مشكلة مكيف الفتك [الأرشيف]

المنطلدز

30/05/2013, 10:18 PM

السلام عليكم

مشكلتي مع المكيف اللي دججن

عيرت الكمبرسر لمستعمل وطلع خربان وتهاوشت مع راعيه وديته لواحد ووظبه وزان

الكلام اللي فوق قبل 4 اشهر يمكن

والمشكله الحين ان المكيف اذا شغلته بالليل ممتاز وبارد ولاعندك بأحسن منه

لكن البلا اذا شغلته الظهر اوالعصر يغدي تقل مكيف صحراوي من شينه

وش المشكلة او الحل الله لايهينكمم ..

Abu Mnsor

31/05/2013, 01:32 AM

اعاني نفس المشكله
ياليت احد يتكرم ويفيدنا

حطاب الشمال

31/05/2013, 01:50 AM

فتك08

31/05/2013, 06:29 AM

الفريون صيني غيررررررره حتى لو قالك فل لان اللي في الاسطوانه نصه هواء واذا جابلك الساعه وركبها قال صديق هذا فريون ميه ميه ونصيحه في الفريون خاصه لاتعبي الا من عند واحد تعرفه او معروف يخاف الله لان الفريون صار 80٪ صيني وفيه صيني درجه اولا بس وين اللي يعرفه ولاتنساني من الدعاء اخر الليل

أنا أعاني من نفس مشكلتك صراحة...

و سألت أحد الإخوان خارج المنتدى و قال لي نفس كلام أخوي حطاب...

قال إنه معامل واحد برا الرياض و يقول له إن الفريون اللب بالسوق أغلبه مقلد

صيني و شي مختوم عليه أمريكي و هو في الأساس صيني....

لذلك نصيحتي لك مثل أخوي حطاب...رح لواحد معروف و توصى عليه بمنطقتك...

المنطلدز

31/05/2013, 12:49 PM

الفريون اصلي امريكي وانا معبيه عند واحد مضمون

وش المشكلة تهقون

فتك08

31/05/2013, 01:43 PM

تأكد لايكون عندك تنسيم فريون...

و فيه بلف للمكيف لكن ماعرف بالضبط فائدته و أعراض خرابه...يمكن الإخوان اللي يعرفونه

يفيدونك عنه و موقعه حسب كلامهم مقابل مرتبة الراكب في الكبوت تقريبا...و فيه بلف اخر

للمكيف الخلفي تحت مقعد الراكب...

قرم العيال

31/05/2013, 04:40 PM

الفريون صيني 100 بالميه

المنطلدز

31/05/2013, 06:57 PM

عدنا لكم مع اول الخساير

رحت ونضفت االثلاجهه وطلع وصخ واجد لكن للأسف لم تتغير برودة المكيف

ويقولي تعال بكرا نفك الثلاجه ونشيك على البلف

وش رايكم انتم شيرو علي قبل ماينهبونن

المنطلدز

31/05/2013, 10:43 PM

هلو اني بدي هير

SGL

31/05/2013, 11:49 PM

هلو اني بدي هير

هههههههه
أخوي أنا أذكر البلف إذاقفل المكيف مايبرد لاصبح ولا فجر ولا بعد المغرب خرابك ماهو البلف أنا كنت أبي أقولك الكربرسر تعبان بس إنت قلتلي أنه وهو واقف وماشي كله حار هذا الي خلاني أتراجع مثل ماقلتك شوف مراوح المكيف هل شغاله بشكل المطلوب هل رديتر المكيف تمام أو فك الكربرسر وخلهم يفحصون ظغطه وذا كان موترك صالون شغل المكيفين وشوفه يبرد يوم تشغله الظهر فك الكبوت ومسك الماصورة الي يجي منها الهوا البارد شوفها بارده وشوف الكربرسر شغال ولا فاصل هذا الظهر طبعآ

المنطلدز

01/06/2013, 12:14 AM

نبي نجرب كل اللي قلته

ماقصرت

ابوسند9

01/06/2013, 02:41 AM

وعليكم السلام
ما ازيد على كلام الشباب
لكن انت جرب شغل المكيفين جميع
اذا الامامي تبريده مو كويس والخلفي كويس فا عندك بلف المكيف الامامي بصدر المكينه
وبرضو جرب الظهر افتح الكبوت وشوف بصدر المكينه جهه البطاريه ما سوره المكيف اللي فيها البلف تحصل ما صوره فيها صامولتين بين الصامولتين هنا البلف وتحصل مرسوم عليها سهم ..اطرقها طرق قوي ممكن البلف يقفل الظهر
الشي الاخر تاكد من المرواح وبرضو تاكد لايكون اديتر المكيف من برا مسكر من الاوساخ
اخير اذا انت بالقصيم بريده انصحك تمر على ورشة الحسون ببريده بصناعية الرواف
اخير للعلم مكيف الفتك لازم تشغل المكيفين سوء من شان يبرد ولا تستعجل وتفك شي

المنطلدز

01/06/2013, 11:32 AM

ماقصرتو
لمست الماصورة مثلجه ماشاء الله لاكن المكيف مهب بارد

المنطلدز

01/06/2013, 11:47 AM

عدنا

رحت لم الصناعيه وقالي نبي ننضف المكيف اللي قدام واللي ورا ونغير بلف اللي قدام ونزين تنضيف للرديتر والثلاجه والدبه وقعد يطاطي على راسي يقول مضمون ان شاء الله يطلع بارد وممتاز

قلت له بكم
قال شغل ايدي بـ 600 والبلف اتوقع بـ 200 يعني كلهن حول الـ 800

وش رايكم يستاهل المبلغ ذا ولا لا لأنه يبيله قرض

بأنتضاركممم

ms662

01/06/2013, 12:49 PM

الفتك في النهار تبريده ماينفع ابد
مايبرد في النهار الا على خط لانه يبي هواا يبرد مبرده والمراوح الي في الشبك ماتوفي
فتوقفت عن الحلول الفنيه
ولقيت حل واحد بس الي هو اني صرت اةقف في ضلال في النهار فإذا شغلته يعطي تبريد حليو لكن ان طحت في زحمه رجع صحراوي
بالتوفيق

مدهوش

01/06/2013, 01:16 PM

وين مكانك يا راعي الموضوع ؟ وهل لك مراويح للقصيم ؟

اذا الجواب نعم فحل موضوعك عندي بإذن الله و بدلك على (هندي) ببريدة محترف تكييف وخصوصآ (مكيف الفتك) ومالي مصلحه اسوق له لكن اشهد بالله انه علاج لمشاكل مكيف الفتك ،، تم تجربته أكثر من مرة واثبت نفسه وبجدارة والزين يستاهل سواء هندي او غيرة .

اولآ ما يميزة ان محلة بوسط التشليح يعني ما يحتاج يشغلك جب لي وجب لي بتاتآ ، ثانيآ سريع بالعمل تخيل قبل امس الصبح بدري جبت له موتر فتك مجدد (ما فيه مكيف اساسآ - مافيه مواصير - مافيه كومبروسر - مافيه ثلاجة - مافيه قاعدة كمبروسور - مافيه بكرات السير - مافيه كرسي او قاعدة كمبروسور - مافيه تانكي او خزان الفريون اللي جمب الإديتر) يعني موتر مكينة وبدي فقط .
والساعه 11 الصباح بنفس اليوم مستلم الموتر ومكيفه روعه من فضل ربي . (اذكرو الله يا اخوان)

ملاحظه اي قطعه يحتاجها موترك يجيبها من التشليح (إستخدام ياباني) يعني اصلي بإذن الله وإستخدام معقول .

اذا صامل راسلني على الخاص

مدهوش

01/06/2013, 01:25 PM

إلحاقآ لكلامي قبل قليل
المثل يقول (ما يمدح السوق إلا من ربح فيه ) والمثل الآخر (كلآ يعد ما يواجه)

هذي وجهه نظري وهذا اللي واجهته ونصيحتي يمكن تناسبك وتناسبك البقية ويمكن لا تناسبك ولا يتفق معها احد .

والله من وراء القصد ...

a.w.T

03/06/2013, 09:02 AM

وش صآر عليك يالمنطلدز

اسدهم

03/06/2013, 09:07 AM

شيك ع زيت المكيف تحصله ناقص وهذا الي مايخليه يبرد يوم تعبي الفريون حط زيت او زاد ملا الفنجل تاكد من ازيت

المنطلدز

03/06/2013, 10:41 AM

شيكت عليه مزبوط لكن البراد مهنا براد الظهر تقل صحرواي

اخوي مدهوش ارسلت لك على الخاص بس مارديت علي

محمدالعريني

07/06/2013, 09:59 PM

شيكت عليه مزبوط لكن البراد مهنا براد الظهر تقل صحرواي

اخوي مدهوش ارسلت لك على الخاص بس مارديت علي

نفس المشكله فتكين كلها نفس المشكله

صديقهم

08/06/2013, 03:01 AM

نفس المشكلة بس من اشغل المكيف الخلفي يبرد الي قدام هذا الكلام النهار اما في الليل وش زينه بارد

الواهج

08/06/2013, 06:34 AM

الجو حار والموتر كبير

شغل الي قدم والخلفي يبرد

انا من 3 سنين وهذي طريقتي

sgl2002

08/06/2013, 09:45 AM

والله انا عندي العكس

اذا شغلت الخلفي وانا واقف يقل تبريد الامامي

واذا طفيت اللي ورا يبرد الامامي

محمدالعريني

08/06/2013, 07:33 PM

نبي حل ياخوان
ورشه صاحيه

فتك08

08/06/2013, 08:12 PM

عندك عدة إحتمالات و أمور...

*الفلتر الأمامي المعدن الأبيض على شكل بخاخ معطر جو جنب البطارية هذا يتغير

و له يعمر بالسنوات قد يكون في حدود3-5 و المقياس ظروف و مدة الإستخدام

طبعا مايتغير إلا بتفريغ الفريون كامل...

*ماصورة البارد داخل الكبوت تأكد إنها معزولة بالعازل الإسفنجي و يالله السلامة

خصوصا مع هالحر و هالكبوت الضيق...

*تأكد من الأديتر و أديتر الفريون إنهن سليمات و نظيفات من العوالق كالأتربة

و الطين و الحشرات و الحل بسيط تغسلهن بدينمو الماء عند باب البيت بس بشرط

يكون الموتر بارد و بعد وقوف أكثر من 6ساعات و ياحبذا تتجنب التشغيل مباشرة

بعد الغسيل...

*حرارة الموتر لابد تكون طبيعية إذا كان تماتيك فهي تحت الخط الثاني مع المشي

و مع الوقوف و الزحمات كزحمات الرياض تتعدى الخط الثاني بشيء بسيط...

إذا كانت الحرارة غير طبيعية و مرتفعة فمن الطبيعي إن المكيف مايبرد أو يقل

تبريده...و شي طبيعي اذا الموتر سليم من الحرارة إنه يقل تبريده أثناء الوقوف

الطويل بالزحمات...

*الفريون تأكد إنه أصلي و يميزونه أغلبهم بواسطة الشم و يكون ضغطه40

و أنت مشغل المكيفين و الثلاجة...

*زيت الكمبروسور لابد يكون في النطاق الصحيح بدون زيادة أو نقص...

*تأكد من نظافة الثلاجة من الأتربة و أوراق الشجر و بإمكانك تغسلها بالبيت

لكن لابد تفك منظم المكيف حتى لايتلف عليك بسبب الماء...

*تأكد من سلامة بلف المكيف الأمامي و الخلفي...

هذا مايحضرني...لعل و عسى أن يفيدوك الإخوان بما لديهم...

المنطلدز

21/08/2013, 11:38 AM

بديت اشك انه منحوت مكيفي

صلحته ب 800 واليوم خرب طلع تنسيم بالابره وصلحته 300 ويوم نمت وقمت ولاه خربان بلف الثلاجه الخلفي ويبيله تصليح ب 470

شكل الخطه بنزين وابولع بالموتر