الصناعية ماهنا دبره وش السوات اصيل وباقي الاخوان

[كامري ابيض]

السلام عليكم ورحمة الله وبركاته

وحيالله الاخوان جميعا
ضيف جديد ويسرني ان اكون من ضمن الاخوة المكشاتيه

بسرد لكم السالفه من طقطق الى سلام عليكو

عند سيارتي الكامري موديل 2011 توماتيك
من بعد المطر اللي جانا بدات تقطع عند سرعه 90 ولما اجي اهدي وتوصل 50 يبدا امبير الضغط ينزل ويرقىمن اثنين الى نص ويطلع شوي وينزل
رحت غيرت بواجي وصفاي بنزين ولا زالت المشكله .

وايضا والاهم الدركسون بدأ يثقل عند اللف يمين ويسار يثقل وبعدين يخف رحت الوكاله وطلعوها قالو ما لقينا سبب ولافية تهريب ولا اصوات شي عجيب الصراحه



احترت وش اسوي وش تنصحوني فيه
تكفووون فزعتكم لخوكم الله لايهينكم

[كامري ابيض]

اشدعوا من اولها مشاهدات 12
ولا رد جبران خاطر

[SGL]

هههههههههه وش فيك مستعجل يجونك إن شاء الله ومايقصرون معك وحياك الله ويامرحبا فيك أبيك تشيك على فلتر الهوا وعلى نفس القربه الي راكب فيها والخرطوش الي راكب في القربه ورايح للمكينة شوف لايكون فيه تنسيم أو قفايزه يبيلها شد راخيه وممكن يكون الحساس الي راكب في القربه عند فلتر الهوا يبيله تنظيف بس بعد ماتشيك وقبل تفك حساس الهوا أبيك تفصل إصباع السالب خله نص ساعة وبعدها ركبه وسمي وشغل شوف في تحسن

[كامري ابيض]

سأعمل بالطريقة لكن الحساس اخاف المسة يخرب
وشكراااااااا لك

وننتظر المزيد من الاخوة

[SGL]

أنتبه لاتلمسه بيدك ويوم تفصل سلكه وتطلعه من القربه لازم يكون إصباع السالب مفصول وتبخ على الحساس ببخاخ إكتورنيات فقط وبشويش كمان وتخله ينشف وتركبه لاتنفخه هواء أنتبه بس تبخه بخاخ فقط

[ls1.5700]

مثل ماقال لك اخوي اس جي ال
كفى ووفى بيض الله وجهه

[حجازي20]

انت اول شي وين موقعك عشان يدلونك على ورشة زينة

ثانيا انا مرت على مشكلتك عن طريق صاحب ولد عمي وراح لواحد ببريدة رجال سعودي عنده ورشة والمشكلة ان الموتر فيه ماء داخل من القربة اللي حقت فلتر الهوا الله اعلم ان الماء داخل (الثرتول ) <<< ماني متاكد من الاسم بس ان الرجال اللي صارته السالفة لقى فيه ماء وهو سبب التقطيع

[كامري ابيض]

ماقصرتوا ياخوان

مكاني بالرياض بس مو مشكله نروح ريده
ايش اسم الورشة ومكاننها

وايضا لا تنسون الدركسيون مهم ومزعجني

[شنطة عده]

الدركسون جرب
تفضي الزيت حقه بالكامل وعبية مره ثانية احتمال فيه ماء في زيت الدركسون

[كامري ابيض]

الله يجزاك خير اخوي

الخراب له شهر بالدركسيون بفضي العلبة
بس مايكون الماء مشى بالليات والدوده


شكرا لك

[SGL]

أخوي متى يثقل الدركسون يثقل يوم أبير الضغط ينزل وتضعف السيارة ولا يوم تكون طبيعيه شغاله وماشيه تمام

[كامري ابيض]

الثقل على طول وانا ماشي وايضا واقف

ويكون الثقل صعب مع اللفات ويمين اكثر ما تلف بيد واحده

وشكرا لك

[SGL]

ممكن يكون من العلبه أنت غير زيتها مثل ماقالك أخونا شنطة عدة وشوف البكرات والسير ممكن يكون راخي أو أحد البكرات فيها ثقل وذا وقفت أمسك الطارة ودعس بنزين أذا شفت الطارة تخف وتحترك شي بسيط هذا من العلبه أو يكون البلف الي يركب بنفس العلبه تعبان بس ماأعرف وين مكانه في موترك أنا يوم أقول العلبه ليس قصدي العلبه البلاستيك الي تعبي فيها زيت قصدي الي تابعه لها ويجي فيها بكرة يركب فيها السير بس أغلب الناس ينطقون عليها علبه أنا عارف إن موترك يختلف العلبه تركب في الرفرف على ماأعتقد علشان كذا قلتلك هاالكلام علشان ماتفتكر الخلل منها وبخصوص التقطيعه شيك كمان على الكويلات

[hassan-55]

مثل ماتفضلو الاخوان
نظف الحساس بهذا البخاخ حق الاكترونيات رقم90 سعرهـ 15 ريال
قبل التنظيف افصل السلك السالب
ترا سهله انت سوها بنفسك
http://store2.up-00.com/Apr13/eEo10456.jpg

وماهنا مشكله لو تنظف الثروتل ببخاخ الخاص بتنظيف الثروتل مثل هذا او اي بخاخ خاص بالتنظيف
انا استخدم ايسيدلكو

http://store2.up-00.com/Apr13/JCs26408.png
موتري قبل فترهـ كان فيه تفتفه نظفت الثروتل والحساس الحمد لله الان خفت التفتفه بنسبه كبيرهـ


الله ييسر امرنا وامرك وامر كل مسلم..

[كامري ابيض]

جاري العمل على اصلاحه

[كامري ابيض]

ممكن يكون من العلبه أنت غير زيتها مثل ماقالك أخونا شنطة عدة وشوف البكرات والسير ممكن يكون راخي أو أحد البكرات فيها ثقل وذا وقفت أمسك الطارة ودعس بنزين أذا شفت الطارة تخف وتحترك شي بسيط هذا من العلبه أو يكون البلف الي يركب بنفس العلبه تعبان بس ماأعرف وين مكانه في موترك أنا يوم أقول العلبه ليس قصدي العلبه البلاستيك الي تعبي فيها زيت قصدي الي تابعه لها ويجي فيها بكرة يركب فيها السير بس أغلب الناس ينطقون عليها علبه أنا عارف إن موترك يختلف العلبه تركب في الرفرف على ماأعتقد علشان كذا قلتلك هاالكلام علشان ماتفتكر الخلل منها وبخصوص التقطيعه شيك كمان على الكويلات


لاحظت يوم ادعس تخف شي بسيط جدا فقط

[GMC89]

بالنسبه للدركسةن رح لاي بنشر عنده مكينه شفط وخله يشفط العلبه والموتر يشتغل عشن يشفط كل الزيت ولا شفت العلبه فضت عبها زيت اي سي ديلكو وخل معك الزيت لانك انت تبي تفللها وبعدين امش عللى الموتر يعني مشاوير يوم كامل بعدين افتح العلبه تبي تلقاها ناقصه زدها طبعا والموتر يشتغل

والتفتفه و نزول ضغط الانبير شف ان كان عندك لمبه والعه فالطبلون فا اكيد واحد من الحساسات خربان وان كان ما فيه فا مثل ما قالوا الاخوان فك قربه الهوا والحساس الى الثروتل ونظفه وركبها زين وشد على القفيز وامسك بالموتر خط طويل شوي وخلك داعس عليه ( اسرع ) لان يمكن يكون فيه ماء فا يتبخر مع المشي انت اول شي نظف ليات الهوا والقربه و الحساس الى الثروتل ولا تفك الثروتل امسك خط ان ما نفع فكه ..... اتمنى اني افدتك

[كامري ابيض]

بالنسبه للدركسةن رح لاي بنشر عنده مكينه شفط وخله يشفط العلبه والموتر يشتغل عشن يشفط كل الزيت ولا شفت العلبه فضت عبها زيت اي سي ديلكو وخل معك الزيت لانك انت تبي تفللها وبعدين امش عللى الموتر يعني مشاوير يوم كامل بعدين افتح العلبه تبي تلقاها ناقصه زدها طبعا والموتر يشتغل

والتفتفه و نزول ضغط الانبير شف ان كان عندك لمبه والعه فالطبلون فا اكيد واحد من الحساسات خربان وان كان ما فيه فا مثل ما قالوا الاخوان فك قربه الهوا والحساس الى الثروتل ونظفه وركبها زين وشد على القفيز وامسك بالموتر خط طويل شوي وخلك داعس عليه ( اسرع ) لان يمكن يكون فيه ماء فا يتبخر مع المشي انت اول شي نظف ليات الهوا والقربه و الحساس الى الثروتل ولا تفك الثروتل امسك خط ان ما نفع فكه ..... اتمنى اني افدتك

شكرا لردك

اللمبات الحمد الله مافي لمبة والعه ولكن بنظف الحساس
وراح افضي العلبه

شكرا لك

[SGL]

أسمع أخوي أعطيك أيها من الأخر إذا زيت الدركسون شفته داخل العلبه مازال بلونه الذهبي لاتغيره خله مافيه شي وذا نويت تغيره لاتحط غير أصلي حق بلد لاكن أبو جميل راح يقولك إن زيت القير الأتوماتيك هو زيت الدركسون لاكن في الأساس في زيت تيوتا لدركسون لاكن مايجيبه بس أنت روحله ممكن الرجال حس إن عليه طلب وجابه أو تاخذ زيت دركسون هوندا العلبه سعرها65ريال أتوقع أو زيت جي أم الأمريكي وشيك على السير لايكون متقطع والكفرات لها دور إذا تعبانه نفس الحركه صارت مع واحد وطلع من الكفر تعبان وناقص هواه ومثل ماقلتلك إذا الزيت في العلبه مازال بلونه الذهبي مايحتاج تغيره إلا إذا شفته صار لونه مائل للأسود غيره

[كامري ابيض]

انا بالصناعية القديمة الان عند اليرموك
قالي الدركسون فية صوت بالدودة من داخل
وما يتغيير الا كامل قالو ممكن صوت العمود الطويل داخل الدودة

ويقولي خله اذا بدا يهرب زيت رح غيرة

وش رايكم.

من يعرف احد بالهيدروليك واذا امكن الرقم.

[hassan-55]

^^
الهيدروليك عندك مركز الطائر نهاية شارع الاربعين بعد التقاطع على اليسار شارع ضيق امامه برحه
اسأل عن ابو سليم ان شاء الله يفيدك وانا جربت ثلاث مواتر عندهم
يبيلك روحه الصبح بدري الحين زحمه
او رح الحين استشيرهم وواعدهم يوم ثاني
نصيحه وعن تجربه لا تروح فرعهم الثاني سيء جداً جداً

الله ييسر امرنا وامرك وامر كل مسلم..

[سفاح القماري]

اخي العزيز

الله العالم انه من حساس تنظيم الهواء والحساس حق الكويلات اللي يعطي الكهرب للبواجي شيك عليهم كويس وافحص اسلاك

البواجي وفلتر الهواء

[كامري ابيض]

الله يجزاكم خير ووالديكم
امين

[SGL]

كلام فاضي العمود لو خربان يجي فضاوه في الدركسون وتهريب على كيف كيفك ولا كمان مايضرب العمود إلا إذا ضربت الصوفه وأهملتها أو تنقطع الربله الي شكلها مثل الياي تحافظ على العمود من الغبار إذا هذي الربله مقطوعه من زمان ومطنشها أعرف إن العمود تأثر أخوي لا تتسرع ممكن يكون في هوا داخل في العلبه أو كنت تحط زيت من الخايس لاكن أبنشدك الدوده الي قلك عليها خربانه فيها أفياش كهرب راكبه فيها

[كامري ابيض]

اسف على التاخير بالرد

بالنسبة اذا كا ن هواء داخل كيف طريقة اصلاحه

وعن الافياش والله ماعرف شي بالدودة

ولكنرحت عند محل هيدروليك الامان وقالي ان الخراب من طرمبة الدركسيون
قيمتة 2500 ويقول عندي مجدد وش رايكم

قلتلة على الضمان ماروح اركب طرمبة وبعدين يطلع مو منها ققالي اغلب الظن م الطرمبة
وش الراي


وشكرا لكم

[عنزي من نجد]

لا يلعب عليك ترا اشتغلت عندهم كان فيه صوت ونه بعلبة الدركسون والطارة ثقيله شوي وصلحوها الطارة صارت خفيفه بس الصوت بقى حاجة بسيطة وقال لي مع الوقت تروح وكنت مستعجل وقتها وإلا عارف انه يلعب علي وعطاني ضمان بس مارجعت له وإلا الحين والصوت موجود والزيت لا تغيره انا سبب المشكلة عندي لأني حطيت الزيت الأحمر لان الزيت عندي صار اسود وقلت خل أغيره وليتني ما غيرته ومستحيل يدخل مويه على الزيت إلا اذاالليات تهرب عندك وحاول تتذكر إذا انت ضارب بمويه أيام المطر وانت مسرع ترا يكون الارتطام قوي رح لميزان وافحص العكوس ورماناتها ونظام التعليق كامل يمكن يكون عندك مشكله أما الطرمبه لا تخليه يلعب فيها ويأخذ الأصلية ويعطيك مجدده شغل مش حالك وهو لو متأكد عطاك ضمان أنها هي بس على كلامك يقول اغلب الظن لانه مخطط على الطرمبه الأصلية ممكن واحد من زبائنه موصيه على وحده أو ان سعرها غالي ويبي يستفيد وأنا اضمن لك أذا سعرت قيمتها بتلاقيها غاليه علشان تتأكد من كلامي

[كامري ابيض]

ماقصرت اخوي

بس ياخوان ايهما افضل

ورشة الامان للهيدروليك

او ورشه الطائر

من الاحسن فيهم

وشكرا لك

[ماء نوفا]

اخوي الغالي افحص كمبيوتر وريح راسك

[كامري ابيض]

الكمبيوتر يوضح خلل الدركسون او الهيدروليك

وضح كلامك


وشكرا لكم

[SGL]

شوف أخوي غير الزيت بس حط زيت أصلي بس طريقته على مراحل تغيره اليوم تشفط الي باالعلبه وتحط زيت جديد وتمشي فيها يوم وبعدين تشفطه وتحط غيره وتسويها اربع مرات أو ثلاث علشان الزيت القديم الي بدوده كله يطلع ويصير مكانه الزيت الجديد وشوف تختلف معك

[ماء نوفا]

الكمبيوتر يوضح لك التقطيع الي بضغط المكينه والدركسون متعلق معه يعني لاجت السياره تبي تطفي عند نزول الضغط طبيعي بيثقل معه الدركسون

[كامري ابيض]

شكر لكم ووو