وغالي
المخزن انا اشوف انه اهم مافي الشوزن وجهت نظري وانا اخوك
وشاكر لك مرورك ي غالي

[وليد العياشي]

عندنا الابيع اذا كان مخزنها مفتوح
المهم مبروكه ياراعيها واذا بغيت احد يزين لك المخزن راسلني بالخاص

الله يبارك فيك

لك رساله ع الخاص

اخوي مشاركاتي ماتسمح اني ارسل خاص لك
ياليت ترسلي رقمك ع الخاص

[بيكال الوشم]

شورنك مافيها كلام و غمض و خذها
بس بكم لقيتها يا بعدي ياليت تزودنا بسعرها
ياليتك ماخذها برخيص نفرح لك والله مع اني اتوقع انك ماخذتها اقل من 23 ^_^