مشكلة في كفرات اليوكن

[أبوعزو]

السلام عليكم ورحمة الله وبركاته
عندي كفرات قدام تتقطع وتتنتف
مع اني مغيرها قبل خمس شهور الاربعة مشلان
تاريخ جديد والحرارة A
وزنها الميزان كمبيوتر والوزن سليم كل شي مقصات واذرعة ما فيها شي
كمان قبل كذا كانت الكفرات دنلوب ونفس المشكلة

[ابو فهد...]

كم تاريخها يمكن تاريخها قديم

[SGL]

ممكن تلف الطاره كثير والموتر واقف أو يكون هوا الكفرات ناقص أو زايد عن الحد المطلوب بس ناقص تتلف الكفرات بشكل أسرع أو أنك مشيت على خط توه مسفلت ماله ثواني أو ماشي على منطقه منكوب فيها زيت أو أي ماده بتروليه

[فتك08]

و الله يالغالي هالأيام يحذرون و بكثرة من الكفرات المعاد تجديدها...كيف؟؟

الكفر قديم بشكلة لكن يعيدون تلبيسه دعسة أخرى من جديد...

أنا ماشفتها لكن كلام ثقات...و واحد من الربع أكد لي إن التلبيس من سنين

معروف للشاحنات و المعدات الثقيلة و بدأوا الان بزيادة للسيارات الصغيرة...

[دحيم الفزعة]

عن تجربتي المشلان ما عمر معي يمدحونه الناس ومعي ما كمل ٩ شهور. صار الصيني يكمل السنه وأغيرهن لقافه وهن فيهن أكثر من نص عمر

[bhhk]

شاكر لكم اخواني على الردود
ومثل ما قلت لكم التاريخ جديد 2012 و43 اسبوع ومرت علي المشكلة في نوعين المشلان والدنلوب
ومن ناحية الممشى والشاوير نفس الشي ما تغيرت وكان معي لاندكروزر وعليه الدنلوب سنة وشوي الحمدلله ماصار مثل هذا الشي
في الأول شكيت من سبب وهو أن سيارتي فيها ارتفاع 2سنتيمتر عن سيارة واحد من الاخوان مطلعها وكالة
رحت على الميزان ويقول ما يسوي الارتفاع زي كذا لكن يكون المسح فيه زي الدرج طلبت منه ينزله ويقول لازم تسخين يايات ممكن ما يزبط

[ابوراكان تبوك]

نصيحة لاتسخن اليايات

تأكد من جلد المقصات

[bhhk]

مشكور أبو راكان
يعني هل لجلد المقصات تأثير في ارتفاع السيارة أم في مشكلة الكفرات
هل هناك طريقة لتنزيل اليوكن طبعا من الأمام

[bosalih]

اخي الفاضل سبق وان ركبت كفرات مشلان من عند محلات الطيار وبعد ستة اشهر طلع فيها انتفاخ بالجنب (صعرور) واشك ان هذه المحلات وغيرها تستورد من دبي نوعيه رديئة

[ابوراكان تبوك]

مشكور أبو راكان
يعني هل لجلد المقصات تأثير في ارتفاع السيارة أم في مشكلة الكفرات
هل هناك طريقة لتنزيل اليوكن طبعا من الأمام
نسيت اذكر لك شيء مهم وهو وزن المقصات
جلد المقصات اذا راحت تعدم الكفر من داخل او من الخاج حتى لو كانت في الميزان 100% لانها تتغير اذا مشت السيارة حتى لو وزنتها تخلف الوزنه
ولها تأثير في ارتفاع السيارة من الامام ولها دور كبير في ثبات السيارة وانت مسرع
اذا كانت جلد المقصات جيده تكون السيارة مرتفعه الارتفاع الصحيح واذا انتهت تزل السيارة بحدود 2 سم او اكثر وتلاحظ الكفرات الامامية متباعده من الاعلى او الاسفل

ارتفاع السياره او انخافظها لما تقارن بين سيارتين له عدة اسباب اذا ماكان فيه اي خلل بأي سياره ومو شرط كل السيارات ارتفاع واحد الأشياء الاساية اللي تعلب دور في ذلك
وانت لما قست ارتفاع السيارتين ما اخذتها في الاعتبار
1- ضغط هواء الكفرات
2- طبيعة الارض
3- قد تكون كفرات احدى السيارات مستهلكه
4- جلد المقصات
5- جلد البودي
6- اليايات
هاذي اهم الاشياء اللي تغير وزنه السيارة وتخليها تفرق عن مثيلاتها

[bhhk]

مشكور أخوي أبو راكان على هذه المعلومات القيمة
وانا اخذت القياس من سيارة خويي وسيارتي المديل والكفرات متقاربة وسيارتي ارفع 2سم
وعامل الميزان اللي وديتها له صاحب خبرة من يوم قلتله فيها ارتفاع قال هذه السيارة يجي ارتفاعها 91سم من قبل لايقيس ثم أحضر المتر وقاس وطلع الارتفاع 93سم
قاس من كفر قدام يمين ويسار نفس الشي من الأرض إلى طرف الرفرف فوق الكفر