المساعد الشخصي الرقمي

مشاهدة النسخة كاملة : ويش الذي .............................. حله ( ابو صالح الخلاوي ) .. الحل ( الإنتظار )


روح المعاني
29/05/2013, 07:18 AM
أعضاء مكشات الكرام
السلام عليكم ورحمة الله وبركاته


عندي اليوم لغز مره سهل وحلو
وحبيت أشاركم فيه ....
وهو من تأليف الشاعر " عواض ناجي الجابري "


اللغز يقول ....
ويش الذي كلن يذمه من الناس=ولا احدن تحمل جيته لابتلابه
والموت لامنه حــظر بامر حســـاس=واللي تسبـــب فيه يلقــى طلابه
عمره يجي ساعه ودقايق يابو دباس=عمره أكيد وانشد اللي انكوابه
يالله أخليكم مع حلول اللغز .......
صقر السديرات
29/05/2013, 07:50 AM
صح لسانك ولسانه
وبيض الله وجهك
يمكن الصدمة او المصيبة
دمت بخير
ابو ماجد 2
29/05/2013, 08:03 AM
صح لسانك ولسان الشاعر
لعله الشهاق
او الشد العضلي او مايسمى الخصاص
أبو صالح الخلاوي
29/05/2013, 09:32 AM
صح لسانك ياروح المعاني

وصح لسان الشاعر عواض ناجي

مايكون ( الانتظار وخلف الوعد ) ؟؟
ناصر العلي
29/05/2013, 09:39 AM
وعليكم السلام ورحمة الله وبركاته
سلمت ياروح المعاني
وصح لسانك ولسان الشاعر الجابري
إن ماصادوه الربع
نقول
الإمتحان
ماأحد يمدح الإختبارات كلن يذمها
واللي تسبب فيه يقابل الطلاب إذا عندهم إستفسارات
روح المعاني
29/05/2013, 09:58 AM
صح لسانك ياروح المعاني



وصح لسان الشاعر عواض ناجي



مايكون ( الانتظار وخلف الوعد ) ؟؟


بيض الله وجهك يابو صالح ...
الانتظار ......
كفووووووو والله...
الله يحفظك

وبيض الله وجه كل من مر في هاللغز
والله يحفظكم جميع

في أمان الله
ابو ماجد 2
29/05/2013, 12:24 PM
صح لسانك انت والشاعر
وصح لسان ابو صالح
كنت جاي فاتن وكنت سأكتب ليش تحدد الوقت
ولكن عرفت اني غلطان فقد قال دقائق والدقائق قد تكون خمس وقد تكون الف
صحيح قد يكون اقل من ساعه لكن حنا يالعرب الساعه عندنا ماهي شي
بيض الله وجيهكم
روح المعاني
29/05/2013, 12:59 PM
بيض الله وجهك ابو ماجد ..
وما قصرت والله يحفظك
والربح والفوز بمعرفة هالوجيه الطيبه