هل فكرت انك تعزل في يوم من الايام

[جلاد الحباري]

من منا من لم يراوده فكرة ترك الطير والمقناص وخصوصا بعد مرور سنين طويله على اقتناء هذه الهوايه الجميله لعل الكل قد اخذت هذه الفكره تحوم كثيرا ولكن ثمة شئ يجعلك تتراجع وخصوصا عندما يذكرون نجم سهيل ونقلة الطير فنحن لازلنا نصارع الظروف التي تلازمنا ومشكلة العمل فانا شخصيا لا استطيع ان ادعي الطير العصر بسبب الدوام الله يعين الاجاويد ربعي دائما متكفلين في دعو الطير حتى نهاية الاسبوع ووقت الاجازه السنويه وهذا يسبب لي احراج بالرغم من كل واحد منهم يطق الصدر والله كفو للجميع ولكن هناك استحياء مني شخصيا ولا اريد ان اكلف على احد هم طير غالي يضيع او يصير مكروه لا سمح الله وفي المقابل انا اقول للاخوان تراه فدوه لكم وكلكم صقاقير :good2: وهذه النقطه اكيد تمر على احد منكم او مرت على الاغلبيه وكانت هناك فكره جميله وخصوصا في الصفري ان ادعي الطير الفجر قبل الدوام وأعطيه نسور وأكفل المربط يعشونه ولكن لا مفر من الربع طيبهم ماله حد ياخذونه العصر ويدعونه يعني صار يدعى الفجر والعصر بدون ملاعب ويعشى بعد ذلك وعلى هالحال لين يبرد الوقت وياخذ الطير لياقته عموما كل هذا وأن كان لديك مثل هؤلاء الا انك تحس بأن ظروفك تلامس وضعك في المقناص والله يعينا مالنا قدره على ترك الطير

[مودع الخلان]

وجهة نظري
الي يعزل الصقارة ماتوفقبها مات طيره لوقدر الله ولا جته ظروف تمنعه من نقلت الطير مثلا ظروف صحيه وبعيد عن الجميع الشر او سفر او زواج

اما الي يعزل الصقارة من دون أي سبب بالاصل مااهتوى للهواية

اشكرك جزيل الشكر اخوي جلاد الحباري

[ساف جزائري]

السلام عليكم
والله ياخي موضوعك جميل
انا جزائري كنت اقنص الصقر لمدة طويلة وكنت من محبي هواية القنص لاكن للاسف احنا في الجزائر
ممنوع علينا القنص والمتاجرة بالصقور
لهاده الاسباب اعتزلنا الصقر
:good2:

[أبو فااارس]

الله يكون بالعون هاذي هوايه شريفه ويجب على المسؤولين الالتفات لها والنظر لاحتياجات اصحاب هذه الهوايه مثل ماعمل الاخوان بقطر والكويت والامارات كذلك وتسهيل دخول الطيور وخروجها

[عبدالرحمن بن ذياب]

ضقتي علينا يا فجوج الصحاري ...
من قنص أول عاف مقناص هالوقت لانه عاش أيام خير و صيد و بركه و بساطة و الأمور متيسره
ولكن على قولة الحويفي
و الله لولا غايتي منقل الطير .... منقل على كفي خفوق الجناحي
لا هنت يا جلاد

[جلاد الحباري]

وجهة نظري
الي يعزل الصقارة ماتوفقبها مات طيره لوقدر الله ولا جته ظروف تمنعه من نقلت الطير مثلا ظروف صحيه وبعيد عن الجميع الشر او سفر او زواج

اما الي يعزل الصقارة من دون أي سبب بالاصل مااهتوى للهواية

اشكرك جزيل الشكر اخوي جلاد الحباري

مايعزل الا اللي سمح منها والا الجديد ما شاف شي من الصيد ولا خذا مشاوير بعيده وتعب على المقناص صح والا حنا طفشنا لا عاد به صيد ومشاكل الناس واجد ماعاد فيه احد يطبق السلوم الا قليل وفوق هذا كله الظروف الخاصه تجبرك احيانا على التوقف ولكن سرعان ماتزال هذه الظروف وتعود مره اخرى

[جلاد الحباري]

السلام عليكم
والله ياخي موضوعك جميل
انا جزائري كنت اقنص الصقر لمدة طويلة وكنت من محبي هواية القنص لاكن للاسف احنا في الجزائر
ممنوع علينا القنص والمتاجرة بالصقور
لهاده الاسباب اعتزلنا الصقر
:good2:

ليتني عندكم والله من الحبارى القويه

[جلاد الحباري]

الله يكون بالعون هاذي هوايه شريفه ويجب على المسؤولين الالتفات لها والنظر لاحتياجات اصحاب هذه الهوايه مثل ماعمل الاخوان بقطر والكويت والامارات كذلك وتسهيل دخول الطيور وخروجها


ارحب يابو فارس ليت زمان مضى يعود يوم الامور سهالات نطلع بطيورنا وندخل المراكز ولا فيه مشكله اما الحين فوق المشاكل كلها وقل الصيد ما فيه غير عود مع جرتك انت وطيرك والا خذلك غرامه تطحن وجهك ويصادر طيرك والا انت مفلس من هذي ومن هذيه لاهنت يابو فارس

[راعي اللزقز]

مايعزل الا اللي سمح منها والا الجديد ما شاف شي من الصيد ولا خذا مشاوير بعيده وتعب على المقناص صح والا حنا طفشنا لا عاد به صيد ومشاكل الناس واجد ماعاد فيه احد يطبق السلوم الا قليل وفوق هذا كله الظروف الخاصه تجبرك احيانا على التوقف ولكن سرعان ماتزال هذه الظروف وتعود مره اخرى
في الوقت الحالي لاشفتلي طيرن زين قمت في خاطري اتهقوا واقول اخذه والا ماخذه
ولاتذكرت كيف كنا قبل والحين قلت جعله يتبارك والله ماهوب لاقي غير ملواحه

صقار معتزل سمحنا ياخوي ماعاد لها طراة والله ماغير نطلع وننقل الطير لي 3 سنين عشان اللمه والجمعه الحلوه فقط

الحين كمواطن سعودي كل السبل مقفله امامك كنا اهل الولع لاكن مابه دعم
المواطن ضاقت به جميع الوسائل لدرجة انه يبحث عن المعيشه وليس الرفاهيه
نحمد الله ع كل حال الحين لابغينا ردة الروح دخلنا المقيض وتفرجنا

[ذراع الذيب]

السلام عليكم ورحمة الله وبركاته


هلاااا والله وغلاااا


بأخوي جلاد الحباري


قل الصيد وكثرت القنوص هي اللي تشجعنا على ترك هذي الهوايه ومن تركها عزالله بيرتاح


ومحاكيك صايرن شايب معاد يحب غير سوالف الاولين وشوف صورهم ونقل قصصهم للي مثلك وشرواك وشروى من يقرى


والاعتزال له حروه واحس اني وصلت حروته

[قلب ذيب]

مرحبا .
انا مارست القمناص ونقلة الطير أكثر من 30 سنه وممكن أحيل نفسي على التقاعد من المقناص واعتزل نقلة الطير بس بشرط , اتزوج رعبوب صغير يعوفني المقناص , واتنقل معه في المصايف العالميه , ومكشات الربيع
فقط . . . أكيد بتنسيني المقناص , اما اعتزل المقناص كذا واقعد اتلفت ههههههه ؟!!
مشكور . . اعتزال الطير والمقناص صعبه على الصقار خاصه انها موروث شعبي ثقافي ومن عادات اهلنا الاولين ولازمنسلمها للأجيال القادمه .

[سنجااار]

كل سنه بعزل الطيور ولاعزلت

[ابو وافي00]

السلام عليكم ورحمة الله وبركاته
حياكم الله كلن باسمه
اي ٣ سنوات كل سنه اشري طير واخر الوقت ابيعه واقول عزلت
واذا بداء الموسم اروح واخذلي طير جديد
وبعد المقناص ابيعه
وهذي ثلاث سنين علئ هذا الحال
الظاهر مافيه فكه
الله يعين
كود نعرس وننسئ الطير والمقناص كم سنه بس
هههههههههههههه


تحياتي :
أبو وافي..

[عابر الموج]

قالو الابل وناسه شرينا ابل ولافاد وبعناها قالو غنم بالمثل قالو سفريات وجولات للخارج وتجولنا وعجزنا ننسى حب الطير ثلاثين مع نقلة الطير صعب تركت الطير الا ماشاءالله تقبل تحياتي

[صقار قديم]

مرحبا .
انا مارست القمناص ونقلة الطير أكثر من 30 سنه وممكن أحيل نفسي على التقاعد من المقناص واعتزل نقلة الطير بس بشرط , اتزوج رعبوب صغير يعوفني المقناص , واتنقل معه في المصايف العالميه , ومكشات الربيع
فقط . . . أكيد بتنسيني المقناص , اما اعتزل المقناص كذا واقعد اتلفت ههههههه ؟!!
مشكور . . اعتزال الطير والمقناص صعبه على الصقار خاصه انها موروث شعبي ثقافي ومن عادات اهلنا الاولين ولازمنسلمها للأجيال القادمه .


كلامك مشجع جداً هههههه .... لكن شكلك " مبيّت النيّه " ههههه

صحيح الصيد بالصقور موروث شعبي و رياضه تراثية نبيلة ، تعتبر آخر مابقي لنا من الماضي العريق.
في رحلات الصيد متعه ليس من السهل التخلي عنها ، و في هدوء الليل سكينه و أشجان و ذكريات تحتبس في قلوبنا و تغرد بها السنة الشعراء .

انا " شويعر " وقد قلت ..

ياطير قلبي شربكنه صوايدك *** وأنته تخفج ولك خفوقي تتله
وكلٍ سألني فالقنص وش فوايدك *** اتعبت نفسك من محل المحله
والي عذلني مادرى عن مجايدك *** ولا سامر نجومٍ وضوٍ ودله
ماذاق معنى راحة البال كايدك *** يقضي حياته عبد مالٍ يذله
و انا سحرني واديٍ به طرايدك *** مثل الكنوز بمجفراتٍ مطله
وش لذة الدنيا بليا عوايدك *** وبلا خويٍ هم نفسك يشله
هذا على المسراح يصبح محايدك *** وهذا منافس يضحك الوقت كله
واليوم ظني قربت لي وعايدك *** وتشتاق مثلي و الخلا ماتمله

و العذر و السموحة من القراء و الشعراء ...

مع التحية و التقدير

[سلطان 1]

كلامك مشجع جداً هههههه .... لكن شكلك " مبيّت النيّه " ههههه

صحيح الصيد بالصقور موروث شعبي و رياضه تراثية نبيلة ، تعتبر آخر مابقي لنا من الماضي العريق.
في رحلات الصيد متعه ليس من السهل التخلي عنها ، و في هدوء الليل سكينه و أشجان و ذكريات تحتبس في قلوبنا و تغرد بها السنة الشعراء .

انا " شويعر " وقد قلت ..

ياطير قلبي شربكنه صوايدك *** وأنته تخفج ولك خفوقي تتله
وكلٍ سألني فالقنص وش فوايدك *** اتعبت نفسك من محل المحله
والي عذلني مادرى عن مجايدك *** ولا سامر نجومٍ وضوٍ ودله
ماذاق معنى راحة البال كايدك *** يقضي حياته عبد مالٍ يذله
و انا سحرني واديٍ به طرايدك *** مثل الكنوز بمجفراتٍ مطله
وش لذة الدنيا بليا عوايدك *** وبلا خويٍ هم نفسك يشله
هذا على المسراح يصبح محايدك *** وهذا منافس يضحك الوقت كله
واليوم ظني قربت لي وعايدك *** وتشتاق مثلي و الخلا ماتمله

و العذر و السموحة من القراء و الشعراء ...

مع التحية و التقدير

اخوي صقار قديم

انا من المتابعين لردودك في خيمه الصقور علي ان مشااااركاتك
قليله لكن
اقول
انك من الصقااااقير المتمكنين واللي لهم بااااع طويل في عالم
الصقاره.
والله انك مكسب لمنتدئ مكشاااات من غير قصور بباقي الاعضاء.

ويكفي ابياااااتك هذي دليل واضح علي ماذكرته.

[خالد العطااوي]

الطير ماضنتي احد يعزل عنه < غير واحد ماعاد وراه شيء <
ولا فقد طير غالي غالي غالي غالي بالحيل <
وبس ,, وسلامتكم ,,

[صقار قديم]

اخوي صقار قديم

انا من المتابعين لردودك في خيمه الصقور علي ان مشااااركاتك
قليله لكن
اقول
انك من الصقااااقير المتمكنين واللي لهم بااااع طويل في عالم
الصقاره.
والله انك مكسب لمنتدئ مكشاااات من غير قصور بباقي الاعضاء.

ويكفي ابياااااتك هذي دليل واضح علي ماذكرته.


أخي العزيز سلطان 1

أسعدني ردك كثيراً ، ومتابعتك لمشاركاتي شرف كبير لي .

مع التحية و التقدير

[حصريا001]

اعتقد الواحد يفكر الف الف مرة قبل لا يتخذ مثل هذا
القرار الصعب
الا اذا كانت صقارتة عبارة عن تضيع وقت فراغ


اما من منعتة ضروفة القاهرة من هذي الهواية فهذا نتلمس له العذر


وفي النهاية كل واحد له ضروفة الخاصة

[جلاد الحباري]

اشكر الجميع على التفاعل وكلن ادلى بدلوه وماقصر

[سطام ابو سعود]

خلها على لله ولله كل سنه نقول ماعاد ننقل الطير بس عجزنا ماعاد فيه صيد والامور تصعبت لله يعين

[عوق الخريش]

بسم الله الرحمن الرحيم ,,
السلام عليكم ورحمة الله وبركاته :
حياك الله اخوي : جلاد الحباري
موضوع يستحق المشاركه فيه
يعطيك العافيه علي هذا الموضوع طال عمرك والفكره تتواجد في كل يوم وانا بالمقناص ؟,,
السبب قله الصيد وكثرة الدواجه سواء صقار او عساس يبيع الحباري والايام او السنين الماضيه اذا طرت لك ,,
وتذكرتها اقول اخره سنه هذي نقنص خلاص بعدين الوضع الحالي غير الوضع الماضي من جميع النواحي ,,
ولكن الي مشتري له طير مثلاّ بـ 30 او 40 او 60 الف ومشتري سياره جديده وماخذ اجازه ومصاريف ووو الي اخ ولاحصل شي اكيد انه بيفكربالموضوع ,,
والامور كثيره وانا خوك ولكن المستفيد الاول والاخير بهذه الهوايه اصحاب المرابط هههه والصيد قل ومامن صيد ونقزر المقناص وناسه وشبه ,,
لاتحرمنا من مواضيعك المميزه ,,,

*


تحياتي لكـ ...وشكراّ


*


أخوكـ


*


( عــــوق الخـريـــش )

[جلاد الحباري]

عوق الخريش

الله يعطيك العافيه ومرورك مميز دائما