الفزعه يالنشامى ( ولعت لمبة الـABS وطلع معاها صوت طنين مستمر )

[بن عويف]

بسم الله الرحمن الرحيم


تحيه طيبه لكم يا حبايبنا في الخيمه الغاليه والتي إن لم نشارك فيها فنحن نتابعها


ونستفيد من مواضيعها بشكل مباشر او غير مباشر

فلا نملك إلا أن نقول سددكم الله ووفقكم وجعل جهدكم هذا مخلوفاً عنده سبحانه


حبايبي

السيارة جيب لاندكروزر جكسار 2003 تماتيك

طلعت مقناص وولعت في الصمان لمبة الـ(ABS)
وأصدرت صوت طنين مستمر وليس متقطع

وولعت معاها لمبة ( البريك ) الجلنط

وصارت الفرامل ما تمسك
وإذا علقت على الفرامل يشتغل جهازها ويدف رجلك
( اعز الله القراء الكرام )

فحصتها كمبيوتر عند مركز البلاد
قالوا
حساس خلفي يسار+ جهاز الـ(ABS) كله يبي تغيير
قلت لهم يمكن من الحساس الخلفي قالوا ماله علاقة

ووجهوني للطائر للهدروليك
وقال ما نصلحه حنا نحوله لك باكم عايدي ب1200 ريال
والقطع من عندهم
وتاخذ سيارتك جاهزه بعد أربع ساعات تقريباً


قلت بصلحه قالوا رح للعضيب حق اللاندكروزر
رحت له قال
لازم يتغير
وقيمته من 6 آلاف إلى سبعة وخمس مع شغل اليد
علماّ بأن القطع هي قطع العضيب وليست الوكالة وذكر المهندس انهم يأخذونها من الوكالة جملة لذلك سعرها أرخص من الوكالة


حبيت احطكم في الصوره من جميع النواحي

وأفيدونا بكل ما تقدرون وفقكم الله
وقد يكون هذا الموضوع وحله يستفيد من الكثيرين في المستقبل

فلا تحرمونا من خبراتكم ومعلوماتكم
وفقكم الله

[sgl2002]

هذي المشكلة معروفة باللاندكروزر والABS اذا خرب يا تغيره ب٧٠٠٠ او اقلبه باكم عادي

[مخايل البراق]

اخوي بن عويف
المشكلة بتكون 90% من ديلمو صغير تحت علبة الهيدروليك اللي جنب علبة زيت الفرامل كأنها دقمة سلف
شغل السيارة وطق الديلمو بمفك وبتشتغل

[ashg90]

نفس المشكلة الي عندي .
واذا ضربت الدينمو يشتغل وبعد فترة يطفى وتولع لمبة الهاند ويصيح الجرس
قالو لي في تشاليح الكويت سعره الف
ولقيت واحد قالي اسويه لك بالف وثمان فاكم عادي فكرت الي في كويت نص عمر يمكن بكره يخرب
احسن لي ارهم لي فاكم عادي بدون abs جديد وافتك من الخرابات مستقبلاً

عيب الترهيم ان لمبة الهاند شغاله ماطفت وصوت الجرس مازال لان ماتجيه أي معلومات من abs الي اصلاً كنسلناه
درت على محلات الكمبيوترات قالو مستحيل يروح الصوت الا ترجع ال abs او تغير كمبيوتر السيارة وتركب كمبيوتر سيارة بدون abs وانا معي vxr 8 سلندر مايجي الا abs مو مثل الجي اكس ار كمبيوتر 6 سلندر يجي abs او بدون
وهاذي تجربتي اتمنى تستفيدون منها
والي عنده حل للجرس ولمبة الهاند غير فك الطبلون وقطع اسلاك يفيدنا

[sunmoon2002]

افصل البطارية لمدة ساعة ويمكن يظبط جربتها في بيوك بعد سؤال مهندس وظبطت

[ashg90]

اخوي sunmoon2002 (http://www.mekshat.com/vb/member.php?u=17145)



المشكلة من دينمو ال abs انتهت صلاحيتة
يبيلة فحمات بس و عندنا ميباع الا كامل وقيمته اكثر من 5000
لقيت الدينمو على موقع في النت بحدود الالف بس ماعندي خبره في الطلب من النت .

[ابوراكان تبوك]

شوف الموضوع هذا يمكن يفيدك

مشكلتي مع الفرامل في نظام abs لجيب تايوتا gxr -vxr (http://www.mekshat.com/vb/showthread.php?t=416865)

[ashg90]

يعطيك العافية ابوراكان
مشكلة الاخ كاشخ 2009 تهريب زيت
المشكلة الي عندي وعند الاخ بن عويف
الدينمو الي يضغط زيت البريك مايشتغل الا بضرب اضربه ويشتغل فتره ويرجع يطفى شيكت على الفيوزات والكتاوتات كلها شغاله والكهرب واصل للدينمو
معلومة ( اذا طفى الدينمو يقل ضغط زيت البريك وتولع لمبة الهاند بريك ويصيح جرس من الطبلون ولايمسك البريك )
انا غيرته الي فاكم عادي بدون abs وكنسلت الـ abs وصار البريك يمسك تمام بس عندي مشكلة لمبة الهاند بريك وصوت الجرس شغالين على طول
مريت على محلات الكمبيوترات كلهم مايعرفون يلغون الabs من البرمجه
شريت جهاز برمجه وفعلاً حاولت الغيه بس مافية امكانية انه ينلغي يمكن فيه جهاز اوبرنامج غير الي عندي يلغي هالمشكلة
ياليت الي جربو يفيدونا

[ابوراكان تبوك]

الله يعافيك

طيب فك الكتاوت حق ال abs ان شاء الله يضبط تلقاه في مجموعة الفيوزات اللي خلف البطارية مكتوب عليه abs

[الشف]

ياخوي هذي صارت معي في لكزس 98 وصلحت الدينمو يجي تحت الاسطوانه الصفرء ب3000 ريال وما أنصحك تحول باكم عايدي لان يكثر خراب الفرامل

[ashg90]

كلامك صح اخوي الشف .
انا ركبت الفاكم لان عندي مشكلة في الحساسات وتصليحها شغله
وسمعت ان نظام ال abs ينباع كامل ولا له قطع توقعة انه يجي مختوم ماله براغي بس بعد ماركبت الفاكم العادي طلع الدينمو له براغي يعني ممكن انة يتوظب ويتغير له فحمات ويرجع جديد .
انا باخذ الي عندي لكهربائي وبشوف اذا يقدر يوظب الدينمو