حرارة الباترول جننتني الي عنده معرفه او خبره لايبخل علينا

[الليل السرمدي]

[/CEN
باترول 97 كبليتر تعرضته حراره قالوا م فك البلف الحراره فكيته ولازالت الحراره موجوده قالو الراديتر تعبان قلت اغيره وطقيت له راديتر المنيوم جديد صيني وهو نوع جيد ومجرب المهم ماراحت الحراره الحراره ترتفع للنص وتنزل بشكل مفاجي سواء عند وقوف الموتر او الممشى !! والله حيرني

[sgl2002]

والله شكلها اعراض الطرمبة


افتح غطاء رديتر السياره وهي بارده ، وادعس بنزين واذا شفت الماء يتحرك وينزل تحت فمعناه الطرمبة تشتغل


او تماتيك المروحه خربان وتعرفه بحنة الموتر اذا كان يحن وتسمع صوت المروحه قوي واذا حركة المروحة بيدك والسياره حاره وحصلتها خفيفه فمعناه خربان

[الشنه]

تأكد من طرمبة المويه
وكذلك من دبة الكربون او الفحامه
فيه موضوع
عن طريقة تنظيفها

[sgl2002]

^^^

القديم مافيه دبة رصاص اللي هي البيئة
وعند انسدادها تلاحظ ضعف قوي في العزم

[الليل السرمدي]

ماقصرتم يااخوان لاكن طرمبة الماء طاقها له جديده اصليه وكاله قبل شهر ولافيها مشكله اما تماتيك المروحه ركبتها له امس اصليه وكاله ب300 ريال الله لايخسر الوكاد مافيه شي الا غيرته وكاله يخص الحراره وللحين علته فيه والله جنني وحيرني

[الحيسوني-]

يمكن غطاء الاديتر

[sgl2002]

طيب وانا اخوك لايكون حساس الحرارة اللي خربان وسعره ٥٠ ريال


اذا احتمى الموتر رح امسك الخرطوش اللي فوق اذا لقيته محجر ولقيت قربة الموية مليانه موية رديتر والمكيف يفصل ما يبرد فمعناه الحرارة فعلية

لكن اذا كل كلامي ماصار فمعناه الحرارة غلط ممكن من حساس الحرارة او سلك السالب اللي طالع من البطارية ومشدود بالبدي تلقاه محلول او طايح من مكانه

[SGL]

وشهو الي ب300كلتش المروحة قيمته من500وفوق 300هذا سعر المروحة الأصلي المروحة فقط الريش تأكد من الكلتش وتأكد إن موترك فيه حراره أحيان يكون العداد خربان أو الحساس مثل ماقالك أخويsgl2002بس سعره الأصلي 100/90ريال ماهو50بعدين الحساس خذه من شركة موزع لو بلاش لاتاخذه منه وشيك على الهوايه البلاستيك الي راكبه
حول المروحة لاتكون متكسره

[الليل السرمدي]

والله اما الحساس مادري عنه لكن بشوفه الوكاد الموتر ترتفع حرارته للنص وتنزل بسرعه للربع ودون الربع ثم ترتفع فجأه والمكيف

هواه بارد ولايتأثر ابد ابد وبشوف هالحساس عساه منه

[الليل السرمدي]

الموتر لحقته حراره بالشتاء كنت قانص وانكسر كوع الاديتر وانا اهملته ويوم رجعت الديره فضى ماء الاديتر ووصلت الحراره للنص ثم تفتف وطفى وعبيته ومشيت اتوقع البلا بالمكينه يوم لحقتها حراره

[SGL]

رد البلف أو ركبله بلف جديد أصلي والمراوح الي خلف الشبك وش وضعها شغاله مظبوط

[A6LAL]

على كلامك اتوقع ان الراس منشعر بسبب انقطاع الماء عنه و الله أعلم ...

[المميـز]

الموتر لحقته حراره بالشتاء كنت قانص وانكسر كوع الاديتر وانا اهملته ويوم رجعت الديره فضى ماء الاديتر ووصلت الحراره للنص ثم تفتف وطفى وعبيته ومشيت اتوقع البلا بالمكينه يوم لحقتها حراره


:

اجل شيك على الراس والله يعينك اكيد البلا منه دامك غيرت كل الاشيااء اللي ذكرتها



ينقل للخيمة المناسبة

:

[ابوتركي1010]

قصتك ذي صارت معي وارتفعت الحرارة لنص ولله الحمد وغيرت اديتر ورجعت الحرارة طبيعي وصارت مع واحد من الشباب مشى على الموتر من دون مروحه وارتفعت لنص ولا صار شي لراس المكينه ملاحظة لو راس المكينه عندك منشعر كان الحرارة ما تنزل ابد لاكن انت تقول ترتفع وتنزل هذا يدل ان المكينه ما فيها الا العافيه تأكد من حساس الحرارة او كلتش المروحة يمكن يكون تجاري

[N-Al-hebabi]

هلا أخوي بالنسبه لموضوع والله العالم ماعندك إﻻ حدا أمرين وإبدأ باﻷرخص الحساس تبع الحرارة والثاني عندك رأس المكينه فيه شعر عندك وإذا تبي تتأكد إنه الراس شغل سيارتك بدري والغطاء تبع الرديتر مفتوح وراح تشوف وتﻻحظ بعد عشر دقايق ﻻحظ يطلع فقاعات عند فتحة الرديتر هنا خلاص تأكد عند الرأس منشعر ويبي له مسح رأس بس تأكد من الحساس تبع الحرارة ق

[sgl2002]

لو الراس به مشكلة كان الحرارة عالية دايم والموتر يتفتف وتلقا اذا فتحطت غطاء الزيت حق المكينة تحصل زي الحليب او الزبده من اثر اختلاط الزيت والماء


بعدين الحرارة نص ما تسوي كذا وانا موتري اكثر من مره يوصل النص ولا يجيه شي

[مجالس الرجال]

هالأعراض مرت علي بسيارة صني وبالنهاية مسحت الراس وطقم وجيه وضبطت

[الليل السرمدي]

الله يبيض وجهيكم ويحرمها عن النار ماقصرتم الموتر بشيك على الحساس وعسى انه منه وان شاء الله ارد لكم خبر بهالموضوع عشان الي يقراه يستفيد ويتجنب كل الخساير الي انا تخسرتها

[SGL]

أخوي لاتنسى الديلكو تراه يرفع الحرارة والبلوف لازم تكون موزونه ﻷن لها دور في الحرارة والحساس خذ الي يجي الراس حقه من عند فيش الكهرب الي لونه اسود الي يجي لونه ازرق لاتاخذه

[السليطين]

شف سلك السالب ..

احيانا يكون منه ويبدا يغشك الامبير ..

ركب لك سلك متين ووصله بالبودي حق الغمارة وسلك ثاني بالمكينه .. طبعا من السالب

وان شاء الله امورك طيبه

[مركز حراره]

شف سلك السالب ..

احيانا يكون منه ويبدا يغشك الامبير ..

ركب لك سلك متين ووصله بالبودي حق الغمارة وسلك ثاني بالمكينه .. طبعا من السالب

وان شاء الله امورك طيبه
هذا الي ابي اقوله وممكن الراس متاثر من الحراره والله اعلم انه منه

[سوبر VTC]

الاخوان ماقصروا
شف ردي هنا بخصوص الغطا

http://www.mekshat.com/vb/showthread.php?t=578444