المساعد الشخصي الرقمي

مشاهدة النسخة كاملة : هل من خبير بشاص النيسان2012


جور الايام
28/05/2013, 06:27 PM
السلام عليكم
انا عندي استفسار
انا معاي شاص نيسان 2012 وانا الصراحة راعي تحميل وابي اركب بالصندوق تانكي موية وصندوق عزبة وشد واشياء ثانية بس يعيب الباترول انة ينزل شوي وانا ماابية ينزل
سالت عن حل ناس قالولي ركب يايات استرالية وناس قالولي ركب بلونات
انا الان جزمت على اليايات بس يوم سالت قالولي فية انواع ومقسات انا الي ابية احد يعلمني وش المقاس الزين لليايات طبعنا الحمولة راح تكون قريب 500كيلو ذي ثابتة دايم بالصندوق
ياليت احد يعلمني وش المقاس الزين لليايات وش المسعدات الكويسة للي ورا وقدام لن فية ناس قالو مساعد شاص وناس قالو جبريل وناس قالو مرسدس وانا الصراحة ضاعتبي الطاسة واحترت
الي جرب يكرب ياي يعلمني انطباعة عن الياي لتحميل وكذالك الي غير المسعدات
جور الايام
28/05/2013, 08:58 PM
اوووف المشهدات 45 ولااحد رد :(
ابوسند9
28/05/2013, 10:57 PM
وعليكم السلام
لا تضيع الطاسه ولا شي
على مسئوليتي ركب ياي استرالي مقاس وسط وانا اشوفه كويس با النسبه لحمولتك
واذا تبي السياره ترتفع بزياده ركب المقاس الاكبر
وبا النسبه للمساعدات ما فيه افضل من شد بلد وانت الحين ركب الاياي وجرب وبعدين المساعدات
لكن لما تركب ياي استرالي راح يكون قاسي شي بيسط جدا ولما تضيف مساعدات شاص راح يكون قاسي الموتر وهنا راح تفقد الراحه لذا خليك على الاياي افضل
جور الايام
29/05/2013, 03:34 AM
مشكور ياغالي على هالرد والنصيحة
طيب وين احصلها لني مريت الرماية قال مافية شي لشاص النيسان هل هي عند محل معين وكم سعرها مع التركيب
abo naser 1
29/05/2013, 07:42 PM
مشكور ياغالي على هالرد والنصيحة
طيب وين احصلها لني مريت الرماية قال مافية شي لشاص النيسان هل هي عند محل معين وكم سعرها مع التركيب


السلام عليكم

ماسبق جربت الياي على شاص لأكن اذا الحمولة ثابتة 500 كيلو هذا نص طن خذا المقاس الكبير أخبر اكبر مقاس للياي مصمم للتحمل 400 كيلو عن الوكالة فا انسبلك أكبر مقاس ولا هو صاير قاسي دام عليه الحمولة
مجالس الرجال
29/05/2013, 11:58 PM
من تجربة البالونات افضل لانه لو نزلت الحمولة وفضيت التانكي بيطلع قاسي الموتر
وانا جربت الاسترالي على اف جي والبالونات ركبتهن على برادو وكان معي ١٧٥ لتر ماء داخل الموتر
وحطب حق ثلاث ايام غير الثلاجة والعزب
ولا نزلت الحمولة نسمت هواء البالونات
وركبت بالونات على باترول ٢٠٠٨ عند الرومي بالضاحي ببريدة شغل نظيف وب ١٢٠٠
حفيد بن صعصعة
31/05/2013, 12:35 PM
يايات الشاص هي نفس الصالون ٢٠٠٩ وتحت وأنا مركب ٥ سم واحمل ٩٠٠ كم يصير نازل ع خفيف واذا تبي صور للحمولة :٠٥٣٦٠٠٤٨٠٠ ع الواتساب
مليار
01/06/2013, 09:21 PM
بس انا سمعت ان الياي الاسترالي الوسط يسوي عره في العمود وصوت ورجه هل احد جربه ويفيدنا
اما بالنسبه للمساعدات افضل مساعد الاسترالي بس عيبه غالي شوي
الجبرايل ما انصحك فيها نهائيا اما مساعدات الشاص تيوتا بطله بس فيها عيب يطلع صوت طقه مع البطناج والمطاب القصيره بس تمسك الموتر
waleedalfaleh
12/08/2013, 04:39 PM
ركب ياي استرالي وتنتهي المشكله انا مركب تانكي 150 لتر وشنطه ولا احلى منه اللهم لك الحمد
Mo_m3gooL
13/08/2013, 09:18 AM
موجود ياي استرالي اكبر حجم ٧ سم الي الي يبيه يراسلني خاص
استخدام بسيط للبيع

تحياتي لكم
بدر سليمان
13/08/2013, 09:39 AM
السلام عليكم

جربت المقاس المقاس الوسط ولكن على باترول قديم مهوب الموديل الجديد وكان جدا ممتاز ولكنه كان سست فما أدري عن الجديد.. بس ودي اقولك شي ماله دخل بالموضوع... إحرص تركب تانكي ماء كبير لأني فقدته عقب ماغيرت سيارتي :)

الله يطعمك من خيره ويكفيك شره